top of page
Aashraya Ke Pad
To get full expanded Kritan text click on any column of the kirtan row in below table.
Kirtan Title | Page | Kirtan | Raag |
|---|---|---|---|
Jeye baake geh jaason badhayon haye saneh laal.. avadhi | Part2-349 | जेए बाके गेह जासों बढयों हे सनेह लाल॥ अवधि
बदि इहा, रात रहे तहाँ, एसे भये हो बिहाल ॥१ ॥ नख छत चिन्ह प्रकट
दिखियतु है दाग अधर मिस गाल॥ 'रसिक' पीतम पीय जानत हो जिय
क्यों व दूरत वह चाल ॥२ ॥ | Suha |
Kartari dede naachenhi bolein sub horry hoe ..|bhru0.. | Part3-243 | करतारी देदे नाचेंही बोलें सब होरी हो ॥|भ्रु०॥
संग लियें बहु सहचरी वृषभान दुलारी हो ॥ गावत आबत साजसों उतते
गिरिधारी हो ॥१॥ दोऊ प्रेम आनंदसों उमगे अति भारी ॥ चितवन भर
अनुराणसों छूटी पिचकारी ॥ २॥ मृदंग ताल डफ वाजहीं उपजे गति न्यारी ॥
झूमक चेतव गावहीं ये मीठी गारी ॥३॥ लाल गुलाल उडावहीं सोधे
सुखकारी ॥ प्यारी मुखहिलगावहीं प्यारो ललन विहारी ॥४॥ हरे हरे आई
दुरकरी अबीर अंधियारी ॥ घेरले गईं कुंवरकों भरकें अंक वारी ॥५॥ काहू
गहिवेनी गुही रचि मांग संवारी ॥| काहू अंजनसों आज अरू अखियां अनियारी
॥६॥ कोऊ सोंधे सों सानकें पहरावत सारी || करते मुरली हरि लई वृषभान
दुलारी ॥७॥ तब ललिता मिल कें कछू एक बात विचारी ॥ प्रिया वसन
पिय को दये पियके दीये प्यारी ॥८॥ मृगमद केसर घोरकें नख सिखते
ढारी ॥ सखियन गठजोरो कियो हँस मुसकाय निहारी ॥९॥ याही रस
निवहो सदा यह केलि तिहारी ॥ निरख माधुरी सहचरी छबि पर बलहारी
॥ १०॥ | Sarang |
Mohan mukharvindpar manmath kotik varori maaee ... jaheen | NityaPad-116 | मोहन मुखारविंदपर मनमथ कोटिक वारोरी माई ॥। जहीं
जहीं अंगना दृष्ट परतहें तहीं तहीं रहत लुभाई ।१॥ अलक तिलक कुंडल कपोल
छबि एक रसना मोपें वरणि न जाई ॥ गोविंद प्रभुकी सुंदर बानिक पर बलबल
रसिक चूडामणि राई ॥ २॥। | Bihagaro |
Sharadritu shubh zaan anoopam dashmikau deen aayou ree .. param | Part1-315 | शरदऋतु शुभ जान अनूपम दशमीकौ दीन आयौ री ॥ परम
मंगल दिन आज व्रजमें सब मन हरख न मायौ री ॥१॥ केसर सोंधो घोर
जननी प्रथम लाल नहवायौ री ॥ नानाविधिके भूषण आभरण अंग शृंगार बनायौ
री ॥२॥ पाग पिछोरा और उपरना बागौ विचित्र धरायो री ॥ परमानंद प्रभु
विजया दशमी व्रजजन मंगल गायौ री ॥ | Saarang |
Hoto bhaee virah khilaano avadhi aas laagi sajniri .. | NityaPad-104 | होतो भई विरह खिलानो अवधि आस लागी सजनीरी ।।
घरीघरी पलपल वरस वरस जात विनके दरस विन पलक लगें न पलकोना ॥। १॥
जोईजोई कहें रंगरटना देखो पंछी परवश रात जगोना ॥।
कही न जाय कछु सुंदरघनके प्रभुप्रीतकरीकेधोंटोना ॥२॥। | Nat |
Ayaju ray sub drajke vaasi.. derra parey coses chorasi ..1.. | Part2-072 | आयजु रे सब द्रजके वासी॥ डेरा परे कोस चोरासी ॥१॥
एक फिरत कहुं ठोर न पावत॥ एते पर आनद बढावत ॥२॥
कोऊ काहूसों बेर न ताके॥ बैठत मन जहाँ भावत जाके ॥३॥
खेलत हँसत करत कौतूहल। जुरे लोग जहां तहां अकहल हल ॥४॥
नंद कह्यो सब भोग मगावो॥ अप अपने सब लेले ॥५॥
भोग बहुत वृषभानहि घरको॥ कहावरनें अतिही बाहिरको ॥६ ॥
सूरश्याम जब आयुस दीनो॥ विप्र बुलाय नन्द तब लीनो ॥७ ॥ | Bilawal |
Chaukaten uthiken maindaraaneenen dhota palana maanjh suvaayau . pahale | Part1-134 | चौकतें उठिकें मैंदरानीनें ढोटा पलना माँझ सुवायौ । पहले
डोरि लई जसुमति कर थोरे धोरे बैठि झूलायौ ॥१॥ पीत कुलह पहराई
तासों लटकन गूँधि बनायौ | नेन ऑजिकें दियो अरु पॉ ँयन नूपुर
पहरायी ॥२॥ फिरि फिरि निरखि निरखि सुंदर मुख डारनि राईलोन उतारी |
श्रीविडल गिरिधरनलालके मंगल गावति सब व्रजनारी ॥३॥ | Saarang |
Leuu balaay ladile teree bhojanakon kitt karat awaar... | NityaPad-084 | लेऊ बलाय लाडीले तेरी भोजनकों कित करत अवार॥।
गाल लगाय कीयो मुख चुम्बन आतुरताई परोसी थार |। १॥। नंदबाबा समझावत
मोहन करत बालकेलि सुखसार | गोविन्द प्रभु रसिक गिरिधर पिय व्रजसुखदाई
नंदकुमार ।। २॥। | Aasawari |
Adhar benn madhur madhur gaabat gopalrai adbhut sur taana maan param mudit karat gaan .. | Pustak1-347 | अधर बेंन मधुर मधुर गाबत गोपालराई अद्भुत सुर तान मान परम मुदित करत गान ॥
जुवती सत जूथ मिलि गतिही झप ताल लेत बोलत ततथेईथेई थोंग थोंग परतमान ॥१॥
नहंदंद्रंनननि मृदंग गति तिकटे तालावली धीधीधीधीधीधीधीधीधीधीधीधी सुर भाँति विधान ॥
कृष्णदास प्रभु नवरंग रसिक चूड़ामनी ईषद हास भुुवबिलास रिझये गिरिधर सुजान ॥२॥ | Kanharo |
Banaten vraj aavein saanvaro baake nassa lataqat motiri .. | NityaPad-285 | बनतें ब्रज आवें सांवरो बाके नासा लटक़त मोतीरी ॥
बरूहा मुकट घुघरारी अलके कुंडल जगमग जोतीरी ॥१॥
पीतांबर कसी रह्योरी महर महर को तामें मुरली ओपीरी ॥
परमानंद कछु कहत न बन आवे जो सुख पावे गोपीरी ॥२॥ | Gori |
Kiye chatakamatak thadoi rahat panghatpar paniharanso karatatok .. kahuko takatang kahuko taktarang kahuki induri lait kaahuson | NityaPad-269 | किये चटकमटक ठाडोई रहत पनघटपर पनिहारनसो करतटोक ॥ काहूको तकतअंग काहूको तकतरंग काहूकी ईंडुरी लेत काहूसों
कहत पानी प्याओरी ओक ॥१॥ काहूकी आंखसिरानी काहूकी कंचुकीकुच
काहूकों चलत देत भुजकीझोक ॥ चतुरबिहारीगिरिधारीतुम बहुत भये हो
नातर अबहीगिनिदेहों रोक ॥२॥। | Bilawal |
Murali kau munn harison manyo .. harikau munn muralison milli | Part1-280 | मुरली कौ मन हरिसों मान्यो ॥ हरिकौ मन मुरलीसों मिलि
गयौ जैसें पय अरु पान्यौ ॥१॥ जैसें चोर चोर सों तैसोँ ठग ठग एकै जान॥
कुटिल कुटिल मिल चले एक कै ठुहुन बनी पहिचान ॥२।॥| ये बन बन नित
धेनु चरावत वह बनही की आहि ॥ सुर गढ़ी बिधना जोड़ीकों जैसी तैसी
ताहि ॥३॥ | Ramkali |
Page 1 of 1
bottom of page
