top of page
Aashraya Ke Pad
To get full expanded Kritan text click on any column of the kirtan row in below table.
Kirtan Title | Page | Kirtan | Raag |
|---|---|---|---|
Vividh phool palana rachyo .. hoe nandalalana .. janani | Part1-112 | विविध फूल पलना रच्यो ॥ हो नंदललना ॥ जननी
हरखे झुलाई ॥ हो नंद ॥१॥ फूलन खंभ सोहावने ॥हो नंद.॥ फूल
मयार बनाय ॥ झूलत फूलही हो नंदललना ॥२॥ झूमर फूलनकी बनी
॥हो नंद.॥ फूलन झूमका कराय ॥ झूलत हो नंद.॥३॥ फूलन लटकन
लटक रही ॥हो नंद.॥ फूलनबेनी भराय ॥झूलत.हो नंद.॥४॥ बाजत
मृदंग मोर जू ॥हो नंद.॥ गावत गीत रसाल ॥झूलत.हो नंद. ॥५॥
“व्रजभूखन” प्रभु रसिक कुंवर ॥हो नंद.॥ दासनके प्रतिपाल ॥ झूलत. हो
नंद. ॥६॥ | Aasawari |
Chalare jogi nand bhavanmein jasomati toy bulaave. latkat latkat | Part1-129 | चलरे जोगी नंद भवनमें जसोमति तोय बुलावे। लटकत लटकत
शंकर आये मनमें मोद बढावे ॥१॥ नंद भवनमें आयो जोगी राइ लोन कर
लीनो ॥ वार फेर लालाके उपर हाथ सीसपें दीनों ॥२॥ व्यथा भई सब दूर
बदनकी किलकि उठे नंदलाला ॥ खुसी भई नंदजीकी रानी दीनी मोतियन
माला ॥३॥ रहुरे जोगी नंदभवनमें ब्रजमें बासो कीजे ॥ जबजब मेरो लाला
रोबे तबतब दरसन दीजे ॥४।॥| तुम तो जोगी परम मनोहर तुमको वेद बखाने॥
बूढों बाबु नाम हमारो सूर श्याम मोय जाने ॥५॥ | Maroo |
Maharas pooran pragatyau aani . atee foolin gharghar vrajnari | Part1-186 | महारस पूरन प्रगट्यौ आनि । अति फूलीं घरघर व्रजनारी
श्रीराधा प्रगटी जानि ॥१॥ धाईं मंगल साज सबै ले महा महोच्छव मान ।
आईं घर वृषभान गोपके श्रीफल सोहत पान ॥२॥ कीरति बदन सुधानिधि
देख्यौं सुंद'ः रूप बखान | नाचत गावत दै कर तारी होत न हरख अघान ॥३॥
देत असीस शीश चरनन धरि सदा रहौ सुखदानि | रसकी निधि व्रजरसिक रायसों
करो सकल दुखहानि ॥४॥ | Saarang |
Nandako manvaanchhit dinn aayo.. fulifirat | Part2-340 | नंदको मनवांछित दिन आयो॥ फुलीफिरत
यशोदा रोहिनी उरआनंद न समायो ॥१ ॥ गाम गामतें जाति बुलाई मोतिन
चोक पुरायो॥ व्रजवनिता सब मंगल गावत बाजत घोष बंधायो ॥२॥
प्रथम रात्रि यमुनाजल घटभरि अधिवासन करवायो ॥ उठि प्रभात कंचन
चोकीधरि तापरलाल बेठायो ॥३ ॥ राजबेठ अभिषेक करतहें विप्रन बेद
पढायो ॥ जेष्ट शुक्ल पून्यो दिन सुरबधु हरखि फूल वरखायो ॥४ ॥ रंगी
कोर धोती उपरेना आभूषण सब साज ॥ द्वारकेश आनंद भयो प्रभु नाम
धर्यो ब्रजराज ॥५ ॥ | Bilawal |
Chalau bhaiya anandarayapen jaiye | jasumati laal laadilo janmyo | Part1-042 | चलौ भैया आनंदरायपें जैये | जसुमति लाल लाड़िलो जन्म्यो
कछुक बधाई पैये ॥१॥ याचक जन आबत मांगनकों सुरभी हेम पट दीने॥
दुख दारिद्र नसे सबहिनके जन्म अजाचिक कीने ॥२॥ घुरत निशान शब्द
सहनाई बाजत है जो बधाई । मानिनी सब मि लि मंगल गावति मोतिन चौक
पुराई ॥३॥ कौन पुन्य तप कीने नंदजू कहै न आवै पार । परमानंद प्रभु
बैकुंठ जाके ब्रज लीनौ अवतार ॥४॥ | Sarang |
Sikhwat mohan nandakon tum poojo shree giriraj .. gope sabey diss daahine vaam disahin vrajnar | | Part2-110 | सिखवत मोहन नंदकों तुम पूजो श्री गिरिराज ॥ गोप सबे दिस दाहिने वाम दिसहिं व्रजनार |
कोन भांत ठाडे भए वरनत बचन उच्चार ॥१॥
श्रीनंदरानी प्रथम युवतिन संग किरति जान॥ उपनंदादिककी घरनि यशोमति पाछे मान ॥२ ॥
वरसानेकी महेर जे कीरति पाछें मान॥ वृद्ध तियनको यूथ जे यह विधि ठाड़े जान ॥३ |
कीरति ढिंग वृषभानजा ठाडी मन आनंद ॥ नवकिशोरी यूथ सब निरखत गोकुलचंद ॥४ ॥
ललितादिक चंद्रावली ब्रजमंगलको साथ ॥ मुदित चित्त ठाडी भई निरखत गोपीनाथ ॥५ ॥
दक्षिण दिश ब्रजराजजू उपनंदादिक गोप॥ आनंदित मिल यूथ यह सबहिनके मन ओप॥६॥
भूष गोप वृषभानजू ढिंग ठाडे बलराम॥ सखा यूथ सुबलादिक सब मुख्य तहां श्रीदाम ॥७ ॥
तिन ढिंग ब्रज परिकरसबे तिनढिग सगरेजाय॥ और गोप बहुरंग बने इतउत को समुदाय ॥८ ॥
मानसी गंगा जल कलश भरवाय सब ग्वाल॥ धोरी पयकी गागर ले ठाडी त्रजबाल ॥९ ॥
केसर चंदनसों भरे राखे कनक कचोल। धूप दीप लाये कितेक सगरी सोंज अतोल ॥१० ॥
हांडी कुनवारेनकी रंजित हरदी रंग॥ लाईहें सब व्रजबधू भरभर भाव उमंग ॥११॥
कुनवारेनकी झाल सब लाय धरी एकंत॥ पटवसननमें बांध के गनियन परत अनंत ॥१२ ॥
सरस मलेया सहित ले ओदयो दे सूद सुवास ॥ तामें मिश्री बहु परी मेवा सहित मिठास ॥१३ ॥
भर चपटनमें हेतसों ठाडे पता पलास॥ पीवेंगे गिरिराजजू मोहन सहित बिलास ॥१४॥
बहुत पना गागरभरी ले आंई ब्रजनारि॥ तामें बहुत सुगंधसों राखे सरस सँवारि॥१५॥
केसर रंगसों रंगके उपरेंनाजु सुवास ॥ ग्वाल गवैयन देनको धर राखे तिहि पास ॥१६॥
सब समाज जब हैचुक्यो तब बोले नंदलाल॥ बावाजी गिरि पूजियें सगरे बोल गुबाल ॥१७ ॥
मानसीगंगा कलशसों गोवर्धनहि नहवाय॥ धौरी पयकी गागर सिरपर सब ढरकाय ॥१८॥
पुन जल सकल नहवायके कीने स्वच्छपखार || केसर चंदन अरगजा सब अंगनमें डार ॥१९॥
धूप दीप बहु विध किये कुनवारेनकी झाल॥ धरत भोग बहु भांतसों ले आवत ब्रजबाल ॥२० ॥
ओट्योचटपन दूध सरस कलशन पतापलास॥ साज सोंज सगरीधरी गोवर्धनके पास ॥२१ ॥
सब सामग्री भोग धर तुलसीदल अरपाय ॥ करणजोरें विनतीकरें नंद यशोदा माय॥२२॥
घरी एक पाछें नंदजु बीरा डला मगाय॥ भोग अरोग चुके जब गिरिधर तब जलसों अचवाय ॥२३ ॥
मोतिनकी आरती आप करी नंदराय॥ बीरा दे गरे माल धरि पीतांबरहि उढाय॥२४ ॥
ब्रजभामिन गावन लगी तबही गाय बुलाय ॥ सुबल तोक श्रीदामसों कह्यो खिलावन गाय ॥२५॥
सुबल मधु मंगला और सकल मिल ग्वाल॥ धौरी रत जिलाव निरखत श्रीगोपाल ॥२६ ॥|
तब सब ग्वालन बोलकें हंडिया दीनी हाथ ॥ पीठ थाप पीरो बसन बांध्यो उनके माथ ॥२७॥
कीर्तनियन सब बोलकें मलरा तिनहि दिवाय॥ पीठथाप उनकी दई त्रजभूपति नंदराय॥२८॥
तब सबहिन आसीस दियो ब्रजपति गिरिधरलाल॥ युगयुग राजकरो ब्रजमें नित्य बोलीहें वब्रजबाल ॥२९॥
ओदयो चपटन दूधसों ग्वाल लिये बुलवाय॥ कक पर ह प | पियें प्यावतहें व्रजराज ॥३० ॥
तब जल ग्वालन छिरककें पूर्यों हददी पद्म ॥ तापर तृण बीडाधथरें कर्यो भातको सदम ॥३१ ॥
पूरे गोपिका सखरो पूरे गोप॥ उत्सवके आनंदसों सबहिनके मन ओप ॥३२॥
बीरापर सेत चांदनी दीनी सरस बिछाय॥ भरभर लावत भातको डला देत ढरकाय॥३३ ॥
लावत डला अपार ग्वालन गोप समाज ॥ कर्यो भातको कोट सो ओट छिपे गिरिराज ॥३४ ॥
ठाढे मूंगगकी बड़ी झाल धरी सबकोंन॥ दारनकी नांदेंभरीं अधिक सलोंन ॥३५ ॥
मूंग उरद तुवर चना धोबा कीनीदार ॥ नांदनको गणना नहीं भांत करीये चार ॥३६ ॥
एक रतालूके तथा मुंगबरीके ठान॥ जाहि तोनकूडा कहत मिरच अधिक तिहि जान ॥३७ ॥
हींग लोंग वधर्यों सरस तिनकी भरभर नांद॥ भात निकटहीं राखियो जाहि लेत आल्हाद ॥३८ ॥
चनादारमें नाखके साक कचरियन आद ॥ दहीभात संग खातमें लागे अधिक सवाद ॥३९ ॥
सकरकंद कुलहा कदली कोला टूक संवार॥ वेसनके ओर को गने दूनो मीठो डार ॥४० ॥
नींबूरस एलची मिर्च किंचित लोंन निहार॥ नांदन भर रचनारची सुंदर अति सुखकार ॥४१ ॥
बहुत भांतके कोटपें राख्यो चक्र संवार॥ चित्रांकित गुंजा बडे ते चहूंदिशातें चार ॥४२ (लौकी ।
तुलसीकी माला बडी तिन पांचन पहिराय॥ केसर बहुत घसायके भात छिरकाय |।४३॥
कढी लुदपुरे रायते भुंजे छुके अनंत॥ मो मति कहा बरनन करे सामग्री इत ॥४४ ॥
भई रतालूकी कढी और कटारूजान॥ बेंगनके चकतानकी और पकोरी मान ॥४५ ॥
दार भातके निकटटहें कढी पांतिके झुंड॥ विविध कढी सबही धरे एक नांदकर कुंड ॥४६॥
ता आगे रायतेनके भाजन पांत अनेक॥ भरताबैंगन बथुआ कोला घीया विसेक ॥४७॥
सकरकंद सुंदर सरस पेठा और पवार॥ खिल री रायतो भाजन पांत संवार ॥४८॥
और ढेबरी तिलबडी मिरच बडीहूं जान॥ कितेक झाल पापरनकी चहुंओर को जान ॥४९॥
आरिया खीरा तोरई गलिका सेंमहिं पेख॥ खरबूजा ककडी फली चौरा ग्वारहि लेख ॥५० ॥
और करेल मुरेलहे वनकरेल सुक क्रोड॥ कदलीखंभके मध्य में ताहि संबारे जोड ॥५१॥
हरे कमलगटा किये पुनि ताकी जड मूल।॥ अगस्तफरीवोंडीकरी औरज ताको फूल ॥५२ ॥
दाखपता अरई पता पोइपता अरुपान॥ इनके करे 'अतिसुंदर सुविधान ॥५३ ॥
रतन जोति वडहरकिये घुन कटहेर निहार ॥ सें संवारिके स्वाद महा रूुचिकार ॥५४ ॥
व्यंजन बहुकीये विविध संवार ॥ सुकबनके को कहि सके गिनत न आवबे पार ॥५५ ॥
कितेक नाँद दधि भातकी पीत भातकी जान ॥ बहुविध खाटे भातकी मिष्ट भात बहुमान ॥५६ ||
कितेक सिखरन भातकी थूली नांदविसेस॥ खीरनकी नांदे बहुत मेतराकिये प्रवेस ।५७ ॥
प्रथम खीर संजावकी मी चांवरकी देख॥ गे अरू सेवकी और मखाने पेख ॥५८ ॥
भातकी खीर है आई नांद अनंत॥ मिश्रीके मीठे मिली “पारी बसंत ॥५९ ॥
दही लपेटे बरनकी नाँदे बहुत विशाल।॥ तथा मूं लखे लेले आवत ग्वाल ॥६० ॥
और पसाई सेबकी नांदे अति सुखदाय॥ मांखन ताये घीयके नादें धरी बनाय ॥६१ ॥
सिखरनकी नादें कितेक बंधे दहीकी देख ॥ और सहजके दहीनकी अति विशाल तेहिं पेख॥६२॥
मैदाकी पूरीनकी झालें दूत त जो साज॥ सिखरनके ढिंग ले धर्यो मुदित भये गिरिराज ॥६३ ॥
ठो आंबा आमरे और करोंदा डारि॥ जिनमें मीठो चौगुनों बिलसारू रुचिकारि ॥६४ ॥
नारंगी दाखहि सरस बिलसारू बहुनांद ॥ मेदाकी पूरी निकट धर्यों जानि सुख स्वाद॥६५ ॥
मांखनके भाजन धरे पूरन पूरीपास॥ मिश्री सरस मिलायकें उज्ज्वल मानों हास ॥६६ ॥
इक्षुरस पोंडा कदली धरे सँवार अनार॥ औरहूं तरमेवा स्वाद सरस रुचिकार ॥६७ ॥
नींबू और जाबूं धरे अर सूरण रण अरबी देख ॥ टेंटी आदो मिरचके भाजन एक एक पेख ॥६८ ॥
पिसे लोन अरु मिरचके भाजन एक एक राख ॥ चहिये जामें नाँखिये ऐसें गिरिसों भाख ॥६९ ॥
कचरी आदा पाचरी नींबूफांक बनाय॥ कांजीके मटुका धरें ताहीके ढिंग जाय ॥७० ॥
अब निखरेंकों कहतहें जैसो यथा प्रकार ॥ श्रीवल्लभ चरण प्रतापतें मेरी मति अनुसार ॥७१॥
प्रथम मलेया सहितहे सद्य सरस नवनीत॥ ले आई ब्रषभानजा जहां ठाडे हरिमीत॥७२ ॥
मांखन वरा दहीथरा कीने बाबर श्रेत॥ पीरी फेणी बाबरनकी झालिन शोभा देत ॥७३ ॥
गुजराती खजुला सरस कोमल अधिक सकोर ॥ मांडा बहुत सखोरी सोहें लावत गोपी दोर ॥७४॥
चंद्रकला उपरेटा सरस शोभित अति सुकुमार॥ दहिहोरी पुनि दहीबरा लाबत ब्रजकी नार॥७५॥
ललिता विशाखा संग मिलि खीर वरनको लाय ॥ नांदन भर रचना रक्ी देखत अति सुखदाय ॥७६ ॥
सीराके कूंडा बहुत मोहनथार समेत ॥ इनमें बहू मेवा सहित अरु सुगंध सुख देत ॥७७ ॥
ब्रजमंगल चंद्रावली ओर स्यामला साथ॥ ले आबत भोग धरत निरखत गोकुलनाथ !।७८ ॥
बहु भात मठरीनकी अर्थ चंद्र आकार॥ बूंदीनके लड॒वानके बहुत कर त करे विस्तार ॥७९ ॥
मेवाटी लदु॒वा सरस वाके आगेंदेख॥ बेसनके लद्दुवानकी वाके आगे लेख ॥८०॥
उरद थधांसबूंदीनके लदद॒धा सोहे पास ॥ खोआके गूंजानकी पांत महा सुखरास ॥८१ ॥
ता आगें मनोहरके लड़वा पंगति देख॥ तथा सकरपारेनकी ताकें आगें लेख ॥८२॥
ता आगें बेसन मगद लड॒वा तिनकी पांत॥ ता आगें गूंजानकी पंगति अधिक सुहात ॥८३ ॥
ता आगें चोौरीठनके लडु॒वा पांत रसाल॥ भरिमा पूरी ता निकट पांत करी व्रजवाल ॥८४ ॥
ता आगें पिनीनके लड॒वा पांत सुहात ॥ निज सखियनके संग ले लाई यशोमति मात ॥८५ ॥
पीत घेबरनके डला पंगति अधिक सुहाय॥अपनी सख्ियन साथ ले लाई रोहिणी माय ॥८६॥
श्वेत घेबरनके डला ल्यावत कर कर हेत॥ खडमंडाके डलमनकी पंगति अति सुखदेत ॥८७ ॥
उपनंदादिककी घरनी सुंदर कीनी पांत॥ सुठ कपूर नारीनकी जिनमें लोंग सुहात॥८८ ॥
ताढिंग आगें इंद्रसानकी डला पांत छबि देत॥ ताढिंग पपची पांतकी कांति हरे मनलेत ॥८९ ॥
बीच चिरोंजीके तथा लाटा लदुवा झाल॥ कीरतिजू ल्यावत भले अपुनी संगले आल ॥९०॥
दूध पुवा पुनि लापसी दूध लपसी सुखकार ॥ और सोंझ लाई बहुत ता आगें सरसार ॥९९१ ॥
दूधहि बेसन ओटकें मेदा कछुक मिलाय॥ बरा तथा भूंजे घृतहि चंद्र बरा कहेंवाय ॥९२॥
मिष्ट कचौरीहूं तथा ताढिंग झाल अपार॥ ले आवत ब्रजभामिनी देखतहीं सुखसार॥९३।॥
बेसनकी थपरीनकी सुंदरता सरसाय॥ सेव सलोनी हूं तथा ताढिंग पांत लखाय॥९४॥
मथुराके पेंडानकी ताढिंग पांत विशाल॥ ३ पंगति सा र रसाल ॥९५॥
पाँत जलेबी डलनकी ता आगें रसऐन॥ खो ढोंढानकी पाँत सरस सुख देन ॥९६ ॥
पाँत कचोरी डलनकी ता आगें सरसाय ॥ खाटी पूरण पोलिका ता आगें दरसाय ॥९७ ॥
शवेत सुहारी डलानकी ताढिंग कीनीपाँत॥ पीत सुहारीहू यथा तिनकी अदभुत कांत ॥९८ ॥
एकगुलाबी माधुरी द्वे सीरा सरसात ॥ दाख छुहारे मिरक्त अरु बरफी तहाँ दरसात ॥९९ ॥
पेडा पीत गुलाबी पापर चारु संधान॥ लोंग मिरच नींबूरसहि कोने विविध विधान ॥१००॥
पिस्ता कोला बीजलों लॉग मिरचको ठान॥ अधिक स्वादके जानकें धरे भोगमें आन ॥१०१ ॥
उपनंदादिक महेर मिल यथा भूषवृषभान॥ व्यंजन भोग धरावहीं बड़े गोप सुजान॥१०२॥
चपटा बासोंधीनके दक्षिण दिशहिबिचार । कूंडा सिखरन बडीनके बाँएदिशकों धार॥१०३॥
अनसखडीके शाकजे भुंजे छुके अपार॥ और बहुतहें रायते देखतही सुखसार ॥१०४॥
मेदाको गुड़पापडी नीकी करी बनाय ॥ कलाकंद अति मधुर हे खोआके समुदाय ॥१०५ ॥
सेवा सबविधिके सरस तथा मिठाई देख ॥ पिसो लॉन अरू मिरचके.एकएक भाजन पेख ।।१०६ ॥
बहुत मठा गागरभरी सौरभ सरस धुंगार।॥ पीवतमें अति रुचि बढे लाईं व्रजकी नार॥१०७॥
गागर बहुत टेंटीनकी शीतल सुखद अपार॥ तिनमें अमुनोदक नोदक भर्यो ले आयेहें ग्वाल ॥१०८ ॥
सखरे निखरे घर चुके तब गोपाल ॥ बावाभोग समर्पिये जेमें गिरि तत्काल ॥१०९॥
तुलसी दलके टोकरा लाबो का ॥ प्रति सामग्री के विषे एकएक दल राख ॥११० ॥
धूपदीप कीयो तबें घंटानाद बजाय ॥ शंखोदक ले हाथमें दीयो सबे छिरकाथ ॥१११॥
हाथजोर बिनती करी फिर गिरिवरकों देख॥ चितवत नयन आनन्दसों धन्य जन्मकों लेख ॥११२॥
श्वेत जरकसी तासके बागेकों थिर्काय॥ गोकरण तुर्रा कुलेह पीतांबर फहेराय ॥११३ ॥
नखशिखलों शिंगार किए पांच चंद्रकामाथ ॥ आरोगत गिरिराज संग ले श्रीगोवर्द्धनाथ॥११४॥
भोग अरोगत स्वादसों मांगमांगकें लेत॥ बहुत सराहत खात में सबकों आनन्ददेत ॥११५॥
दूरधरीहु बस्तुकों लीनी भुजा पसार ॥ लखि न्योंछावर करतहैं बहू धन डारतवार ॥११६॥
इतने भोग अरोगिकें तब बोले गिरिराज भोग खात सबहिन लख्यो पें न घटयो सब साज ॥११७ ॥
अचवाबो ब्वजराजजू यों बोले गिरिराज॥ तब जल ले अचवावहीं देखत गोप समाज ॥११८ ॥
श्रीमुख बसनहि पोंछिकें बीरा डला मगाय ॥ पान खबावत प्रेमसों मुदित भये गिरिराय॥११९ ॥
तब मोतिनकी आरती आप करी ब्रजभूप॥ जयजय ध्वनि सब दिस भई शोभा बढी अनूप ॥१२० ॥
नोछावर बहूयों : करें बहू धन डारतवार॥ कृष्ण देवता तिन पर सब बलिहार ॥१२१ ॥
तब बोले गिरिराजजू सुनिये श्रीत्रजराज॥ यहप्रसाद सब बाँटके लीजे सकल समाज ॥१२२ ॥
धन गोधन बढरहें बहुत रामकृष्ण सुखपाय ॥ विधघ्ननाश सब होयँगे में यह कह्यो सुनाय ॥१२३ ॥
चरणपर रामकृष्ण सिरनाय॥ करे प्रणाम गोपन सहित यशोमति अरू नन्दराय ॥१२४ ॥
आज्ञा ले घरकुं चले तब वतन समुदाय समुदाय |! यह उत्सव एसो भयो तिहूं लोक यशगाय ॥१२५ ॥
यह सुन कोपकें मेघन तुरत बुलाय॥ ब्रज बोरों छिन एकमें सुनतही धाय॥१२६॥
मशलथार बरषन लग्यो ब्रजजन तब उठिधाय॥ आय कृष्णके पांयनपरे हमें बचाय ॥१२७ ॥
तब हरि तुरतहि रतहि धायकें लीनो गिरिहि उठाय ॥ सप्तदिवस निशि राखकें मघवा गे नसाय ॥१९२८ ॥
तब सुरपति ढिंग आयकें चरण पर्यो अकुलाय॥ १००३० २ कियो गोविंदनाम धराय ॥१२१९ ॥
तब प्रसन्न हरि होयकें इंद्र गेह॥ यशोमति धाय उछंग लिये भुज चांपत कर नेह॥१३० ॥
गोपी यह छबिदेखकें प्रेमजु उमग्यो अंग॥ पुलकित गदगद होयकें आलिंगत सब अंग ॥१३१॥
गोबर्द्धनकी लीला सरस कहां लगि कहूं बनाय ॥ श्रीवल्लभ चरण प्रतापतें मति अनुसारहि गाय ॥१३२ ॥
श्रीवललभ कृपाकरी श्रीविट्ठल निजनाथ ॥ हरीदास करपरसकें राखे चरणन साथ ॥१३३ ॥ | Bilawal |
Gope key bhekh gopal gaayan hait drigan sukhdet .... | NityaPad-163 | गोप के भेख गोपाल गायन हेत दृगन सुखदेत ।॥।
शिर सुभग फेंटा सखी ॥।
परस रहो भ्रों पर पेज पच भास ढर लागत सोहावनो दाहेंनो ओरि सखी ॥१॥
लेत आकसि चितवन चारू चलन गती गोपिजन मन वसन आनन अमेंठा सखी ॥।
धाय सनमुख जाय दास परमानंद चाह क्षित करत यों करिये भेंटा सखी ॥३॥। | Bilawal |
Gauri gauri gujariya paahunni nenk chancharki | Part3-300 | गौरी गौरी गुजरिया पाहुंनी नेंक चांचरकी
खिलवार ॥ मोहन के संग खेलि राधिका कहीयत बडी रिझवार ॥१॥
सुनत चमक चोकाइल निकसी छेलनकी लगबार || करिणी ज्यों डण धरत
हरत मन बन हरणी दृगवार ॥२॥ घुंघट दाबे दशन आपके जनबत अति
लजबार।॥ छीन लंक लचकाय मुरकतन अति उरोजभर भार ॥ ३॥ मैनअटाकी
मानोनिश्रेणी बेनी भरी फुलवार ॥ लपक चलन लावण्य उलटन छबि अतरोटा
अरवार ॥॥४७॥ वाम कपोल पाणि परसन मिस मुडहेर फेर संवारि ॥ बेसरके
मोतीकी फेरनर सिकन मन फंदवारि ॥५॥ चतुरनके चित लेत चोंडोंटिया
चार चुरीदंतवार ॥| बांह पसार संकोच सकुचतन आप भरत अंकवार ॥६॥
पुनि ठाडी अचराहि डारें सुंघवत उर खगवार ॥ ब्रजपति निरख दिशा विथकित
भई डारदो मन्मथ वार ॥७॥ | Gouri |
Jaa dinn preet sthamso keaney .. taadinaten merrie akhiyanmein | NityaPad-100 | जा दिन प्रीत स्थामसो कीनी ॥ तादिनतें मेरी अखियनमें
नेक हु नींद न लीनी ॥। ९।॥| चढच्यो रहत चित चाक सदाई यह विचार दिन जाय॥।
मनमें रहत चाह मिलनकी और कछु न सुहाय ॥ २॥ परमानंद प्रेमकी बातें काहुसो
नहिं कहिये ॥ जेसें व्यथा मूक बालककी अपने जीयमें सहीये ॥। ३॥॥ | Aasawari |
Duhuun curr fondana mukh melat . ramkrishna baithe god janani kii | Part1-165 | दुहूँ कर फोंदना मुख मेलत । रामकृष्ण बैठे गोद जननी की
कबहूँक उतरि घुटुरुवन खेलत ॥१॥ चाहि रहत खुनखुना सुनिसुनि हँसि बसुधा
पगसों पग ठेलत । रामदास प्रभु शिशुताके वश अरबराय खिलौना
सँकेलत ॥२॥ | Nat |
Jhoolat nand kishore kishori .. uta vrajbhushan | Part3-380 | झूलत नंद किशोर किशोरी ॥ उत ब्रजभूषण
कुंवर रसिक वर इत वृषभान नंदिनी गोरी ॥१॥ पीतांबर नीलांबर फरकत
उपमा घन दामिनी छबि थोरी ॥ देंख-देख फूलत ब्रजवनिता झूलबत लेकर
डोरी ॥२॥ मुदित भये जु परस्पर गावत किलक किलक देउ उरज अकोरी ॥
परमानंद प्रभु वह सुख बिलसत इंद्र वधु सिर धुनत झकोरी ॥३॥ | Sarang |
Houn joo gaee hii nandbhavanmein dekhyo adbhut palana . | Part1-098 | हों जु गई ही नंदभवनमें देख्यो अद्भुत पलना ।
गजमोतिनके - झूमिका बाँधे बैठे सुंद' ललना ॥१॥ पीत झगुलिया अतिही
बनीहै भूषनकी छबि निरखी ब्रज बलना । केसौदास नंदसुवन जबते देखे मोहि
तबतें कलना ॥२॥ | Bilawal |
Page 1 of 1
bottom of page
