Sukhad sez podhe shree mutter chaampat charan radhika raani ..

सुखद सेज पोढे श्री मटर चांपत चरण राधिका रानी ॥ नवल निकुंज सुखद यमुना तट सीतल पवन चलत सुखदानी ॥ १॥ विजना ब्यार करत ललितादिक फूलन रचि रचि सेज बिछाई | चंदन घसि दोऊ लेपन करि तजी ऋतु पांच ग्रीष्प ऋतु मानी ॥ स्याम सुंदरको रसबस कीने रतिपति केलि करत सुखदानी ॥। २॥

Useer Paudhve

NityaPad-346

Aeka sez podhe jugal kishore ..

एक सेज पोढे जुगल किशोर ॥ नंदनंदन बुखभान दुलारी सुश्तकेलि की उठत झकोर ॥१॥ बीजना व्यार करत ललितादिक चंदन भर भर धरी कमोर ॥ हरिनारायण स्यामदास के प्रभु माई बिनति करत हे दोउ कर जोर ॥२॥

Useer Paudhve

NityaPad-346

Kedaro

Sukhad sez podhe shrinatavar chaampat charan radhika raani ..

सुखद सेज पोढे श्रीनटवर चांपत चरण राधिका रानी ॥ नवल निकुंज सुखद यमुना तट सीतल पवन चलत सुखदानी ॥१॥ विजना ब्यार करत ललितादिक फूलन रचि रचि सेज बिछाई ॥ चंदन घसि दोऊ लेपन करि तजी ऋतु पांच ग्रीष्म ऋतु मानी । श्याम सुंदरको रसवस कीने रतिपति केलि करत सुखदानी ।॥२॥

Useer Paudhve

NityaPad-346

Bihaag

Podhe sthaam raadhe sanga ..

पोढे स्थाम राधे संग ॥ सुरंग पलंग सुरंग बिछोना कसना कसे सुरंग ॥१॥ सुरंग सरस रजाड़ नीकी ओढी है दोउ अंग।॥ रहे हें लपटाय दोउ मिल रसिक निरखत ढंग।।२॥।

Useer Paudhve

NityaPad-346

Bihagaro

Yeh suni piyaa pein aaee ..

यह सुनि पिया पें आई ॥ उठि धाई अकुलाय अंक भरि मानौं रंक निधि पाई ॥१॥ मिलि पौढे संकेत कुंज में नव कुसुमन सेज बनाई ॥ 'परमानंद' दास को ठाकुर विविध केलि कीनी मन भाई ॥२॥।

Useer Paudhve

NityaPad-346

Bihaag

Ruchir chitrasari podhe dodd navalan kunwar rasik russ nidhan ...

रुचिर चित्रसारी पोढे दोड नव॒ल कुंवर रसिक रस निधान ॥। सघन कुंज चहुं ओर उसीर महेल रावटी मध कुसुम सेज रहे प्यारी ने दीयो मान ॥ १॥ हंसि हंसि अंक भरत रति रस केलि करत हरत मदन बिथा करत रसदान ॥ सुख विलास जमुना पुलिन मध खसखांनो रच्यो एसे ब्रजाधीश जू श्याम सुजान २॥

Useer Paudhve

NityaPad-346

Bihaag

Podhiye laal nivaas attari ..

पोढीये लाल निवास अटारी ॥ ललितादिक सखिन जुर आई फुलि रही फुलवारी ॥॥१॥ रत्न जटित हीरा के कटोरा धरे अरगजा संवारी ॥ अति अनुराग परस्पर दोउ करत लेपन पिय प्यारी ॥। २॥ वृन्दावन की सघन कुंज में कुसुमन रावटी संवारी ॥ सूरदास बलबल जोरी पर तन मन धन कीने बलिहारी॥३॥

Useer Paudhve

NityaPad-346

Bihaag

Piya pyaari key charan palotat.

पिय प्यारी के चरन पलोटत। ललितादिक बिजना ले आई तोय देख के घूंघट ओटत ॥।१॥ चंदन लेप करत दोउ अंगन आलिंगन अधरन रस घोटत ॥ नंददास स्याम स्थामा दोउ पोढे नवनिकुंज कालिंदी के तट ॥२॥।

Useer Paudhve

NityaPad-346

Kedaro

Kusum sez podhe dampati karat russ batiyaan |

कुसुम सेज पोढे दम्पति करत रस बतियां | त्रिविध समीर सीरो उसीर रावटी मध खसखाने सींचे सुभग जोरावत हे पिय छतियां ॥१॥ कपोलसों कपोल दिये भुजसों भुज भिड़े कुच उतंग दिये उर राजत हे भतियां । नन्ददास प्रभु कनक पर्यकपर सब सुख विलसत केलि करत मोहन एक गत मतियां ॥२॥

Useer Paudhve

NityaPad-346

Bihaag

Suna suta aeka kathaa kahein pyaari ..

सुन सुत एक कथा कहें प्यारी ॥ नंदनंदन मन आनंद उपज्यो रसिकशिरोमणि देत हुंकारी ॥ दशरथ नृप जो हते रघुबंशी तिनके प्रकटभये सुत चारी ॥ तिनमे राम एक ब्रत धारी जनकसुता ताके घर नारी ॥२॥ तात वचनसुन राज तज्योहै भ्रातासहित चले बनवारी ॥ धावत कमकमृगाके पाछें राजीवलोचन केलिविहारी ।। ३॥ रावण हरण कियो सीताको सुन नंदनंदन नींद निवारी ॥ परमानंदप्रभु रटत चांपकर लछमनदे जननी भ्रम भारी ॥४॥

Kahani

NityaPad-347

Bihaaagro

Ramkrishna douu atihi soye maaee..

रामकृष्ण दोऊ अतिही सोये माई॥ कहानी कहत यशोदारोहिणी सुनतहैं दोड अतिही मनलाई ॥। १॥ जब जान्यो हरि सोय गयेरी तब चुपरही यशोदामाई ॥ सुन नंदभवन में नितही देख देवगण मनहिं सिहांई ॥२।॥| जाको नाम रटत शिवशारद शेष सहस्रमुख गीतन गाई ॥ परमानंददासको ठाकुर निजभक्तनके अतिसुखदाई ॥३॥

Kahani

NityaPad-347

Bihaaagro

Nandanandan aeka kahoon kahani ..

नंदनंदन एक कहूं कहानी ॥ रामचंद्र राजादशरथ केजनकसुता याके घर रानी ॥१॥ तातवचनसुन पंचवटीबन छांडचले ऐसी रजधानी ॥ तहां वसत सीता हरलीनी रजनीचर अभिमानी ॥२॥ पहिलीं कथा पुरातन सुनसुन जननी के मुखबानी ॥। लक्ष्मण धनुषधनुष कहिटेरत यशुमति सूरडरानी ॥३॥

Kahani

NityaPad-347

Bihaag