top of page
Aashraya Ke Pad
To get full expanded Kritan text click on any column of the kirtan row in below table.
Kirtan Title | Page | Kirtan | Raag |
|---|---|---|---|
Aaj maaee vaneri laalan govardhandhar .... rattan jatit chhaaje parr | NityaPad-112 | आज माई वनेरी लालन गोवरधनधर ॥॥ रतन जटित छाजे पर
बैठे बुंदारण्य पुरंदर ॥१॥ ग्रथित कुसुम अलकाबलि अतिछबि ध्वनित मधुप
अबतंसन पर ॥ लटकलटक जात श्रीदामा अंकमध्य हस मिलवत करसो
कर ॥२॥ मणिकौस्तुभ हृदयपदक विराजत कंठबनी गजमोतिनकी लर॥।
गोविंदप्रभुजो सकल ब्रजमोह्यो अंग अंग ललन सुंदरवन ॥। ३।। | Kanharo |
Arrie maaee pragathati haye anandkand lalijukau sohilau ..dhri... | Part1-183 | अरी माई प्रगठटी है आनंदकंद ललीजूकौ सोहिलौ ॥धृ.॥
धन्य कूखि कीरतिदे रानी कीनौ कुल परकास | कौतिक अवधि कु्मारे यह जाई
सुफल कियौ ब्रजवास ॥१॥ जग उद्योत मुदित मुख सुंदरि है शोभाकी धाम।
देखी सुनी न ऐसी कन्या अंगअंग अति अभिराम ॥२॥ आज उदय वृषभान
भवनकी निजसुख देखों नैंन । सब सुकृतकी संपत पाई कहत बनें नहिं बेंन॥३॥
होत कुलाहल गावत मंगल घोष बधायो आयो। पुन्य पुंज वृषभान नृपतिको देखी
मनको भायी ॥४॥ मुक्तन चौक माल मणिवंदन गली सुगंध संभारी । रावल
रमत रमासी रानी जन्मीहै सुकुमारी ॥५॥ रतन कलश बहु भांति पताका मारग
छाये फूल | मानिक खबचित पदिक द्वारनमें सब रतननके मूल ॥६॥
महामहोच्छव गोपराय घर दूध दहीकौ कांदौ कुंकुम चोवा चंदन छिरकत झरलायौ
भरि भादों ॥७॥ गोरस मॉट ढुराये आंगन नाचत मगन भये । बल्लभराजके
हित चिरजीयौ उपजत मोद नये ॥८॥ घृत मधु माखन गली गिरारेन अजर
मुदित ब्रजवाला । नरनारी हँसि परत परस्पर मानौ मत्त मराला ॥९॥ गोपी
ग्वाल मिले मद निर्तत लटकत रंगभरे | भूषण बसन गिरत नहीं जानत कवरिन
कुसुम झरे ॥१०॥ गदृगद सब तन पुलकि हरखि भरी झूमत ग्रीवा बाँह ।
अति आवेश सुदेश सोहियत उपज्यौ प्रेम प्रवाह ॥११॥ तबहीं हरखि रावल
रानीजू हाटक हीर मंगाये । चीर अमोल विविध रंग रंगनी वधू वधू
पहिराये ॥१ २॥ तब मागध बंदीजन वसुधा जाचक धनिक करे | भवन भंडार
खोलि सोंज सब बकसत शकट भरे ॥१३॥ आयुस भयौ खरिक लक्ष द्वै को
ग्वाल हुँकार लये । महाराज राजनके राजा लेंहडे बिडरि दये ॥१४॥ पूरन
करी कामना सब विधि रसिक सरस आनंदे | कुंभनदास बास बरसानें गौर चरनरज
वंदे. ॥१५॥ | Jetashri |
Aage aage bhaajyo jaat bhagirath koo rath paachhen | Part2-337 | आगे आगे भाज्यो जात भगीरथ को रथ पाछें
पाछें आवत रंग भरी गंग॥ झलमलात अति उज्ज्वल जल ज्योति अब
निरखत मानों सीस भर मोतिन मंग ॥१ ॥ जहां परेहे भूष प कबके भस्म रूप
ठौर ठौर जाग उठे होत सलिल संग॥ 'नंददास' मानो अमिनिके यंत्र छूटे
ऐसे सुरपुर चले धरे दिव्य अंग ॥२ ॥ | Bilawal |
Champakali sou paag banaauun, piya key sees bandhaavan koo .. | NityaPad-263 | चंपकली सो पाग बनाऊं, पिय के सीस बंधावन को ॥
सेहेरो कुन्द कली को तापर दुल हिन ब्याह सधावनकों ॥१॥|
कमल पुष्प कों ललित टिपारो, मलल्लकाछ डहकावन को ॥
मुकुट चमेली की कलियन को'काछनी कटि महकावन को ॥२॥
कुलह वंधूक कुसुमन की सुरंग रंग शिशु गति तन छबि पावन को ॥
टोपी पीत सोनजाकी धरि लाल गोद खिलावन कों ॥३॥
चंपा के कुसुमन को फेंटा, अमेठ उमेठ बतावन को ।॥।
पीत दुमालोबसंत पंखुरिन भोजन भाव जतावन को ॥४॥
अष्ट सखी को भेख सखा धर सब विध हित चित दीनो ॥
बनविहार यों एक समे कर, सूर मनोरथ सबको कीनो ॥५॥ | Khamaj |
Sahero or pichhora... | NityaPad-254 | सहेरो ओर पिछोरा।॥
बना सिर सहेरो बन्यो अतिनीको।॥
पीत पिछोरा उर चंदनकी खोर दुल्हेजान ललीको ॥१॥
मंगलजस गावत युवतिजन आरती करत मनहीको ॥
परमानंद यशोदामैया देत बधैयवा सबहीको ॥।२॥
| Saarang |
Egarjat dhaay dhaay rasbundan jharson pitchkine | Part3-281 | एगरजत धाय धाय रसबूंदन झरसों पिचकाइन
छूटे सनन सनन ॥ डफ मृदंग वाजे अतिही सरससुर विविध भांत ताने
तनन तनन ॥९१॥ अबीर गुलाल उडाय बहुत रंग तक आजें कमल अंजन
दोऊ नयन | वल्लभ पिय संग खेलत डोलत ब्रजकी नारी दामिनिसी चमकत
पगनूपुर घन झनन झनन ॥२॥ | Goud Malhaar |
Kaajar binn kaaree teree ankhiyaan phulel binn chikur chikane | NityaPad-117 | काजर बिन कारी तेरी अंखियां फुलेल बिन चिकुर चिकने
अधर राते बिन पान ॥ मंजन बिन जो त दसन आछे आभूषण बिन केसी नीकी
लागे तू सुजान ॥ १॥ बिन सुगन्ध तो तन सुगन््धमय कोककला पढे बिन रति की
खान॥। प्रभु कल्याण गिरिधरन लाल के तूही जीवन प्राण ॥॥२॥ | Nayakee |
Jorat chhaak premses maiya .. | NityaPad-201 | जोरत छाक प्रेमसों मैया ॥
ग्वालन बोल लिये अध जेंबत उठ दौरे दोऊ भैया ॥१॥
तबहीतें नहिं भोजन कीयो चाहत दियो पठाय॥
भूखे गये आज दोऊ भैया आपही बोल मँगाय॥२॥
सदमाखन साज्यो दध्चिमीठो मधुमेवा पकवान ॥
सूरस्थामको छाक पठावत कहत ग्वालिन सोजान ॥३॥ | Saarang |
Khelati jugal kisor kisori .. chova chandan | Part3-063 | खेलति जुगल किसोर किसोरी ॥ चोवा चंदन
अगर कुँमकुमा अबीर गुलाल लिये भरि झोरी ॥|१॥ ताल मग्रदंग झांझि
ढफ बाजति मुरलीकी थोरी ॥ राण बसंत दोहं मिलि गाबत यह सांवल
यह गौरी ॥ रिझवत मोहन रैँग परसपर सब निरखति मुख मोरी ॥ दास
“गोविंद” कलिंद सुता तट बिहरति अद्भुत जोरी ॥३॥ | Basant |
Seva madangopalki muktihoote meethi.. | NityaPad-358 | सेवा मदनगोपालकी मुक्तीहूते मीठी॥
जाने रसिक उपासक जिन शुकमुखहंते दीठी ॥ १॥
चरणकमलरज मनबसी सबधरम बहाई॥
श्रवण कथन चिंतनबढ्यो पावन यशगाई ॥।२॥
वेदपुराणनि रूपके रस लियो निचोई।॥
पानकरत आनंद भयो डारयो सब धोई ॥। ३॥
परमानंद विचारके परमारथ साध्यो॥
रामकृष्ण पद प्रेमसो लालच रस बाध्यो ॥।४॥ | Gori |
Raniju gaavati prem bharee .. baithi shobhit bhawan bhirason | Part1-011 | रानीजू गावति प्रेम भरी ॥ बैठी शोभित भवन भीरसों
प्रफुलित होत खरी ॥१॥ अति आनंद कहत फिरि फिरि मुख विधि ऐसी जो
करी ॥ बरसगांठिके उदित उछाहन और सब सुधि बिसरी ॥२॥ करि
नौछावरि लेत बलायन रानीकी सगरी ॥ श्री विद्वलगिरिधरन हमारी धीरज आई
धरी ॥३॥ | Devgandhar |
Aaj mohan chhabi adhik bunny jarkasi paag keshario | NityaPad-073 | आज मोहन छबि अधिक बनी जरकसी पाग केशरियो
बागो ओर राजत गिरधर के मन ी | ९॥| सूथनलाल सुनहरी सोभित ओर सोधेसों
भीजीतनी चत्रभुज गिरिधरनलाल छबि कापेजात गनी ॥२॥ | bilawal |
Page 1 of 1
bottom of page
