top of page

Aashraya Ke Pad

To get full expanded Kritan text click on any column of the kirtan row in below table.

Kirtan Title
Page
Kirtan
Raag
Ree tuu angarang rung raani atihi
NityaPad-337
री तू अंगरअंग रंग रानी अतिही सयानी पियजिय मनमानी || सोरह कला समानी बोलत मधुरीवानी तेरोमुखदेखें चंदाजोतिहू लजानी ॥१॥ कटिकेहरि कदलीजंघ नासिकापर कीर वारों फलउरोज बिच अधिक सयानी ॥ हरिनारायण स्यामदासके प्रभुसों तेरो नेहरहों जोलों गंगयमुना पानी ॥२॥
Bihagaro
Kahai jhagarin main badbhagini nirakhyau haye nandjukau laal .
Part1-086
कहै झगरिन मैं बड़भागिनि निरख्यौ है नंदजूकौ लाल । जाकौ दरश देव नहीं पावें सो पायौ इहि काल ॥१॥ यह औसरमें कैसे पायो कौन पुन्य कहो कैसे जायौ। प्रभुकी कृपा बिना कोउ पावत लैहों अब अपनों मन भायौ ॥२॥ जातिन छोटी करमनि मोटी देव निकट कोऊ बैठ न पायौ। में अपने हाथन करि लीनों नाल छेदनकों मोहि बुलायौ ॥३॥ अपनों जनम सुफल करि मानत दुर्लभ दरशन सुलभ पायौ | सगुनदास तिन सब कछु पायौ जिहिं पारसतें लोह मिटायौ ॥४॥
Devgandhar
Sundarta
NityaPad-277
सुन्दरता गोणले सोहे ॥ कहत न बने मेनन मन आनंद जाहि देखत रति नायक मोहे |। १ ॥। सुंदर चरन कमल गति सुन्दर गुंजा फुल अवतंस। सुंदर बनमाला उर मंडित सुंदर गिरा मनहु कलहंस ॥२॥ सुंदर बेनु मुकट गुन सुंदर सब अंग स्यथाम सरीर।॥ सुंदर बदन बिलोकनि सुंदर सुंदर ते सुंदर बलबीर ॥३॥ वेद पुरान निरुषित बहु विध परि ब्रह्म रूप नराक्रति वास ॥ बलबल जाउं मनोहर मूरत रहे बसो परमानंददास ॥४॥
Saarang
Mento pritisyamsonkini | kounindon koubando abto yeh
NityaPad-093
मेंतो प्रीतिस्यामसोंकीनी | कोऊनिंदों कोऊबंदो अबतो यह धर दीनी ॥॥१॥ जोपतिक्रततो या ढोटासों इनेसमप्यों देह ॥ जोव्हभिचारतो नंदनंदनससों बाढ्यो अधिकसनेह ॥१॥ जोब्रतगगह्मा सो औरनभाथोमर्यादाकोभंग ।॥। परमानंदलालगिरिधरकोपायो मोटो संग ॥। ३॥।
Dhanshree
Kabahi mahyo liye shir dole .. jhuthei itautt phir aavat
NityaPad-095
कबही मह्यो लिये शिर डोले ॥ झुठेई इतउत्त फिर आवत यहां आय यह बोले ॥१॥ मुंहलों भरी मथनियां तेरी तोहि रटत भई सांझ ॥ जानतहों गोरसको लेंबों याही बाखर मांझ ।।२॥ डततो आय बात सुन मेरी कहे बिलग जिन मांनें॥ तेरे घरमें तुठी सथानी और बेच नहिं जानें ॥४॥ भ्रमतहि प्रमत भर मगई ग्वालिन बिकल भई बेहाल।॥। सूरदास प्रभु अंतरयामी आयमिले ततकाल ॥।३॥
Ramkali
Kete dinn vheju gaye binu dekhe |
NityaPad-372
केते दिन व्हेजु गये बिनु देखे | तरूण किशोर रसिक नंदनंदन कछुक उठत मुख रेखे ।। वह सौभाग्य वह कांति वदनकी कोटिक चंद्र विशेखे | वह चितवनि बह हास्य मनोहर वह नटवर वपु भेखें ।। श्याम सुंदर मिलि संग खेलनकी आवत जीय अपेखें ॥ कुंभनदास लाल गिरिधर बिनु जीवन जन्म अलेखें।
Bihaag
Sub milli mangal gaavo. shree vrishbhan udaar vidit jug jaano.
Part1-198
सब मिलि मंगल गावो। श्री वृषभान उदार विदित जग जानो। वंदों चरण महर कीरतिके संपति बहोत लुटावों । “चत्रभुज' प्रभु हित रूप स्वामिनी निरखत नेन सिरावों ॥२॥
Malav
Aisau maaee bahuri vahau dinn aayou .. nandrai chalai naan‍yautanako
Part1-010
ऐसौ माई बहुरि वहौ दिन आयौ ॥ नंदराय चलै न्‍्यौतनको सब व्रज होत बधायो ॥१॥ तिलक आरती करति यशोमति सबहिनपै तिलक करावें ॥ बरसगांठिके मंगल आए प्रेम भरी सब गावैं ॥२॥ गोद लाल दोऊ इत उत सब आगें बाजे बाजैं ॥ गावत नाचत सुधर सुनावत नई नई भांतिन सा ॥३॥ निकसे रथन जुराय महर सब मन प्रफुलित सुख पावैं । श्रीविदलगिरिधरनलालकूं आगे लैंन सब आवें ॥४॥
Devgandhar
Tum taja kaun sanehi keeje |
NityaPad-364
तुम तज कौन सनेही कीजे | सदा एकरसको निबहतहै जाकी चरणरज लीजे ॥।१॥ यह महोय अपनी जननीते पिताकरत नहीं ऐसी ॥। बंधुसहोदर सेवन करही मदनगोपाल करतहैं जैसी | २॥ सुख अरु लोक देतहै ब्रजपति अरु वृंदावन वास बसावत ॥| परमानंददासको ठाकुर नारदादि पावन यशगावत ॥३॥
Bihaag
Aavan kahee gaye ajahu naan aaye piya sub niss viti mohe geen geen taare ..
Part3-005
आवन कही गये अजहु न आये पिय सब निस विति मोहे गीन गीन तारे ॥ दिपक ज्योत्ती मलिन भई है किन दूतीयन वीरमाये प्यारे ॥१॥ नभचर बोले बगर सब खोले फूले कमल मधुप गुंजारे ॥ धोंधी के प्रभु तुम बहु नायक आये निपट बसंत सबारे ॥२॥
Malkoos
Gokul kii vrajnar dahmau nita bechan aavai . bhushan vividh
Part1-227
गोकुल की ब्रजनार दह्मौ नित बेचन आवै । भूषन विविध सिंगार बने अति परम सुहावै । एकतें एक बिराज ही शोभा बरनी न जाय । बन्यौ कुँज फूल्यौं सखी सो रैंग रस धरयो बनाय । कहत नंद लाड़िली ॥१॥ प्रात उठे न॑ंदलाल सखा सब सैन बुलाये | सुनी दानकी बात सबै आतुर उठि धाये । पेंड़ी रोक्यौं जायकै कालिंदी के तीर । नवलकुंज सुखदायिका हो तहाँ ठाढ़े बलवीर ॥कहत.॥२॥ बनमें देखे श्याम सकल मिल भई इक ठोई ॥ लागी करन विचार अब कहा करिहें माई ॥ यह मारग हम छाँड़िकि और ही मारग जाय ॥ यहाँ तौ ढोटा नंदकौ सो छीन छीन दधि खाय ॥ कहत. ॥३॥ सुनिकें धाये ग्वाल रोककें ठाढ़ी कीनी ॥ कित जाऔगी भाज दुहाइ नेंद की दीनी ॥ दान कृपाकर दीजियै छोँडी अधिक सयान ॥ दान हमार लेहूँगो आली राखों तेरी मान ॥कहत.॥४॥ कब दीनौ हम दान कबै तुम भये जु दानी॥ सुनी न कबहूँ बात जाय बूझौ नंदरानी ॥ उदर बसे तुम देवकी आये गोकुल भाज॥ जीये झूँठे खायकें अब क्‍यों नहिं आवै लाज ॥कहत.॥५॥ जोबनकौ अति गर्व ग्वालि मुख बोल सँभारी । दूध दही के मद देत सुथेई गारी । नंददुहाई देत हों लेहुँ सबनकों लूट | भूषन बसन छिनायकें सो हार सबनके टूट ॥कहत.॥६॥ लेत लूटकौ नाम कहा कोऊ तेरी चेरी । कब लीनौ तुम दान कबै दुहाई फेरी । शिर पर राजा कंस है बोलौ बचन बिचार । जो अबकें सुन पावही तौ दुख पावै नेंदनार ॥ कहत. ॥७॥ तू तो ग्वालि गमार कहा मोकूँ समझावै । शिव विरंचि सनकादि निगम मेरौ अंत न पावै ॥ भक्तनकी रक्षा करूँ दुष्टन करूँ संहार । कंस केश गहि मारिहों सो धरन उताऊूँ भार ॥कहत.॥८॥ बंधन पाये मात तबै क्यों न ऐसी कीनी । मथुरा छाँडी रात सेंन गोकुलमें दीनी । बहुत बड़ाई करत हो सोचौ मनहिं बिचार | खाये आधे बेर के सो बनमें होत कुमार ॥कहत.॥९॥ तप करती नँदनारि माँग मोपै बर लीनौ बचन वेद वषु धार आय गोकुल सुख दीनौ ॥ तू कहा जानें बावरी हम त्रिभुव॒न॒ पति राय ॥ जीव जल थलमें वससुँ सो घट घट रहौ समाय ॥कहत.॥१ ०॥ जो तुम ऐसे ब्रह्म] करत क्‍यों घरघर चोरी ॥| मैं पकरे जब आय लियौ पीतांबर छोगी ॥ तनक दहीके कारनें बाँधे यशोमति मात ॥ हम निज बंध छुड़ावहीं हो बोलत कहा इतरात ॥कहत.॥११॥ नल कूबरके हेत आपसूुँ जाय बँधाये ॥ तोरे तरूवर जाय बचन मुनि सत्य कराये ॥ मनमें सोचौ राधिका चीर हरनकी बात || नगन जमुनातें नीकसी हो आई हाहा खात ॥कहत.॥१२॥ ढीठ भये तुम कान्ह बचन बोलत जु कठोरे ॥ बनहि चरावो गाय फिसे ग्वालन संग दौरे ॥ वे दिन बिसरे साँवरे छाक छीन छीन खात ॥ ऐड़े ऐड़े जात हो सो बोलत कहा इतरात ॥ कहत.॥१३॥ अवनि असुर अति प्रबल मुनिजन कर्म छुड़ाये ॥ गौ संतनके हेत देह धरि गोकुल आये।। जैते संग गुवाल हैं तेते हैं सब देव ॥ हमनें गर्व इंद्रको हास्थी हो सो करत हमारी सेव ॥कहत.॥१४॥ बनमें बोलत बोल कहा अब भोहि सुनावै ॥ जानी तिहारी रीत कहा बलवंत कहावै ॥| जो ऐसे बलबंत हो तो काटौ वसुदेव फंस॥ छै बालक जब मारीयो तब क्यों न मारयौ कंस ॥कहत्त.॥१५॥ कंस केश गहि मारि वसुदेव बंद छुड़ाऊँ ॥ उग्रसेनकों राज दर्ऊ शिर चेंवर हुराऊँ ॥ भवन चतुर्दश गावहीं यह मेरी परताप ॥ मल्ल कुवलिया मारहूँ हों तोरूँगो गहि चाप ॥१६॥ कहा अधिकाई देत कान्ह हों नीकें जानों ॥ जात पात कुल खोज कछु मोते नहिं छानों ॥ लस्किनके सँग खायकें नाम धस्बौ है ग्वाल ॥ अब कैसें दथि खाउगे सो हमतौ हैं व्रजयाल ॥कहत.॥१७॥ दधि भाजन लऊँ छीन कंट मुक्ताफल मोरूँ ॥ धरुँ पाणि पर पाणि गहि तनमनिया तोरूँ॥ तुम बेटी वृषभानकी हम हैं नंदकुमार ॥ जाके बल पै आई हो तापै जाउ पुकार ॥कहत.॥१ ८॥ हम तो जात अहीर दह्गौ नित बेचन आवें ॥ सुन्योी न दधिकौ दान कहा अब नई चलावें ॥ तुम अनबीधे सॉमरे रोकत हौ बनमाँह ॥ या मुख ते दथि खाउगे सो बैठ कर्देंब की छाँह ॥कहत.)।१ ९॥ ग्वाल नचावत नैन बैन सुधे नहीं बोलौ ॥ हम अनबीधे नाहिं तुम अनबीधी डोलौ ॥ जबतें व्रजमें हों भयौ तब तें लीनौ दान || जाय कहों ब्रजराजसों तेरी दूर करै अभिमान ॥कहत.॥२०॥ टेढ़ी बांधौ पाग कान्ह ठटेढ़े रहौ ठाढ़े ॥ रोकत हो व्रजनार राबरें धरके बाढ़े | जाकौ आसरी पायकें भले बने हौ नाथ ॥ भाज सखा सब जॉँयगे कोड न आवबै साथ ॥कहत.॥२१॥ ऐसौो भूषति कौन जो हम पै हाथ उठावै ॥ बंदीजन द्विज वेद पढ़ें द्वारे नीत गावै ॥ ब्रह्मरूप उत्पन्न करूँ रुद्रप संहार ॥ विष्णुरूप रक्षा करूँ सो मैं हूँ नंदकुमार ॥कहत.॥२२॥ जो तुम ऐसे ब्रह्म हमारे छीकें ढूँढ़ौ ॥ घर घर माखन खाय कान तिरिया सँग सूँी ॥ तुम्हें दोष नहीं सामरे जाये कारी रात ॥ बनमें ब्रह्म कहात हौ तौ क्‍यों तजे पिता और मात ॥कहत.॥२३॥हों बूंदावन चंद रह्मौ सब माँझ समाई॥ स्वर्ग मृत्यु पाताल सबै मेरी टकुराई ॥ तू जो बदत है बावरी कहा है मेरी नाम॥ गज पिपीलिका आदि दे है सब मेरी धाम ॥कहत.।॥|२४॥ दधि खैवेकी बात माँग सूधें ही लीजे ॥ काहे कौ करत विवाद कान ऐसें नहीं कीजै ॥ जो एसे बलवंत हो तौ मथुय काहे न जाऔ | कंस मार घर आवही हो तब मेरौ दथ्षि खाओ ॥कहत.॥२५॥ सुन राधे नव नार जबै हम मथुरा जैहें ॥ करने हैं बहु काज फेरि नहीं गोकुल ऐशहें ॥ कौतुक देख्यौ जो चहें तौ अबहीं दिखाऊँ तोहि ॥ अब को गयोौ न आवहूँ सो फिर देखो नहीं मोहि ॥कहत.॥२६॥ काहेकों मथुरा जाऔ बचन ऐसे जिन बोलौ || हम तुम रहें समीप सदा गोकुल में डोली ॥ दूध दही की को गिनें नित प्रति माँगौ दान ॥ तुम्हें लाज या बातकी सो हमें होत अभिमान ॥कहत.॥२७॥ तुम अबला अज्ञान हमारे कृत्य न जानौ ॥ पठयौ काली देश कीयौ दावानल पानौ ॥ सुरपति ब्रज पर कोषियौ गिरिवर लियौ उठाय ॥ बनहीं बकासुर मारियों हो बालक बच्छ छुड़ाय ॥कहत.॥२८॥ मुदित भई ब्रजनार दह्मों लें आगें राख्यों ॥ ग्वालन दीनों बाँट कछुक ले आपुन चाख्यौ ॥ प्रीति पुरातन जानिकें मिली वृषभान कुमार ॥ तन मन अरप्यौ श्यामकों बस कीने गिरिधार ॥कहत.॥|२९॥ तुम त्रिभुवनके नाथ करौ सोई जिय भावै ॥ तिहारे गुन अरु कर्म कछू हम कहत न आवै ॥ शेष सहस मुख गावहीं ध्यान धरत त्रिपुरार ॥ हम अहीर ब्रजवासिनी क्‍यों कर पावें पार ॥कहत.॥३०॥ अ्रीराधाकृष्ण बिवाद परस्पर गाय सुनावै ॥ मनवांछित फल होय हृदैकों ताप नसावै ॥ श्यामा श्याम बिराजहीं अवलोकन सुखरास ॥ . यह बानिक मेरे बन बसो हो बलि बलि कुंभनदास ॥कहत.॥३१॥
Bilawal
Podhe rangmahal nandlal |. douu or dharee haye angeethi parada parey
NityaPad-129
पोढे रंगमहल नन्दलाल |। दोऊ ओर धरी हे अंगीठी परदा परे रंग लाल ॥९॥ ललितादिक सखी चरन चांपत निरखत होत बेहाल ॥। रसिक स्वामिनी लाय लई उर भरि लीनी अंक वारि ॥।२॥
Nayaki
Page 1 of 1

© 2026 All rights reserved. Vaishnav Samaj of RTP, DBA - Krishnadham-VYO 

bottom of page