Yashumati suta palka podhaave ..

यशुमति सुत पलका पोढावे ॥ अरी मेरो सबदिनको बिछुर्‌यो यों कहिके मधुर स्वरगावे । १॥ पोढ़ो लाल कहुं एक कहानी श्रवणसुनत तुमको एक प्यारी ॥ सूरस्याम अतिही मनहरखे पोढरहे सब देतहुंकारी॥२॥

Kahani

NityaPad-347

Bihaaagro

Gaayo naan gopal manlaayo naan nivarlaj paayo naan prasaad sadhumandali mein jaayake ..

गायो न गोपाल मनलायो न निवारलाज पायो न प्रसाद साधुमंडली में जायके ॥ धायो न धमक बूंदाविपिनकी कुंजनमें रह्मो न शरण जाय श्रीविद्दलेशराय के ॥। १॥। श्रीनाथजीको देखके छक्‍यो न छबिली छबि सिंह पोर पर्‌यो नाहीं सीसहू नवायकें ॥॥ कहें हरिदास तोहि लाजहुँन आई कछु मानस जन्म पायो पै कमायो कहा आयकें ॥२॥

Vinati

NityaPad-348

Bihaag

Nishdin srivallabhagun gaayo ..

निशदिन श्रीवल्लभगुण गायो ॥ भक्तकमल प्रकाशित कर निजजनहि सुधा पिवायो ॥। १॥ ज्ञानयोग वैराग्य जपतप अन्य भजन भजाये || ब्रजाधीश विलास श्रीवल्लभ चरणकमल शिरनाये ॥

Vinati

NityaPad-348

Bihaag

Taahikon sir naaiye joe srivallabhasutta padaraj rati hohi.

ताहीकों सिर नाइये जो श्रीवललभसुत्त पदरज रति होहि। कीजे कहा आन ऊंचेपद तिनसो कहासगाई मोहि ॥। १॥ जाके मनमें उग्रभरमहै श्रीविद्डल श्री गिरिधरदोय ।। ताको संग विषम विषहूतें भूले चतुर करो मति कोय ॥२॥ सारासार विचार मतोकर श्रुतिविचच गोधन लियो है निचोय ॥ तहां नवनीत प्रकटपुरुषोत्तम सहजहि गोरस लियोहै विलोय ॥॥३॥ उग्रप्रताप देख अपने चक्षु अश्मसार जैसे भिदे न तोय ॥ कृष्णदास सुरते असुरभये असुरते सुरभये चरणन छोय ॥४॥

Vinati

NityaPad-348

Kanharo

Uttamkul avtaar kahaa joe srivallabhakumar naan jaanyo ..

उत्तमकुल अवतार कहा जो श्रीवल्लभकुमार न जान्यो ॥ चरचा न कीनी वरवललभकी रचि पाखंडकियो बहुबानो ॥ १॥| रसिक कथासुनीनहीं श्रवणन रह्मो विषयरसही लपटानो | सोच मिट्यो नहीं उर अंतरको समझ समझ लाग्यो पछतानो ॥।२॥। गिरिगोवर्धन ब्रजबुंदावन कबहुंनयनन निरख सिरानो ॥ कुष्णदास प्रभुकी गुणमहिमा अगम निगम नहि जात बखानो ॥। ३

Vinati

NityaPad-348

Kanharo

Valal‍labhaheeko bharoso mohi..

वलल्‍लभहीको भरोसो मोहि।। अन्यदेवको जानूँ नमानूं इनको आसरो खरोसो॥ १॥ समझविचार देख मन मेरे वारवार कहों तोसों ॥ रसिक सुधासागर को छांडकेंक्यों पीवत जल ओसो ॥२॥

Vinati

NityaPad-349

Bihaag

Bharoso shrivallabhahiko bhaari ..

भरोसो श्रीवल्लभहीको भारी ॥ काहे कोरें मनभटकत डोलत जोचाहत फलकारी ॥। १॥| श्रीविद्दलगिरिधर सबबालक जगत कियो उद्धारी ।। पुरुषोत्तमप्रभु नाममंत्रदे चरणकमल सिरधारी ॥२॥।

Vinati

NityaPad-349

Bihaag

Bhajiye srivallabhavar charan..

भजिये श्रीवल्लभवर चरण।। सकल पतित उद्धारणकारण प्रकट किये अवतरण ।।१॥ गूढ श्रीभागवत प्रतिपदार्थ प्रकटकरण ॥। आसरो करहरहें जेजन मिटे जन्मनिमरण || २॥ अखिललीला प्रेमसंयुत दिखाये गिरिधरण ॥ रसिक विनतीकरे मानो चरणकमल अनुशरण ॥।३॥

Vinati

NityaPad-349

Bihaag

Bharoso shrivallabhahiko rakho ..

भरोसो श्रीवल्लभहीको राखो ।। सगरेकाज सरेंगे छिनमें इनहीं के गुणभाखो ॥| निशदिन संगकरो भक्तनको असमर्पित नहीं चाखो ॥ वलल्‍लभ श्रीवल्लभपदरजबिन औरतत्त्व सब नाखो॥२॥।

Vinati

NityaPad-349

Bihaag

Leeje mohi bulaay srivallabh ||

लीजे मोहि बुलाय श्रीवल्लभ || बहुत दिवस दर्शन भए मोकों ताते मन अकुलाय ॥१॥ निशदिन अतिही क्षीण होत तन सुधबुध गई भुलाय ॥ गोविंद प्रभु तुम्हारे दर्शनविन छिनभर कल्प विहाय ॥२॥

Vinati

NityaPad-349

Bihaag

Jaya srivallabh charankamal shir naaiye..

जय श्रीवललभ चरणकमल शिर नाइये॥ परमानंद साकार शशि शरदमुख मधुरी बानी भक्तजनन संग गाइये | १॥ राजतमछांमध्य सत्त्वके संग हबै राखविश्वास प्रेमपंथको धाइये ॥ कहत ब्रजाधीश बृंदाविपिन दंपति ध्यानधर धर हिये दृगन सिराइये ॥२॥

Vinati

NityaPad-349

Bihaag

Srivallabh kripakije mohi...

श्रीवल्लभ कृपाकीजे मोहि॥। ज्ञानभक्ति विवेक बलको आसरो नहिं कोड ॥१॥ यहवलहौं चितविचारुं छिनक दृगभर जोड़ ॥ देहो दर्शन कर निजदासनके दुखखोई ॥२॥

Vinati

NityaPad-349

Bihaag