top of page
Aashraya Ke Pad
To get full expanded Kritan text click on any column of the kirtan row in below table.
Kirtan Title | Page | Kirtan | Raag |
|---|---|---|---|
Shyam`dhaaktar mandal jore jore bethe abchhakkhat dadhee odan .. | NityaPad-217 | श्याम`ढाकतर मंडल जोर जोर बेठे अबछाकखात दधी ओदन ।।
सघन कुंजमध्य चंदनके महेल रचिउसीर रावटी चहुँओर छीरकत गुलाब जलसोदन || १ ॥
आसपास मिल बेठे सखासब रुचिरडला भरे प्रेम प्रमोदन । परमानंद
प्रभुगोपल अद्भुतगुन रूपरसाल आरोगत मंडल मध्य. सुबल सुगोधन ॥२॥ | Saarang |
Nikse khelan horry haldhar giridharlal | subal | Part3-330 | निकसे खेलन होरी हलधर गिरिधरलाल | सुबल
सुबाहू श्रीदामा संग सखा व्रजबाल ||१॥ बन ठन बन ठन निकसे चले
यमुना के तीर ॥ चोवा चंदन मृगमद फेंटन भरे अबीर ॥२॥| करन कनक॑
पिचकाई केसर भरी कमोर || उडत गुलाल सुरंग रंग मानो उनयो घनघोर
॥३॥ गयो हे गुलाल ऊंचोचढ द्रुमणये सकल सुरंग ॥ वाजत भेरि दमामा
आवज ताल मृदंग ॥|४॥ सुन ग्वालिनि कोलाहल निकस चली ब्रजनारि ॥
झुंडन मिल आईं सबदेत भामती गारि ॥५॥ करन पोहडोपन वलासी करत
परस्पर मार ॥ अचरा ओट पिचकारन मारत धारसोंधार ॥६॥ सिमिट
सकल ब्रज सुंदरी कर गुलाल अंधियारी ॥ घेरले गई लाल को ललिता
भर अंकवारी ॥७॥ नयनन अंजन आजकें मृगमद मुख लपटाय ॥ हो हो
होरी बोलत हँस कर ताल बजाय ॥८॥ स्यामा के नील वसनसों जोरत
गांठ बनाय ॥ दोऊहें अति सुंदर यों कहि लेत बलाय ॥९॥ छीनत मुरली
कर तें एक लकुटिया छिनाय | एक कहत तुम फगुवा देहु हमें ब्रजराय ॥ १ ०॥॥
मेवा बहुत मंगाई भूषण वसन अमोल ॥| देत असीस सकल गोपीजन अंचल
ओल ॥११॥ चिरजीयो यह जोरी युग युग गोकुल गाम ॥ विलसो सदा
यह सुख श्रीवृंदावन ठाम ॥१ २॥ गोवर्धनधर विहरत यह बिधफाग विलास
श्रीवल्लभ श्रीविट्टल पदरज गाबत दास ॥१३॥ | Raayaso |
Kaanh kunwar khelani chaley rung bheenen hoe ..| sanga | Part3-173 | कान्ह कुँवर खेलनि चले रंग भीनें हो ॥| संग
सखा बलराम || लाल रंग भीने हो ॥ भूषन बसन बनाई कें रंग भीने
हो ॥ सोभा सुख के धाम ॥ लाल रंग भीने हो ॥१॥ बनि ठनि निकसे
अति बने रंग ठाड़े सिंघ दुवार ॥ लाल०॥ स्याम सुभग अति राज ही।॥रंगा।
पूरन चंद ऊदार ॥लाल॥२॥ बाजे बहु बिधि बाज || ही ताल मूदंग ढ़फ
चंग ॥ बिच बिच मुरली सुर लिये हुलसत सब के अंग ॥३॥ सूनि कै
दौरि ब्रज वधू आँई नंद जू की पौरी ॥ तिन में तरूनी सिरोमनी राजति
नबल किसोरी ॥४॥ सनमुख ठाड़ी लाल कें गावत्ति मीठी गारि ॥ मुख पर अंचल दे हँसी हासि चितवन वर नारि ॥५॥ मोहन के चित रति बढ़ी
खेलि मच्यों अति जोरि ॥ भरि लीये सुरंग गुलाल सौं फैंटन के दोऊ
ओरि ॥६॥ मृगमद कुँमकुम घोरि कैं भरति कनक पिचकाई ॥ छिरकति
तकि तकि प्यारी कों चितवति चितहि चुराई ॥७॥ मुख पर चंदन डारि
के ओहट फिरति हँसि लाल ॥ कोलाहल सब करत हैं हो हो बोलत ग्वाल
॥८॥ ये ऊन के वे ऊन ही के मद्यमो चाहत पीय प्यारी ॥ छल बल सौं
सबन सब तकि के पणन परत नर नारि ॥९॥ तब ललितादिक दौरि हे
गड्ढे अचानक कान्ह ॥ सबै मिली है सुंदरी पाए है जीवन प्रान ॥ १ ०॥ निरखि
हँसी मुख मुसकि कैं परसत बैन अघाई ॥ मोहन सौं ललिता कहे छाँडो
करि मन भाई ॥१ १॥ बैंनी गूंथी माँग सौं भूषन सबै सिंगारि ॥ पहिरावे
पट कंचुकि अँजन दीये सँवारि ॥१२॥ नील नलिन खंजन मृणी डारै उन
पै वार॥ अति अनूप नब नागरी भूले भवन नर नार ॥१३॥ चोवा मृगमद
अरगजा छिरकति केसर घोरि ॥ छायै गगन गुलाल सौं अरुन घटा धन
घौर ॥१४॥ बरखति अति अनुराग सौं स्यामा श्याम किसोरि ॥ पिप प्यारी
मुख चंद के पीबत नैंन चकोर ॥१५।॥ छाँडे मन जु मनाइ कै पकरे फिरि
बल घेरि ॥ जुबति भेष बनाई कै पहिरावे पट फेरि ॥१६॥ नैंननि अँजन
दे हँसी भले बने बल दाऊ || छिरकति केसर घोरि कें कहो कुंवरि कौं
नांऊ ॥१७॥ इहि बिधि होरी खेलि ही बाढ्यो अति अनुराग ॥ सुधि कछू
न समार ही प्रमुदित ब्रज बडभाग ॥ १ ८॥ नवल लाल रसिक मनी गिरिधर
प्रान आधार ॥ नेंननि कौ फल यह सखी निरखे नँदकुमार ॥१५९॥ | Dhanashri |
Lalit balapan gayori abb aayo joban kaminike munn foolen .. | Part3-002 | ललित बालापन गयोरी अब आयो जोबन कामिनीके मन फूलें ॥
पिय संग हास बिलास रंगन खेलेंगे यमुना कूलें ॥१॥
यह अवसर नीकों सुन सजनी ओर अवसर नाही समतूलें ॥
प्रीत करो सखि स्याम सुंदरसों सूर रसिक समूलें ॥२॥ | Malkoos |
Bethe kusum mandir mein dou piya pyaari | NityaPad-261 | बेठे कुसुम मंदिर में दोउ पिय प्यारी
मनहरत परस्पर पोहोपमातन पहिरावत मिसकरि परत जाय पीय उपर ॥१॥
गावत विकट राग सारंग ले उपजत तान नीकी ता उपर ॥
रसिक प्रीतमकी बानिक निरखत वारत प्राण शोभा ऊपर ॥२॥ | Saarang |
Phoolan kii choli phoolan key cholana phool marthe phool haath kaanan mein phool .. | NityaPad-265 | फूलन की चोली फूलन के चोलना फूल मार्थे फूल हाथ कानन में फूल ॥
फूलन की सेज नीकी फूलन के चंदुबा फूलन के बीजना 'फूलन फोदां फूल ॥१॥
फूलन के गेंदुवा तकीया फूलन के फूलन की गाल मसूरी फूलन के झबा सय्या आगें पाछें फूल ॥
फूलन के महल फूलन के चित्रसारी परदा 'परमानंद' प्रभु राधा माधव फूल ॥२॥ | Kanharo |
Radhapyari kahmayau sakhinason saanjhi dharau ree maaee .. bitiyaan bahut | Part1-275 | राधाप्यारी कह्मयौ सखिनसों साँझी धरौ री माई ॥ बिटियाँ बहुत
अहीरन की मिल गई जहाँ फूल अथाई ॥१॥ यह बात जानी मनमोहन कहो
सबन समुझाय ॥ भैया बछरा देखें रहियों मैया छाक धराय ॥२॥ ऐसें कहि
चले श्याम सुंदरवर पोंहोंचे जहाँ सब आई || सखीरूप है मिले लाड़िले फूल लिये
हरखाय ॥३॥ करसों कर राधा संग शोभित साँझी चीती जाय ॥ खटरसके
बिंजन अरपे तब मन अभिलाष पुजाय ॥४॥ कीरतिरानी लेत बलैया विधिसों
विनय सुनाय ॥ सूरदास अविचल यह जोरी मुख निरखत न अधघाय ॥५॥ | Gori |
Paalnen jhulaavat sunder shyam | nakhsikhalon singar sue sohat | Part1-098 | पालनें झुलावत सुंदर श्याम | नखसिखलों सिंगार सु सोहत
मोहत कोटिक काम ॥१॥ देखनकौं जुरि आईं सबै मिलि सु ंदर व्रजकी वाम।
सूरदास प्रभु झूलत पलना झुलवतहैं व्रजभाम ॥२॥ | Bilawal |
Dulahe shree vrajraj dalaaro dulhin bhaanu kisori .. | Part3-371 | दुलहे श्री ब्रजराज दलारो दुलहिन भानु किसोरी ॥
सीस सेहरो सोभित नीकों भली बनी यह जोरी || १॥
राजति रंग भरे दोउ रस रस में आई जुरी ब्रजनारी ॥
गावति मंगल गीत बधाए हँसि-हँसि देति परसपर तारी ॥ २॥
बूका वंदन चोवा चंदन गुलाल अबीर उड़ावे ॥ मृगमद केसर लै- ले छिरकति सबहीन के मन भावे || ३॥।
आरति वार करति न्योछावर ब्रजनारी सुख पायो ॥
जुगल रूप मन माँही बसो 'रघुनाथ दास” मन भायो ॥|४ | Basant |
Niranjan anjan diyein sohein nandke aangan maaee . sabke nain praan | Part1-161 | निरंजन अंजन दियें सोहें नंदके आंगन माई । सबके नैन प्रान
प्रकासिक ताके ढिंग रच्यौ चखोड़ा छाजे छबि न कही जाई ॥१॥ निगम अगम
जाकौं बोलैं सो अलबल कल कछू कहत बनाई । नंददास जाकी माया जगत भूल्यौ
सो भूल्यां अपनी परछाँई ॥२॥ | Todi |
Surpati pooja zaan kanhai.. barwar boojhat nandrai..1.. | Part2-069 | सुरपति पूजा जान कन्हाई॥ बारवार बूझत नंदराई॥१॥
कोनदेवकी करत पुजाई॥ सो मोसों तुम कहो समुझाई ॥२ ॥
महर कह्नो तब कान्ह बुलाई॥ सुरपति सब देवनके राई ॥३ ॥
तुमारे हितमें करत सदाई ॥ जाते ला रहो कुशल कन्हाई ॥४ ॥
सूरनंद कहि भेद बताई ॥ भीर बहुत घर जाऊ ॥५ ॥ | Bilawal |
Khelat nandanandan saghan kunj horry ..dhru0.. mohan | Part3-075 | खेलत नंदनंदन सघन कुंज होरी ॥ध्रु०॥ मोहन
छबि बरनू कहा कोटि काम मोरी ॥ श्री राधाजूकी वदन जोति चंद हु तें
गोरी ॥१॥ उलट पुलट ताल लेत मान तान तोरी ॥ उरप जित गति गावे
वृषभानकी किसोरी ॥२॥ बाजत मृदंग ताल झांझ नादसों री ॥ ता थेई
ता थेई थेई कोकिला गति थोरी ॥३॥ ललितादिक हरखि निरखि संग
लागे दोरी ॥ 'केसोदास' गावे अब नये नेह चाह जोरी ॥४॥ | Bhairav |
Page 1 of 1
bottom of page
