top of page
Aashraya Ke Pad
To get full expanded Kritan text click on any column of the kirtan row in below table.
Kirtan Title | Page | Kirtan | Raag |
|---|---|---|---|
Anandarai khele faag soho hoe horry aaee .. | Part3-090 | आंनंदराय खेले फाग सोहो हो होरी आई ॥
लाल गिरीधरके काज अपने ग्रह्व न्योति बुलाई ॥१॥ कोया को आदर देड़े
कोयाकों बैठन वेडे ॥ जसुमति आदर देहे फूलदेवे ठन कहेहे ॥२॥ कासों
राची आनितो काके संग खेलिहें ॥ गिरधर सोराची आनि तो दाऊ संग
खेलिहें ॥|३॥ डांडो रोपन चले नंदओर गिरिवर धारी ॥ वाजे वहोत वजावत
ताल पखवाज थारी ॥४॥ नदी जमुनाके तीर जायरोपीहे होरी ॥ कुंवर धरी
बनाय सबनता बपाछें जोरी॥ ५॥ पूजा करि पाय लागि ओर परिक्रमा दीनी ॥
विप्रन वेद पढाय बेठिस बही विधि कीनी ॥६।॥ खेलतहें नंदलाल कमल
हाथ गहिलीने ॥ सुंदरि लईहें बुलाय रहसि उनके करदीने ॥७॥ अबीर
गुलाल उडावत ब्रजरानीके लाला ॥ सुंदर मुख झलकत पहरें उर फूलन
माला ॥८॥ केसरि सोंधे भीजी पहरें झूमक सारी ॥ गिरिधर पिय संग
खेलें घोष सकल ब्रजनारी ॥९॥ होरी धरि घर आए नंदराय ब्रजवासी ॥
गोप ग्वाल सब भीने ओर लालन सुखरासी ॥१०॥ रानीजू देखि सिहाय
करत नोछावरि भारी ॥ धन्य जन्म करि मान्यो वारति नौतन सारी ॥ १ १॥
अंद्रावलि राधाजू भीजि रही रसहीयें ॥ एकोपल नहीं छांडत डोलत लालन
लीयें ॥ १२॥ यह जो बडो त्योहार तोनि तनित तुमही आवो ॥ सकल घोषके
राय नंद गिरिधारी कहावो ॥१३॥ चिरजीओ ब्रजराज देरिब ढोटन सुख
पावो ॥ श्रीविट्ठल गिरिधर कों हसिहसि फाग खिलावो ॥१४॥ | Bilawal |
Karat biyaru hansahans mohan .. chitbanmein | NityaPad-299 | करत बियारू हँसहँस मोहन ।। चितबनमें
चितचोरलेतहैं मा सुधभूली गोहन।॥।९॥ ओद्यो दूध कनक बेलाभरले ललिता
आईजु अगोहन ॥ फूँकफूँक कर पीवत सांवरो अंचर देत यशोहन ॥। २। देखत
बने कहत नहिं आवे उपमाको यह कोहन ॥ कृष्णदासप्रभु गिरिधरनागर
चितचोरयो मूदु मुसकोहन ॥ ३॥ | Kanharo |
Khelat vasant valllabh kumar .. sobha samudra baadhyo apaar ..1.. srigiridhar giridharan saath .. rangbharat kanik pichkai haath | Part3-038 | खेलत वसंत वल््लभ कुमार ॥ सोभा समुद्र बाढ्यो अपार ॥१॥ श्रीमिरिधर गिरिधरन साथ ॥ रंगभरत कनिक पिचकाई हाथ
॥२॥ श्रीमोविंद बालकृष्णजू संग || छिरकत डारत बहुभांति रंग ॥३॥ रस
खेलत खेलत गोकुलके नाथ ॥ केसरि रंग सोहत पागणमाथ ।।४॥ श्रीरघुपति
जदपति अतिसुदेस ॥ घनस्याम सुभग सुंदर सुवेस ॥५॥ श्रीकल्यान राई
लीला रसाल ॥ मुरलीधर दामोदर कृपाल ॥६॥ श्रीगोपीनाथ बालक
विनोद ॥ सेवकजन निरखत मन प्रमोद ॥।७॥ श्रीगोकुल परम सुदेश धाम ॥
मिलि गाबत गीत विचित्र वाम ॥८॥ बाजत मृदंग मुख चंगरंग ॥ वीना
कठताल पिनाक उपंग ॥९%॥ केसरि चोबा मृगमद फुलेल ॥ व्रजभामिनि
छिरकत रेलपेल ॥ १ ०॥ झोरी भरिभरि उडवत गुलाल | मुख बोलत होहोहोरी
ग्वाल॥ १ १॥ यह सुख सोभा मोपे कही न जाय ॥ जनदास निरसि बलिहारी
जाय ॥१२॥ | Hindool |
11 aeka raag basant eechhu) aiso patra likhi pathyau nrip vasant .. tum tajo | Part3-356 | ११ एक राग बसंत ईछछु) ऐसो पत्र लिखि पठयौ नृप वसंत ॥ तुम तजो
मान मानिनी तुरंत ॥भ्रु० ॥ कागद नव दल अँब पाँति || द्वात कमल मसि
भैंवर जाति ॥ लेखन काम कै बान चाँप ॥ लिखि अनैँग ससि दई छाप ॥
मलयानिल पठयौ करि बिचार ॥ बाँचे सुक, पिक, तुम सुनौं नारि॥ 'सूरदास'
यौं बदति बानि || तू हरि भजि गोपी तजि सयान ॥२॥ | Basant |
Dekh chali sarbi douu | NityaPad-219 | देख चलि सरबी दोऊ
उसीर के महल में करत भोजन अंसर भुजन दीये ॥ परस्पर देत दोऊ कोर मुख
मधुर अति हँसत उर लसत रति रसन पीये ॥ ९ ॥ फेल रहो मधुर सौरभ सघन कुंज
में फूल रहे फूल बोहोरंग कीये ॥ रसिक को दास कहा कहे देखे बने रसिक दोऊ
रस भरे बसो हीये ॥२॥ | Saarang |
Haari maani naath ! umber deejen. | NityaPad-038 | हारि मानी नाथ ! अंबर दीजें।
नंदनंदन कुंवर रसिकवर मन-
हरन, सुनहु गिरिवरधरन ! नीति कीजैं॥।
सकल ब्रज-नागरि दासी तुम्हरी सदा,
तन-मांझ सीत अति होत भीजें ॥।
छीत-स्वामी' अमित गुन-गननि आगरे !
बिनती करतिं सबैं मानि लीजैं ॥ | Bhairav |
Bhojan karat naval piya pyaari . naval neh navkunj singhasana | NityaPad-216 | भोजन करत नवल पिय प्यारी । नवल नेह नवकुंज सिंघासन
नवरंग बैठे रसिक बिहारी ॥१॥ नवलथार नवलखटरस बिंजन परोसत नवल
स खि ललितारी॥ भ्रकुटी अरस परस चितवन पर परमानंद दास बलिहारी ॥ २॥ | Saarang |
Raas bilas gahein karpalalav aeka aeka bhuj grievameli .. | Pustak1-333 | रास बिलास गहें करपललव एक एक भुज ग्रीवामेली ॥
दे दै गोपी बिच बिच माधौ निर्तत संग सहेली ॥१॥
टुट परी मोंतिनकी माला ढूँढ़त फिरत सकल ग्वारी ॥
विगलित कुसुम माल कच विलुलित निरख हँसे गिरिवरधारी ॥२)॥
शरद विमल नभ चंद बिराजे निर्तत नंदकिशोरा ॥
परमानंदप्रभु बदन सुधानिधि गोपी नयन चकोरा ॥३॥ | Malav |
Pyaari naval nikunj mahal baithe piya nava kusuman sez sanwari hoe pyaari || naval-naval bunny nagri maval baney giridhari hoe | Part3-255 | प्यारी नवल निकुंज महल बैठे पिय नव कुसुमन सेज संवारी हो प्यारी || नवल-नवल बनी नागरी मवल बने गिरिधारी हो
प्यारी ॥ १॥ नव केसर को चोलना नवरंग पाग संवारी हो प्यारी ॥ नील
पीत पट ओढ़नी नवसत रसिक कुँवरी हो प्यारी ॥२॥ नवल-नवल रितुराज
को खटरि तु संग सुहाई हो प्यारी ॥ नव पल्लव अंग ओपतें रतिपति
को मन हारि हो प्यारी ॥३॥ सप्त सुरन धुनि बाजही तान मान बंधान री ॥
तौ बिनु पिय न भाव ही लागत जेसे रान री ॥४॥ तें मोहन की मन हर्यौ
तुहि-तुहि जपे माल री ॥ छिनु उठत छिनु बैठही छिन में होत दुसाध री
॥५॥ पिय को विरह मन जान्यौ विविध धरे सिंगार री ॥ नवसत अंग
संबारि के नव कुसुम धरे दल भार री ॥६॥ कुंज सदन बैठे पिया कुंज
निकुंज के द्वार री ॥ आई मिलि नव नागरी देखि सबै मुसकाई री ॥७॥
अधर अमृत रस घुंट ही छिरके मुख तंबोल री ॥ झुंडन आई झुमिके झुंड
मन्यौ दे बोल री ॥८॥ कनक बेलि अंग सोहनी जैसे श्याम तमाल री ॥
तेसे पिय अंग सोहनी कंचन की मनि माल री ॥९॥ मृदु मुसिकाई के हँसि
बोलत हैं मृद् बोल री ॥ कोककला गति ठान ही उपजत रंग कलोल री
॥६०॥ अरस परस सुख उपज्यौ बाढ्यो रंग प्रमोद री ॥ “गोविन्द! के
मन ये बसो बढ़ावन नेह री ॥११९॥ | Sarang |
Pragate bhakt shiromanirai.. | Part2-241 | प्रगटे भक्त शिरोमणीराई॥
माघ मास शुक्ल चोथ अधिक लोक निधि आई॥१ ॥
दैवी जीवके भाग्य उदय भये जिन यह दर्शन पाई॥
करि करुणा प्रभु भूतल आये पुष्टि पंथ प्रगटाई ॥२॥
महामहोत्सव होत पुर घर घर फूले अंग न समाई॥
रसिकदास चितयेही चहतहे चरन कमल मन लाई ॥३ ॥ | Saarang |
Nrityat raas mein piya pyaari .. | Pustak1-356 | नृत्यत रास में पिय प्यारी ॥
यमुना पुलिन सुभग बृंदाबन शरदरैन उजियारी ॥१॥
बाजत ताल मृदंग झाँझ और सप्तस्वरन गति न्यारी॥
उरप तिरप गति लेत सुलप अति लाड़िली लाल बिहारी ॥|२॥
जयजय कहि बरखत कुसुमावलि सुरन सहित सुरनारी ॥
श्रीविद्ठनगिरिधरनलाल पर सर्वसु डारत बारी ॥३॥ | Bihaagro |
Maheri sabein nevjale sentat.. shyam chhuve nahi taakon darpat ..1 .. | Part2-069 | महेरि सबें नेवजले सेंतत॥ श्याम छुवे नहि ताकों डरपत ॥१ ॥
कान्हहि कहत इहां जिन आवे॥ लरिकनकों यह देव डराबे ॥२ ॥
स्यथामरहे आंगनही डराई॥ मनमन कान्ह हँसत सुखदाई ॥३॥
मैयारी मोहि देव दिखेहे। इतनों भोजन वह सब खेहे ॥४ ॥
यहसुन खीजतहें नंदरानी॥ बारबार सुतकों वरजानी ॥५ ॥
एसी बात न कहे कन्हाई॥ तू कित करत श्याम लंगराई ॥६ ॥
करजोरत अपराध क्षमाबत॥ बालक को यह दोष मिटावत ॥७ ॥
सूरदास प्रभुकों नहि जाने ॥ हँसत चले मनमें न रिस्याने ॥८ ॥ | Bilawal |
Page 1 of 1
bottom of page
