Sakhiyan rachi rachi sez banaai ..

सखियन रचि रचि सेज बनाई ॥ मणिमय जटितपर्यक कनकके मुक्तनकी अधिकाई ॥।१॥ पोढे श्रीसहित सुंदरवर झलमलदीप झरोखन झांई । मानदास बलजाय सहेली मिलेहें पियाप्रीतम सुखदाई ।॥॥२॥

Paudhave

NityaPad-338

Kedaro

Piyapyari kunjamahalmein podhe ..

पियप्यारी कुंजमहलमें पोढे ॥ अंगसों अंगमिलाय परस्पर अलकें छुटी मौढें ॥१॥॥ कोककला रसरीत प्रवीणअति एकेकतें दोढे ॥ सूर सुरतसंग्राम जीत दोऊ पीत पिछोरी ओढे ॥ २॥

Paudhave

NityaPad-339

Kedaro

Podhiye piya kunwarkanhai ..

पोढिये पिय कुंवरकन्हाई ॥ नवनव वसन नवल कुसुमावलिहो अपनेकर सेज बनाई ॥१॥ नाहिनसमें सखी काहूको ग्वालमंडली सब बोराई॥। आसकरणप्रभु मोहमनागर नागरिकू ललिता लेआई।॥॥२॥

Paudhave

NityaPad-339

Kedaro

Podhe maaee lalan sez sukhakaari .. manigan khachit

पोढे माई ललन सेज सुखकारी ॥ मणिगण खचित रंगमहल में संग श्रीराधाप्यारी ॥९॥ सहचरी गानकरत मधुरेस्वर श्रवणसुनत सुरत हितकारी | तनमन मगन भये पियप्यारी निरख दास बलहारी ॥२॥

Paudhave

NityaPad-339

Kedaro

Aaya que‍yon nadekho laal aapani pyaareeki chhabi chandani mein

आय क्‍यों नदेखो लाल आपनी प्यारीकी छबि चांदनी में पोढी यातें चन्दहु रहो लजाय || मंडल पोहोपमाल नीलांबर अंबर नासिकाको मोतिदेखे उडुगण सकुचाय ॥१॥ आयेहैें निकटलाल रीझ रहे ललचाय वारवार देखदेख मुखकी लेत बलाय ॥ नन्ददास प्रभुपिय अधरन बीरीलाय रसिक बिहारिन प्यारी चौंकपरी मुसकाय ।।२॥

Paudhve

NityaPad-339

Adano

Aaj main dekhe aliri sou douu mill podhe baatein karat.

आज मैं देखे आलीरी सो दोऊ मिल पोढे बातें करत। वदमनिहारत परस कपोलन हँसहँस आंको भरत |। १॥। कबहुंक रतिकी सुरतभईरी जीयमनो एक लाज धरत ।॥। रसिकप्रीतम पियप्यारी परस्पर एकरसहदवै विहरत॥२॥

Paudhave

NityaPad-339

Kedaro

Kusum sez piyapyari podhe kartahain

कुसुम सेज पियप्यारी पोढे करतहैं रसबतियां॥ हँसत परस्पर आनंद हुलसत लटकलटक लपटात छतियां ॥१॥ अतिरस रंगभीने रीझेरीरिझवार एकतनमन भई एकमति गतियां॥ रसिक सुजान निर्भव क्रीडत दोऊ अंग अंग प्रतिबिंबित दोऊन के बसन भतियां॥।२॥

Paudhave

NityaPad-339

Kedaro

Doumil podhe

दोऊमिल पोढे कुंजमहल ॥ रत्नजटित पर्यक बसनमृदु पूरित कुसुम पहल ॥॥१॥ तैसीय पवन त्रिविध सुखदायक तैसीये दामिनी सहेल ॥ गावतसखी विचित्ररीति गीत रतिकरत माधुरी टहल ॥२॥

Paudhave

NityaPad-339

Kedaro

Dampati podhei podhe rasbatiyan curran laage douu nayana laggaye.. sez ujari chandahute

दंपति पोढेई पोढे रसबतियां करन लागे दोऊ नयना लागगये॥ सेज उजरी चंदाहूते निर्मल तापर कमल छये ॥। १॥ फूँकत दृग वृषभाननंदिनी झपत ख़ुलत मुरझात नये।। मानो कमलमध्य अलिसुत बैठे सांझसमय मानो सकुच गये।। २॥ आलस जान आप संग पोढी पिय हिये उरलाय लये ॥ नंददासप्रभु मिली श्यामतमाल ढिंग कनकलता उल्हये।॥२॥

Paudhave

NityaPad-340

Bihaag

Podhiyen ghanshyam balaiya lehu ..|

पोढियें घनश्याम बलैया लेहू ॥| अतिश्रम भयो बन गौचरावत द्योस परीहे घाम ॥१॥ सियरी व्यार झरोकन के मगर आवत अतिसीतल सुखधाम ॥॥ आसकरणप्रभु मोहन नागर अंगअंग अभिराम ॥।२॥

Paudhave

NityaPad-340

Bihaag

Podhe rangmahal govind .. radhikasang sharad

पोढे रंगमहल गोविंद ॥ राधिकासंग शरद रजनी उदित पून्योचंद ॥॥१॥| अनेक चित्र विचित्र चित्रित कोटिकोटिक बंद ॥ निरख निरख विलास विलसत दंपति रसफंद ।। २.॥ मलयचंदन अंग लेपन परस्पर आनंद॥ कुसुम बिजना व्यार ढोरत सजनी परमानंद।॥। ३॥।

Paudhave

NityaPad-340

Bihaag

Podhe hari jheenon pataden oat.. sanga shrivrishbhan tanaya

पोढे हरि झीनों पटदें ओट॥ संग श्रीवृषभान तनया सरसरसकी मोट॥।१॥ मकर कुंडल अलक अरुझी हार गुंजा ताटंक | नीलपीत दोऊ अदलबदलें लेत भरभर अंक ॥।|२॥ हृदय हृदयसों अधर अधरसों नयनसों नयन मिलाय ॥ भ्रोह भ्रोहसों तिलक तिलकसों भुजन भुजन लपटाय ॥३॥। मालती और जाई चंपा सुभग जाति बकूल ॥ दासपरमानंद सजनी देत चुनचुन फूल ॥४॥

Paudhave

NityaPad-340

Kedaro