Sikhwabat ketee raati gaee. chandra

सिखवबत केती राति गई। चंद्र उदै बर दीसनि लाग्यो तू नहिं और भई॥ सुनि हो मुगध ! कह्यो नहिं मानति जामी हदे कई। 'परमानंद प्रभु को नहिं मिलती तौ प्रतिकूल दई ॥

Ath Maan

NityaPad-331

Kalyan

Pyaari tuu dekh naval nikunjanayak

प्यारी तू देख नवल निकुंजनायक रसिक गिरिवरधरन ।। सकल अंग सुख ससि सुन्दर सुभग सांवरे वरन ॥ १॥ सहज नटवर भेख दरसन नेन सीतल करन कर सरोज उरोज परसत जुबवती जन मनहरन ॥२॥| बेगि चलि मिलि गुन निधाने साजी पट आभरन ॥ चतुर्भुज प्रभु नवरंग नायक सुरति सागर तरन ॥ ३॥

Ath Maan

NityaPad-331

Kedaro

Sunat khisyani purry chala dooti preetam pein gaee haye lajaay .. way tou nahi maanat koti

सुनत खिसयानी परी चल दूती प्रीतम पें गई हे लजाय ॥ वे तो नहि मानत कोटि जतन किए हो पचिहारी बोहोत मनाय ॥१॥ आपुहि मनाइड़ लीजे मोसों एसी कही सुनो अब कहा कीजे लाल दूसरो उपाय ॥ नंददास प्रभु एसी सुनि आपहि पधारे तब पोढे अपनी प्यारी को उर लाय ॥२॥

Ath Maan

NityaPad-331

Bihaag

Maanani

माननी मान जिन मान एतो करे आप पायन परे नाथ तेरे ।। दरस जाके करन जगत तरसत सदा सो तो इकटक तेरो बदन हेरे ॥ १॥ हों कहत श्रीमुख ओट वेग मिल मितसुं पेरो बचन जिन भूल फेरे ॥ रसिक प्रीतम संग अनुराग भरी मिल त्रिया श्रीहरि दुःख तेरो सब नवेरे ॥।२॥।

Ath Maan

NityaPad-331

Kalyan

Merey kahey manini

मेरे कहे मानिनी प्रान निवारिये ॥ हों पठई तोहि लेन सांवरे कुंजकुटी पाउं धारिये ॥१॥ हँसि लालन मोसों कह्यो प्यारी अपने जिय में विचारिये ॥। करि मनुहार बोहोरी हों पठई अंग सुगन्ध संवारिये ॥ २॥ जासो कैसो रुसनो आली तासो जाते हारिये ॥। सूरदास मदनमोहन की छबि पर अपनो सर्वस वारीये ॥ ३॥

Ath Maan

NityaPad-331

Kedaro

Thhan gunn

ठन गन छांड़ि देरी अलबेली ॥ मेरे कहे तू उठ चलन भामिनी नागर नवल नवेली ॥ १॥ लाल मनावत तू नहीं मानत जोबन गर्व गहेली।। रसिक प्रीतम संग यो राजत है जैसे हार चमेली ॥२॥॥

Ath Maan

NityaPad-331

Khamaj

Chandaa chhip gayori piya pein chala pyaari dekh andheri raat .. way vihasalak savaarat

चंदा छिप गयोरी पिय पें चल प्यारी देख अंधेरी रात ॥ वे विहसअलक सवारत तुं बेठी इतरात ॥१॥ ए इतनो मान कित करत भामिनी छांड दे कित पांच सात ॥ गोविंद प्रभुसों मिले क्यों न भामिनी वृथा यामिनी जात ॥२॥।

Ath Maan

NityaPad-332

Shankara Bharan

Tajiye ghaun keeje garon kunjabhavan pyaari | tarani tanaya teer

तजीये घौन कीजे गरोन कुंजभवन प्यारी | तरनि तनया तीर बैठे घनस्याम सुघर अनेक रची विविध फूल मंडली संवारी ॥१॥ फूलनकी चोखंडी छाजे फूलन रचि विचित्र चित्रसारी ॥ तामध रची सेज फूलन की चंपक बकुल गुलाब निवारी ॥२॥ चलत अनिल जलत अति सीतल मंद सुगंध पवन रुचिकारी। तुमही लेन ब्रजनाथ पठाई चल हो बेग वृखभान दुलारी ॥३॥

Ath Maan

NityaPad-332

Adano

Aanju tein neeken curry jaani

आंजु तें नीकें करि जानी मैं देखी प्यारी अति हठु भारी ॥ मदनमोहन पिय हौं पठई और बहुत करी मनुहारी ॥१॥। तुब हितसों कर ग्रधित कुसुम चोली बिच बिच जाड़ जुहीं चंपक बकुल निवारी ॥ “गोविन्द प्रभु सुहाग बस कीने री उठि चलि बेगि मिलि कुंजबिहारी ॥२॥

Ath Maan

NityaPad-332

Bihaag

Aalee tero badan chand dekhat buss bhaye kunjbihari ... useer

आली तेरो बदन चंद देखत बस भये कुंजबिहारी ॥। उसीर महलमें तेरो मग देखत बेर बेर तोये संभारी ॥९॥॥ तो बिना रही न सकत नवल प्रान प्यारो एसि निद्ठर तू सुनरी कुमारी ॥ नंददास प्रभु प्यारी रूप गुन उजियारी एसे ब्रजाधीशजीसों मान करत तू चल क्यों लों लाज निवारी ॥२॥

Ath Maan

NityaPad-332

Bihaag

Arrie jinn tuu pathai jaaheepen firzau unmoson akath kathanadi |

अरी जिन तू पठई जाहीपें फिरजाउ उनमोसों अकथ कथानादी | तोहि पठावत वे क्‍यों नहीं आवत उनके पायन कछू मेंदी बांधी ।|१॥ मो ढींग आवबत वचन सुनावत बात कहत आधी आधी ॥ तानसेन के प्रभु वे बहुनायक प्रीत फंदन कर हो फांदी ॥ २॥

Ath Maan

NityaPad-332

Poorvi

Manaavan ayeri manaavan jaanyo haye

मनावन आयेरी मनावन जान्यो है प्राणेश्वर प्राणनके प्यारे ॥ कोन कोन गुन रूप बरनों प्यारे तिहारे उनतन नयना न्यारे॥ १॥ मेरीसी मोसों ओरनकी ओरनसों ऐसे व रंग ढंग प्यारे तिहारे।। नंददास प्रभु एक रस क्यों न रहो केसे के प्राण पत्यारे ॥२॥॥

Ath Maan

NityaPad-332

Kanharo