top of page
Aashraya Ke Pad
To get full expanded Kritan text click on any column of the kirtan row in below table.
Kirtan Title | Page | Kirtan | Raag |
|---|---|---|---|
Kheli fagu musikaat chaley dauu paudhe sukhad sez | Part3-361 | खेलि फागु मुसिकात चले दौऊ पौढे सुखद सेज
मिलि दंपति ॥ हँसि हँसि बात करति सुनि सजनी निरखति कृपन मिली मनौं
संपति ॥ १॥ करति सिंगार परसपर हुलसति सोभा देखि मदन तन कांपति ॥ .
“ब्रजपति” पिय प्यारी मिलि बिलसति सखी ललितादिक चरनन चाँपति ॥ २॥ | Basant |
Monkon nindit parvat vandit.. chaara kapat panchhijyon fandat ..1 .. | Part2-078 | मोंकों निंदित पर्वत वंदित॥ चारा कपट पंछीज्यों फंदत ॥१ ॥
मरनकाल एसी बुद्धि होई ॥ कछूकरत कछु होइहे जोई ॥२ ॥
खेलत खात रहत ब्रजभीतर ॥ न्हानेलोग तनकधन ईतर ॥३ ॥
समें समें बरखों प्रतिपालों ॥ इनकी बुद्धि इनकों अबघालों ॥४ ॥
मेरेमारत कोन राखिहे।। अहीरनके मन यहक राखिहे ।५ ॥
जो मन जाके सोई फल पावे॥ नौंब लगाय आम क्यों आवे ॥६ ॥
विषके वृक्ष विषही फलफलिहें ॥ तामें दाख कहो क्यों मिलिहें ॥७ ॥|
अग्नि बरत देखत कर नावे॥ कहा करे जिहिं अग्नि जरावे ॥८ ॥
सूरदास यह सबकोऊ जाने ॥ जो जाकों सो ताकों माने ॥९ ॥ | Bilawal |
Aaj dharein giridhar piyadhoti | | NityaPad-237 | आज धरें गिरिधर पियधोती |
अतिझीनी अरगजा भीनी पीतांबर घनदामिनि जोती ॥१॥
टेढीपाग भुकुटी छबिराजत श्याम अंग अद्भुत छबि छाई ॥
मुक्तामाल फूली वनजाई परमानंद प्रभु सब सुखदाई ॥२॥ | Saarang |
Sakhiri jembat giridharlal .. | NityaPad-303 | सखीरी जेंबत गिरिधरलाल ।।
कुंज महल में रची चित्रसारी फूल रहे पंकज विसाल ॥१॥
खटरस बिंजन विविध
भांत के रोहिनी भर ल््याई हे रसाल ॥
चतुर्भुज प्रभु गिरिधरनलाल पर तृन तोरत ब्रजबाल ॥२।। | Kanharo |
Laal tohe dulhani laaungi chhoti . chalo begg abb karo | NityaPad-027 | लाल तोहे दुलहनि लाउंगी छोटी । चलो बेग अब करो
कलेऊ माखन मिश्री रोटी ॥॥१॥ चंदन घसकें ऊबट न्हवाऊं तब बाढेगी चोटी ॥।
श्रीविद्ठल बिपिन विनोद बिहारी वात नहिं ये खोटी ।।२॥। | Malkos |
Jabaten preeti sthaam soun keaney | taa dinn tein merey inn mainani nenk hoo | NityaPad-098 | जबतें प्रीति स्थाम सों कीनी | ता दिन तें मेरे इन मैननि नेंक हु
नींद न लीनी ॥| ९॥ सदा रहत चित चाक चढद्यो सों और कछु न सुहाय। मन में
रहे उपाय मिलनको इहै विचारत जाय ॥ ३॥ परमानंद पीर प्रेमकी काहु सों नहीं
कहिये। जैसे बिथा मूक बालककी अपने तन मन सहिये ।।॥३॥ | Saarang |
Phoolanke mahel phoolanaki | NityaPad-256 | फूलनके महेल फूलनकी
शब्या फूले कुंज बिहारी फूली श्रीराधाप्यारी॥
फूले दंपति आनंद मग्न फूले फूले गावत तानन न्यारी॥।१॥ फूल्नेफूले कमललिये कर फूले आनंद है
सुखकारी ।। हरिनारायण श्यामदासके प्रभु पिय तिनपर वारों फूल
चंपकवेलिनिवारी ॥ २॥ | Saarang |
Chalo sukh dekhiye hoe aho jahaan khelati shree | Part3-253 | चलो सुख देखिये हो अहो जहाँ खेलति श्री
ब्रजराज ॥|भ्रु०॥ आयीो जान्यों फागु भागु सबहिन करि मांन्यों ॥ गये गाम
के ग्वेंड केलि सुख सागर ठान्यों ॥ एक ओर सब ब्रज वधू स्यामा जू
के संग ॥ एक ओर ब्रजराज लाड़िलो हो सरवन सहित भरि रंग ॥१॥
भूषन बसन अनूप रूप कछू कह्ति न आबैं ॥ रति नाहिंन अनुहारि नारि
उपमा को पावें ॥ तामें मृगनैनी नवल, राधा जू सुकुमारि ॥ ज्यों उड़गन
में चंद्रमा हो कोटिक दीजें बारि ॥२॥ चहुँदिसि बाजे बजे ढोल ढफ भरि
नगारे ॥ ताल मृदंग उपंग और बरनन को पारे ॥ तामें मोहन मीहनी हे।
मुरली देति बजाई ॥ तान सुनति तिहं लोक में हो रह्मौ दसौं दिसि छाई
। कह ॥ भरे कनक के माट अगर-सत, केसर घोरी ॥ भरि-भरि पिचकाई
लैंहि फैंट गुलाल की झोरी ॥ गोपिन ही के छिरकै बदन हो मदन बिराजत
गात ॥ खेलि परसपर अति बढ्यों हो आनंद उर न समात ॥४॥ गारि
गावैं ज्वाल फागु की परम-सुहाई ॥ श्रबनन सुनति सुख होति स्याम-सुंदर
सुखदाई ॥ इत तैं मोहन बिहंसि कैं हो वीरी देति पठाई ॥ उत ग्वालन
कौ मान बढ्यौ हो चिते चोगुनों चाई ॥५॥ सबै सखी मिलि सिमटिं गहन
एकु सखा बिचारयओ ॥ गहल्मचौं अचानक जाई कोरि भरि प्रीतम प्यारौ ॥
ताहि देखि बिकल भए हो सखा सकल इहिं ओर ॥ उन वृढ़ के ऐसे गद्यों
मानौं पायो पलान्यों चोर ॥६॥ बैंनी सीस सँवारि सेत-सारी पहिराई ॥
सैंदुर दीनों भाल तनक मसि गाल लगाई ॥ कह्मौ तुम जाउ सबै हो जहाँ
तिहारे भाई ॥ पाछें तैं तारी दई हो बीच रहे खिसि आई ||७॥ देखि सररिबर
कौं रूप स्याम कों सकुचि जनाई ॥ तब उन दुचितैं लखे घेरि के गहे
कन्हाई ॥ लैं आई गहि झुँड में हो देखें रूप निहारी ॥ त्रिपत न मानें
नेंक हुँ हो नैन निमेष बिसारि ॥८॥ गह्मौ पीतांबर आँनि काँनि कछूबे नहिं
कींनी ॥ परसे पानि कपोल मानि सबहिन रति लींनीं ॥ कद्मौ बिहंसि के
बेगि अहो पिय फगुवा देहु मँगाई ॥ कै बाबा वृषभानु कौं हो देऊ जसोदा
माई ॥९॥ तब हँसि नंद कुमार बसन बहु भांति मंगाये ॥ पहिराये सबनि
जैसे जाके मन भाये ॥ नख सिख लौं भूषन दिये हो मनिमय जटित जराई ॥
तापै चितयौ प्रेम सौं हो सो सुख कहाँ समाई ॥१०॥ लागी दैनि असीस
प्रेम सौं गदगद बानी ॥ सबहिन के दृग माँझ एकु छबि श्याम समानी ॥
देखि-देखि सुर हरखि कें हो बरखत सुमन अपार ॥ मदन मोहन जू के
चरन रेनु पै हो "कृष्ण दास” बलिहार ॥११॥ | Sarang |
Sriradhajukau janm sunyo merrie maaee . sakal singar chaleen vraj | Part1-185 | श्रीराधाजूकौ जन्म सुन्यो मेरी माई । सकल सिंगार चलीं व्रज
गोपी घरघर बजत बधाई ॥१॥ अति सुकुमारि घरी शुभ लच्छिन कीरतनें यह
जाई । परमानंद करी नौछावरि घर घर जात लुटाई ॥२॥ | Saarang |
Pyaari radha kunj kusumsankelain || gudiguddi kusum | Part3-051 | प्यारी राधा कुंज कुसुमसंकेलैं || गुडिगुद्दि कुसुम
मनोहर माला पीतम केऊरमेलैं ॥१॥ पिय केबेन नैन अनियारे मैन हि
रीझरिझे लैं ॥ गौर उरज स्थल श्याम उर स्थल मनों जुगल गढि घेरें
॥२॥ नंदनंदनसों अति रस बाढ्यों मदनमोहन सों खेलैं || कहि कल्याण
गिरिधरकी प्यारी रसही में रसझेलें ॥२॥ | Basant |
Kunjate aavat bunny vrishbhanandini cassie neeki laage maano | NityaPad-141 | कुंजते आवत बनी वृषभाननंदिनी कैसी नीकी लागे मानो
मकर चांदनी । अति अलसात जुंभात उनींदी ता पर भंवर गुंज फूली घन
दामिनी॥१॥ प्रथम समागम भयो गिरिधरसों रतिपति जीत मुदित जागी जामिनी।
'क्ृष्णदास' संकेत विटप तरु भुज भरि भेटि मिलि गजगामिनी ॥ २॥ | Bibhaas |
Nandmahar ghar aaj badhaaye . barasganthi kushal dinn | Part1-031 | नंदमहर घर आज बधाये । बरसगांठि कुशल दिन
आये ॥१॥ भवन सुवासित आंगन लिपाये । जमुमति मोतिन चौक
पुराये ॥स्.॥॥ लालन उबटन उबंटे नहवाये । करे सिंगार रुचि तिलक बनाये ॥३॥ आरती वारि मनमोद बढ़ाये | यह सुख निरखि उर नैन
सिराये ॥४॥ घरघरते सब टीके आये । व्रजभामिनिं मिलि मंगल
गाये ॥५|| पंचशब्द बाजन बजवाये । द्वारन बंदनवार बंधाये ॥६॥
मागध बंदी विप्र सुनि आये । व्रजरानी बहुदान दिवाये ॥७॥ भूषन पार्टंबर
सब पहिराये । करि न््यौछावरि दास मन भाये ॥ | Asawari |
Page 1 of 1
bottom of page
