Dhana tuu dhana dhana dhana tero jovan dhana teroi

धन तू धन धन धन तेरो जोवन धन तेरोई जन्म कर्म गुन॥ राजदुलारी रूप सांचे ढ़री सब सखियन में उठ चल बन बन ॥। १॥॥ हों जु मनावत नहीं मानत छांडव देरी आली ठन गन॥ तानसेन के प्रभु वे बहुनायक तोहि बुलाबत हेरी छिन छिन ॥२॥।

Ath Maan

NityaPad-334

Lalit

Kaun patyaay tihari jhoonthimeethi batiyaan ..

कौन पत्याय तिहारी झूंठीमीठी बतियां ॥ तैसेंई सांवलतन तैसेंई होमन मैंजाने कुंवर सबभतियां ॥१॥| मुखकी हमसों मिलवत जीयकी औरनसो तियमारनकों भलेपढे घतियां ॥ नयननसों नयन मिलत मान छूटगयो गोबिंदप्रभु प्यारी लायलईउर छतियां ॥ २॥

Maan Chhutve

NityaPad-335

Bihaag

Rasamen rahat gadiho rasikani |

रसमें रहत गडीहो रसिकनी | कनकवेलि वृषभाननंदिनी श्यामतमालचढी ।। १॥ विहरत संगलाल गिरिधरके कौनभांति पढी॥ कुंभनदास लालगिरिधर संग रतिरसकेलि बढी ।। २॥।

Maan Chhutve

NityaPad-335

Kanharo

Neck yahi lijaiho pyaari merrie baanh ..

नेक यहि लीजैहो प्यारी मेरी बांह ।। मेरी ओटतू जान मपरिहे लेचलहूं तरुतरुकी छांह ॥ १॥ नीलवसनविधुवदन दुरायो जौलोहिमकर- किरण प्रकटभई नाहिं॥ व्रजपति कुसुमरावटी पोढे निकटही बटसंकेत माहि ॥२॥।

Maan Chhutve

NityaPad-335

Kanharo

Pyaari pug haulenhaulen dhara ..

प्यारी पग हौलेंहौलें धर ॥ जैसें तेरे नूपुरन बाजही जागत ब्रजको लोग नाहीं सुनायवेयोग हाहारी हठीली नेक मेरो कह्यो कर | १॥ जौलों बनवीथिनमांहि सघनकुंजकी परछांहि तौलों मुखढांप चलकुंवररसिकवर ॥ नंददासप्रभु प्यारी छिनहुं नहोय न्यारी शरदउजियारी जामें जैहो कहूंरर।। २॥

Maan Chhutve

NityaPad-335

Kanharo

Milahi nagri piya giridhar suzanso ..

मिलही नागरी पिय गिरिधर सुजानसो ॥ सुन्दरी कबक तन साज भूखन बसन कुंज के महल चलि बेग तजी मान के ॥।१॥ तरनि तनया तीर परम रमनीक बन बिहर संग करहि बस सब गुन निधान को ॥ राग केदारो सुन श्रवन बड भागिनी निरखी अंग अंग मुरली कल गान को ॥१॥ चतुर्भुजदास प्रभु चतुर चुडारत्तन करत अभिलाख तुब अधर रस पानकों ॥ अरपी सर्वस्व कुसुम सेज सुख बैठी सखी भेटी सुन्दरी सुघर सांवल सुठानकों ॥। ३॥

Maan Chhutve

NityaPad-335

Kedaro

Kunjabhavan gavankaro tanake santapaharo puranchandso darash deejai ..|

कुंजभवन गवनकरो तनके संतापहरो पूरणचंदसो दरश दीजै ॥| कंजखंजन कोटिकवारों मीनमृग वारडारो ऐसे इन नयननिरख कमल नयन कुतार्थ कीजै ॥ १॥। जिनको पथ कोउ नपावत निगमहारे गावत कबनतें तुब पथनिहोरत तिनसों हिलमिल सुखलीजै ॥ धोंधीके प्रभुरससागर तेरेही रसभीजे ॥२॥

Maan Chhutve

NityaPad-335

Kanharo

Radhajukon lalita manaayaliyen aavat harijuke kanpari noopurbhanak ||

राधाजूकों ललिता मनायलियें आवत हरिजूके कानपरी नूपुरभनक || तल्परची किसलयदल हाथरहे प्रतिधुनि हियेभई बाज झनक ।।१॥ जब जायमिली लपटानी हरि हियो त्योंत्यों फेरमिटत कांसेकी ठनक।॥। सूरदासमदनमोहन श्याम रिझे परस्पर हंसत हंसत पोढे परिअंक खनक ॥२॥

Maan Chhutve

NityaPad-335

Kanharo

Chaturyubavati gabanat piya paivan ..

चतुरयुबव॒ती गबनत पिय पैवन ॥ गहे उर रसवचन सहचरी के प्रेम मगन भूषणसाजत तन ॥। १॥ नवशुंगार सब अंगअंगप्रति मोह्यो रतिपति नयनन के अंजन ॥ चतुर्भुजप्रभु गिरिधर भुजभरलई सौदामिनि भेटी मानो नवघन ॥२॥

Maan Chhutve

NityaPad-335

Kanharo

Radhika aaj aanandamen dolein..

राधिका आज आनंदमें डोलें॥ सांवरे चंदगोविंदके रसभरी दूसरी कोकिला मधुरस्वर बोलें ॥। १॥ पहेर तननीलपट कनकहारावली हाथलें आरसी रूपकोतोलें ।। कहत श्रीभट्टब्रजनारिन नागरबनी कृष्णके सीलकी ग्रंधिका खोले ॥२॥

Maan Milaap

NityaPad-336

Kedaro

Madanmohan sanga mohani or kunjasadan mein vilasat navrang ...

मदनमोहन संग मोहनी ओर कुंजसदन में विलसत नवरंग ॥। पियप्यारी प्रभु प्राणपिया दोऊ लटपटात पाये आधे आधे वचन कहेंत माते अनंग ॥१॥ परसतनख चिबुकबिंदु चाहे रहत वदतइंदु हँसहँसदुरजास कबहुं पियसी उछंग।। गोविंदप्रभु सरसजोरी नवकिशोर नवकिशोरी गावत मिल राग केदारो मधुरी तानतरंग॥२॥

Maan Milaap

NityaPad-336

Kedaro

Areemen rattan jatan curr paayo ...

अरीमें रतन जतन कर पायो ॥। उघरे भाग्य आज सखि मेरे रसिकशिरोमणि आयो ॥१॥ आवनहीं उठकें दे आदर अपने ढिंग बैठायो।॥। मुखचुंबन दें अधरपानकर भेट सकल अंगलायो ॥। २॥ अद्भुतरूप अनूप श्यामको निरखत नयन हियो सिरायो ॥ निसदिनयही अपने ठाकुरको रसिक गूढयश गायो ।। ३।।

Maan Milaap

NityaPad-336

Kedaro