Pichhora khasako ritibaandhen ..

पिछोरा खासाको ऋटिबांधें ॥ वे देखो आवत नंदनंदन नयन कुसुमशर सांधें ॥१॥ श्याम सुभगतन गोरज मंडित बांह सखाके कांधें ॥ चलत मंदगति चालमनोहर मानोंनटवा गुणगांथें ।२॥| यह पद कमल अवही प्राप्त भये बहुत दिनन आरार्थे ॥ परमानंदस्वामी के कारण सुरमुनि धरत समाधें ॥३॥

Useer Aavani

NityaPad-288

Mohan dekh siraane nayana ..

मोहन देख सिराने नयना ॥ रजनी मुख आवत सुरभिनसंग मधुर बजावतबेना ॥१॥ ग्वालमंडली मध्यविराजत सुंदरताको ऐना ॥ आसकरणप्रभु मोहननागर वारु कोटि छबिमैना ॥२॥

Useer Aavani

NityaPad-288

Vraj kibithi nipat sankari . iha bhalee reeti gaaun gokul kii jitahi chaliye titahibankari ..

ब्रज कीबीथी निपट सांकरी । इह भली रीति गांऊ गोकुल की जितही चलिए तितहीबांकरी ॥ जहिं जहिं बाट घाट बन उपबन तहिं तहिं गिरिधर रहत ताकरी । तहांब्रज-बधू निकसि न पावत । इत उत डोलत रारत कांकरी ॥ छिरकत पीक,पट मुख दिए मुसकत । छाजें बैठि झरोखें झांकरी । परमानंद' डगमगत सीस घट कैसे कें जैये बदन ढांक री ॥।

Useer Aavani

NityaPad-288

Hameer Kalyan

Harimarag jovat bhaee saanjh .

हरिमारग जोवत भई सांझ । दिनमनि अस्त भयो गोधूरकआवचत बने मंडली मांझ ॥१॥ बाजत बेनु रेनु ततमंडित वनमाला उर लोचनचारु ॥ बरुहा मुगट स्रवन गुंजामनि वनज धातुको तिलक सिंगारु ॥२॥ गोपी नेन भृंग रसलंपट सादर करत कमल मधुपान ॥ विरहतापमोचन परमानंदमुरली मनोहर रूपनिधान ॥३॥

Useer Aavani

NityaPad-288

Hameer

Aho kaanh gaiya kahaan bisrani ..

अहो कान्ह गैया कहां बिसरानी ॥ कहां चराई चलाई कौन वन कहांपिवायो पानी ॥१॥ भई सांझ बन माझ फिरत हो बोलत पंछी कोऊनवानी ॥ रसिकप्रीतम तुम भूलेसे फिरत कहा बात तिहारी जानी ॥२॥

Useer Aavani

NityaPad-288

Hameer

Aaj atee neeke baneri gopal .

आज अति नीके बनेरी गोपाल । खासाको कटि बन्यो है पिछोरा उः मोतिनकी माल ॥।|१॥ पाग चौकरी सीसबिराजत चंदन सोहत भाल ॥ कुंडल लोल कपोल विराजत कर पहोंची वनमाल ॥२॥ थेनु चराय सखन संग आवत हाथ लकुटिया लाल ॥ परमानंदप्रभुकी छबि निरखत मोहि रही व्रजबाल ॥३॥

Useer Aavani

NityaPad-288

Hameer Kalyan

Giridhar sabahi anga koo baanko ..

गिरिधर सबही अंग को बांको ॥ बांकी चाल चलत गोकुलमेंछैल छबीलो काको ॥१॥ बांकी भ्रोंह चरण गति बांकी बांको हृदय ताको । परमानंददास को ठाकुर कियो खोर ब्रज सांको ॥२॥

Useer Aavani

NityaPad-288

Pichhora khansakon cutty jeemo ..

पीछोरा खांसाकों कटि जीमो ॥ केसर धोरि चंदन अंगछिरकत बहोतन अरगजा भींनो ॥१॥ कुल्हे केसरी भरी चंद्रिका अति बिचित्रमुख मंडन कीनो ॥ 'कुंभनदास' प्रभु गोवरधनधर प्रीतम परम प्रवीनो ॥२॥

Useer Aavani

NityaPad-288

Hameer

Giridhar sabahi angko baanko ..

गिरिधर सबही अंगको बांको ॥ बांकी चाल चलत गोकुल में छैल छबीलोकाको ॥।१॥ बांकी भ्रोंह चरण गति बांकी बांको हृदय ताको ॥ परमानंददासको ठाकुर कियो खोर ब्रज सांको ॥२॥

Useer Aavani

NityaPad-289

Hameer

Sees tiparo sohe lalke .

सीस टिपारो सोहे लालके । ता पर तीन चन्द्रिका राजत ब्रजजनको मन मोहे ॥१॥। धोती उपरना केसरीरंगके उर राजतवनमाल ॥ कमल फिरावत नेन नचावत कुंजत वेणु रसाल ।२॥ आगे गोधन पाछे आपुन वन प्रवेश सब कीनो ॥ 'सूरदास' प्रभु सबके स्वामी भक्तनको सुख दीनो ॥३॥

Useer Aavani

NityaPad-289

Hameer

Pichhora kesarrang rangaayo ...

पिछोरा केसररंग रंगायो ॥। मेघ गंभीर स्थाम तन सुंदर लागत परम सुहायो ॥१॥ रोके आयघाट जमुनाको गोपीजन मन भायो ॥ भर गागरि नागरी के सिर धर कुच करकमल फिरायो ॥२॥ चलत आगे व्हे करके मिस बातन रस बरखायो ॥ नंददास ब्रजबास सदा बस नेह नयो दरसायों ॥३॥

Useer Aavani

NityaPad-289

Hameer

Mohan dekh siraane nayana ..

मोहन देख सिराने नयना ॥ रजनी मुख आवत सुरभिनसंग मधुर बजावत वेना ॥१॥ ग्वालमंडली मध्यविराजत सुंदरताको ऐना ॥ आसकरण प्रभु मोहननागर वारूंकोटि छबिमैना ॥२॥

Useer Aavani

NityaPad-289

Hameer