top of page

Aashraya Ke Pad

To get full expanded Kritan text click on any column of the kirtan row in below table.

Kirtan Title
Page
Kirtan
Raag
Shyam sajani sharad rajani pulin madhya nrityanat taantrigata taantrigata tirap bund karat kamini ..
Pustak1-342
श्याम सजनी शरद रजनी पुलिन मध्य नृत्यनाट तांतृगता तांतृगता तिरप बंद करत कामिनी ॥ गिड़िगिडां गिडिगिडां गिडगिडगिडगिडगिडां थिधी किटता लागदई झांझांझां झनननननन सुरउपंगनी ॥१॥ श्यामाकों यह नाद भावे तांत्रगता तांत्रगता गतिहिं लावे तततततत शब्द लेत कोटिकामिनी ॥ कृष्णदास यशहिं गावै कर ताथेई थेई नचावै काकृति काकृति काकृति काकृति करे मृदंगगी. ॥२॥
Iman
Abb tum hii lai leey geede hoe daan sonh mohi godhan kii gopal..
Part1-259
अब तुम ही लै ले गीदे हो दान सोंह मोहि गोधन की गोपाल॥ तनक मथनियाँ औंधी जो देखों तौ कहा करूँ तिहिं काल ॥१॥ और ग्वालिसी मोहूकों जानत हो करिहों तुमें बिहाल ॥ रामदास प्रभु जान देहु सब ग्वाल कहत हैं सो घर कैसें बचि है सुवन बजावत गाल ॥२॥
Todi
Harihin lyau ree ! bhojan curran | buddy baar khelat bhaee mohan giri
NityaPad-079
हरिहिं ल्याउ री ! भोजन करन | बडी बार खेलत भई मोहन गिरि गोवर्द्धन-धरन ॥ बैठे नंद बाट चाहत हैं ताती खीर सिराई । बालक सब संगहि ले आवहु कहति जसोदा माई ॥ धेनु दियो दूध अधिकाई सुनहु कान्ह कान्ह ! इहि बात। परमानंद' प्रभु बल-समेत तुम घरहिं आइए तात ॥
Aasawari
Saaree gumm padhani sapt swar alankrit srirag gawat vraj bhamini..
Pustak1-336
सारी गम पधनी सप्त स्वर अलंकृत श्रीराग गावत ब्रज भामिनी॥ कोकिल कलरव वर सुंदर सकल मानिनी मैं वर कामिनी ॥१॥ रिझिवत तत थेई तानबंधान शरद विमल शशि राका यामिनी ॥ कृष्णदास प्रभु गोवर्द्धन धारी लाल रिश्यो चाहत संग स्वामिनी ॥२॥
Shri
Arrie jamuna jall paan kareri..
NityaPad-254
एरी जमुना जल पान करेरी॥ निरख सख्री वीजना ढुरावे तन चंदन सबतन लेप करेरी ॥१॥ नाव बनी बंगला छबि राजत ग्रही राधा नव॒ल वरेरी ।। दास गदाधर जमुना जल क्रीडत ग्रीष्म रितु दूर करेरी || २॥।
Kafi
Jasoda pende pende dolle .. thah grihakaaj unein suta koo darr duhu
NityaPad-084
जसोदा पेंडे पेंडे डोल्ले ॥ थह गृहकाज उनें सुत को डर दुहु भांतिन मन तोले ॥१॥ अबहु कुंवर तुम भोजन कीजे जननी रोहिनी बोले ॥ परमानंद प्रभु वह फिर चितयो आनन्द हृदे कलोले ॥२॥
Dhanshree
Vyaar bado curry darreri sarang mokon baat samharanderi ..
Part2-055
व्यार बडो करि डारेरी सारंग मोकों बाट सम्हारनदेरी ॥ अंचलसों कित दीप दुराबत ढांप पिछोरी तु मोय लेरी ॥१ ॥ दीपनकी द्युति फीकी लागत तन तेरो उजेरो अंग दीपेरी ॥ गोपीजनसों कृष्णदास कहे मानो पर्व दीवारी तूहेरी ॥२ ॥
Kanharo
Chatkilau putt laptaanau cutty bansibat jamunaake tata thaadhi naagar
Part1-348
चटकीलौ पट लपटानौ कटि बंसीबट जमुनाके तट ठाढी नागर नट ॥ मुकुट लटक और कुंडल चटक भ्रुकुटी बिकट तामेँ अटक्यौरी मदनभट ॥१॥ चरण लपेट आछे कनक लकुट चटकीली बनमाल कर टेकें द्रुम डाल ठेढ़े ठाढ़े नंदलाल छबि छाई घटघट ॥ नंददास प्रभु प्यारी बिन देखें गोपीग्वाल टारी न टरत यातैं निपट निकट आवै सौंधेकी लपट ॥२॥
Adano
Sakhee sugandh jall
NityaPad-238
सखी सुगंध जल घोरिकें चंदन घस अंग लगावें॥ निरख निरख लालन मुख हंस हंस मन ललचावें ॥१॥ चंदन अंग चित्रीत कीये बहुविध हुलरावें॥ कृष्णदास लेपन करे मन्मथही लजाबें॥२॥
Saarang
Banyon rasmandaln varr taamein mahaa mudit mridul radhapyari ..
Part1-335
बन्यों रासमंडल्न वर तामें महा मुदित मृदुल राधाप्यारी ॥ वरणों कहा बानिक आँग अँगकी एकरूप एकवेश एकरंग एकरास तामें लेत उपजत अति गति न्यारी ॥१॥ गावत तान तरंग निर्तत उरप तिरप लाग डाट उघटत शब्द उपज महारी ॥ यमुनापुलिन सुभग शीतल समीर मद चंद थक्‍यो निशि सब दिशि लागत उजियारी ॥२॥ मोरमुकुट माथें अंग अंग चित्र काछें ग्रीवा भुज मेलि दोउ निर्तत बिहारी ॥ कल्याण के प्रभु प्रिय प्रेम मगन द्वै लटकत फिरत करत रस क्रीड़ा ऐसे रीज्ञ वश भये गिरिधारी ॥३॥
Malav
Syama swam aavat kunj mahel tein ragamage ragamage ..
Part2-350
स्यामा स्वाम आवत कुंज महेल तें रगमगे रगमगे ॥ लटपटी पाग सिथिल कटि किंकिनि अरुन नेंन चारों जाम जगे ॥१ ॥ सब सखी सुधराई गावत बीन बजावत सरस संगीत पगे ॥ 'हरिदास' के स्वामी स्थामा कुंज बिहारी की कटाच्छ पर कोटिक काम डिगे ॥२ ॥
Suha
Kahaante aaye hoe uthh praat angang alsaat .. nayana douu
NityaPad-047
कहांते आये हो उठ प्रात अंगअंग अलसात ॥ नयना दोऊ अरूण रगमगे घूमत आवत सुधि न कछू तन चिन्ह बने सब गात ॥॥९॥ लटपटी पाग मरगजीमाला पीतांबर ऊपर जो विराजत मंदमंद मुसकात ।। यह छबि निरख निरखकें ब्रजपति हँसत परस्पर लेत बलैया फूले अंग न समात ॥२॥
Lalit
Page 1 of 1

© 2026 All rights reserved. Vaishnav Samaj of RTP, DBA - Krishnadham-VYO 

bottom of page