top of page
Aashraya Ke Pad
To get full expanded Kritan text click on any column of the kirtan row in below table.
Kirtan Title | Page | Kirtan | Raag |
|---|---|---|---|
Paramdhan radha naam adhaar . jaahi piyaa murali mein terat | Part1-212 | परमधन राधा नाम अधार । जाहि पिया मुरली में टेरत
सुमरत बारंबार ॥१॥ वेद मंत्र अरु जंत्र तंत्र में ये ही कियौ निरधार । श्रीशुक
प्रगट कियौ नहीं तातें जान सारको सार ॥२॥ कोटिन रूप धरे नेंदनंदन तोऊ
न पायौ पार । व्यासदास अब प्रगट बखानत डार भारमें भार ॥३॥ | Goud Saarang |
Aliri mandmand muralidhuni baajat nrityat kunwar kanhaiya .| | Pustak1-344 | आलीरी मंदमंद मुरलीधुनि बाजत नृत्यत कुंवर कन्हैया ।|
मुरलीधुनि बाजत नृत्यत कुंवर कन्हैया ॥
तैसीये सरदकी चांदनी निरमल तैसी बनी दुल्हैया !१॥|
चंदनकी खौरकिये और वनमाल हिये कंचनकी बेली मानों बनी दुल्हैया ॥
कृष्णनीवन लछीरामके प्रभु प्यरे दोऊ कर लेत बलैया ॥२॥ | Iman |
Ruperous punj varanon | NityaPad-323 | रूपरस पुंज वरनों
कहा चातुरी ॥ मान मेरो कह्यो चतुरचंद्रावली निरख मुखकमल उड्धराज
शंकातरी ॥१॥ तिलक मृगमदभाल द्विरद कीसी चाल देख रीझे लाल मंद
मुसकातरी ॥२॥ सुरनधर केलिअंसपर भुज मेल मुग्ध पदठेलदे मदन सिरलातरी ॥३॥ | Kedaro |
Keerati kull mandan gaaiyen vrishbhan nripatiki baal hoe .. kanchan | Part1-273 | कीरति कुल मंडन गाईयें वृषभान नृपतिकी बाल हो ॥ कंचन
तन सोहै मोहै उर पहेरें मुक्तामालहो ॥१।| सखी बूंद सब आय जुरी वृषभान
नृषति के द्वार ॥ बीनन फूल चलौ बन राधे नवसत साजसिंगार ॥२॥ यह
सुन कीरातिजु हँसिके प्यारीको कियो है सिंगार ॥ कंबरी कुसुम गुही है मानौ
उड़ुगणकी अनुहार ॥३॥ शीशफूल जिम चंद विराजत शोभा कही न जाय॥
कोटि चंद वारों मुसिकन पर काम रहो मुरकझ्षाय ॥४॥ बंक बिराज रहे भृकुटी
तट खुटिला श्रवनन पास ॥ यों लपटाय रहे दोऊ जनु नयन दरशकीआस।।५॥
करनफूल झूमक अरु बंदी लटकन बेंदि लिलार ॥ नकबेसर मोती अति सोहै
लटकन परम सुढार ॥६॥ मुखही तमोल अधर अरुनाई दशन लसन अति
सार ॥ चिबुक बिंदु मधुकर सुत मानौ बैठ्यो आसन मार ॥७॥ अंजन ऊपर
खंजन वारों नयन चपलता मीन || कीरतिजू छबि निरखि निरखिकें दीठदिटौना
दीन ॥|८॥ चौकी चमक तिमनियाँ दुलरी घंपकली उपहार ॥ बाजूबंद पछेली
चूरी कंकन गजरा चार ॥९॥ पोंहोंची रत चौक और मुँदगी नखभूषण छबि
देत ॥ श्रीकर कमल बिराजत मानों उडुगण चंदसमेत ॥१०॥ श्रुद्रघंटिका
कटि तट राजत जेहरि नूपुर पाय ॥ अँगुरिन बिछिया अनवट सोहें शोभा कही न
जाय ॥११॥ हरे कसबकौ लेहेंगा सोहे कंचुकी केसरि अंग ॥ सारी सुही
रैंगी है मानों गुलाबॉसके रंग ॥१२॥ कर सिंगार कह्मौ कीरतजू जाउ लड़ैती
साथ ॥ अली यूथमें चली परस्पर फूलन इलिया हाथ ॥१३॥ चलत चाल
मराल बाल श्रीराधाजू सखियन माँझ ॥ बीनत फूलन यमुना कूलन खेलत
सॉझीसाँझ ॥१४॥ जालरंध्र देखत है मोहन दृष्टिपरी व्रजबाल ॥ त्रियारूप
कियौ है तबहीं आय मिले ततकाल ॥१५॥ छबि निरखत वृषभान ढुलारी
बहुत करी मनुहारि ॥ बीनत फूल अकेली हेली तू को है सुकुमारि ॥१६॥
कौन गाम बसति हो सुंदरि कहा तिहारी नाम ॥ आज अबार भई है प्यारी चलो
हमारे धाम ॥१७॥ नंदगाममें बास बसति हूँ सावरी मेरी नाम ॥ साँज्ञी मिस
आई हों या बन पूजे मनके काम ॥१८॥ सौनजुही चमेली चंपा रायवेलि
अरुबेलि ॥ गुलाबॉसकी गेंद लिये कर करत परस्पर केलि ॥१९॥ कमल
कनेर केतकी निवारौ सेवत्ती सदा गुलाब ॥ गुलतुर्रा सदा सुहागिन फूलनकी भरि
छाब ॥२०॥ ललिता चंपकलता विशाखा स्यामा भामा जेह ॥ चंद्रभगा तुंगा
चंद्रावलि राधा माधव नेह )२१॥ ठौर ठौर सब कहत सखिनसों चलौ भटू घर
जाँह ॥ श्यामाजू अरु नवल सखी दोऊ गेह परस्पर बाँह ॥२२॥ सौंधे सानि
मध्य चंदन मिल करत केलि मनभाये ॥ निरख देव दुंदुभी बजावत पुष्पन वृष्टि
कराये ॥२३॥ फूल गेंद सबहिन लियें कर गावत साँझी गीत ॥ गजगति
चाल चलत ब्रजसुंदरि बढ़ी पस्म रस प्रीत ॥२४॥ चहुँदेशि तैं सब आय जुरी
वृषभान नृपतिके द्वार ॥ कीरतिजू तब करत आरती राई लौन उतार ॥२५॥
कीरति बिहँसि कही मूदुबानी लली चली यह कौन ॥ प्यारी कह्मौ नंदगाम बसति
हैं खेलन आई भौन ॥२६)॥ केसर चंदन अगर अरगजा मृगमद कुंकुमगार॥
कामधेनुकौ गोबर लैकें साँझी धरत सँवार ॥२५॥ धूप दीप कर भोग धस्थों
आरती करी है बनाय ॥ माँगत सीख सबै व्रजबाला हाथ जोर शिर नाय ॥२८॥
ब्यारू आज करी मिल हाँहीं राधा जूके साथ ॥ कीरतिजु यों कहत सबनसीं परसूँ
अपने हाथ ॥२९॥ कर ब्यारु गृह गई सहेलीं रह्मौ खेलनकौ रग ॥ कमल
सेज पर पौढ़े दोऊ मिल सॉँवरी राधा संग ॥३०॥ कहा कहूँ कछु कहत न
आदे प्रभुकौ यही स्वरूप ॥ त्रियाबसन ललिताहीं दीये कीये हैं निजरूप ॥३१॥
| Gori |
Chandanmahalmein kesar lagaaye gaat phoolanke haar chaaru aur | NityaPad-240 | चंदनमहलमें केसर लगाये गात फूलनके हार चारु और
उरधारे।। सीतल अरगजा लेले लेपत गात रंगभरी अख्ीयन सब ससख्त्री
निहारे॥ १ ॥ मोहनपें पीतपट श्यामतन नील सारी रूपकी सीमारी सूर मुनिमन
धारें॥ सूरश्याम ग्रीष्मरितु तपत तेसेई गावत सारंगराग छूटत फूहारे संग छबिकी
फूंआरें॥२॥ ( | Saarang |
Itahi kunwar kaanh kamal nainn, utahi juvati | Part3-064 | इतहि कुँवर कान्ह कमल नैंन, उतहि जुवती
जहँ सकल ब्रजबासी ॥ खेलति वर बसंत बांनिक सौं, बरनौं कहा छबि
प्रगट भई मनौं काम कलासी ॥ १।॥| भरि भरि गोद अबीर उडावति निविड
तिमिर मैं यों राजति ठौर ठौर ससी प्रभा कलासी ॥ “कल्यान' कै प्रभु
गिरिधरन रसिक वर तरू तमाल सँग लपटानि हैं कनक लतासी ॥२॥
| Basant |
Chaaru nutt bhekh dhara baithe govind jahaan saghan gahwar | Part2-346 | चारु नट भेख धर बैठे गोविंद जहां सघन गहवर
नव निकुंज भवने। नागरी जबहि नेनासों नेना मिले तबही नागर मुदित
बिपिन गवने ॥ १ ॥ रसिक नंद सुत सुहस्त सज्जा रची विविध गत विविध
पट फूल छबने। हंसजा तट निकट बिमल जल बहत तहां सुखद सीखंड
चल मलय पवने ॥२ ॥ दास कुम्भन प्रभु सुजान तव मिलनकों बहुत आतुर
निर्मिख जुग बीत बने। जोबत पथ एक टीक लाल सुकुमार सखी
गोबरधन धरन अखिल जुवति रवने ॥३ ॥ | Kalyan |
Jagatamen bamunaji paramkripal | binati karat turat sunlini | NityaPad-012 | जगतमें बमुनाजी परमकृपाल | बिनती करत तुरत सुनलीनी
भये मोपें दयाल ।। १॥॥ जो कोऊ मज्जन करत निरंतर तातें डरपतहें यमकाल ।।
ब्रजपतिकी अति प्यारी कालिंदी स्मरत होत निहाल ॥२॥। | Ramkali |
Joe yeh daan maangego hoe sakhee suna nandkau kumar .. curr | Part1-257 | जो यह दान माँगेगो हो सखी सुन नंदकौ कुमार ॥ कर
मुरली अधर धरें नदी यमुनाके तीर पर बिसरी गरेकी हार ॥१॥ भारग साँझ. |
शोक रह्यो नंदसों करूँ प ुकार ॥ तू जिन जान और गूजरी बाबरी गमार ॥२॥
कर विनती चतुर्भुजदास बूझत लागे बड़ी बार ॥ ए कान्ह घर जान दे हो हमें होत
अबार॥३॥ | Kanharo |
Aajabani vrishbhankunwari dooti anchal baarat trinatorat kahat bhaleju bhalein bhaama .. | NityaPad-321 | आजबनी वृषभानकुंवरि दूती अंचल बारत तृणतोरत कहत भलेजु भलें भामा ॥
वदनजोति कंठपोति छोटी छोटी लरमोतिनकी
सादाशुंगारहार कुचबीच अतिशोभित हैं बोरसरीदामा ॥। १॥
एकरसनां गुण अपार कैसेंक वरणों विशदकी रति अंगअंग पिय नमत अभिरामा॥
गोबिंदबलसखी कहें रचिपचि विरंचि कीनी स्थामरमणकोमाई तूही है एयामा । २॥ | Kanharo |
Kahaan padhayo prahlad lalare.. poochhat taat bachan | Part2-336 | कहां पढयो प्रहलाद ललारे॥ पूछत तात बचन
एक मानो तोसों सकल कोटि पचहारे ॥१ ॥ जो कछ पढावत पांडेसों मोपें
पढयो न जाय पितारे ॥ मेरे हृंदे नाम नरहरिको कोटि करो तो हुं टरत न
टारे ॥२ ॥ तबही क्रोध भयो हिरनावांस पायक सब जु काय हंकारे॥
बांधो इनही त्रास दीखायो कहां हे इनके राम रखवारे ॥३ ॥ अतिही त्रास
भयो बालक जिय तब श्रीपति रघुनाथ संभारे॥ सूरदास प्रभु निकस
खंभतें हिरनकश्यप नख उदर बिदारे ॥४ ॥ | Hameer |
Gauraj raajat saanwal anga .. dekh sakhee banaten vraj aavat govindagodhan sanga .. 1... | NityaPad-105 | गौरज राजत सांवल अंग ॥ देख सखी बनतें ब्रज आवत गोविंदगोधन संग ॥ १॥।
अंबुज बदन नयन युगखंजन क्रीडत अपने रंग ॥
कुंचित केशसुदेश मानों अलि शोभित ये संग प्रसंग ॥२॥|
कबहुंक वेणु बजावत कर धरनानातान तरंग ॥
चतुर्भुज प्रभु गिरिधरनागर पर बारो कोटि अनंग ॥।३॥ | Gori |
Page 1 of 1
bottom of page
