top of page

Aashraya Ke Pad

To get full expanded Kritan text click on any column of the kirtan row in below table.

Kirtan Title
Page
Kirtan
Raag
Karat kaleu dou bhaiya.. rotty rasal makhan mein misari mell
NityaPad-030
करत कलेऊ दोउ भैया॥ रोटी रसाल माखन में मिसरी मेल खवावत मैया ॥१॥| काचो दूध सद्य धौरीको तातो कर मथ प्यावत घैया | कर अचवन बीरा ले ब्रजपति पाछे चले चरावन गैया ॥२॥।
Ramkali
Srivallabh abki bair ubaro |
NityaPad-372
श्रीवल्लभ अबकी बेर उबारो | सब पतितन में विख्यातपतितहुँ पावन नाम तिहारो ॥ श्रीवल्लभ .।। ओर पतित नाही मेरे सह अजामिल कोन विचारों ॥ भाज्यो नरक नाम सुनि मेरो यमने दियो हडतालो ॥ श्रीवल्लभ.॥ कृपासिंधु करुणा निधी केशव अब न करोगे उधारो। सूर अधमको कहुं ठोर तांहि बिना शरनजु तुमारो ॥।श्रीवल्लभ.।।
Bihaag
Aajavasant sabey milli sajani poojo mohanmati .. harad doob dii akshat lekein gaavo saubhagageet ..1.. chovachandan agarkunkuma
Part3-015
आजवसंत सबे मिलि सजनी पूजो मोहनमति ॥ हरद दूब दि अक्षत लेकें गावो सौभगगीत ॥१॥ चोवाचंदन अगरकुंकुमा पोहोपसेत अरुपति ॥ घरघरते वानिक वनिआए आप आपुनी रीति ॥२॥ मोहन कोमुख निरखिके करिटहों ब्रजकीजीत ॥ खेलत हंसत परमसुख उपज्यो गयोहे चयोस निसबीति ॥३॥ खेल परस्पर बढ्यो अति रंगसों रीझे मोहन मीत ॥ कृष्ण जीवन प्रभु सुख सागरमें छांडो नहीं पसीत ॥४॥
Basant
Nirakh mukh ghoonghat oat samvaayon ..
Part2-239
निरख मुख घूंघट ओट संवायों ॥ खेलत खेलत आये लालन ओचक बदन निहारयों ॥१॥ लज्जा बेरिन भईरी मोकूं नेकहू टरत न टार्यों॥ गेंद उछारत चले सूरप्रभु नेन कटाक्ष सर मार्यो ॥२ ॥
Bihaag
Fagun maas suhaayo .. rasiya horry khelani
Part3-229
फागुन मास सुहायो ॥ रसिया होरी खेलनि आयो ॥ अबीर गुलाल भरे फेंटन में दौरि बदन लपटायो ॥| हो रसिया० ॥ १॥ गारी गाबे भाव बतावे रस भर रीझि रीझायो || 'कृष्ण जीबन लछीराम' के प्रभु कों नाना भाँति नचाँयो ॥ हो रसिया०॥२॥
Kafi
Phulwa beanon houn gairi jamnakool kusuman kii bheer .. urajh
Part1-277
फुलवा बीनन हों गईरी जमनाकूल कुसुमन की भीर ॥ उरझ रही अरनी की डरीयाँ तिहिं छिन मेरी अंचल चीर ॥१॥ तब कोऊ तहाँ अचानक आयौ मालती लता सघन निरबार ॥ वाहीनें मेरो पट मुरझायौ एकटक मोतिन रह्ौ निहार ॥२॥ मन अरुझाय बसन सुरझायौं और कहा कहूँ लाज की बात ॥ हों अपने मग चली जात सखी वे सैननसों हाहाखात ॥३॥ नाम न जानों वह श्याम बरन है पीरैपट बाकौ हतौ दुकूल ॥ अब बाई बन लै चल नागर फिर सॉँझी बीनन कूँ फूल ॥४॥
Jangalo
Aiso daan naan maangiye hoe pyaare lalana humm pai diyo naan jaay .
Part1-261
ऐसो दान न माँगिये हो प्यारे ललना हम पै दियो न जाय । बन में पाय अकेली युवतिन बातें कहत बनाय | बार घाट ओघर जमुना तट मारग रोकत आय ॥१॥ कोऊ ऐसो दान लेत है कोने सिखये पढ़ाय । जो रस चाहो सो रस नाहीं गोरस देहों चखाय । औरन पै लै लीजे हो गिरिधर तब हम देहिं बुलाई ॥२॥ सूरश्याम कित परत अचगरी हमसों कुँवर कन्हाई ॥३॥
Kanharo
Mandal madhi bundavan nrityat mohan kunj bihaari .. nupur dhuni
Part1-348
मंडल मधि बुंदावन नृत्यत मोहन कुंज बिहारी ॥ नूपुर धुनि सुनि मोहे बाजत मृदंग द्वुम बेली प्रफुल्लित शरद चंद उजियारी ॥१॥ कान्ह कुँवर हितकारी सुनि वृषभान दुलारी चलि राधे हा हा री तू प्राननतैं प्यारी ॥ कूल प्रभु प्यारी छिन नहीं होत न्यारी कह्मौ मानि मेरौ नटनागर सों पग धारी ॥२॥
Adano
Kanha dharyore mukut khele horry conned dhayore ..
Part3-384
कान्हा धर्योरे मुकुट खेले होरी कान्ड धयोरे ॥ इततें आये कुंवर कन्हाई उततें आई राधा गोरी कान्हा धर्योरि॥१॥ कहां तेरो हार कहां नकवेसर कहां मोतियन की लर तोरी कान्ह धर्योरे ॥२॥ गोकुल हार मथुरां नकवेसर बूंदावन में लर तोरी कान्हा धर्योरि ॥३॥ चोवा चोवा चंदन अगर अरगजा अबीर उडावो भर भर झोरी कान्हा धर्योरे ॥४॥ पुरुषोत्तम प्रभुकी छबि निरखत फणुवा लीयो भर भर झोरी कान्हा धरयोरे ॥५॥
Hori-Kafi
Naval ghanshyam nava naval barr radhke navalnav kunjamen kell thhaani ..
NityaPad-343
नवल घनश्याम नव नवल बर राधके नवलनव कुंजमें केल ठानि ॥ नवल कुसमावती नवलसिज्यारचि नवल कोकिल किर भृंगगानी ॥१॥॥ नवल सेहेचरी बृन्दर नवलबिनामृदंग नवलरागनी राग तानगानि॥ नवलगोपीनाथहोत नवल रस रीत येहे नवलरसरीत हरीबंसजानि।। २॥।
Kalyan
Madhauju tankaso badan sadan shobhakau tanak bhukuti parr
Part1-153
माधौजू तनकसो बदन सदन शोभाकौ तनक भूकुटी पर तनक दिठौना | तनक लटूरी सोहें मुनिन के मन मोहे मानों कमल ढिंग बैठे अलि छौना ॥१॥ तनकसी रज लागी निरखत बड़भागी कंठ कठुला सोहै नख बघना। नंददास प्रभु यशोदा के आँगन खेलै जाको जस गाय गाय मुनि भये मगना ॥२॥
Bilawal
Sakhiritu janam sarovar jaay .. apane rasako taja chakwa
NityaPad-101
सख्ीरीतु जनम सरोवर जाय ॥ अपने रसको तज चकवा की बिछुर चलत दु:ख पाय ॥। १॥| सकुचीत कमल अकाल पायके अली ब्याकुल समुदाय ।। तेरे सेहेज आन कि यहे गत येहे अपराध कह काय ॥। २॥। यह अद्भुत ससि रच्यो बिधाता सहज समें ऊपचाय ॥ कुंभनदास प्रभु गिरिधर सागर देखत ऊमगत ताय ॥३॥
Aasawari
Page 1 of 1

© 2026 All rights reserved. Vaishnav Samaj of RTP, DBA - Krishnadham-VYO 

bottom of page