Paachhen

पाछें ललिता आगें स्यामाप्यारी ताआगें पिय मारगमें फूल बिछावत जात ॥। कठिन कली बीन करत न्यारी न्यारी प्यारीके चरण कोमल जान सकुंचत गढवेहू डरात ॥१॥ अरुझी लता अपनेकर निरवारत ऊंचे ले डारत द्रुम पल्‍लव पात ॥ सूरदासमदनमोहन पियकी आधीनताई देखत मेरे नयन सिरात ॥२॥।

Ath Maan

NityaPad-333

Poorvi

Uttar kahihon kahaa jaay piyason hoai

उत्तर कहिहों कहा जाय पियसों होआई आंधयेकी ॥ अर्धनिशा बीती हौंहारी तू जीती मैंजु कही तोसों कोटिक बात तेरे भायें बूंद तयेकी ॥९॥ तासों कहा कहिये आली री ताहि न अपनी बुद्ध सिखयेकी ।। सूरदासमदनमोहन कबके मगजोवत तु बैठी छांह छयेकी ॥२॥।

Ath Maan

NityaPad-333

Poorvi

Sohat giridhar mukh mriduhas .. koti madan karjor upaasit

सोहत गिरिधर मुख मृदुहास ।। कोटि मदन करजोर उपासित बिगलित भ्रूविलास ॥। १॥ कुंडललोल कपोलनकी छबि नासामुक्ता प्रकाश ॥। शोभासिंधु कहांलों वरनों बारने गोविंददास ॥२॥

Ath Maan

NityaPad-333

Poorvi

Houn kaise jaauun maram naan paauun syaam merey zaan vaako munn gahwar

हों कैसे जाऊं मरम न पाऊं स्याम मेरे जान वाको मन गह॒वर है रहो ॥। तन कंचनगिरि सुदृढ़ कियो और वसनकोट रच्यो अंचलड्योढी ओटदयो ॥|९॥| वचन पौरिया पौरि न खोले मुखपौर मूंद रह्मो । भौंहधनुष नयना रसके वान साधे जातें जाय न निकट गयो ।। सूरदास मदनमोहन आपन चलिएजू जो तुम हू पै जाय लहयो ॥२॥

Ath Maan

NityaPad-333

Poorvi

Kelikala kamaneey kishore ubhay raspunjan kunjke nere ..

केलिकला कमनीय किशोर उभय रसपुंजन कुंजके नेरे ॥ हास-विनोद कियो बल आली केतो सुखहोत है हेरे ।। १॥| बेलीके फूल प्रियाले पियपर डारेकी उपमा होत मन मेरे नंददास मानों सांझ समय बगमाल तमालकों जात बसेरे ॥२॥

Ath Maan

NityaPad-333

Poorvi

Arrie jinn tuu pathai jaaheenpen phir jaaun una moso akath kathaa naadi ... tohi pathaavat

अरी जिन तू पठई जाहींपें फिर जाउं उन मोसो अकथ कथा नादी ॥। तोहि पठावत वे क्‍यों नहिं आवत उनके पायन कछु मेंहदी बांधी ॥|९॥ मोढिंग आवत वचन सुनावतं बात कहत आधी आधी ॥ तानसेनकेप्रभु वे बहुनाथक प्रीति फंदन करहौं फांदी ॥२॥

Ath Maan

NityaPad-333

Poorvi

Meretu jiyamen vasat navalpriya

मेरेतू जियमें वसत नवलप्रिया प्राणप्यारी ॥ तेरेई दरसपरस राग रंग उपजत मान न कीजे हा हा री ॥१॥ तुही जीवन तुही प्राण तुही सकलगुणनिधान तो समान और नाहिन मोकों हितकारी | व्यासकी स्वामिनी तेरी मयाते मैंपायो है नामविहारी | २॥

Ath Maan

NityaPad-333

Poorvi

Shyamaju koo shyam manayake aavat...

श्यामाजु को श्याम मनायके आवत।॥ ज्योंज्यों कुंबच्चलत हौलेंहौलें त्योंत्यों पाछेपाछें धावत ।।१॥ कबहुंक आगे कबहुंक पाछे नयनसों नयन जुडावत ॥ कबहुंक पंथके तनिक तिनकादूर करनकों धावत ॥। २॥ कबहुंक लक्षणता रहीहैमानकी तातें अधिक छवि पावत ॥ जो मदमत्त मातंग मातेतें डरपत रहत महावत ॥३।॥॥ अतिशयशंक मोहन अतिआतुर बानिक बहुत बनावत॥ परम रहसि गिरिधर रसलीला जन परमानंद गावत ॥॥४॥

Maan Chhutve

NityaPad-334

Kedaro

Milahi nagri !

मिलहि नागरी ! नवल गिरिधर सुजान सो । कुंज के महल में रसिक नंदलाल को, भेटि अंक, मन करि बहुत सनमान सो ॥ गीत में राग केदार चर्चरी ताल, करत पिय गान, रचि तान बंधान सों। छीत-स्वामी' सुघर, सुघर सुंदरि ! रीझि, रिझबत सुघर भेद गति ठान सों॥

Ath Maan

NityaPad-334

Kedaro

Neend toy bechoongi

नींद तोय बेचूंगी आली जो कोई गाहक होय |। आये मोहन फिर गये अंगना मैं बैरिन रही सोय ।।१॥ कहा करूं कुछ बस नांय मेरौ आयो धन दियौ खोय ॥ लछीराम प्रभु अबके मिलें तौ राखूंगी नयनन समोय ॥२॥

Ath Maan

NityaPad-334

Bihaag

Maan chhoot gayori nirakhat mohan vadan ..

मान छूट गयोरी निरखत मोहन वदन ॥ नयननसों नयनमिलत मुसकात परस्पर गयोहै विरह दुःखकंदन ।॥। १॥ कुंड सुभग कपोल लोल अरुगुण रूपरेख सदन ॥ गोविंदप्रभुकी मुखशोभा पर वारफेरडारों कोटिनदन ॥२॥

Maan Chhutve

NityaPad-334

Iman

Merey curr menhadi luggy haye lutt urajhi

मेरे कर मेंहदी लगी है लट उरझी सुरजाय जा ॥ सिर की सारी सरक गई मोहन अपने हाथ उढाय जा ॥| १॥ भाल की बिंदी मोरी गिर जो परी है हा हा करत लगाय जा ॥ नीलाम्बर प्रभु गुण ना भूलूंगी बीरी नेंक खवाय जा ॥ २॥

Ath Maan

NityaPad-334

Bihaag