top of page

Aashraya Ke Pad

To get full expanded Kritan text click on any column of the kirtan row in below table.

Kirtan Title
Page
Kirtan
Raag
Aliri teree latkanmein atakyau peeyakau munn nainku naan ita uta
Part1-318
आलीरी तेरी लटकनमें अटक्यौ पीयकौ मन नैंकु न इत उत अटक्यौ ॥१॥ देख रूप ठगी तबतें मन अनत न गोंहन हटक्यौ ॥ एते पर तू मान करत है क्‍यों हु न मानत विधु रथ उत्त अटक्यौ ॥ रसिक प्रीतम प्रीय दूत्तीके बचन सुनि मान तुरत ही सटक्यों ॥२॥
Saarang
Horry kheleri nandako nandan sukhdai .. ragamage
Part3-332
होरी खेलेरी नंदको नंदन सुखदाई ॥ रगमगे ग्वाल बाल सब नाचत कहा कहें सुंदरताई ॥१॥ किन्नरी झांझ ताल डफ बीना मुरली महुबर बाजत माई ॥ चोवा चंदन अरगजा कुंकुम मृगमद केसर नीर मिलाई ॥ २॥ गोपन करन कनक पिचकाई सुरंग गुलालन फेंट भराई ॥ हँस हँस वरखत युवती यूथ पर वंसन लेत तरुणी तब धाई ॥३॥ प्रीतम आन गहे प्यारी तब करते मुरली लई छिनाई |। फणगुवा मगाय दियो सबहिनकों तबही जाय मुरली भें पाई ॥३॥ देत असीस उलट गोपीजन यह ब्रजराज करो व्रजराई ॥| चढ विमान इंद्राविक आये कुसुमन की वरखाजु कराई ॥५॥ गोपबधू तन वारत सब ब्रजजन संग लगाई ॥ तिटष्ठिं अवसर तन मन धन प्रफुल्लित रघुवीर वारनें जाईं ॥६॥
Jejvanti
Aeye kahoon umade ghumade gajtaho piya kahun barkhat kahun
Part2-356
ए कहूं उमडे घुमडे गाजतहो पिय कहुँ बरखत कहुं उघरजात॥ कहुँ दमकत चमकत चपला ज्यों एकठोरन ठहरात ॥१॥ स्याम घनके लछन तुमहीपें स्थामधन मेहनेह आडंबर वृथा वहे जात॥ मुरारीदास प्रभु तिहारे वाम चरन पुजीयेजु को किनकी कही न बात को पत्यात ॥२९ ॥
Sarang
Moorali adhardharen nandanandan hoe hoe horry boleju ..
Part3-289
मूरली अधरधरें नंदनंदन हो हो होरी बोलेजू ॥ लिये सखा संग देत कूंक सब ब्रज खोरिन मे डोलेंजू ॥१॥ पहरें वसन अनेक वरणतन नीलपीत सितराते ॥ सुरंग गुलाल अबीर फेंटभर फिरत महारसमाते ॥२५॥ बाजत ताल मृदंग झांझ डफ ओर बांसुरी ध्वनि थोरी ॥ गावत सरस धमार नयो रंग रसिक मंडली जोरी ॥३॥ श्रवण सुनत सब .गोकुलनारी घर घरतें उठ दौरी ॥ सजेसमाज सबे मिल आई नंदराय की पौरी ॥७॥ पहरे दिव्य कटाव की चोली नौतन झूमक सारी ॥ मुनियन केसे झुंडन गावत परम भामती गारी ॥५॥ विविध सिंगार बने सबहिन अंग भूषण नानावेशा ॥ मुखहि तंबोल नयन काजर सिरसें दूर मांग सुदेशा ॥६॥ कंठ सरी मखतूल पोति उरगज मोतिन हारा ॥ कर कंकण कटि किंकिणी की छबी ओर नूपुर झनकारा ॥७॥| अलकावली आड मृगमद की वरनिस के को भांती ॥ खुटिलाखुभी रुचिर नकवेसर दूर करत रविकांता ॥८।॥ इनमें मुख्य राधिका नागरि सब हिन ऊपर सोहें ॥ कुटिल कटाक्ष फाग के अवसर प्रीतम को मनमोहें ॥९॥ कनक वरण वृषभान किशोरी नवघन नंदकिशोरा ॥ प्यारी चाब चौगुनों चितभयो चितवत पियकी ओरा ॥१०॥ बालक वृंद नक्षत्नन महिया छबि लागत गोविंदा ॥ ग्वालिनि मानो चकोर की सेना हेरत पूरण चंदा ॥१२॥ छूटी तरूणी मढामदमाती कुल अंकुश नहीं मानें ॥ सोंधो बहुत गुलाल लेकें नयनन तकतक तानें ॥१२॥ उत्तबूका वंदन अंजुलीभर सन्मुख ग्वाल उडावत ॥ दुड्/ंदिश माच्यो खेल परस्पर जिततित भरत भरावत ॥१३॥ नरनारीन के चोंपबढी जिय कमलनमार मचाई ॥ रूपे सुभटरन धीर मानो कोऊ इतउत ओटन जाई ॥१४॥ युवती यूथ पेलि सन्मुख व्हे जिततित सखा भजाये ॥ जाय गद्यो पटपीत श्यामको ॥ जीतके बाजे बजाये ॥ १५॥| कोऊ करते मुरली ले भाजी कोऊ मणि मोतिन माला ॥ कोऊ फेंटा गद्डि कह्त हमारो फग़ुवा देह गोपाला ॥१६॥ चंद्रावलि चोवा चंदनले सीसस्याम के नाबत ॥ ललिता विसाखा नयन आंजमुख रोरी हरद लगावत ॥१७॥ कोऊ प्यारी को अंचल लेके पिय के पटसों जोरें ॥ कोऊ कहे करो जुहार लडेंते कोऊ हँसत मुखबमोरें ॥१८॥ मगन भई तनकी सुध भूली उर आनंदन समाई || आलिंगन दे श्रीमुख चितवत मानो रंक निधिपाई ॥|१९॥ वरन वरन भये वसन भीजरंग कीच धरणि पर बाढी ॥ टूटे हार छूटी अलकावलि फटी कंचुकी गाढी ॥२०॥ सन्‍्मुख जीत चलीं ब्रजयुबती गईं यमुना के कूलन | लीला ललित निहार देवगण बरखन लागे फूलन ॥२१॥ इहिं बिध फाग संग मिल खेलें उत गोविंद इतगोरी ॥ चत्रभुजदास रहो ब्रम अविचल राधा गिरिधर जोरी ॥२२॥
Gouri
Deepdan dey huttery baithe baladaau aur kanhaiya ..
Part2-064
दीपदान दे हटरी बैठे बलदाऊ और कन्हैया ॥ नानाविध के मेवा मंगाये मंदरानी तहाँ करत बधैया ॥१ ॥ भांत भांत पकवान मिठाई बेले चावन बल भद्र भेया॥ यह त्यौहार नित नित भले आवो श्री बिट्ठुल के मन के रैया ॥२ ॥
Bilawal
Yeye suna gopkunwar teree chhabi neeki .. jaba tuu badan nihaarat
NityaPad-310
ये सुन गोपकुंवर तेरी छबि नीकी ।। जब तू बदन निहारत पिय सन्मुख तब चंदजोति फीकी ॥ कहांलौं वरनो सब अंग निरूपम ताते सजो विधना जोरी पीकी ॥ रसिक प्रीतमकी बानिक निरखत सकल अंग नयन सीतलता तियकी ॥२॥
Kalyan
Fenta amarasi dharey bhrukuti parr netra kamal nassa gajmoti.
NityaPad-070
फेंटा अमरसी धरे भ्रूकुटी पर नेत्र कमल नासा गजमोती। भाल तिलक सिरपेच सीसफूल मोतिनमाल पहोची लर जोति ॥१॥ हँसत दसन जु दामिनी दमकत सुभग कपोल सोहे कंठपोती । कटितट छुद्रघंटिका नूपुर अरु नख छबि सोभित है जोति ॥ २॥ साज पिछोरा अमरसी सोभित श्वेत किनारी चमक ससि जोति | जमुनाजल भर कंचनझारी पोहोपमाल सोई छबि बोहोति।।३॥ दरपन ले देखत दोऊ हँसमुख आरती वारत दीपक जोति । कुंभनदास प्रभुकी छबि निरखत रसना कहा कहैं छबि बोहोति ॥४॥
Saarang
Houn bhori merau kaanh sayanau | yaaheete laal kheejat hii
Part1-150
हों भोरी मेरौ कान्ह सयानौ | याहीते लाल खीजत ही तुमसों दूधकों गई तोलों माट ढुरानौ ॥१॥ कौन उपाय करों सुनि सजनी मंदिर में सब दधि बिखरानौ । बोलि लिये सब सखा संगके पीबौरे बाल नंदलाल कमानों ॥२॥ दौरि उठाय लिये आँकों भरि निरस्त्रि नैन मोहन मुसिकानौ । कृष्ण जीवन लछीराम के प्रभु माई व्रजजुबतिन के हियौ सिरानों ॥३॥।
Bilawal
Aeye rangila rung daari kai kitt jaadaan .. shru0..
Part3-212
ए रंगीला रंग डारि कै कित जादां ॥ श्रु०॥ दुरि-आंदाँ तनक छिपजादां तब तो चोर कहादां ॥ जब जानीं जसुमति के ढोटा सनमुख दरस दिखादां ॥१॥ गारी गादां घेरि मिलांदाँ लरिकन कौं सिखलांदाँ ॥ भले भए तुम सुधर सयाने ब्रज में लोग हँसादां ॥२॥ पकरंणगा तेरी पणिया रंग हो तब तो कौंन छुड़ादाँ ॥ निरलज निपट लाल लंगरवा सौ सौ सोगंद खादाँ ॥३॥ चोवा चंदन औरू अरगजा रोरी रंग मिलादां ॥ आजु सखी “हरिदास” के ठाकुर इह बिधि धूम मचांदां ॥४॥
Kaafi
Maahi sub vidhi rangan ranni nipat nidder haye key .. taki maaree pichkari moe tunn urr mein aann luggy ..1.. nayau fagu
Part3-073
माहि सब विधि रंगन रंणी निपट निडर है के ॥ तकि मारी पिचकारी मो तन उर में आँन लगी ॥१॥ नयौ फागु खेलि नबीनौं नब रँग पीत पणी ॥ 'ब्रजाधीस' प्रभु सौं हिलमिल कैं सब निस रैन जगी ॥२॥
Kafi
Ritu vasant mukalit vann sajani suban juthika
Part3-057
ऋतु वसंत मुकलित वन सजनी सुबन जूथिका फूलीरी ॥ युनन गुनन गुंजत दुह्ुुंदिश मधुप मंडली झूली ॥१॥ गोवर्धन तट कोकिला कूजत वचननिकर रस मूली ॥| खेलत निरखि छेल नंदनंदन भई उडपति गति लूली ॥२॥ क्रतु कुसमाकर राका रजनी विरहनि नितप्रति कूली ॥ कृष्णदास हरिदास वर्यधर केलिकला अनु कूली ॥३॥
Basant
Aaj kii baanik parr hoe laal houn bali bali gaee bigalit cutch
Part3-Vasant Bahar
आज की बानिक पर हो लाल हों बलि बलि गई बिगलित कच सुबन पाग ढरकि रहि वाम भाग अंग अंग अलसही ॥ १॥ अरुून नैंन झपक जात कछु जँभात वार वार पीक कपोल छही ॥ धनि सुहाग भाग जाकों 'सूर' के प्रभु सँग सब निस बितई ॥२॥
Bilawal
Page 1 of 1

© 2026 All rights reserved. Vaishnav Samaj of RTP, DBA - Krishnadham-VYO 

bottom of page