01

Priyasang rangbari kari kalole, sabanko sukhden, piyasadakkarat sen, chit me tub parat chain, jab hi bole, (repeat Priyasang). Atihi vikhiyaat, sab baat inke haat, naam lat krupakare atole, daraskari paraskari dhyaan hiya mein darey, sada brijnath in sadak dole. Atihi sukhkaran, dukh saban ke haran, ahee lino paran de jhakole aisi yamune jaan tum karo gungaan, rasik priyatam paye nag amole.

पिय संग रंग भरि करि कलोले, सबन कों सुख देन, पिय संग करत सेन; चित्त मे तब परत चेन, जबही बोले. अतिहि विख्यात, सब बात इनके हाथ, नाम लेत ही कृपा करी अतोले; दरस कर परस कर ध्यान हिय मे धरे, सदा व्रजनाथ इन संग डोले. अतिही सुख करन दुख सबन के हरन, यही लीनो परन, दे जु कोले; ऐसी श्री यामुने जान, तुम करो गुणगान, 'रसिक'प्रितम पाये, नग अमोले.

RasikPritam

02

Shyam sukhdham jahan naam inke, nishdhin pranpati aye hiya mein base, johi gaawhe sujus bhagya tinke. Yehi jag mein saar, kahat barambaar, saban ke aadhar dhan nirdhan ke let Shri Yamune naam, det abhay pad dhan, rasik pritam priya basju inke.

शयाम सुखधाम जहां नाम इनके, निशदिना प्राणपति, आय हिय मे बसे; जोई गावे सुजस भाग्य तीनके. यही जग मे सार कहत वारंवार, सबन के आधार, धन निर्धनन के; लेत श्री यमुने नाम, देत अभय पद दान, 'रसिक'प्रितम -पिया बस जु इनके..

RasikPritam

03

Kahat shrutisaar nirdhar karike, in bina kaun aisi kare he sakhi, harat dukh dundh sukhkand barkhe. Brahmasambandh jab hot ya jeev ko, tabhi inki buja baam farke, dorikari shorkar jaaye piyaso kahe, atihi anand manmeinju harke. Naam nirmol nag le koho na sake, bhakt rakhat hiya haar karike, Rasik Pritamjuki jot japar kripa, sohi ShriYamunaji ko rup parkhe.

कहत श्रुति सार निर्धार करके, इन बिना कौन, ऐसी करे हे सखी, हरत दुख द्वन्द सुखकन्द बरखे, ब्रह्मसम्बन्ध जब होत या जीव को तब ही इनकी भुजा वाम फरके; दोरकर सोर कर जाय पिय सो कहे अतिही आनंद मन मे जु हरखे. नाम निरमोल नग ले कोउ न सके भक्त राखत हिये हार करके; 'रसिक' प्रितम जु कि होत जा पर कृपा सोई श्री यमुनाजी को रुप परखे.

RasikPritam

04

Neinbar dekh aab banu tanya keli Piyaso kare bramar tabhi pare, shramjal bharat anand manya. Chalat tedi hoy let Piyako mohi, in bina rahat nahin ek chinya, Rasik Pritam raas karat ShriYamuna paas, mano nirdhan ki he ju dhanya.

नेन भर देख, अब भानु तनया, केलि पिय सो करे, भ्रमर तब हि परे ; श्रमजल भरत, आनंद मनया, चलत टेढी होय, लेत पिय को मोही, इन बिना रहत नही एक छीनया; 'रसिक'प्रितम रास, करत श्री यमुना पास, मानो निर्धनन कि हे जु धनया

RasikPritam

05

Shyamsang Shyam bahe Shri Yamune surat shram bindute sindusi bahachali, mano aatur ali rahi na bavne. Koti kaamhi varo, rup nein niharo, Lal Giridharan sang karat ramne, harki Govind Prabhu nirkhi inki aur, mano navdhulhanni aayi gavne.

स्याम संग स्याम , वे रही श्री यमुने, सूरत श्रम बिंदुते, सिन्धु सी बही चली; मानो आतुर अली ,रही न भवने, कोटि कामही वारो ,रुप नैनन निहारो लाल गिरिधरन, संग करत रमने, हरखि 'गोविंद'प्रभु निरखी इनकि ओर, मानो नव दुल्हनी आई गोने.

GovindPrabhu

06

Shri Yamunasi naahi koi aur dhata jo inkisharan jaat hain dorike, tahiko tihi chin kar sanatha. Yehi gun ghan raskhan rasna ek, sahastra rasna kiyon a dehi Vidhata, Govind Prabhu tan man dhan varne, sabhiko jivan inhike ju haata.

श्री यमुनासी नाही कोई और दाता, जो इनकी शरण जात है दोरके; ताहिको तिहि छिनु कर सनाथा. येहि गुणगान रसखान रसना एक, सहस्त्र रसना क्यों न दई विधाता; 'गोविंद'प्रभु तन, मन , धन वारने, सबहीको जीवन इनही के जु हाथा.

GovindPrabhu

07

Shri Yamuna jas jagat mein joi gaave, taake aadheen bahe rahat he Pranpati, nein auroben mein ras ju chave. Ved puran ki baat ye agam he premko bhedh koi na paveh, kahat Govind Shri Yamune ki ja par kripa, sohi Shri Vallabh kul sharan aave.

श्री यमुना जस जगत मे जोई गावे, ताके आधिन व्हे रहत है प्राणपति; नेन अरु बेनमे रस जु छावे. वेद पुराण ते बात यह अगम है, प्रेम को भेद कोउ न पावे; कहत 'गोविंद'श्री यमुने कि जा पर कृपा सोई श्रीवल्लभ कुल शरण आवे.

GovindPrabhu

08

Charanpankaj renu Shri Yamune ju deni kalyug jeev udharan karan, katat paap ab dhar peni. Pranpati pransut aaye bhaktan heet, sakalsukhki tum ho ju shreni, Govind Prabhu bina rahat nahin ek chinu, atihi aatur chanchal ju nayni.

चरण पंकज रेणु श्री यमुने जु देनी, कलियुग जीव उधारन कारन; काटत पाप अब धार पेनी. प्राणपति प्राण-सुत, आये भक्तन हित, सकल सुख कि तुम हो जु श्रेनी; 'गोविंद'प्रभु बिना रहत नही एक छिनु, अति ही आतुर चंचल जु नैनी.

GovindPrabhu

09

Dhayke jaaye jo ShriYamuna teere taaki mahima ab kahanlag varniye, jaaye parsat adak prem neere. Nish dina keli karat Manmohan Piyasadak bhaktanki hain ju bhire, Chitswami Giridharan ShriVithal, in bina nek nahin dharat dhire.

धाय के जाय जो श्री यमुना तीरे, ताकि महिमा अब कहां लग बरनिये; जाय परसत अंग प्रेम-नीरे. निशदिना केली करत मनमोहन, पिया संग भक्तन कि हे जु भीरे; 'छितस्वामी'गिरिधरन श्री विट्ठल, इन बिना नेक नही धरत धीरे.

Chitswami

10

Ja mukhte ShriYamuna yeh naame aawhe taapar kripa karat Shri Vallabh Prabhu, sohi ShriYamunaji ko bhedh pawhe. Tan man dhan sab Lal Giridharan ko, deke charan chit lawhe, Chitswami Giridharan Shri Vithal, nein prakat lila Dhikhave.

जा मुखते श्री यमुने यह नाम आवे, ता पर कृपा करे श्री वल्लभ प्रभु; सोई श्री यमुनाजी को भेद पावे. तन, मन, धन सब लाल गिरिधरनको देके चरण जब चित्त लावे; 'छितस्वामी'गिरिधरन श्री विट्ठल नैनन प्रगट लीला दिखावे.

Chitswami

11

Dhanya ShriYamune nidhi dhenhaari, karat gunghaan agyaan adh dur kari, jaye milvat Priya Pranpyari, Jin koi sandeh karo baat chit mein dharo, Pushtipat anusro sukh jo kaari, prem ke punj mein raasras kunj mein, taahi rakhat rasradakh bhaari. ShriYamune auro Pranpati pran auro pransut, chahunjan jeev par daya vichari, Chitswami Giridharan Shri Vithal, preetke liye aab sadak dhari.

धन्य श्री यमुने निधि देनहारी करत गुणगान, अग्यान -अघ दूर करी; जाय मिलवत पिय प्राण प्यारी. जिन कोउ संदेह करो बात चित्तमे धरो पुष्टि पथ अनुसरो सुख जु कारी; प्रेम के पुंज मे रास रस कुंजमे ताही राखत रस रंग भारी. श्री यमुने अरु प्राणपति, प्राण अरु प्राण सुत, चहु जन जीव पर दया विचारी. 'छितस्वामी'गिरिधरन श्री विट्ठल, प्रीत के लिये अब संग धारी.

Chitswami

12

Gun apaar mukh ek kahanlo kahiye tajo sadhan bhajo naam ShriYamunaji ko LalGiridharanvar tabhi peye. Param Puneet pritike riti saab janike dhran kar charan kamal ju grahiye, Chitswami Giridharan Shri Vithal, aisi nidhi chaad ab kahan ju jaaye.

गुण अपार मुख एक, कहालों कहिये, तजो साधन भजो श्री यमुनाजीको; लाल गिरिधरनवर तबही पैये. परम पुनित प्रीतकि रीत सब जानके, द्रढ करी चरण कमल जु ग्रहीये; 'छितस्वामी'गिरिधरन श्री विट्ठल, ऐसी निधि छान्ड अब कहां जु जैये.

Chitswami