Aavat mohan munn haryo . houn apane

आवत मोहन मन हर्यो । हों अपने गृह सचुसों बेठी निरख बदन अचरा विसर्यों ॥१॥ रूप निधान रसिक नंदनंदन'निरख बदन धीर न धर्यों | कुंभनदास प्रभु गोवर्धनधर अंग अंग प्रेम पीयूषभर्यो ॥२॥

Useer Aavani

NityaPad-289

Hameer

Pichhora khasako cutty jheeno .

पिछोरा खासाको कटि झीनो । कटिपट पहेरे अति राजतहे बहुरि अरगजा भीनो !॥१॥ केसरखोर चंदन अंग लेपन चित्र बिचित्र मुखमंडन कीनो ॥ कुम्भनदास प्रभुगोवर्धनधर प्रीत करन प्रवीनो ॥२॥

Useer Aavani

NityaPad-289

Hameer

Pichhora khasako katibandhe .. way dekho aabat nandanandan nayan kusumshar saandhen ..1..

पिछोरा खासाको कटिबांधे ॥ वे देखो आबत नंदनंदन नयन कुसुमशर सांधें ॥१॥ स्याम सुभगतन गोरज मंडित बांह सखाके कांधें ॥। चलत मंदगति चालमनोहर मानों नटवागुणगांधें ॥२॥ यह पद कमल अवही प्राप्त भये बहुत दिनन आराधें ॥ परमानंदस्वामी के कारण सुरमुनि धरत समाधें ॥३॥

Useer Aavani

NityaPad-289

Hameer

Dekhe kunj bhawan tey aavat . swet paradani chandan charchit raag hameer hii gawat ..1..

देखे कुंज भवन ते आवत । स्वेत परदनी चंदन चरचित राग हमीर ही गावत ॥१॥ नंद रोहिनी देखत ठाडे बाल गोविंद बुलावत ॥ आय मिले तब स्थाम मनोहर देखत उनको धावत ॥॥२॥ ठाडे खिरकमें गाय दुहावतसेननहीं में नेह जनावत । सूरदास प्रभु वेग चलो किन उर आनंदनसमावत ॥३॥

Useer Aavani

NityaPad-290

Hameer

Aavat aaye dekhau nipat laal baneri ..

आवत आये देखौ निपट लाल बनेरी ॥ चंदन की खौर किये गुलाब की बनमाल हिये मोरचंदा मांथे दिये ऐन मैन बनेरी ।|१॥ गुलाब कीकटि काछनी जराय के आभूषण पीत बसन पातरे तन भेद कौन गिनैरी ॥ मेघबरन श्यामसुन्दर युवतीन के मन को हरण नंददास प्रभु लटक चलत जोवन रूप सहेरी ॥२॥

Useer Aavani

NityaPad-290

Hameer

Aaj sir sohat topi laal ..

आज सिर सोहत टोपी लाल ॥ रूपनिधान स्थाम घन सुंदर उर राजत बनमाल ॥१॥ बनतें आबत कमलफिराबत गावत गीत रसाल ॥ रामदास प्रभुकी छबि निरखत मोही रहीब्रजबाल ॥२॥

Useer Aavani

NityaPad-290

Hameer

Mohan tilak gorochan mohan mohanallat atee raajai .

मोहन तिलक गोरोचन मोहन मोहनललाट अति राजै । मोहन सिर पर मोहन कुलही मोहन सुरंग अति भ्राजै ॥१॥ मोहन स्रवन कुसुम जु मोहन कपोल अवतंस विराजै । मोहन अधरपुटपै मोहनमुरलि मोहन कल बाजै ॥२॥ मोहन मुखारविंदपै झूमत मोहन अलकअलिमधुकाजै । गोविन्द प्रभु नखसिख जु मोहन मोहन घोख सिरताजै ॥३॥

Useer Aavani

NityaPad-290

Hameer

Chandan paherat aavat haye navrang rangilo ..

चंदन पहेरत आवत हे नवरंग रंगीलो ॥ चंदनकों तन पाग पिछोरा चंदन छबिही छबिलो ॥१॥ चन्दनकी तन खोर कीए हें चन्द्र लागत अरबीलो ॥ कृष्णदास प्रभु परममनोहर लागत परम रसीलो ॥२॥

Useer Aavani

NityaPad-290

Hameer

Tedhhi tedhhi piyaa munn mohe chhoote bandsondhe soun lapate .

टेढी टेढी पिया मन मोहे छूटे बंदसोंधे सों लपटे । कंचन चोलना यह छबि निरखत काम बापुरो को है ॥१॥। लाल इजार गरे वनमाल गुंजमाल दुति कुंडल सोहे । रसिक' रसाल गुपाललाल गढो कीमत कीमत जो है ॥२॥

Useer Aavani

NityaPad-290

Hameer

Aeye aaj kaun bancharai yeti gaiyaan kahaan dhon lagaai etee bair ..

ए आज कौन बनचराई येती गैयां कहां धों लगाई एती बेर ॥ बैठे व कहा सुध लेहो नेनन करओसेर ॥१॥ एक बन ढूंढ सकल बन ढूंढी तोड न पाई गायनकी नेर ॥ तानसेनके प्रभु तुम बहोनायक देहो कदम चढ टेर ॥२॥

Useer Aavani

NityaPad-290

Hameer

Angaabhushan janani utaarat ..

अंगआभूषण जननी उतारत ॥ दुलरी ग्रीवमाल मोतिनकी केयुरले भुजा स्थाम निहारत ॥१॥ क्षुद्रावली उतारत कटीसेंत धरत महीपर मन वारत ॥ रोहिणी भोजन करहु चढाई वारवार कहि कर कर आरत ॥ २।। भूखे भए स्याम हलधरपें यह प्रेम विचारत ।। सूरदासप्रभु मात यशोदा पटल दुहन अंतर रज झारत ।।३॥

Shringaar Bade

NityaPad-291

Gori

Khelat aaya dhaay baithe vrajrajki god ..

खेलत आय धाय बैठे ब्रजराजकी गोद ॥ मुख चुंबनकर आन लेतहैं मनमें मानत मोद ॥१॥ सुंदर कर उगार मांगत है चितये तातकी कोद ।। गोविंद कहें चलो भोजन भयो बोलत मातयशोद ॥ २।॥।

Shringaar Bade

NityaPad-291

Gori