Abgunth lavre malania sahero ..

अबगुंथ लावरे मालनिया सहेरो ॥ शुभघरी शुभदिन शुभपल महुरत बागो बन्यो सुनेरो ॥।१॥ हार चमेली गुलाब निवारों महेकत आवत केवरो ॥ बना बन्यो श्री वललभवर पिय श्री गोकुलमें गेहरो ॥२॥

Phool ke Sahera

NityaPad-267

Kanharo

Banaa teree chaal atapati sohe ..

बना तेरी चाल अटपटी सोहे ॥ शीश फूलनको सहेरो बन्योहै अलक विलक मनमोहे ॥॥१॥ कर सिंगार चढे घोरीपर ले दरपन मुख जोहे ॥ हरिनारायन स्यामदासके प्रभु की उपमाकों नहीं कोहे ॥२॥

Phool ke Sahera

NityaPad-267

Kanharo

Kunj mahal bunn baithe dulhaiya nava dulhani brakhbhan kishori ..

कुंज महल बन बैठे दुल्हैया नव दुलहनि ब्रखभान किशोरी ॥ पीत पागपर फूल सहेरो फूल वागो छुटे बंद सोरी ॥१॥ फूलन हार बन्यो अति शोभित फूलन गजरा फूल बन्योरी ॥ पुरबत गावत गिरिधर की रति कृष्णदास प्रभु संग ठग्योरी ॥२॥

Phool ke Sahera

NityaPad-267

Kanharo

Gokulki panihari paniyan bharan chaali badebade nayana taame shobharahayo kajra ..

गोकुलकी पनिहारी पनियां भरन चाली बडेबडे नयना तामे शोभरहयो कजरा ॥ पहिरें कसुंभी सारी अंग अंग छबिभारी गोरीगोरी बहियनमें मोतिन के गजरा ॥१॥ सखी संगलिये जात हँसहँस बूझत बात तनहूँकी सुधि भूली सीस धरें गगरा ॥ नंददास बलहारी बिच मिले गिरिधारी नयनकी सैनन में भूल गई डगरा ॥२॥।

Panghat

NityaPad-268

Bilawal

Yuvati aavat dekhe shyam ..

युवती आवत देखे श्याम ॥ द्रमकी ओट रहे हरिआपन यपम्ुनातट गई बाम ॥१॥ जलहिलोरे गागरभर नागर जबहीं सीसउठायो ॥ घरकोचली जाय तापाछें सिरते घट ढरकायो ॥२॥ चतुरग्वार करगह्यो स्थाभमको कन कलकुटिया पाई।।

Panghat

NityaPad-268

Bilawal

Dekho ree mohan panghat parr thaado haye nava nikunj taisiye sarad suhai raat .

देखो री मोहन पनघट पर ठाडो है नव निकुंज तैसीये सरद सुहाई रात । फूलको टिपारो बन्यो फूलनको मल्ककाछ फूलनके हार उर फूले 'फूले करत बात ॥१॥ फूलनको उपरैना फूलन पचरंग आन-आन भांति फूलके कुंडल छबि अति सुहात । फूलनकी बेनी सिर फूलन के बाजूबंद फूले फूले “कृष्णदास' यह छबि कही न जात ॥२॥

Tiparo

NityaPad-268

Kanharo

Panghat rokenhin rahat kanhai ..

पनघट रोकेंहीं रहत कन्हाई ॥ यमुनाजल कोऊ भरन पावत देखतही फिर आई ॥॥१॥ तबही श्याम एक बुद्धिउपाई आपन रहे छिपाई ॥ तट ठाढे जेसखा संग केतिनकों 'लियोबुलाई ॥२॥ बैठारे ग्वालिन को द्रमतर आपन फिरफिर देखत ।। बडीबारभई कोई न आई सूरस्याम मनलेखत ॥३॥

Panghat

NityaPad-268

Bilawal

Neekede haan mereen iduri ....| lejaihen chashumatighar aagein

नीकेदे हां मेरीं ईडुरी ॥॥| लेजैहें चशुमतिघर आगें बहुरीमिलएके गुलरी ॥१॥ काहू नहीं डरात कन्हाई वाट घाट तुम करत अचगरी ॥ यमुनादईईंड्री फटकारी और फोरी सब गगरी ॥२॥ भलीकरी यहकुंबर कन्हाई आज मेटिहौं तुम्हारी लगरी ॥ चली सूर यशोमतिकेआगें उराहनो ले तरुणी ब्रजसगरी ॥३॥

Panghat

NityaPad-269

Bilawal

Ghatbhar daiho lakuti tabdehun ..|

घटभर दैहो लकुटी तबदेहूं ॥| हमहुं बडेमहरकीबेटी हमतुमसों नाहिं डरेहूं ॥१॥ मेरी कनकलकुटी देरी मैं भरदेहों नीर ॥ बिसरगई सुध तादिनकी तुम हरे सबनके चीर ॥२॥ यहबानी सुन विवशभई तनकी सुध बिसराई ।॥ सूर लकुटकरगिरतन जानी स्याम ठगोरी लाई ॥३॥।

Panghat

NityaPad-269

Bilawal

Abahi dardere induria merrie pachrang

अबही डारदेरे ईंडुरिया मेरी पचरंग पाटकी ॥ हाहाखात तेरेपैयापरतहों इतनोंलालचमोहि मथुरानगर के हाटकी ॥॥१९॥ जो न पत्याउ जाय किनदेखो मनमोहन हैंजु डाटकी ॥ मदनमोहनपिय झगरो कौन बद्यों सोदेखेंगी लुगाईं वाटकी ॥२॥

Panghat

NityaPad-269

Bilawal

Arihaun shyam mohini ghaali .. abahi gaee jalbharan

अरीहौं श्याम मोहिनी घाली ॥ अबही गई जलभरन अकेली नंदनंदन चितवन उरसाली ॥१॥ कहारी कहों कछु कहत न आवबे लगी मरमकी भाली ॥ सूरदासप्रभु मनहरलीनो विवशभई हौोंआली ॥२॥

Panghat

NityaPad-269

Bilawal

Dekho juu mohan

देखो जू मोहन काहू अबै मेरी ईंडुरी दुराई ॥ सूधेसूधे बेगि किनमानों यह कौन कीनी चतुराई ॥१॥ कछूजो परस्पर करत सेनाबेनी ताहि मोहि किनदेहो बताई ॥ सबे समिट यहां कहत कौनसों ताकी फेंट पक्र किनधाई ।।२॥ जापे होय वेगकिन आनों ताहिहै ब्रजराजदुहाई ॥ गोविंदप्रभु कछु हँसत बहुत से मेरे जान तुमहिं चुराई ॥३॥

Panghat

NityaPad-269

Todi