top of page

Aashraya Ke Pad

To get full expanded Kritan text click on any column of the kirtan row in below table.

Kirtan Title
Page
Kirtan
Raag
Binn jaanen hari jaahi badhaai .. vaha mill bachan madhur kahat
Part1-286
बिन जानें हरि जाहि बढ़ाई ॥ वह मिल बचन मधुर कहत हैं सुनत हि दई बड़ाई ॥१॥ रिश्े लियोौ हरिकौं टौंनाकर तुरतहिं बिलेंब न लाई ॥ उन लैकर अधरन पर धारी अनुपम राग बजाई ॥२॥ मानों एकहि संग रहे तें ऐसे मिले कन्हाई ॥ सूरश्याम हम सबन बिसारी जबहीतें वह आई ॥३॥
Aasawari
Shrilakshman grih bajat badhaai.. pooran brahm prakate
Part2-299
श्रीलक्ष्मण गृह बजत बधाई॥ पूरण ब्रह्म प्रकटे पुरुषोत्तम श्रीवल्लभ सुखदाई ॥१॥ नाचत वृद्ध तरुण ओर बालक उर आनंद न समाई॥ जय जय यज्ञ बंदीजन बोलत विप्रन वेद पढाई ॥२॥ हरददूब अक्षत दधि कुंकुम आंगन कीच मचाई ॥ वबंदनमाला मालिन बांधति मोतिन चौकपुराई॥३॥ फूले ट्विजबर दान देतहें पटभूषण झरलाई ॥ मिटगये इन्द दीनदासनके मनवांछित फलपाई ।।४॥
Sarang
Piya sanga khelati adhik shram bhayo ree aavareene kukaron
Part3-360
पिय संग खेलति अधिक श्रम भयो री आवरीने कुकरों बयार ॥ अपुनों अंचल ले सकुमार प्यारी निरखि बदन श्रमकनकी बलिहार ॥१९॥ बिधुरी अलक श्रवन नासिका मांग के मोती अस्त व्यस्त भये ताय बांधु संबार॥ सूरदास प्रभु प्यारी के मिले को सुख जाय देखों ताय डारों बार॥ २॥
Bihag
Aaj kamaneey navkunj vrindabipin madanmohan sukhad rasmondal
Part1-326
आज कमनीय नवकुंज वृंदाबिपिन मदनमोहन सुखद रासमंडल रच्यो ॥ उदित उडुराज लख मुदित व्रजराजमुत प्रान प्यारी सहित विविध गति मति जच्यौ ॥१॥ मुकुटकी लटक कुंडलकी चटक भूकुटीनकी मटक पगपटक बरनी न परत ॥ हार उर रुरित कंकण ललित किंकिणी मुखर मंजीर ध्वनि सुनत जनमन हरत ॥२॥ एक तें एक ब्रज सुंदरि अधिक गुणरूप रसभत्त गिरिधरन संग स्वर भरत ॥ सबै जोबन भरी उरप पुनि तिरप संगीत गति अलग मति तत्त थेई थेई करत ॥!३॥ श्रवण सुन सुरबंधू मुरलिका काकली यद्यपि पति निकट तौऊ नॉँहि धीरज धरत ॥ रसिकमणि मुकुट नंदलालकी केलि यह गदाधर मिश्रके नेंक न मनतें टरत ॥४॥
Khat
Giridhar aavattari vraj. latkat ..
NityaPad-285
गिरिधर आवत्तरी ब्रज. लटकत ॥ देखत दृगन अघातमानों ज्यों ज्यों नोंपूर कींकनी बाजत त्यों त्यों चरन अबनी पर पटकत ॥।१ ॥ लालके ललित कपोलनके ढिंग कुंडल दिनमनिकी दूति अटकत ॥ नटबर भेख कीये नवरंगी मुकट सीस पर मटकत ॥२॥ लालके वैजयंती परसत चरनन पर निरख मदन मन अटकत ॥ राधावर बंसीधर प्रभुपर रीझ वार कर चटकत ॥३॥
Gori
Houn parbhaatasmein uthaai kamalanayan tuharo dekhanmukh ..
NityaPad-025
हों परभातसमें उठआई कमलनयन तुहारो देखनमुख ॥ गोरसवेचन जात मधुपुरी लाभ होय मारग पारऊंसुख ॥१॥ कमलनयनप्यारो करतकलेऊ नेंकचिते मोतनकीजेरुख ॥ तुमसपने में मिलके विछुरे रजनी जानितकासों कहीये दुःख ॥।२॥ प्रीति जो एकलाल गिरिधरसों प्रकटभई अब आयजनाई ॥ परमानंदस्वामी नागरनागरिसों मससा अरुझाई ।। ३।।
Bhairav
Pratham hari udhosun iss kahee |
NityaPad-361
प्रथम हरी उधोसुं इस कही | काम क्रोध मद लोभकुं जीते सो मेरो भक्त सही ॥ प्रथम.॥ शत्रु मित्रको सम करि जाने मनकी तृष्णा गई। सदा वेराग्य रहे उर अंतर काहूसुं हांसी करत नहीं ॥। प्रथम .)। विषय वासना रहत न जाके ये ही विचार रहत मन माही ॥ सूरदास हुँ बसुं हृदेमें आनंद सागर रहत मही॥ प्रथम. ॥
Kanharo
Praat samein shree vallabh sutako punya pavitra vimal yash gaauun...
NityaPad-008
प्रात समें श्री वललभ सुतको पुण्य पवित्र विमल यश गाऊं॥। सुंदर सुभग बदन गिरिधर को निरख निरख दोऊ नैन शिराऊं ॥ १॥ मोहन बचन मधुर श्री मुख के श्रवण सुनि सुनि हृदय बसातुं ॥। तनमन प्राण निवेदन यह विधि अपने को सुफल कहाऊं ॥ २॥ रहो सदा चरण के आगे महाप्रसाद उच्छिष्ट हों पाऊं॥ नंददास प्रभु यह मांगत है श्रीवल्लभ कुल को दास कहाऊं ॥ ३॥
Bibhaas
Jhoolat palana mahari suta curr liye navneet . nainan anjan
Part1-102
झूलत पलना महरि सुत कर लिये नवनीत । नैनन अंजन भ्रू मससिबिंदुका तन ओढ़ें पटपीत ॥१॥ बेनी देखि मंद हँसत हैं कछू कहत भयभीत । दे करतारी नचावत गोपी गावत मधुरे गीत ॥२॥ राई लौंन उतारत वारत होत जगत जयजीत । पूरन ब्रह्म गोकुलमें गोविंद रसना करो पुनीत ॥३॥ # राग आसावरी #& गिरिधरलाल पालनें झूलैं जसुमति आप झुलावै । देखि देखि मुख कमलनैनको बाल चरित्र यश गावै हो ॥१॥ कबहुँक सुरंग खिलोना ले लै नाना भांति खिलाबै । चुटकी दे दे लाड़ लड़यावै और कर ताल बजावबै॥२॥ पुत्र सनेह चुचात पयोधर आनंद उर न समावै । चिरजीवो नंदमहर दोऊ ढोटा सूरदास हुलराबै ॥३॥
Aasawari
Shrilakshman kull chand udit jug udyotkari ..
Part2-315
श्रीलक्ष्मण कुल चंद उदित जग उद्योतकारी ॥ मात इलम्मा बिमल राका उडुुगण निजजन समाज पोषत पीयुष वचनहरि यश उजियारी॥१ ॥ करुणामय निष्कलंक मायावाद तिमिर हरण सकलकला पूरण मन द्विज वपुधारी॥ बलबल माधोदास चरणकमल किये निवास भयो चकोर लोचन छबि निरखत गिरिधारी ॥२॥
Kalyan
Aaj badhaai kii bidhi neeki . pragati sutaa vrishbhan gopaken
Part1-189
आज बधाई की बिधि नीकी । प्रगटी सुता वृषभान गोपकें परम भावती जीकी ॥१॥ जिन देखत त्रिभुवन की शोभा लागत है अति फीकी । परमानंद बलि बलि जोरी यह सुंदर साँवरें पीकी ॥२॥
Saarang
Jaagi mahari putra mukh dekhyau anand toor bajaayau hoe ..
Part1-019
जागी महरि पुत्र मुख देख्यौ आनंद तूर बजायौ हो ॥ कंचन कलश होम द्विज पूजा चंदन भवन लिपायौ ॥१॥ दिश दशहीते बरखि कुसुम अति फूलन गोकुल छायौ ॥ नंदनके इच्छा मन पूजी मन वांछित फल पायी ॥२॥ आनंद भरे करत कुलाहल उदित मुदित नरनारी !! निरभय भये निसान बजावत देत निशंक नगारी ॥३॥ नाचत महर मुदित मन कीने पात बजावत तारी ॥ सूरदास प्रभु गोकुल प्रगटे मधुरा कंस प्रहारी ॥४॥
Bilawal
Page 1 of 1

© 2026 All rights reserved. Vaishnav Samaj of RTP, DBA - Krishnadham-VYO 

bottom of page