top of page

Aashraya Ke Pad

To get full expanded Kritan text click on any column of the kirtan row in below table.

Kirtan Title
Page
Kirtan
Raag
Antaryami hoe raghubir .. karunasindhu akaam kalpataru jaanat
Part1-305
अंतरयामी हो रघुबीर ॥ करुणासिंधु अकाम कल्पतरु जानत जनकी पीर ॥१॥ बाली त्रास बनबास विषमबृत व्यापत सकल शरीर ॥ सो सुग्रीव कियौ कपि कुलपति मेंटि महा रिपुभीर ॥२॥ वेद पुरानन महा पुनिन कृत यश गावत मुनि कीर ॥ बहोरि यों कर थाप्यौ सूर प्रभु रामचंद्र रणधीर ॥३॥
Maru
Lalana khelat faag bunn‍yyon vraj sakhaa liye nandanandana
Part3-290
ललना खेलत फाग बन्‍्यों ब्रज सखा लिये नंदनंदना बंसीघरें कहत हो होरी ॥ युवती जनमन फंदना ॥ १॥ घरघरते सुंदरी चलीं देखन आनंद कंदना ॥ बाजे ताल मृदंग झांझ डफ गाबत गीत सुछंदना ॥२॥ ठांयठांय अगर अबीर लिये कर ठांयठांय बूका बंदना ॥ हाथ न धरें कनक पिचकाई छिरकत चोवा चंदना ॥३॥ क्रीडा रसवश भये मजनमन मात नमन आनंदना ॥ दास चतुर्भुज प्रभु सब सुख निधि गिरिधर विरह निकंदना ॥४॥
Gouri
Paudhe hari radhika key bhawan .. bijna
NityaPad-342
पौढ़े हरि राधिका के भवन ॥ बिजना व्यार करत ललितादिक शीतल आवत पवन ॥१॥ सुन के कान शीतल भई छतियां विरह दुख के दवन ॥। २॥ दास कुंभन धर्यो ललिता नाम राधारवन ॥। ३॥।
Bihaag
Bhajgayomerobhajanfor ||
NityaPad-193
भाजगयोमेरोभाजनफोर || कहारीकहूं सुनमातयशोदा और माखन खायोसबचोर ॥। १॥ लरका पांचसातसंगलीने रोकेरहत सांकरीखोर ॥। मारगमें कोऊचलननपावत लेत हाथतेदूध मरोर ॥२।॥ समझनपरत याढोटाकी रातदिवसरहे गोरस ढंढोर ॥ आनंदेफिरतफागसों खेलततारीदेत हँसतमुखमोर ॥३॥ सुंदरस्यापरंगीलोढोटा सबब्नजबांध्यो प्रेमकीडोर ॥ परमानंदसयानीग्वालिनी लेतबलैया अंचरछोर ॥।४॥।
Bilawal
Jugal russ bharey bhojan karat kunj mein tarani
NityaPad-214
जुगल रस भरे भोजन करत कुंज में तरनि तनया तीर अति सुहायो ॥ लेत झुक झुक कौर झपटी दोऊ हाथ ते बहु भांति मन करत लायौ॥१॥ करत मनुहार बहु भांति मिलि सुन्दरी लीजिये लाल बहुविध बनायो॥ दीजिये कृपाकरि रसिक के दास को सेस यह परम फल मुनिन गायो ॥ २॥
Saarang
Podhe eyam raadhe sanga.. surang palang surang bichhona kasna kasey
NityaPad-129
पोढे एयाम राधे संग॥ सुरंग पलंग सुरंग बिछोना कसना कसे सुरंग॥।१॥ सुरंग सरस रजाई नीकी ओढी हे दोउ अंग ॥ रहे हे लपटाय दोऊ मिल रसिक निरखत ढंग ॥२॥ पोढे पिय दोउ सेज हरे ॥ प्रमुदित बान रस बरखत आनन्द नेन भरे | ३॥ कनकबेली वृखभान नन्दिनी श्याम तमाल तरे || रतिपति केलि करत रसिक पिय दसनन दिव्य झरे ।।४॥
Bihaag
Vraj mein horry ranga suhaayo .. bansi butt jamuna
Part3-362
ब्रज में होरी रँग सुहायो ॥ बंसी बट जमुना तट कुंजन पींतम प्यारी भायो ॥१॥ पौढन के समै के औसर ललिता रैंग जमायो ॥ 'सरस रुँग'ः संतत यह जोरी भाग बड़े तें पायो ॥२॥
Kafi
Chitra saraahat chitwat murmur gopi bahut sayani ..| tuck jhakmein
NityaPad-082
चित्र सराहत चितवत मुरमुर गोपी बहुत सयानी ॥| टक झकमें झुक वदन निहारत अलक संवारत पलक नमारत जान गई नंदरानी ॥ १॥ परगये परदा ललिततिवारी कंचनथधार जब आनी ॥ नंददास प्रभु भोजनघरमें उरपर करधरयो बे उतते मुसकानी ।। २॥।
Todi
Arey munn samajh soch vichaar ..
NityaPad-351
अरे मन समझ सोच विचार ॥ भक्तिविन भगवंत दुर्लभ कहत निगम पुकार ॥ १॥ साधुसंगती डारपासा फेर रसना सार ॥ परयो अबकेपाव पूरणजीत भावें हार ॥ २॥। भाखसत्रह सुन अठारह पंच ही कूँमार॥ दूरते तजतीनकाने चतुर चौक निहार ॥। ३॥ काम क्रोध जंजाल भूल्यो ठग्यो ठगरी नार ॥। सूरहरिके पदभजनविन चल्यो दोऊ करझार ।|४॥
Bihaag
Srirag gaabat vraj bhamini ..
Pustak1-336
श्रीराग गाबत व्रज भामिनी ॥ नृत्यत कोक कला गुण सुंदरि सकल भामिनीमें वर कामिनी ॥१॥ मिलवत तत थेई अवधर तान बंधान विमल शशि राका यामिनी ॥ तरणि > नया तीर बिमल सुखद यामिनी त्रिया गान करत अंग अंग अभिरामिनी ॥२॥ सजल श्यामधन नवल नंद किशोर हियें लागी सोहै मानों सौदामिनी ॥ कृष्णदास प्रभु गिरिगोवर्द्धधधारीलाल रिश्यौ चाहत संग स्वामिनी ॥३॥
Shri
Kaun rasik uhai inn batanko ..
NityaPad-320
कौन रसिक उ्है इन बातनको ॥ नंदनंदन बिन कासों कहिये सुन री सखब्री मेरे दु:ख या तनको ॥।१॥। कहां वे जमुना पुलिन मनोहर कहां वे चंद शरद रातननको । कहां वे मंद सीतल सुगंध कोमल खटपट जलजातनको ॥॥२॥ कहां बे सेज पोढवो बनको फूल बिछौना मूदु पातनको ॥ कहां वे दस परस परमानंद' कमलनेन कोमल गातनको ॥३॥
Kanharo
Jaadinate aangankhelatdekhyo sriyashodakoputari ..
NityaPad-092
जादिनते आंगनखेलतदेख्यो श्रीयशोदाकोपूतरी ॥ तबतेगृहसूं. नातोटूटयो जेसें काचो सूतरी ॥१॥ अतिबिशाल वारिजलोचनपरराजतकाजररेखरी ॥ रच्छादे मकरंदलेतमानों अलिगोलककेवेषरी ॥॥२॥ राजत द्वेद्रेद्धकी दतिया जगमगजगमग होतरी ॥ मनोमहातममंदिर में रूपरत्नकीजोतरी ॥३॥। श्रवण उत्कंठारहित सदाईजबबोलततुतरायरी ॥ मानोकुमुदिनी कामनापूजी पूरणचंदहिंपायरी ॥४॥ परमानंददेखसुंदरतनआनंदउरनसमायरी ॥| चले प्रवाहनयनमारगव्हे कापें रोक्यो जायरी ।।॥५॥।
Dhanshree
Page 1 of 1

© 2026 All rights reserved. Vaishnav Samaj of RTP, DBA - Krishnadham-VYO 

bottom of page