top of page

Aashraya Ke Pad

To get full expanded Kritan text click on any column of the kirtan row in below table.

Kirtan Title
Page
Kirtan
Raag
Aaj payaane kau dinn neekau .. kushal keli air kreedat haye
Part1-316
आज पयाने कौ दिन नीकौ ॥ कुशल केलि एर क्रीड़त है पूँजिवे मनोरथ जीकी ॥१॥ अतुलित बल अतुलित सेना में हनूमान सिर टीकौ ॥ जाम्बवान सुग्रीव नील नल अंगद बाल बलीकौ ॥२॥ विजय दसमी और सींग दाहिनौ बाँयौ घर जोगिनीकौ || दिशाशूल मारत पाछे तें रावण मरण सहीकौ ॥३॥ शुंगी ऋषि मुन्रि इष्ट करत हैं जोड़ा कर कोटीकौ ॥ अग्र स्वामि कारज सब सरिहे उतरे भार महीकौं ॥४॥
Saarang
Giridhar saine keeje aaya..
Part2-240
गिरिधर सेन कीजे आय॥ चांदनी यह घटत नाहीं कहत जसोदा माय ॥१॥ खेल सोई खेलिये बलि जो हमहि सुहाय ॥ जाखेलते तेरे चोट लागे सो खेल देहो बहाय ॥२ ॥ खेलि मदनगोपाल आयेजननी लेत बलाय॥ पीओ पय तुम धोरी थेनु को सुख करहु माखन खाय ॥३ ॥ स्वच्छ सेज सुगंध बहु विधि लाल पोढे आय ॥ 'मदनमोहन' बाल के सरखि्र चरन चांपति माय ॥४॥
Bihaag
Mriganeni koo yaar naval rasiya ..
Part3-383
मृगनेनी को यार नवल रसिया ॥ बड़ि बडि अखियां नेन में सुरमा ॥ तेरी टेडी चितवन मेरे मन वसिया ॥१॥ अतलसको याकें लहेंगा सोहे ॥ प्यारी झुमक सारी मेरे मन बसिया ॥ छोटी अंगुरीन मुंदरी सोहे ॥ याके बीच आरसी मन बसीया ॥२॥ याके बांह बडो बाजूबन्ध सोड़े ॥ याके हीयरे हार दीपत छतिया ॥ रंग महतलमें सेज बिछाई ॥ याकें लाल पलंग पचरंग तकिया ॥ पुरुषोत्तम प्रभु देख विवस भये ॥ सबे छांड ब्रजमें वसिया ॥३॥
Hori-Kafi
Sunau hoe shyam aeka baat naee .. aaj raas radha avalokyau
Part1-324
सुनौ हो श्याम एक बात नई ॥ आज रास राधा अवलोक्यौ मेरे मन अति फूलभई ॥१॥ हँस बोलन डोलन बन बिहरन वे चितवन न जात चितई ॥ कौन कहै वृषभान नंदिनी प्रगट भई मानों मदन जई ॥२॥ तुम सम नयन बैन तुमही सम तुम सम आनंद केलि भई ॥ तुमारौ रूप धरें तुमारी सों तुमही परसभई तुमहि मई ॥३॥ माथें मुकुट पीतपट मुरली बनमाला छबि छाय रई रंचक भेद रह्मौ या तनमें और सकल छबि पलट लई ॥४॥ त्रिया आलिंगन पिय अवलंबन पियकों हँसिकें अंक दई ॥ फिर चितवन और मुरि मुसिकावन उघटन मिसकर नृत्य ठई ॥५॥| यह कौतुक अनूप मनमोहन मानों घोष रसबेलि छई ॥ सूरदासप्रभुके उर परसत ललित बलित *«लिहार गई ॥६॥
Todi
Bhaave mohe guda garde (sherdi) aru bair .. aur bhaave mohe send kachariya laaye nandju hair ..1.. madhu meva
NityaPad-213
भावे मोहे गुड़ गार्डे (शेरडी) अरु बेर ॥ और भावे मोहे सेंद कचरीया लाये नंदजु हेर ॥१॥ मधु मेवा पकवान मिठाई और बिंजन की ढेर।॥ परमानन्ददास को ठाकुर पील्‍ला लायो घेर ॥२॥
Saarang
Kouu maaee ambabechanai ..
NityaPad-213
कोऊ माई आंबबेचनआई ॥ टेर सुनत मोहन उठथाये भीतरभवन बुलाई ॥१॥ मैयामोहि आंब लेदेरी संगसखा बलभाई।। परमानंद यशोमति आनदिये खाये कुं बरकन्हाई ॥२॥।
Saarang
Phoolko mukut cutty kaachhani joo phoolanaki phoolan izaar parr phool patka joo saaj |
NityaPad-264
फूलको मुकुट कटि काछनी जु फूलनकी फूलन इजार पर फूल पटका जु साज | फूल स्रवन कुंडल हार फूलनके फूली अधर मुरली सप्तसुरसों गाज ॥१॥ बाजूबंद फूलनके कर कंकन फूलनन के फूलनकी पहोंची पाय पेंजनी रही बाज | दास कुंभननाथ गोवर्धनधर निरख फूलीं फूलीं अंखियां अद्भुत बने आज ॥२॥
Kanharo
Doll jhulaavat laal bihaari naam lelein bolein laalan
Part3-371
डोल झुलावत लाल बिहारी नाम लेलें बोलें लालन प्यारी हैं दुलहा दुलहेनि दुलारी सुंदर वरस कुमारी || नखसिखतर सुंदर सिंगारी केसु कुसुम सुहस्त सम्हारी स्याम कंचुकी सुरंग सारी चाल चले छबि न्यारी ॥१।॥ वारंवार बदन निहारी अलक तिलक झलमलारी रीझ रीझ लाल रे बहिलारी पुलकित भरत अंकवारी ॥ कोककला निपुन नारी कंठ सरस सुरहि भारी सुयश गावत लाल बिहारी बिहारिन की बलिहारी ॥२॥
Saarang
Bhootal mahaa mahotsav aaj..
Part2-267
भूतल महा महोत्सव आज॥ श्री लक्ष्मणगृह प्रकट भयेहें श्रीवल्लभ महाराज ॥१॥ आज्ञादई दयाकर श्रीहरि पुष्टि प्रकटवे काज॥ कलिमें जन्म उबायों ततछिन बूडत वेद जहाज ॥२॥ आनंदमूरति निरखत नयनन फूले भक्तसमाज ॥ नाचत गावत विवशभए सब छांड लोक कुललाज ॥३ ॥ घरघर मंगल बजत बधाई सजत नयेनये साज॥ मगनभये तन गिनत न काहू तीनलोकपर गाज ॥४ ॥ लीलासिंथु महारस अबतें बंधी प्रेमकी पाज॥ रसिकशिरोमाण सदाबिराजों श्रीवल्लभ शिरताज ॥५ |
Devgandhar
Tajiye ghaun keeje garon kunjabhavan pyaari | tarani tanaya teer
NityaPad-332
तजीये घौन कीजे गरोन कुंजभवन प्यारी | तरनि तनया तीर बैठे घनस्याम सुघर अनेक रची विविध फूल मंडली संवारी ॥१॥ फूलनकी चोखंडी छाजे फूलन रचि विचित्र चित्रसारी ॥ तामध रची सेज फूलन की चंपक बकुल गुलाब निवारी ॥२॥ चलत अनिल जलत अति सीतल मंद सुगंध पवन रुचिकारी। तुमही लेन ब्रजनाथ पठाई चल हो बेग वृखभान दुलारी ॥३॥
Adano
Hoe raadhe, phoolan mutt leey . tuun tou merrie madan sukhada kunj phoolan *
Part1-279
हो राधे, फूलन मत ले । तुँ तो मेरी मदन सुखदा कुंज फूलन * मत ले ॥ नित्य नित्य कलियां बीन जातहों अब वश परी हें तुं मेरी ॥१॥ चीर हरे सो भुल जातहो यह जमुना के तीरे ॥ नागरिया पिय प्यारी दोऊ मील विहरत कुंज कुटीरे ॥२॥
Jangalo
Sohat giridhar mukh mriduhas .. koti madan karjor upaasit
NityaPad-333
सोहत गिरिधर मुख मृदुहास ।। कोटि मदन करजोर उपासित बिगलित भ्रूविलास ॥। १॥ कुंडललोल कपोलनकी छबि नासामुक्ता प्रकाश ॥। शोभासिंधु कहांलों वरनों बारने गोविंददास ॥२॥
Poorvi
Page 1 of 1

© 2026 All rights reserved. Vaishnav Samaj of RTP, DBA - Krishnadham-VYO 

bottom of page