Piyake anga lagavan laaee hoe argaja ghor.

पियके अंग लगावन लाई हो अरगजा घोर। सुन मृदु वचन रसिक गिरिधर पिय ठाढे अपनी पोर ॥१॥| बांकी पाग लिये कर कमलन नागर नंदकिशोर। 'हित अनूप! चंचल मृगनेनी लियो लालन चितचोर ॥२॥।

Useer Shayan

NityaPad-320

Nayaki

Seetal bhaye merey nena. nirakh chhabi pyaari seetal dharey seetal

सीतल भये मेरे नेना। निरख छबि प्यारी सीतल धरे सीतल आभूषण सीतल बोलत मीठे बेना ॥ १॥| सीतल जमुना जल सीतल कमल दल सीतल मधुरे वास लेना। नंददास' प्रभु सब सीतल देखियत सीतल चंद मुख एना ॥२॥

Useer Shayan

NityaPad-320

Kanharo

Kaun rasik uhai inn batanko ..

कौन रसिक उ्है इन बातनको ॥ नंदनंदन बिन कासों कहिये सुन री सखब्री मेरे दु:ख या तनको ॥।१॥। कहां वे जमुना पुलिन मनोहर कहां वे चंद शरद रातननको । कहां वे मंद सीतल सुगंध कोमल खटपट जलजातनको ॥॥२॥ कहां बे सेज पोढवो बनको फूल बिछौना मूदु पातनको ॥ कहां वे दस परस परमानंद' कमलनेन कोमल गातनको ॥३॥

Useer Shayan

NityaPad-320

Kanharo

Dekhori yeh chandan pahere thaade kadamki chhaani...

देखोरी यह चंदन पहेरे ठाडे कदमकी छांई॥। कदम्बकी डारतर सुंदर खसखानो रच्यो कुसुमनसे सेज बनाई ॥१॥ बिंजना ब्यार करत ललितादिक छुटत फुहारे फुही ॥ झरनाझर लाइ सीतल मंद सुगंध ब्यार चलत तहां बैठे अधिक छबि छाई ॥ श्याम सुन्दर और कुंवर राधिका बैठे डार दोउ गल बांही ॥ हरिनारायन श्यामदासके चेरे इने नवनिधि दूजे अष्ट महासिद्धि पाई ।।२॥

Useer Shayan

NityaPad-320

Kalyan

Aajabani vrishbhankunwari dooti anchal baarat trinatorat kahat bhaleju bhalein bhaama ..

आजबनी वृषभानकुंवरि दूती अंचल बारत तृणतोरत कहत भलेजु भलें भामा ॥ वदनजोति कंठपोति छोटी छोटी लरमोतिनकी सादाशुंगारहार कुचबीच अतिशोभित हैं बोरसरीदामा ॥। १॥ एकरसनां गुण अपार कैसेंक वरणों विशदकी रति अंगअंग पिय नमत अभिरामा॥ गोबिंदबलसखी कहें रचिपचि विरंचि कीनी स्थामरमणकोमाई तूही है एयामा । २॥

Ath Maan

NityaPad-321

Kanharo

Vaa manuhar naan maanein tuu naheen jaanen aisee que‍yon rusai pyaare tumahoonen ..

वा मनुहार न मानें तू नहीं जानें ऐसी क्‍यों रुसाई प्यारे तुमहूंनें ॥ तुम जो मनावत वह नहिं मानें पायनपरीहो सुनकर पटतानें ॥ १॥ सुमत सुनत श्रवण पिया भवन गबन कीनें परसचरण चाहें रसपांनें ॥ रसिक प्रीतम पियप्यारी उठि अंकभर भूलगई तीय रोस दोष हियें कर रसवस दानें ॥२॥

Ath Maan

NityaPad-321

Iman

Kahatkahat shashi raingai nahin maanat piya pyaari hoe..

कहतकहत शशि रैनगई नहिं मानत पिय प्यारी हो॥ समुझाये समझत नहीं और खरी यह निठुर देखी भारीहो ॥ १ छलबल बुद्धि में केते कीनों मेरी तो चरणरसना हारीहो || अब नाहिं और उपाय कछु आपन चलियेजू गोविंदप्रभुजू विहारीहो ॥ २॥

Ath Maan

NityaPad-321

Iman

Chadhbadh widder gaee angang manveli terein sathani ..

चढबढ विडर गई अंगअंग मानवेली तेरें सथानी ॥ हृदय आलवाल मध्य प्रकटभईरी आली प्रीतिपालीनीके कर छिनछिन रूसबो भयोपानी ॥१॥ कौनकौन अंगनते निरवारोरी आली अलक तिलक नथनन बैनन भ्रोहसों लपटानी ॥ नंददासप्रभु प्यारी दूतीके वचनसुन छबीली राधे मंद मंद मुरमुसकानी ॥२॥

Ath Maan

NityaPad-321

Kanharo

Mamriman mero kahyo gopinath kunwar tohi

मामरीमान मेरो कह्यो गोपीनाथ कुंवर तोहि बोलें।| हां जो लालनसों पेंजुकर आई सो तेंजु करी ऐरी नयननहीं नहियां तातें मोमें कछू न रह्मोरी ॥ १॥। घोषनूपति सुतहै बहुवल्लभको कौन सुकृत फल तेंजु लह्योरी॥ गोविंदप्रभु तें सुहाग भाग वशकीने तुमतो परम विचित्र रस छिनछिन जात वह्योरी ।।२॥

Ath Maan

NityaPad-321

Iman

Mantaj bauri nandlalason ..

मानतज बौरी नंदलालसों ॥ वे बहुनायक एतेपर राजकुमार मेरो कह्यो मान प्यारी तु जिन लाओ ओरी ॥१॥ किसलयदल कुसुमन की शब्यारचि तुव मगचितवत दौर दौरी ॥ गोविंदप्रभुसों तू यों राजेगी ज्यों दामिन घनसोरी ॥२॥

Ath Maan

NityaPad-321

Iman

Tuu chala sakhiri shungarhar saajen sevati kinn piyapyari ..

तू चल सखीरी शुंगारहार साजें सेवती किन पियप्यारी ॥ माधुरी माधवी बोरसरी एरी गुलाबको लैहै मनुहारी ॥ १॥ यह स्वभाव नजाय वरजि जुई केतकीलों समझाय माननिवारी ॥ मेरो सीखंडजोमिलेरी गोविंदप्रभु तो तोपर केवरो मबलकुंवर कुचविच चंपो विहारी ॥२॥

Ath Maan

NityaPad-321

Kanharo

Harihaunto hariho laltihari pyaari key paanyan parpar..

हरिहौंतो हारीहो लालतिहारी प्यारी के पांयन परपर॥ रही सिर धरचरणन बडीबार भंई लीजिये मनाय रूठी मानत नाहि क्योंहूं कर ॥१॥ जैसेंजैसें रातजात तैसेतैसें सतरात मोसों न बतरात मानीहै मैं यांसूं हार॥ सुनतही वचन रसिकप्रीतम दूतीके आप उठ चले देखत बदन जात इतहीं ढार ॥ २॥

Ath Maan

NityaPad-322

Kanharo