top of page
Aashraya Ke Pad
To get full expanded Kritan text click on any column of the kirtan row in below table.
Kirtan Title | Page | Kirtan | Raag |
|---|---|---|---|
Chandrama natwari maanon saanjhasmein banate vraj aavat nritya karann .. | NityaPad-106 | चंद्रमा नटवारी मानों सांझसमें बनते व्रज आवत नृत्य करण ॥
उड्डगण मानों पहोप अंजुली अंबर अरुण वरण॥ १॥ नंदीमुख सनमुख व्हे वामदेव
मनावेन विध्नहरण ॥ नंददास प्रभु गोपिनके हित बंसी धरी गिरिधरण ॥२॥। | Gori |
Nenn uneede bhaye rung raate.. maano houn surang suman parr | Part2-354 | नेंन उनीदे भए रंग राते॥ मानो हों सुरंग सुमन पर
सजनी भौँमर भ्रमत मदमाते ॥९ ॥ प्रेम पराग पांखुरी फल दल प्रफुलित
मदन लता तें॥ सुभग सुवास बिसाल बिलोकन प्रकट प्रीति कर
ताते ॥२ ॥ तैसे ई मंद मारुत गज भाँवर मुदित खुलत छबि यातें॥ सिंचे
'सूर स्थाम' रस नागर हीत कर केलि कला तें ॥३ ॥ | Suha |
Chiraiya chuhchahanni suna chaktaiki baani kahat yashoda raani jaago merey laalaa. | NityaPad-019 | चिरैया चुहचहांनी सुन चक्तईकी बानी कहत यशोदा रानी जागो मेरे लाला।
रविकी क्रिरण जानी कुमुदिनी सकुचानी कमलन विकसानी दशिमथेंबाला ॥१॥
सुबल श्रीदामा त ोक उज्ज्वल बसन पहहरखें द्वारेंठाडे टेरतहे बाल गोपाला ॥
नंददास बलहारी उठो क्यों न गिरिधारी सब कोऊ देख्यो चाहे लोचन विशाला ॥ २॥ | Bhairav |
Doll jhoolavat sub brij sundari jhoolat madan | Part3-375 | डोल झूलावत सब बृज सुंदरी झूलत मदन
गोपाल ॥ गावत फाग धमार हरख भर हलधर और सब ग्वाल ॥ १॥ फूल
कमल केतकी कुंजो गुंजन मधुप रसाल ॥ चंदन बंदन चोवा छिरकत उड़त
अबीर गुलाल ॥२॥ बाजत बीन विषाण बांसुरी डफ मृदंग और ताल ॥
नंददास प्रभु के संग विलसत पुण्य पुंज ब्रजवाल ॥ ३॥ | Devgandhar |
Tihaare charankarmalko mahaatm shivjane key gautamanari ..| | NityaPad-363 | तिहारे चरणकरमलको महात्म शिवजाने के गौतमनारी ॥|
जटाजूट मध्यपावनी गंगा अजहूं लियें फिरत त्रिपुरारी ॥ १॥।
के जानें शुकदेव महाम्ुनि के जाने सनकादिक चार ॥
के जाने विरोचनकोसुत सर्वस्वदे मेटी कुलगार ॥। २॥
के जाने नारदमुनिज्ञानी गुप्तफिरत त्रैलोक मंझार ॥
के जाने हरिजन परमानंद जिनके हृदय बसत भुजचार ॥।३॥
| Bihaag |
Vrindavan kunjanmein madhya khaskhaano rachyo seetal viar jhuk | NityaPad-245 | वृंदावन कुंजनमें मध्य खसखानो रच्यो सीतल वियार झुक
गोखन बहत है ॥ सुगंधी गुलाबी जल नाना बहुभांतिनके लै लाय धाय सखी
सब छिरकत हैं ॥१॥ धार धुरवा छूटत तहां नीके दादुर मोर पिक शुकजु फिरत
हैं॥ कृष्णदास फुहारे छूटे मानो मनमथ लूटें झुक झुक झुक धारे हौदन भरत हैं।। | Saarang |
Jaaraun gadh lunk aaj jaisen raavan bhaya maanein ... sitapati | Part1-299 | जारौं गढ़ लंक आज जैसें रावण भय मानें ॥। सीतापति
सेवक मोहि आयौ को जाने ॥१॥ एक एक रोम पर हने लक्ष बाना ॥ त्यों
त्यों कपि फेरत है रामचंद्र आना ॥२॥ एक भेंट उनकी लै उनही को दीजै।।
ज्यों ज्यों लंगूर उठे त्यों त्यों कपि धीजे ॥३॥ रामचन्द्र बिपद हरन कितहूँ
नहीं भूले ॥ सीता दुख परम कठिन ब्यापत उर शूले ॥॥४॥ इन सुखन कनक
भवन तजि निधि हारे ॥ ते अब मंदिर पवन पूत विषम ज्वाल जारे ॥५॥
बीच बीच धूम धार बिच बिच झंकारे ॥ बिच बिच देखिये सूरश्याम बरन
कारे ॥।६॥ | Maru |
Bansi banraj aaj aaee ranjeet .. mentatahai apane bal | Part1-295 | बंसी बनराज आज आई रणजीत ॥ मेंटतहै अपने बल
सबहिनकी रीतें ॥१॥ बिडरे गज यूथ शैल सैन तुरत भाजी ॥ घूँघट पट
कवच टूट छूट सब लाजी ॥२॥ काहू पतिगेह तजे काहू तन प्रान ॥ काहू
सुख सरन लयौ सुनत सुयश गान ॥३॥ कोऊ पद परस गये अपने मनदेश ॥
कोऊ रसरंग भरे ते भये नरेश ॥।४॥| देत सबन मारुत मिल दसहूँ दिश दुहाई ॥
सूरज गोपाललाल बंसी वश माई ॥॥५॥ | Kedaro |
Nandasuban sanga naachat vraj bhamini akhaaren ponchpiroja jhalkat | Part1-347 | नंदसुबन संग नाचत ब्रज भामिनि अखारें पॉँचपिरोजा झलकत
गंड मंडित भूमि ॥ जुगल रंध्र ऊठत अद्भुत गीतावली बिबिध तान फौंदा रहे
झूमि ॥१॥ राग तान ताल गति रिश्वत ग्रानपति तिरप बंधान रस लेत प्रान
पूमि ॥ क्ृष्णदास प्रभु गिरिधर पीयकों ऊगार पायौ तैं प्रेमानंद बंस कीयो
कामदूमि ॥२॥ | Kanharo |
Chugalvar... gaur shyam abhiram rangbhare latak latak pug dharat avanipar | 1... | NityaPad-255 | चुगलवर।॥ गौर श्याम अभिराम रंगभरे लटक लटक पग धरत अवनीपर | १॥।
कुच कुमकुम रंजित माला बनी सुरतनाथ श्रीश्याम रसिकवर॥।
पिया प्रेमकेअंक अलंकृत चित्रित चतुर शिरोमणि निजकर।॥। २ ॥
दंपति अति अनुराग मुदित कलगान करत मन हरत परस्पर ॥
हितहरिवंश प्रशंस परायन गावत अलि सुरदेत मधुरतर॥३॥ | Lalit |
Danghati chhaakaai gokulate kaavar | NityaPad-202 | दानघाटी छाकआई गोकुलते कावर
भर रावलकी रावरेने राखी सबधेर ॥ जानतो जबही देहों नंदजूकी आनखेहों
भोजनकी रहीकछु चाखो एकवेर ॥|१९॥ अतिप्रवीन जान राय कनकबेला
करमेंलिये वाटतमेवा मन प्रसन्न हेर चहुँफेर ॥ सकलपाक परमानंद आरोगत
परमानंद परमानंद टोक करत सुबल टेरटेर ॥२॥ | Saarang |
Tihaare poojiye piya paay .. | NityaPad-148 | तिहारे पूजिये पिय पाय ॥
केसीकेसी उपजत तुमपें कहत बनाय बनाय | १॥
आतुरभये नीलपट ओढें वसन पीत पलटाय ॥
रूचिर कपोल पीक कहां पागे अरु यश्ञ॒पत्र लिखाय ॥२॥
गिरिध रलाल जहां निस जागे तन सुख जियकी जाय ॥
कुमनदासप्रभु जांनि ये बतिया अब तुम कोन पत्याय ॥ ३॥। | Bilawal |
Page 1 of 1
bottom of page
