Paudhe hari radhika key bhawan .. bijna

पौढ़े हरि राधिका के भवन ॥ बिजना व्यार करत ललितादिक शीतल आवत पवन ॥१॥ सुन के कान शीतल भई छतियां विरह दुख के दवन ॥। २॥ दास कुंभन धर्यो ललिता नाम राधारवन ॥। ३॥।

Paudhave

NityaPad-342

Bihaag

Tum podhau houn sez banaauun.. chova

तुम पोढौ हों सेज बनाऊं।। चोवा चरन रहौं पाटीतर मधुरे सुर केदारो गाऊँ।।९॥ सहचरी चतुर सब जुर आई दम्पति सुख नेंनन दरसाऊं ॥ आसकरन प्रभु मोहन नागर यह सुख श्याम सदा हों पाऊं॥२॥

Paudhave

NityaPad-342

Bihaag

God liye balmohan dodd odh rajaai baithi

गोद लिये बलमोहन दोड ओढ रजाई बैठी नन्‍्दरानी ।। परदा डरे द्वार द्वारन प्रति रोहिनी धरी अंगीठी आनि ॥॥१॥| मुख देखन गृह-गृह तें आई ब्रज ललना गावत मूदु वाणी ॥ द्वारकेस हरि हलथर मैया भैया बदन रहे लपटाई॥।२॥

Paudhave

NityaPad-342

Bihaag

Edou surat sez sukh

एदोऊ सुरत सेज सुख सोये।॥ करत पान मकरंद प्रिया प्रिय अधर पानरस जोये॥। १॥ तनसों तनमन सों मन मिलवत मेंन पानरस भोहे।। कृष्णदास प्रभु सुखनिधि विलसत मदन मान सब खोए॥२॥

Paudhave

NityaPad-342

Bihaag

Naval kishore navalnagariya.. apani bhuja syambhuj

नवल किशोर नवलनागरिया॥ अपनी भुजा स्यामभुज ऊपर स्थामभुजा अपने उरधरिया ॥१॥। करतबिहार तरुण तनया तटस्वामा स्वाम उमग रसभरिया॥ यो लपटायरहें दोऊ जन मरकतमणि कंचन जैसे जरिया ।॥॥२॥ या उपमाको रविशशि नाहीं कंदर्पकोटिवारनेकरिया ॥ सूरदास बलबलजोरी पर नंदनंदन वृषभान दुलरिया ॥ ३॥

Paudhave

NityaPad-342

Bihaag

Podhiye laal ladili sangale.. nautansej bunny atee sunder bichbich sodheki putt dey ..9..

पोढिये लाल लाडिली संगले॥ नौतनसेज बनी अति सुंदर बिचबिच सोधेकी पुट दे ॥९॥ हों करहों चरननकी सेवा जो मेरे मेनन अति सुख व्हे ॥ गोपीनाथ या रंग महलमें जोरी राज करो अविचल उ्हे ॥२॥

Paudhave

NityaPad-343

Bihaag

Naval ghanshyam nava naval barr radhke navalnav kunjamen kell thhaani ..

नवल घनश्याम नव नवल बर राधके नवलनव कुंजमें केल ठानि ॥ नवल कुसमावती नवलसिज्यारचि नवल कोकिल किर भृंगगानी ॥१॥॥ नवल सेहेचरी बृन्दर नवलबिनामृदंग नवलरागनी राग तानगानि॥ नवलगोपीनाथहोत नवल रस रीत येहे नवलरसरीत हरीबंसजानि।। २॥।

Paudhave

NityaPad-343

Kalyan

Tum podhon houn sez banaaun.. champon charan raho paatotar madhure sur

तुम पोढों हों सेज बनाउं॥ चांपों चरन रहो पाटोतर मधुरे सुर केदारो गाउं !।९॥ सहचरी चतुर सबे जुर आइ दंपति सुख नेनन दरसाऊं ॥ आसकरन प्रभु मोहन नागर यह सुख श्याम सदा हों पाउं॥। २॥। (छ राग अडानो पं) मेरे लाडिलेहो लाल अजहून नींदकरों पलनां न सोहायतो गोदले सुवाऊं॥|ध्रु.॥ आर छांडो गीत गाऊं हालरो हुलराउ ग्वालनके मुखकी कहानी सुनाउं ॥१॥ कोनधों भवन आये काहूकी नजर लगी भोर ऋषिराज रक्षा बंधाउं ॥ मेरे ब्रजड़श तुम एसी बुझो न रीस भोरहो कुंवर कान्ह झगुली सिवाउं ॥२॥

Paudhave

NityaPad-343

Bihagaro

Raajat nikunj dhaam thakurani.. kusum sez parr pyaari podhee ghag

राजत निकुंज धाम ठकुरानी॥ कुसुम सेज पर प्यारी पोढ़ी ग़ग सुनत मृदु बानी ॥ १॥। बैठी ललिता चरन पलोटत लाल दृष्टि ललचानी ॥ पांय परत सजनी के मोहन हित सो हा हा खानी ॥ २॥ भई कृपालु लाल पर ललिता दे आज्ञा मुसकानी | आवो मोहन चरन पलोटो जैसें कुंवरि न जानी ॥३॥ आज्ञा दई ससख्त्री कों प्यारी मुख ऊपर पट तानी ॥ बीन बजाय गाय कछु तानन ज्यों उपजै सुख सानी ।।४॥ गावन लगे रसिक मन मोहन तब जागी महारानी ॥ उठ बैठी ब्यास की स्वामिनी श्रीवृन्दावन की रानी ॥|५॥

Paudhave

NityaPad-343

Desh

Aangan mein hari soye gayeri ..

आंगन में हरि सोये गयेरी ॥ हरें हरें दोक जननी मिलिकें सेज सहित तब भवन लहेरी ॥१॥ कहत रोहिणी इन्हे न जगावो खेलत डोलत हार गयेरी ॥ वारंवारजुंभात सांवरो वदन देख विस्मितजु भयेरी | २॥ कहत नंद ये कछू न जानें मायनके संग श्रमित भयेरी ॥ सूरदास बलराम श्याम तब व्रजरानी संग पोढ रहेरी ॥ ३॥॥

Paudhave

NityaPad-343

Bihaag

Kunjan padharon raadhe rung bharee raine .. rung bharee dulhin rung bharey

कुंजन पधारों राधे रंग भरी रैन ॥ रंग भरी दुलहिन रंग भरे पिया श्याम सुन्दर सुख दैन ॥। १॥ रंग भरी सैनी बिछी सेज पर रंग भरयो ऊलहत मैन ॥। रसिक बिहारी पिय प्यारी जु दोज मिल करो सेज सुख सैन ॥२॥।

Paudhave

NityaPad-343

Sorat

Kaanh akelei sowat.

कान्ह अकेलेई सोवत। सपने में तेरौ मुख देखत तब उठि मारग जोवत ।। सीतल छांह कदम की बैठे तेरौ ई रूप विचारत | कबहुँक मौन करि रहत ध्यान धरि कबहुँक दृष्टि परत | नव पल्‍लव सुमन कदम-दल रचि-रुचि सेज संवारत | 'परमानंद' प्रभु तेरे हि कारन अति संचित हरि आरत ॥।

Paudhave

NityaPad-343

Bihaag