Mohanrai maniri

मोहनराय मानीरी तेरी बतियां ॥ मदनमोहन पिय बैठे एकांतहवै दीनो सुहस्त जाय पतियां ॥१॥ जबलग धीरजधररी सयानी दिनगत याम जोलों होय अधरतिया ॥ कुंभनदासप्रभु दूतीके वचनसुन परमसीतल भई छतियां ॥२॥॥

Ath Maan

NityaPad-326

Bihagaro

Tere

तेरे लांबे केस विविध कुसुमग्रधित देख हरी सिरधरें मोरचंदवा ॥ शुृंगाररसको सर्वस्तर किशोरीप्यारी तब अंगअंग कहालों कहूं अल्पम्मति वशभये आनंदके कंदवा ॥१॥ कस्तूरीके पत्र कुंकुमकलित वल्लीसिंदूर को चित्रनिररर कुचमंडित धातुप्रवाल परे सुभग श्रीतन मनवचन मानआनंदवा ॥ कृष्णदास बलहारी अलकनकी शोभापर गिरिवरधरके आली चित फंदवा ॥।२॥

Ath Maan

NityaPad-326

Bihagaro

Tuu tou vegachal yamini jaay ghatat |...

तू तो वेगचल यामिनी जाय घटत |॥। न करि विलंब मिल नंदसुवनको समज चतुरसुंदरि काहेकों बातें ठठत ॥१॥ मदनमोहन बैठे बडीवारके तूं काहेकों नटत ॥ कुंभनदास गिरिधरनलाल स्यामतमालसों कमललतासी क्‍यों न लप्टत ॥२॥

Ath Maan

NityaPad-326

Bihagaro

Kahon

कहों कैंसे कीजे हो ऐंसे कपटिनको विश्वास ।॥। एकनके चित्तलेत चोरकें एकन लेत उसास ॥ १॥ जो कोऊ मान करत ताहि मनावत चेरीहै रहें तासों होत उदास ॥ रसिकप्रीतमकी जानी नपरे हॉँसी कीथों उपहार ॥२॥

Ath Maan

NityaPad-326

Bihagaro

Krishnachandra

कृष्णचंद्र आवेंगे मेरे आजरीमाई बहुत दिननकी अवधि आज ॥ तनमन जोबन आनंदित वदनहास नयन सेनबैन मधुर थार मध्यकरकें पहलें मिलहोरी भेटसाज ॥।१॥ गृहगृहतें सख्री बाल लेंहुरी अति प्रवीन वीनाकरधर हरिसंग करहों रतिसुख समाज ॥ मकरंद नंदसुतकिशोर रिझवोंगी गानतान आनआन आछेहूं कृष्ण रागरंग रिझायकें लेहोरी एक छत्रराज ॥२।।

Ath Maan

NityaPad-326

Bihagaro

Radhika maan taja kaanh bhaj bhamini ..1.. ratat sundarasyam rahee rajani yaam

राधिका मान तज कान्ह भज भामिनी ॥१॥ रटत सुंदरस्याम रही रजनी याम नामतेरो जपत कहूं सुन कामिनी ॥२॥ तरणि तनयातीर मोर कोकिला कीर पवनराजत धीर शरद सुख यामिनी ॥ कुसुम राजत सेज शरदको शशितेज प्रेमपाउं धारिये सुनो गजगामिनी ॥ ३॥। सुनत स्थामा चली सखिन आगें दई परम मगनभई स्थाम संग स्वामिनी ॥ सुर मिलत सुकुमारदोऊ करत विहार ज्यों राजत सघन गगन दामिनी ॥४॥

Ath Maan

NityaPad-326

Bihagaro

Aajshubhalagna tere milanakon giridharnagar gunin ganaayo .. pratham samaagamaten

आजशुभलग्न तेरे मिलनकों गिरिधरनागर गुनिन गनायो ॥ प्रथम समागमतें कित डरपत बड़ेभाग्य संचित फलपायो ॥।१॥ नवनिकुंज मंडप सखी सुमतिविधाता सुहस्त बनाये ॥| रसिकलाल तब संग प्रमुदित कृष्णदास मंगलयश गायो ॥२॥

Ath Maan

NityaPad-327

Bihagaro

Chapal chala rasikani piya bulaaven..

चपल चल रसिकनी पिय बुलावें॥ विमलरजनी वहिजात सुंदर सुधरपहरिले नीलपट यही सुहावें ॥१॥ भेटकारि कुचकठिन चित्त कोमल करहि काहेकों भामिनी भ्रोंह चढाबें || रठटत तुव नाम धरध्यान सूरजप्रभु खोल मुख दरसदे येहि भावे ॥२

Ath Maan

NityaPad-327

Bihagaro

Atihin nithur tiya manavati kyonhuun kyonhu manai ..| aapane jaanmein bahut bhaanti

अतिहीं निठुर तिय मानवती क्योंहूँ क्योंहू मनाई ॥| आपने जानमें बहुत भांति कर नीकी युक्ति बनाई ॥१॥ जे तुमकही कपटकी बातें अनेक यत्न करके दिखराई ।। रसिकप्रीतम आप चलियें मिलवें रसवशकीजें मोहिदीजें रीझ वधाई ॥२॥

Ath Maan

NityaPad-327

Bihagaro

Chully mukhmaun manaavan maan.. anchalchhor pasaar doukar dharr‌you seasper paan .. 1..

चली मुखमौन मनावन मान॥ अंचलछोर पसार दोऊकर धर्‌यो सीसपर पान ॥ १॥ ससितन चितै निहार नवनभर कर अंगुरीमुख आन || लीकी तीन करी वसुधापर तृणतोरयों कर तान ॥]२॥ समझी सबैभेद की बातें चतुरचली मुसकान ॥ विविधविहारजु किये सूरप्रभु कवि कहाकरे वखान ॥।३॥

Ath Maan

NityaPad-327

Bihagaro

Chalchal mero kahyo tuun maan naatar pachtehai

चलचल मेरो कह्यो तूं मान नातर पछतेहै कर मान ।। अबहींतो पिय पायपरत हैं तज अभिमान पावेंगी अधिक सनमान ॥। १॥। बहुनायक सुखदायक सोकरि काहूको निवह्योहै गुमान ॥ रसिक प्रीतमसो पियजो पैयेतो सहिये कोटिक अपमान ॥२॥

Ath Maan

NityaPad-327

Bihagaro

Merey bulaaye nahin bolat ree kaahekon

मेरे बुलाए नाहिन बोलत री काहेकों भुलावत॥। हौं पठई प्यारे तोहि बोलन उलटी नागरी आंख दिखावत ॥ १॥ तेरे मन भावे नंदनंदन तू हरिके चितमन बुद्धिभावत को जाने कामिनी कौतुककी मोसिनकुं बातन बौरावत ॥ २॥ धरतमुरलिका आपतें अधरकर तनमनभई मधुर कलगावत॥। कृष्णदास स्वामीगिरिधरकी मोहनमूरति कुचबीच अरुझावत ।॥। ३॥।

Ath Maan

NityaPad-327

Bihagaro