Sakal vrajatiyanmein tuhi jiniri ....

सकल ब्रजतियनमें तुही जीनीरी ॥॥ सबको भाग्य भोगवत सबरी निसा लालगिरिधरन संग तोहि बीतीरी ॥१॥ केतिक उपमा कहूं रावरी एकमुख ए्यामसुंदर गरेंलाय तोहिलीनीरी ॥ रसिकप्रीतम महासुख दियो राधिका यातें कमला लयारही हेरीतीरी ॥२॥ ।

Maan Milaap

NityaPad-336

Kedaro

Baithi piyako badannihaaren..

बैठी पियको बदननिहारें॥ लावण्यरूप पर वारवार तनमनधन जोबन वारें॥ १॥| कबहुंक निकट जाय प्रीतम के पगीया पेच सुधारें कबहुंक चुंबनकरन कपोलन हेर चंद्र उजियारे।।२॥ कबहुंकपीवत अधरसुधारस भेटत अंग उघारें।। रसिकप्रीतम के संगम प्यारी पूरब विरहें विसारे ॥३॥

Maan Milaap

NityaPad-336

Bihagaro

Ree tuu angarang rung raani atihi

री तू अंगरअंग रंग रानी अतिही सयानी पियजिय मनमानी || सोरह कला समानी बोलत मधुरीवानी तेरोमुखदेखें चंदाजोतिहू लजानी ॥१॥ कटिकेहरि कदलीजंघ नासिकापर कीर वारों फलउरोज बिच अधिक सयानी ॥ हरिनारायण स्यामदासके प्रभुसों तेरो नेहरहों जोलों गंगयमुना पानी ॥२॥

Maan Milaap

NityaPad-337

Bihagaro

Teresir kusum vidhir rahey bhamini shobhadet maanon nabhghantare |

तेरेसिर कुसुम विधिर रहे भामिनी शोभादेत मानों नभघनतारे | श्याम अलक छूट रही वदनपर चंदछिप्योमानो बादर कारे ॥|१॥ मोतिनमाल मानों मानसरोवर कुचचकवा दोऊ न्यारे न्यारे ॥ धोंधीके प्रभु तीनलोक वशकीने तें वशकीने आली नंददुलारे ॥३॥

Maan Milaap

NityaPad-337

Bihagaro

Dekhari dekh yugalkishore .. karatkam

देखरी देख युगलकिशोर ॥ करतकाम कलोलकुंजन स्यामसेत शशि जोर ॥ १॥ सेज नभ ग्रह सूचत चहूं दिश परत कह कहूं थोर॥ मानों बादर वसन पसरे विविध पचरंग छोर ॥२॥| कंठपर करधार कबहूं करत आनन और ॥ मानों सोमसरोज छायो वैरी बंधु निहारे ।।३॥ रच्यो ब्रजपरिचार झरन प्रेमसुधारसरोर ॥ घटत बढत न॑वरस घोडस प्रकट रजनी भोर ॥४॥ गयो त्रिभुवन तिमिर उपज्यों इंदु सामलगोर ।। तृपति नेक नहोत सूरज पीबत नथन चकोर।॥।५॥

Maan Milaap

NityaPad-337

Bihagaro

Laalan terehi aae aaju suhavani raati ..|

लालन तेरेही आए आजु सुहावनी राति ॥| तनमन फूली अति अंग न समात निकुंजमें करत वधाए ॥१॥॥ कोककला अतिनिपुण नागरी रूप देखत मो मन भाए।। गिरिधरपिय रसवशकीने कृष्णदास दुलराए॥२॥

Maan Milaap

NityaPad-337

Bihagaro

Aaj aaye merey dhaam shyam maaee nayarnandkishore ..

आज आये मेरे धाम श्याम माई नायरनंदकिशोर ॥ चंदारे तु थिर ह॒वे रहियो होन न पावें भोर । १॥| दादुर चकोर पपैया बोलो और बोलो बनके सब मोर ॥ नंददासप्रभु वे जिनबोले बारो तमचर चोर ॥२॥

Maan Milaap

NityaPad-337

Bihagaro

Aaj teree fabi adhik chhabi nagri ..

आज तेरी फबी अधिक छब्िि नागरी ॥ मांग मोतिन छटा वदनमपर कचलटा नीलपट घनघटा रूपगुण आगरी ॥|१॥ नयनकजल अणीकवरी लज्नितफणी तिलक रेखा बनी अचल सौभागरी ॥। नासिका शुकचंचु अधर बंधूकसम बीजदाडिम दशन चिबुकपर दागरी ॥ २॥ वलय कंकण चूरि मुद्रिका अतिरूरी बेसरि लटक रही कामगुण आगरी॥ ताटंक मणिजटित किंकिणी कटितटित प्रोत मुक्तादाम कुचकंचुकी लागरी ॥। ३॥ मूक मंजीरध्वनि चरण नखचंद्रमा परम सौरभ बढत मृदुल अनुरागरी ॥ कहे कृष्णदास गिरिधरन वशक्िये करत जबमधुरस्वर ललितवर रागरी ॥४॥

Maan Milaap

NityaPad-337

Bihagaro

Way dekho barat jharokan deepak hari podhe oonchi chitrasari ...

वे देखो बरत झरोकन दीपक हरि पोढे ऊँची चित्रसारी ॥। सुंदरवदन निहारन कारण राख्यो है बहुत यतन कर प्यारी ॥ १॥ कंठलगाय भुजदे सिरहाने अधर अमृत पीवत सुकुमारी ॥ तनमन मिलिरी प्राण प्थारेसों नौतन छबि बाढी अतिभारी ॥२॥ कुंभनदास दंपति सौभगसीमा जोरी भली बनी एकसारी ॥ नवनागरी मनोहर राधे नवललाल श्रीगोवर्द्धन धारी ॥३॥

Paudhave

NityaPad-338

Bihaag

Madanmohan likhi pathai millen koo tain tou phooli-phooli dole saune sadan mein |

मदनमोहन लिखि पठई मिलन को तैं तो फूली-फूली डोले सौने सदन में | मेरे जानि त्रिभुवन-पद आयौ मेरी आली ! ऐसौ कछु देखियतु आनंद बदन में ॥ अंजन की रेखा राजै, कुच-बिच चित्र साजै, ऐहें बेली रेली हेली उचित अदन में ? अरबराय प्यारी देखियतु ऐसी भारी सकुंवारी हंस गति भूल्यौं, नूपुर-मंदन में ॥ गोवर्धनधारीलाल, तोही सो रति कौ ख्याल, अधर कौ मधु भावी सुंदररदन में । छीत- स्वामी स्यामा स्थाम, दोऊ अति अभिराम मोतिनि कौ चौकपूरन्यौ लेपन चंदन में |।

Maan Milaap

NityaPad-338

Bihagaro

Raigiridharan sanga

रायगिरिधरन संग राधिका रानी ॥ निबिड नवकुंज नवकुंज शब्यारची नवरंग पियसंग बोलत पिकबानी ।।१॥ नीलसारी लालकंचुकी गौरतन माँगमोतिन खचित सुंदर सुठानी ॥ अर्धघूंघट ललन बदन निरखत रसिक दंपति परस्पर प्रेम हृदयसानी ॥ २॥ लाल तनसुख पाग ढरक भ्रूपर रही कुल्हें चंपकभरी सेहरो सुवानी ॥ पाणिसो पाणि गहि उरसों लावत ललन गोविंदप्रभू ब्रजन॒पति सुरत सुखदानी ॥३॥

Paudhve

NityaPad-338

Bihaag

Kunj mahal mein mangal herry ..|

कुंज महल में मंगल हेरी ॥| किसलयदल कुसुमनकी शब्यारची ता पर बिछई पीत पिछोरी ॥ १॥ ओद्योदूध कनककटोरा और पाननकी भ्रभर झोरी ।। सघन कुंजमें श्रीगिरिधर विलसत ललितादिक चितबत दृगचोरी ॥२॥ होय मनोरथ मेरे जियके दंपति पोढे एक ठोरी॥ कहे श्रीभट ओट्हवै निरखूं क्रीडा करत किशोरकिशोरी ॥ ३॥

Paudhave

NityaPad-338

Kedaro