Podhe maaee lalan sez sukhakaari ..

पोढे माई ललन सेज सुखकारी ॥ रत्नजटित सारोटा बैठी चांपत चरण वृषभान दुलारी ॥ १॥ चरणकमल कुच कलशनपर धरें अंगअंग पुलकितब्रजनारी ॥| कर कर बीरी खवावत पियकों मधुरवचन बोलत मनुहारी ॥२॥ कंठ लगाय भुजदें सिरहानें अधर पान मुखकरत पियारी ॥ रीझउगार देत गोविंदप्रभु सुरत तरंग रंगरह्मों भारी ॥३॥

Paudhave

NityaPad-340

Bihaag

Kunjabhavanmein podhe douu..

कुंजभवनमें पोढे दोऊ॥ नंदनंदन वृषभान नंदिनी उपमाको दूजो नहिं कोऊ ॥१॥ लाल कुसुमकी सेज बनाई कोककला जानतहै सोऊ॥ रसमें माते रसिकमुकुटमणि परमानंद सिंघद्वारें होऊ॥२॥

Paudhave

NityaPad-340

Bihaag

Chaampat charan mohanlal |.

चांपत चरण मोहनलाल |। पलका पोढी कुंवरिराधे सुंदगी नवबाल ॥।१॥। कबहुं करगहि नयनमिलवत कबहुं छुवाबत भाल ॥। नंददास प्रभु छबिनिहारत प्रीतके प्रतिपाल ॥२॥

Paudhave

NityaPad-340

Bihaag

Subhag shayyapai podhe kunwar

सुभग शय्यापै पोढे कुंवर रसिकवर रसमसे अंगसंग जाय रैन जागेहैँ॥ शिधिल बसन बिचभूषण अलकछबि सोथे मुखसुखसो लपट उरलागेहैं ॥१॥ झुकझुक आवें नवन आलस झलक रहो लटपटी बात कहत अति अनुरागे हैं॥ सूरदास नंदसुबन तुम्हारो यश जानों प्राणपिया सुखहीमें रस पागेहैं ॥ २।॥।

Paudhave

NityaPad-341

Bihaag

Jaag uthhe taba kunwar

जाग उठे तब कुंवर कन्हाई ॥ मैयाकहांगई मो ढिंगतें संगसोवत जान्यो बलमाई ।।१॥ जागे नंद यशोदाजागी बोललिये हरिपास ॥ सोवत झिझक उठे काहेते दीपक कियो प्रकाश ॥२॥ सपने कूदपर्‌यो यमुना दहमें काहूदियो गिराय।। सूरस्यामसों कहत यशोदा जिनहों लाल डराय ॥३॥

Paudhave

NityaPad-341

Bihaag

Podhe piya radhikake

पोढे पिय राधिकाके संग॥ नवकिशोर और नवकिशोरी गौरश्यामल अंग ॥१॥ स्वच्छ सेज सुगंध सीतल रत्नजटित पर्यक ॥ दशन खंडित वदनबीरी भरे रतिरस रंग ॥२॥। उपजी चतुर्भुजदास दुहुंदिश प्रेमसिंधु तरंग ॥ रसिकनी अरु रसिकगिरिधर मुदित जीत अनंग ॥३॥

Paudhave

NityaPad-341

Bihaag

Podhe rung ramaneey raman.... kusum sez sanvaar

पोढे रंग रमनीय रमण।॥। कुसुम सेज संवार सखीरी कुंज कुसुमन भवन ।। १॥ रसिक मुदित अपार सुखनिधि कोककोटिक बदन ॥ अति अनंदित मिले दोऊ सुखद सीतल पवन ॥२॥ तरणितनया तीरसुभग सरोज चांदनी किरण ॥ गाऊं गीत पुनीत सूर प्रभु सुनत श्रवण ॥३॥

Paudhave

NityaPad-341

Bihaag

Podhe premke paryak ....

पोढे प्रेमके पर्यक ।॥। सुरतरसमें मग्ननदोऊ लेत भरभर अंक ॥१॥ कोककला प्रवीन विहरत उठत भावतरंग ॥ कृष्णदासप्रभु गोवर्धनधर जीत मुदित अनंग ॥२॥

Paudhave

NityaPad-341

Bihaag

Podhe sthamaju sukhsej..

पोढे स्थामाजू सुखसेज॥ संग श्रीवृषभान तनया रंगरसको हेज ॥१॥ तरणितनया विलुलित कनक मालतीको तेज ॥ शोभाकी सीमाहैं दंपति गोविंददास गनेज॥२॥

Paudhave

NityaPad-341

Bihaag

Sowat neend aaya gaee shyam mahi..

सोवत नींद आय गई श्याम महि।। महरि उठ पोढाय दुहुनकों आपन लगी गृहकामहि ॥। १॥ वरजतहैं घरके लोगनकों हरी ये लेले नामहि ॥ गाढेबोल नपावत कोऊ डर मोहन बलरामहि ॥ शिवसनकादिक अंत नहिपावत ध्यावतहैं हिनयासहि॥ सूरदासप्रभु ब्रह्मासनातन सो सोवत नंदधामहि ॥। ३॥।

Paudhave

NityaPad-341

Bihaag

Dekhat nandkanh atisovat ..

देखत नंदकान्ह अतिसोवत ॥ भूखेभये आप वनभीतर यह कहि कहि मुख जोवत ॥ १॥ कह्ोनहीं मानत काहूको आप हठीले दोऊ बीर ॥ वारवार तन पोछत करसों अतिहि प्रेमकी पीर ॥२॥ सेज मयाय लई तहां अपनी जहां स्थामबलराम॥ सूरदासप्रभुकेढिंग सोये संग पोढी नंदवाम ॥।३॥

Paudhave

NityaPad-341

Bihaag

Dou mill podhe sajani dekh akasi.... patatar

दोउ मिल पोढे सजनी देख अकासी।॥। पटतर कहा दीजे गोपीजन नेननकुं सुख रासी ॥१॥ श्यामा श्याम संग यों राजत मानुं चंद्र कलासी ॥ कुसुम सेज पर स्वेत पीछोरी सोभा देतहे खासी ॥।॥२॥ पवन ढोराबत नेन सीरावत ललिता करत खवासी ॥ मधुर सुर गावत केदारो परमानंद निज दासी॥ ३॥

Paudhave

NityaPad-342

Bihaag