top of page

Aashraya Ke Pad

To get full expanded Kritan text click on any column of the kirtan row in below table.

Kirtan Title
Page
Kirtan
Raag
Adbhut natbhekh dharain yamunatat shyamsunder gunanidhaan girivardhar
Part1-352
अद्भुत नटभेख धरैं यमुनातट श्यामसुंदर गुणनिधान गिरिवरधर रास रंग नायें ॥ युवतीयूथ संग लियें गावत केदारों राग अब घर बर वेणु मधुर मधुर सप्त स्वरन साचें ॥१॥ उरप तिरप लागडाट तततत तत थेई थेई उघटत शब्दावली यति भेद कोऊ न बाँचैं | चत्रभुजप्रभु बनबिलास मोहे सब सुर अकाश * निरखथक्यो चंदकों रथ पश्चिम नहीं खाँचें ॥२॥
Kedaro
Rasrang nrityamaan adbhut gati lait taana yamunapulin param
Part1-352
रासरंग नृत्यमान अद्भुत गति लेत तान यमुनापुलिन परम रवनिगिरिवरधर राजैं ॥ बनिता शतयुथ मंडल गंडन पर झलकें कुंडल गावत केदारो राग सप्तस्वरन साजैं ॥१॥ दोऊ श्यामा मध्य मोहन रचित मरकतमणि कंचनखचित शिधिल बसन कटितटतें अपुने हाथ समाजैं ॥ कुंभनदास नवरंग सकल कला गुण निधान खरजादिक लेत तान अंगही अंग बिराजैं ॥२॥
Kedaro
Dulahe laal aaya kharey dwaare sobha barni naan jaaee.
Part2-331
दुलहे लाल आय खरे द्वारे सोभा बरनी न जाई। ठाड़े बेद पढत हैं ब्राह्मण सोहासन गावबत आई ॥१ ॥ भीतर दुलहे लाल पधारे जहां मंडप रहो छाई। समय पायके नवल किसोरी मंडपमें पधराई ॥२ ॥ लोक वेद मर्यादा कारण अंतर पट जु कराई । सहि न सकत विरह दोऊ वेग करो मुनि राई ॥३ ॥
Basant
Argaja gulal chhirkat vallabh laal key sanga ..
Part3-321
अरगजा गुलाल छिरकत वल्लभ लाल के संग ॥ अतर गुलाब ओर चोवा चंदन कुंकुमा भरत पिचकारी लाई ब्रजनारी सब विविधि भांत सों बहुरंग ॥|१॥ वरणवरण अंबर तन पहरे आभूषण अति विचित्र छबि जावत सरस सुरतान मानसों पुलकित अंग ॥ बलल्‍्लभ पिय सन्मुख निरखत हैं सब ज्यों चकोर चंदा तन चितबत्त नयन निरखत उपज्यो प्रेम अनंग ॥२॥
Kalyan
Mill jembat ladililal duhunkar vyanjan chaaru sabai sarasen ..
NityaPad-214
मिल जेंबत लाडिलीलाल दुहुंकर व्यंजन चारु सबै सरसें ।। करकंपत हाथते छूट परे कबहुं ग्रास मुखसों परसें ॥१॥ हठके मनमोहन हार परे सखी हाथ जिमावन को तरसें ॥| सख्त्री माधुरी कुंजनमें बरसें ॥२॥ सखीसोंझलियेचहुँओरखरी निरखेहरखे दरसेपरसें ॥ बहसुखसिंधुकही न परे सब सखियन तहांहरिवंशलसें ॥३॥
Saarang
Palana jhooltahai nandlal . foolanason rachi rachihin banaayo
Part1-111
पलना झूलतहै नंदलाल । फूलनसों रचि रचिहिं बनायो अति सुंदर ब्रजबाल ॥१॥ करग्रही डोर झूलावत रानी फूली अंग न माई ॥ सुघरराय प्रभुकी छबि निरखत ब्रजजन लेत बलाई ॥२॥
Aasawari
Nandraayaken navanidhi aaee .. maathen mukut shravan mani kundal
Part1-006
नंदरायकें नवनिधि आई ॥ माथें मुकुट श्रवन मणि कुंडल पीत बसन अरु चारि भुजाई ॥१॥ बाजत बीन मृदंग शंख धुनि घसि अरगजा अंग चढ़ाई ॥ दधि पीवत और चंदन छिरकत रपटि परत हैं लैत उठाई ॥२॥ अछ्छत दूब लिये चढ़ बड़े द्वारन बंदनमाल बंधाई ॥ सूरदास सब मिले परस्पर दान देत नंद मन न अधाई. ॥३॥
Devgandhar
Nurityat laal gopal raas mein sakal vraj baidhu sange .. gidgid
Part1-334
नुृत्यत लाल गोपाल रास में सकल ब्रज बैधू संगे ॥ गिडगिड तकथुंग तत थेई तत थेई भामिनि रति रस रंगे ॥१॥ शरद बिमल नभ उडुपति राजत गावत तान तरंगे ॥ तालमृदंग झाँस और झालर बाजत सरस सुधंगे॥२॥ शिव विरंचि मोहे सुर नर मुनि रतिपति गति मति भंगे ॥ गोविंद प्रभु रसरास रसिक मणि भामिनि लेत उछंगे ॥३॥
Malav
Ravijaatat kunjan mein giridhar khelat faag
Part3-080
रविजातट कुंजन में मिरिधर खेलत फाग सुरंग ॥ गोपबाल गोकुलके सबही लये जोरि सबसंग ॥१॥ श्रीवृषभान सुतासों प्रमुदित चले करनडितजंग || सोभा अद्भुत बनी सबन की निररि लज्यो अनंग ॥२॥ नवसत्तसाज सिंगार राधिका सनमुख आई दौरि ॥ प्रेम सहित नेनन अवलोकत साथ सखी सब जोरि ॥३॥ पिचकाई भरि लई कनिक की केसरि रससों घोरी ॥ छिरकत चोंप परस्पर वाढ़ी हंसत मृदुल मुख मोरि ॥४॥ चोवामेद फुलेल अरगजा लीयो सुभग बनाय ॥ भरिभरि वेला सब छिरकतडें उर आनंद न समाय ॥५॥ सरस सुगंध उड्यो अतिबूका दिनमनि लख्यो नजाय ॥ चहूं ओर रस सागर उमडलयो श्रुतिपथ गयो वहाय ॥६॥ बचन बिवेक ना बोलत तिहिछिन सुधि भूली सवचेत ॥ सोर करत सबही धावतहें हो हो शब्द समेत ॥॥७॥ राधा लाल गुलाल मुठीभरि डारत अति सुखहेत ॥ बाहिर उर अनुराग दुहुन को प्रगट दिखाई देत |८॥ पटह झांझ झालरि डफ आबज वीना सुरकल मंद ॥| ताल परवावज मुरली मह॒वारि बाजत मुरज सुछंद ।।९|| गारी ब्रज ललना मिली गावत मनमें अति आनंद ॥ फगणुवा मनभायो सब मांगत पकरे आनंद कंद ॥१०॥ उलदि सखन तन चितये मोहन बाढ्यो रंग अपार ॥ भयो मूढमन शेष कहन को राधाकृष्ण विहार ॥११॥ सिव समाधि भूल्यो विध मनमें पछि तायो वहवार ॥ जों माग्यो फणशुवा सो हसिकें दीनो नंदकुमार ॥|१२॥ कुसमित विपिन सुबल वहु विधिसों दरस करन कोंआयो ॥ ऋतु क्संत केकी शुक पिक मिलि मधुपन बोल सुनायो ॥१३॥ थके देव किन्नर सुर वनिता अति मनमें सुख पायो ॥ गोकुलचंद सरूप सुखदको गुन संभ्रमसो गायो ॥१४॥।
Devgandhar
Shrimad‌ vrindaavan vidhu prakatit anandarsidhu rooptharen
Part2-299
श्रीमद्‌ वृन्दावन विधु प्रकटित आनंदर्सिधु रूपथरें प्रकट भये श्रीलक्ष्मण भट गेह॥ अति कोमल पुलकित तन पूरित रासादि लीला निजजन पर वर्षत नित्य व्रजपति पदनेह॥१॥ अति गूढ श्रुति विचार विशद्‌ करण पंडितजन कोटि मदन सुंदरबपु आये ह्िजदेह ॥ अगोकुलपति येह कहें वारवार स्तुतिकरें दासगोबिंद जीयमें बसो है ॥२ ॥
Sarang
4 aaj mahaa mangal maharaane . punch shabd dhwani bheer badhaai gharghar
Part1-046
४ आज महा मंगल महराने । पंच शब्द ध्वनि भीर बधाई घरघर वे रखवाने ॥१॥ ग्वाल भरें काँवरि गोरसकी बधू सिंगारत बानें । गोपी गोप परस्पर छिरकत दि के माठ ढराने ॥२॥ नामकरन जब कियौ गर्गमुनि नंद देत बहु दानें | पावन जस गावति कटहरिया जाहि परमेश्वर भानें ॥३)॥
Sarang
Merrie jasumati jachcha aho raani dhanya dhanya bhaagi ..tech..
Part1-054
मेरी जसुमति जच्चा अहो रानी धन्य धन्य भागि ॥टेक॥ तोसी सील सपूत्ती और न कोई । अखिल लोकनाथ जनसी सिज्या सोई ॥१॥ जाके उदर उपज्यौ ब्रह्मा भ्रम भारी । सोई कमलनाल जतन करतहै ब्रजनारी ॥१)॥ आदि अंत जगतकी गति जाकों सूझें । ताकी यह रासि लग्न विप्रन बूझें ॥३॥ सकल जीव जंतुनकों भोजन पहुँचावै । ताहि छतियाँ लाई लाई दूध पिवावे ॥४॥ जाके गुन गान शेष निशदिन गाये । विश्व कुशल काज अनायास आये ॥५॥ गणपति सरस्वती जाकी करतहें प्रशंसा । यादव नरेश ये मुनिमानस हंसा ॥६॥ जाकी पदरज शिव विरंची विश्व हेरें | सूरदास ऐसौ ध्यान बसौ हिय मेरें ॥७॥
Kafi
Page 1 of 1

© 2026 All rights reserved. Vaishnav Samaj of RTP, DBA - Krishnadham-VYO 

bottom of page