top of page
Aashraya Ke Pad
To get full expanded Kritan text click on any column of the kirtan row in below table.
Kirtan Title | Page | Kirtan | Raag |
|---|---|---|---|
Adhar muratvi rutton laagi .. jaa raskau shatritu tanu gaayau | Part1-289 | अधर मुरत्वी रटन लागी ॥ जा रसकौ षटऋतु तनु गायौ
सो रस पिवत सभागी ॥१॥ कहाँ रहत कहाँते यह आई कौनें याहि बुलाई॥
चकृत कहत भई व्रजबासिन यहतौ भली न आई ।॥।२॥ सावधान क्यों होत
नहीं तुम उपजी बुरी बलाय ॥ सूरदास प्रभु हम पर याकौं कीन्ही सौत
बजाय ॥।३॥ | Saarang |
Kamal mukh dekhat tript naan hoy.. yeh sukh kahaa | Part2-353 | कमल मुख देखत तृप्त न होय॥ यह सुख कहा
दुहागिन जाने रही निसा भरसोय ॥१ ॥ जों चकोर चाहत उडुराजे चंदवदन
रही जोय॥ नेक अकोर देत नहिं राधा चाहत पियहि निचोय ॥२ ॥ उनतो
अपनों सर्वस्व दीनों एक प्राण वपुदोय ॥ भजन भेद न्यारो परमानंद जानत
विरला कोय ॥३॥। | Suha |
Curran dey loganakon upahaas || mankramvachan nandanandanako nimish | NityaPad-093 | करन दे लोगनकों उपहास || मनक्रमवचन नंदनंदनको निमिष
नछांडोपास ॥१॥ सबकुटुंबकेलोक चिकनिया मेरेजानेघास ॥| अबतोजिय
एसीबनि आई क्योंमानोलखत्रास ॥१। अबक्योरह्ोंपरें सुन
सजनीएकगामकोवास ॥ ये बाते नीकी जानतहें जन परमानंददास ।।३॥। | Dhanshree |
Khelat mohan rung rahyo hoe .. laal maaee sunder | Part3-191 | खेलत मोहन रंग रह्यो हो ॥ लाल माई सुंदर
सब सुखरास ॥ थ्रु० ॥ स्याम संग खेलन चली स्यामाजू सखियन जोर ॥
अबीर गुलाल कुंकुमा केसर बहु चंदन घटघोर ॥ १॥ फूलन की गेंदुक नवलासी
कनक लकुटिया हाथ ॥| धायगही ब्रज खोरि राधिका कोटिक युवतिन साथ
॥२॥ उतते हरि आये जब हो हो बोलत ग्वालन संग ॥ कान परी सुनियें
नहीं बहु बाजत भेरि मृदंग ॥३।| पहलें सुधि पाई नहीं अब घिरेहें सांकरी
खोर | अब हलधर उलटो कहा तुम धावो ग्वालन जोर ||४॥ भरत धरत
आजत राजत गेंदुक नवला सिनमार ॥ बसन रसन छूटत न संभारत दूटत
मुक्तन हार ॥५॥ उडत गुलाल अबीर कुंकुमा जुरि आईं सब वाम ॥ गयो
है गुलाल नयन कर मींडत गहि पाये सखि स्याम ॥६॥ मोहन पिय इकले
करि पाये चहुंदिसते आईं घेरि ॥ बोलोजू अब आनि छुडावे बलिभैया देह
टेर ॥७॥ आज हमारे बस परेहो भले होतो जाउ छुडाय ॥ केबल छूटो
आपने के जसुमति माय बुलाय ॥८॥ एक श्रवन में कहि कछु भाजत एक
भरत अंक वार ॥ एक निहारत रूप माधुरी रही अपन पोहार ॥९॥ एक
बनाय देत बीरी कर पल्लव छुवत कपोल ॥ वल्लभ युवती बड भागिनि
हरि बस कीने बिन मोल ॥१० ॥ एक उठाबत बदन चिबुक गहि हम तन
स्याम निहार ॥ एक नयन कीसेन मिलावत वेनन देत बगार ॥११॥ तब
तुम बसन हरे हमारे कीने अनेक उपाय ॥ सब तुम नगन करी हतीं हम
छोडेंगी तुमहि नंगाय ॥१२॥ आंखि दिखावत हो कहा तुम करहो कहा
रिस्याय ॥ हम करिटें अपनों मन भायो छांडेंगी तुमहि नचाय ॥१३॥ एक
गह्े कर फेंट एक पीतांबर लियो हे छिनाय ॥ राधा हसत ओठभी ठाडी
सेनन देत बताय ॥|१४॥ उड़त गुलाल अरुण भयो अंबर छबि छाई मानो सांझ ॥ राधा प्रणट करें नहीं मुखचंद नीलांबर मांझ ॥१५॥ हरि अपने
छलबल सों घूंघट पटकीनो दूर | हसत प्रकास होत चहूंदिसते सुधा किरन
भरपूर ॥ १६॥ हसि हसि कडत लाल सबहिनसों आभूषण मेरे लेह ॥ नासा
को मुक्ता हों देहूं पीतांबर मेरो देहु ॥१७॥ कहो कहा फगणुवा देहो तुम बोलो
सांचे बोल ॥ केहमसों हा हा करो के देहु श्रीदामा ओल ॥|१८॥ मुख की
कहत सबे झूंठी सी मन में अधिक सनेह ॥ कूट करेंगे बलभैया तुम हमहि
जान किन देह ॥१५९॥ खेलि फाग अनुराग बढ्यो तब मची हे अरगजा
कीच ॥ ब्रजनारी कुमुदिनी फूली हरि शशि राजत बीच ॥२० ॥ देखत
शोभा सुख संपति की मनमें यह विचार ॥ ब्रजनारी क्यों न भई यों कहत
सकल सुर नार ॥२१॥ काम कोटि ओर भाम कोटि कोटि रमा रहि लाज ॥
रोम रोम प्रति कोटि कोटि शशि सुधा किरण बहु भ्राज ॥२२॥ अष्ट सिद्धि
नव निधि वद्रजवीथन डोलत घर घर द्वार ॥ सदा वसंत रहत वृंदावन लता
लता द्वुमडार ॥२३॥ जुगल किशोर चरण रज याचूं सरस धमारहिं गाय ॥
मदन मोहन की या छबि ऊपर सूरदास बल जाय ॥२४॥ | Kaafi |
Sub dadhi liau liau matukia phore .. auraki aur kahaa | Part1-264 | सब दधि लीयौ लीयौ मटुकिया फोर ॥ औरकी और कहा
कहा कहों सखी जैसी बिधि बह मरोर ॥१॥ अति धन बनमें अकेली करि
पाई नॉँहि करति सहति हों होरी ॥ कृष्णदास प्रभु गिरिधरनकी अटपटी कौने
लखी जात कहै त्तेती थोरी ॥२॥ | Dhanashri |
Rasikfagh khelenavnagari sosar sub rituraj | Part3-178 | रसिकफाग खेलेनवनागरी सोसर सब ऋतुराज
की ऋतुआई ॥ पवन मंद अबिंद ओर कुंदबिगसेबिसद्चंद पियनंद सुत
सुखदाई ॥१॥ मधुपटोल मधुलोल संग संग डोलें पि कन बोल निरमोल
श्रुतचारु गाई ॥ रचित रास सो बिलास जमुना पुलिन में सघन वृंदाबिपिन
रही फूलि जाई ॥२॥ कनिक अंग बरूनीसुकरनी विराजे गिरिधरन युवराज
जजराज राई ॥ युवती हंसगामी मिले छीत स्वामी कुनित वेनु पदरेनु वड़
भागी पाई ॥ ३॥ | Jetshri |
Suno vrajnath chhaandi larikai .. binn russ preeti kahaan tey | Part1-231 | सुनो ब्रजनाथ छाँडी लरिकाई ॥ बिन रस प्रीति कहाँ ते
उपजे तुम ठाकुर कित करत बरियाई ॥१॥ कर गहि बाँह नाह अपने ज्यों
इकटक करी मारगमें ठाढ़ी | कबहुँ छुवत उर कबहुँ तोरत लर कबहूँ गहत कंचुक्री
गाढ़ी ॥२॥ तेरे नयन रोसमें भामिनि जान देहु मोहि नंद दुह्ाई । परमानंदस्वामी
रतिनायक प्रेम बचन कहि भलौ मनाई ॥३॥ | Bilawal |
Madanmohan likhi pathai millen koo tain tou phooli-phooli dole saune sadan mein | | NityaPad-338 | मदनमोहन लिखि पठई मिलन को तैं तो फूली-फूली डोले सौने सदन में |
मेरे जानि त्रिभुवन-पद आयौ मेरी आली ! ऐसौ कछु देखियतु आनंद बदन में ॥
अंजन की रेखा राजै, कुच-बिच चित्र साजै, ऐहें बेली रेली हेली उचित अदन में ?
अरबराय प्यारी देखियतु ऐसी भारी सकुंवारी हंस गति भूल्यौं, नूपुर-मंदन में ॥
गोवर्धनधारीलाल, तोही सो रति कौ ख्याल, अधर कौ मधु भावी सुंदररदन में ।
छीत- स्वामी स्यामा स्थाम, दोऊ अति अभिराम मोतिनि कौ चौकपूरन्यौ लेपन चंदन में |। | Bihagaro |
Tuu mohi kitt lyrie yeh gully .. joe jiya darpatahin soibhai | NityaPad-120 | तू मोहि कित लाईरी यह गली ॥ जो जिय डरपतहीं सोईभई
आगें ठाडे मोहन अब कैसे जैवो मेरी माई ।१॥॥
रशन दशनधर करसुं करमीडत
दूतीसों खीजत आनंद उर नसमाई ॥
गोविंदप्रभु की तेरी हिलमिल बातेंहो
सबजानत भलीकीनी भले नगसों भेटकराई ।।२॥। | Nayaki |
Maat jasoda parav manaave.. | Part2-236 | मात जसोदा परव मनावे॥
भोगीके दिन तिल लड़॒वा ले लाडिले लालनकोंजु जिमावे ॥१ ॥
गोद बेठाय निहारत सुत मुख नानाबिध के दान दिवावे॥
कुंभनदास प्रभु गोबरधन घर निरख निरख सबही सुख पावे ॥२ ॥ | Aasawari |
Aho yeh | NityaPad-308 | अहो यह
चंदन होय प्यारी उबटने को परागसार ॥ यह जान मनहरि करराख्यो कहत वे
दमत सार ॥ १॥ वीचअंक अंजन मृगमदके नाहीं कलंक अनुसार ॥ ब्रजभामिन
न बसत साजत सकल कला शशि घटत तबहीं सजत स्याम अभिसार ॥।२॥ | Kalyan |
Baaje badhaaiyaan way saiyaan nandade darbar .. huwa suta sonhana way | Part1-069 | बाजे बधाइयाँ वे सैयाँ नंददे दरबार ॥ हुवा सुत सोंहना वे
मनदा मोंहना रीझवार ॥ आई सब गोपियाँ वे हिलमिल गावहि खुशीआला ॥
जुरे सब गोपमंडल वे गुनीजन गावें दे दे ताल ।टेक॥ गुनी दे ताला नाचे ॥
वाहवा ॥ आँगन पहपट माँचे ॥ वाहवा ॥ नंददा लाला जीवों ॥वाहवा॥
दूधा अमृत पीवो ॥वाहवा॥ उस दे मंगल गावें ॥वाहवा॥ दान दुपढ्टे पावें
॥वाहवा॥ बीच खुशी दिल गाढ़े ॥वाहवा॥ मंगलमुखी उुसाढ़े
॥बाहवा॥१॥ चाल! पावा पट दान मोती वे सौंडे फुल दे दिलमाँज तुझपर
घोलियाँ वे जसोदे बोलीआन सुनाई ॥ सांडे हाथ टोडल थे बाजुबंद झूम दे दे
भुजचारु ॥ धन्य धन्य आजदा दीन वे दे दी दान क्यों न मेंगाय ॥टेक॥
महेरने दान मेंगाया ॥वाहवा॥ कंचन झर बरखाया ॥|वाहवा॥ हे बड़ भागन
तूरी ॥वबाहवा॥ कर मुरादें पूरी ॥वाहवा॥ जनम जनम गुन गावें
॥वाहवा। नागरी दरसन पावें ॥वाहवा॥ | Desh |
Page 1 of 1
bottom of page
