top of page

Aashraya Ke Pad

To get full expanded Kritan text click on any column of the kirtan row in below table.

Kirtan Title
Page
Kirtan
Raag
Mohan key khelat rung rahyo hoe shree radha giridhar
Part3-190
मोहन के खेलत रंग रह्यो हो श्री राधा गिरिधर खेलत फाग ॥ ध्रु० ॥ खेलत चलत करत अतितरकें छिरकत पिय पें धाय ॥ खेलि चली जोवन मदमाती अधर सुधारस प्याय ॥१॥ वागे दुहूं दिस सरस विराजत राजत कंचन माल ॥ इते रंग रंगीली राधा उते नंदजू के लाल ॥२॥ इतलिये कनक लकुटिया नागरि उत हरि ओढन साल ॥ झुंडन जुर चहुंदिसते आईं गावत गीत रसाल ॥|३॥ मारलगी तब उलटि चलीहें वेनीहले चहं अंग ॥ मानो इंदु के वदन सुधा पर उडि उडि परत भुजंग ॥ ४।| खेलदगाको जिनकरो लालन कें लागेगी चोट ॥ मोहन मूरति सांवरी राखोंगी अचरा की ओट ॥५॥ एकजु आई आन गामते सुंदर चतुर सुजान ॥ यह ढोटा माई कोन गोपको मारत मोहन बान ॥६॥ झांझ भेरि दुंदुभी पखावज ओर आवज डफतालं ॥ मदनभेरि ओररराय गिडगिडी बिच बिच बेनु रसाल ॥७॥ यमुना कुल मूल बंसीबट गावत गोप धमार ॥ लेले नाम गाम बरसानों देत परस्पर गार ॥८॥ खेलें फाग प्रेमसों मोहन फगुवा दियो मगाय ॥ हरिनारायण प्रभु सोभा बाढी स्यामदास बल जाय ॥९॥
Kaafi
Baanki bhaunh tedhhi pagpiyare anurag piyare pichhor madhya jhalkat
NityaPad-133
बांकी भौंह टेढी पागपियरे अनुराग पियरे पिछोर मध्य झलकत तनियां ॥ निसके उनीदे नयन तोतरात मीठेबेन काजर की रेख माल छूटी लरमनियां॥।१॥ यावक लग्यो ललाट सजकें सुरत नांट खोलूं कपाट तुम कुहकके प्नियां ॥! मोहि त्यज रहोन्‍्यारे सुनों गिरधारी प्यारे ताहीपे सिधारो क्योंन जाके निशबनियां ॥२॥। सुन प्रियावचन रसिक धायलई उरलाय आनंदविनोद कीये प्रेम मगनियां ।| गिरिधारीगोकुलेश रससों भीजे विशेष चतुरकों चित्त चोर॒यो चतुर चिकनियां ॥३॥
Bibhaas
Shobhit shyam tunn peet jhaguliya . kull hii laal latkan chhavi
Part1-164
शोभित श्याम तन पीत झगुलिया । कुल ही लाल लटकन छवि बघना चलन सिखावत मैया ॥१)| डगमगात पग॑ धरत मनोहर अति राजत पेंजनिया । जसुमति मन प्रफुलित मन आनंद पुनिपुनि लेत बलैया ॥२॥ किलकि किलकि कर लेत खिलौना प्रेम मगन हुलसैया । अरबराय देखत फिर पाछें घुटुुवबन चलत हैं पैया ॥३॥ गोपबधू मुख कमल निहारत ललनसरबबहिं सुख देया । व्रजलीला ब्रह्मादिक दुर्लभ गावत दास सदैया ॥४॥
Nat
Anandbhayo shrilakshman nandkumar ..
Part2-273
आनंदभयो श्रीलक्ष्मण नंदकुमार ॥ भूपर प्रकट भये पुरुषोत्तम जीवकीये उद्धार ॥१ ॥ कर निःसाधन सुदृण होयके कियेजु अंगीकार ॥ कृष्णदास श्रीहरिकी लीला जानें जाननहार ॥२ ॥
Devgandhar
Boll liye sub gwal kahat giri poojiyen.. dhru0 ..
Part2-107
बोल लिये सब ग्वाल कहत गिरि पूजियें॥ ध्रु० ॥ दीपमालिका आजु गोवर्धनलीला गायें॥ नंद महोत्सव होय चलो सब देखन जायें ॥ कनक थार मोतिन भरे दीपक बरे मंझार॥ सब मिल आईं गोपिका हो गावत मंगलचार ॥ कहत ॥१ ॥ आप आपुही रूप बनी सब ब्रजकी नारी॥ लेंहगा कंचुकी अंग बनी बहु झूमक सारी॥ काजर रेख टीको बन्यो ओर मोतिनके हार ॥ सब मिल गोपी करत हैं अप अपनोंसिंगार ॥ कहत ॥२ ॥ गाम गाम तें अहीर बोलि लिये राय नंदजू॥ न्योंतो दीनो डूब बोलि वषभानलद ॥ वृद्ध तरुणी बालासवे बलि बालिक संग लाई॥ गोद लियें सुत सांवरो हो कहत यशोदा माई॥ कहत ॥३ ॥ सुरपति पूजा मेटि महागिरि कान्ह पुजावे। लाल कही यह बानी बात सबके मन भावे। अन्न तृण बहु निपजे बहुतजु बरखे मेह॥ गाय दूध दूनोकरे हो घरघर बढ़े स्नेह ॥ कहत ॥४ ॥ नानाविध करि पाक सबे मिल आन चढाई ॥ खीर खांड अति बहुत महापकवान मिठाई ॥ दार भात ओर घी घनो दधिओदन धरि माथ॥ सब मिल पूजें गोपिका सो लेले अपने हाथ।॥ कहत ॥५ ॥ दोनां भरे बनाय बहोत विध बरा पकोरा॥ भोजन बिंजन आनिधरे सिखरन चहुंओरा॥ नींबू सूरन रायता अदरख बहुत बनाय ॥ केरी करोंदा काचरी हो लाईं यशोदा माय ॥ कहत ॥६ ।॥ खाजा गूंजा फेनी पापर अरु ईंदरसा॥ लुचई लपसी घेबर बाबर बडी खरेसा॥ दूध पेडा अरु डुबका मांट जलेबी ओट ॥ पकवान पंगति अवनवी हो भलो भयो अन्नकोट ॥ कहत ।।७ ॥ धूप दीप बहु आनि महा गिरि पातो छायो ॥ चोवा चंदन अगर अरगजा चरचि चढायो॥ होम यज्ञ सबही करें व्रजवासिन आनंद ॥ धनि धनि यह दिन आजुको हो धनि धनि बाबा नंद ॥ कहत ॥८ ॥ गोद लियें हरि नंद ठाडी जसोदा रानी ॥ चहुंदिश घुरे निशान ध्वजाबर महा फहरानी ॥ सुरनर मुनि सब देवता गुनि गंधर्व करें गान॥ नारद शारद शेषजुहो ब्रह्मा विष्णु समान ॥ कहत ॥९ ॥ एक भुजा नंदनंदन ठाड़े करगहि हाथा॥ एक भुजा दे शीश सकल गोपिन के माथा॥ एक भुजा भोजन करें एक भुजा गहें मात॥ देखो अचरज आजको हो पर्वत पूजा खात॥ कहत ॥१० ॥ व्रजवासिन सब बोलि महागिरि पूजा कीनी ॥ सुरपतिको बल मेटि महागिरिकों ले दीनी ॥ इंद्रकोप तबही क्यो दीये छटकाय ॥ एसो कोन पूजा लहे हो देहों गोप बहाय ॥ कहत ॥ ११ ॥ सात दिवस ओर रात महागिरि कर हरि लीनो॥ वृथा भये सब मेघ गोपको कछुवन कीनो ॥ इंद्र मान सबही मिटयो मेघ पुकारे जाय ॥ ब्रज राख्यो नंद लाडिले हो कीनो अपनो भाय॥ कहत ॥१२ ॥ सुनि हो भैया ग्वाल आजु अचरज हे एको ॥ कर कोमल गिरि धर्यो ग्वाल लकुटी ले टेको॥ सात वरसको सांवरो राख लिये सब गोप ॥ ब्रजवासिन छांया करि हो मानो सब सिर टोप ॥ कहत ॥१३ ॥ इंद्र करे स्तुति आय महाप्रभु सुनो हमारी ॥ कामधेनु उरमाल कान्ह के आगें धारी॥ तुम करता ईश्वर हरी देहो हमारी चूक ॥ तुमारी गति जानी नहीं हों अज्ञानी मूक ॥ कहत ॥१४॥ तब बोले गिरिधरन इंद्र सुन बात हमारी ॥ तें कीनो अभिषेक लई में मानि तिहारी ॥ कामथेनु तोकों दई दई कनक उरमाल ॥ असुर संहारन प्रगटियो हों कीनो यह विध ख्याल॥ कहत ॥१५॥ सो जनको बडभाग गोवर्धनलीला गावे ॥ सीखे सुनें विचार भक्ति जन कोटिक पाबे ॥ नंदके गृहक्रीडा करी सुख दीनो व्रजपाल॥ परब्रह्म लीला करी हो बलि बलि दास गोपाल॥ कहत ॥१६ ॥
Bilawal
Manmohan pagiya aaj kii baandhi paag banaam ladile
NityaPad-073
मनमोहन पगिया आज की बांधी पाग बनाम लाडिले अति सुंदर बड साज की ॥ १॥ कहि न सकत शुंगार हार के ओर गुंजावन माल की ॥ चत्रभुज प्रभु गिरिधरन लाल छबि नीकी बनी नंदलाल की ॥२॥
bilawal
Seetal kunj pahop punj mahaa usirki rawati totty chhirkat
NityaPad-246
सीतल कुंज पहोप पुंज महा उसीरकी रावटी टाटी छिरकत कुंकुम मलयज देखत आवबत कांपी ॥ बहुत कर कपूर चूरसों सरस प्रेम पूर यमुनाकी लोल लहर बहुत वृक्ष चांपी ॥१॥ केसर मृगमद गुलाल लैलै दल कोमल जाल कोतों रची सहज रसाल पीतांबर ढांपी ॥ तेरोई ध्यान धरत तेरोई नाम रटत जगतको प्रभु आरति लेन पठड़ दिनमापी ॥२॥
Saarang
Jhoothehi dosh gopal lagawat jahinjahin khelein mero mohan tahintahin uthh dhawat .. 1..|
NityaPad-195
झूठेही दोष गोपाल लगावत जहींजहीं खेलें मेरो मोहन तहींतहीं उठ धावत ॥ १॥| कब तेरो दधिमाखन खायों ऐसेंई आवत हाथ नचावत ॥ परमानंद मदममोहनकों ब्रजकी लीलाभावत ॥।२॥
Saarang
Giridhar kaun prakriti tihari atapati sadhan beethinimein vrajabadhoon
Part1-256
गिरिधर कौन प्रकृति तिहारी अटपटी सधन बीथिनिमें व्रजबधून सूँ मारगमें अटकौ ॥ तुमतौ ठाठे टूले फिरतहों जु निश दिन हम ग्रहकाज करें कैसें बचबच निकसत तौऊ डै ही जात भटकौ ॥१।॥| दानदान कर राख्यौ कोनें धों दान दियौ झूठेई मारत गालपटकौ ॥ गोविंदप्रभु आये अनोंखे नये दानी ब्रज सुनरी सयानी चटमट कियें मटकौ ॥२॥
Kanharo
Saras basant sakhaa mill khaile adbhut gati
Part3-063
सरस बसंत सखा मिल खैले अद्भुत गति नंद नंदनकी ॥ केसरि ग्रगममद और अरणजा बनी कीच सुभ बंदनकी ॥ १॥ निरतति मुदित मंडलि कैं मधि कोटि मैंन दुःख खंडनकी ॥ 'सूर' स्याम छबि कहाँलों बरनौ नंद लीला जग बंदनकी ॥२॥
Basant
Ritu basant key aag maaho prachur madan koo jore ..
Part3-179
ऋतु बसंत के आग माहो प्रचुर मदन को जोर ॥ केलिरस झूमकरारेझूमकरा ॥ राधा गोरी सुंदरी सुंदर नंद किसोर ॥१॥ झूंडन मिलि गावत चलीं झूमक नंद के द्वार ॥ नृत्य करें ब्रज सुंदरी मोहि लियो मनमार ॥२॥ बिपिन गली सुंदर बनी ललित लवंगन मेलि ॥ अंबमनोहर मोरियो करन केतुकी बेलि ॥३॥ गोकुल गाम सुहावनो बृंदाबनसो ठोर ॥ खेलहिं ग्वालिनि ग्वारिया रसिक कान्ह सिरमोर ॥४॥ एक गोरी एक सांवरी एक चंदवदन सोहे बाल ॥ एकन कुंडल जगमगे एकन तिलक सुभाल ॥५॥ एकन चोली अधखुली एक रहे बंद छूटि ॥ एक अलकावलि उरघधरें एक रही लटखूटि ॥६॥ एकनचीर जोखसिपरे एकन लटकतलूम ॥ एक अधर रसघूंटदि एक रही कंठझूम ॥७॥ ताल परावज बाजही वीना बेनु रसाल ॥ महुवरि चंगजो बांसुरी बजावत गिरिधर लाल ॥८॥ चोवा चंदन कुंकुमा उडत गुलाल अबीर ॥ सुरनर मुनि मनमानियो व्योमविमाननभीर ।। ९।। सुरति समागम रस रह्यो मनहूं महागजमंत ॥ परमानंद प्रभु श्रीपति रसिक राधिका कंत ॥१०॥
Jetshri
Tum avori tum aabo .. mohanju koo gaari sunavo
Part3-101
तुम आवोरी तुम आबो ॥ मोहनजू को गारी सुनावो ॥ १॥ हरिकारो री हरिकारो ॥ यह द्ले बापन विचबारो ॥|२॥ हरिनट बारी हरिनटवा ॥ राधाजूके आगें लड्॒वा ॥३॥ हरि मधुकररी हरि मधुकर ॥ रसचाखत डोलत घरघर || ४॥ हरिखंजन री हरी खंजन ॥ राधाजु के मनको रंजन ॥५॥ हरिरंजन री हरिरंजन | ललिता ले आई अंजन ॥६॥ हरिनागर री हरिनागर ॥ जाकोबाबा नंद उजागर ॥७॥ हम जानेरी हमजाने ॥ राधा मोहन गह्ि आने ॥८॥ मुख मांडोरी मुखमांडो हरिहाहा खाय ॥ तोछांडो ॥९॥ हम भरिहेंरी हम भरिहें ॥ काइूते नेंक न॑ डरिहें ॥१०॥ हरि होरीहो हरि होरी॥ स्यामाजु केसरि ढोरी॥ १ १॥ डरिभावेरी हरिभावे।| राधा मनमोद बढावे ॥ १ २॥ रंगभीनो री रंगभीनो ॥| राधा मोहन बसकीनो ॥ १ ३॥ हरिप्यारो री हरि प्यारो ॥ राधा नयनन को तारो ॥ १४॥ हम लेहेंरी हमलेहें || फगुवाले गारी न हेहें ॥ १ ५॥ यह जस परमानंद गावे ॥ कछु रहसि बधाई पावे ॥१५॥
Kaafi
Page 1 of 1

© 2026 All rights reserved. Vaishnav Samaj of RTP, DBA - Krishnadham-VYO 

bottom of page