Jaba lugg yamuna gaay govardhan jablag gokul gaam gusain ....

जब लग यमुना गाय गोवर्धन जबलग गोकुल गाम गुसांई ॥॥ जबलग श्रीभागवतकथारस तबलगि कलियुग नाहीं॥ १॥॥ जबलगि सेवारस नंदनंदनसों प्रीति लगाई ॥ परमानंद तासों हरिक्रीडत श्रीवल्लभचरण जिनपाई ॥२॥

Vinati

NityaPad-351

Bihaag

Kiyo gopalco sub hoy ..

कियो गोपालको सब होय ॥ जो जाने पुरुषार्थ आपनो अतिकर झूठो सोय ॥|१॥ दुखसुख लाभअलाभ सहज गति ताहि न मरिये रोय ॥। जो कछुलेख लिख्यो नंदनंदन मेंट सके नहिं कोय ॥ २।। उद्यम साधन जंत्रमंत्र विधि ये सब डारो धोय ॥| परमानंददासको ठाकुर चरणकमल चितपोय ।।३॥

Vinati

NityaPad-352

Bihaag

Srivallabh bhaleburedou tou tere ..

श्रीवल्लभ भलेबुरेदोउ तो तेरे ॥ तुमहीं हमारी लाजबडाईविनति सुनो प्रभुमेरे ॥।१॥ अन्यदेव सब रंकभिखारी देखे बहुत घनेरे ॥। हरिप्रताप बल गिनत नकाहूं निडर भये स बचेरे ॥१॥ सबतज तुम शरणागत आये दृढकर चरणगहेरे ॥ सूरदासप्रभु तुम्हारे मिलेतें पाये सुखजु घनेरे ॥३॥

Vinati

NityaPad-352

Bihaag

Madhur vrajdesh vash madhurkino ..

मधुर ब्रजदेश वश मधुरकीनो ॥ मधुर गोकुलगाम मधुर वललभनाम मधुर विद्वलभजन दान दीनो ॥१॥ मधुर गिरिधरन आदि सप्ततनुवेणु नाद सप्तरंध्रन मधुर रूपलीनो ॥२।॥। मधुर फलफलित अति ललित पद्दानाभप्रभु मधुर अलि गाबत सरस रंगभीनो ॥| ३।।

Vinati

NityaPad-352

Bihaag

Vinati karat martahaun laaj ...

विनती करत मरतहौं लाज ॥। नखसिखलौं मेरी यह देहीहे पापकी जहाज ॥| १॥ और पतित आवत नआंखनतर देखत अपनो साज | तीनोपन भरवार निवाहे तोऊन आयोवाज ।। २॥ पाछे भयो न आगे ह॒वेहै सब पतितन सिरताज ॥ नर्कहु भजे नाम सुन मेरो पीठ दई यमराज |३॥ अबलो मैं सुने तुम जे तारे ते सब वृथा अकाज ॥ सांचो विरद सूरकों तारे लोकनिलोक अवाज ॥४॥

Vinati

NityaPad-352

Bihaag

Mohi balahai douu thorko .. aeka bharoso haribhaktanako doojo

मोहि बलहै दोऊ ठोरको ॥ एक भरोसो हरिभक्तनको दूजो नंदकिशोरको॥। १॥ मनसा वाचा और कर्मणा नाही भरोसो औरको ।। छीतस्वामी गिरिधरन श्रीविद्ठल वल्लभकुल सिरमौरको ॥ २॥

Vinati

NityaPad-352

Bihaag

Yaamen kahaa ghatego tero ...

यामें कहा घटेगो तेरो ॥। नंदनंदन कर घर को ठाकुर आप होय रहो चेरो ॥१॥ भलीभई जो संपति बाढी बहुत कियो घर घेरो ॥ सुत बनिता बहुयूथ संकेले वैभवभयो जु घनेरो ॥२॥ कहूं हरिकथा कहूं हरि सेवा कहूं भक्तनको डेरो ॥ सूर समर्पणकरो स्थामको यह,सांचो मत मेरो ॥३॥

Vinati

NityaPad-352

Bihaag

Srivallabhaprabhu atidayal deejai darshan kripal deenjaan keejai apano dosh jinn vichaaron ..

श्रीवल्लभप्रभु अतिदयाल दीजै दरशन कृपाल दीनजान कीजै अपनो दोष जिन विचारों ॥ होतो अपराध भर्‌यो धर्मसबै परिहरुयो कीयो न कछु भलोकाज जाहि चितधारो ॥१॥। दूरिपरें पलपल दुखपावतहों प्राणनाथ तुमहीते होई है प्रभूरसिक कोनिवारो ॥ मेरो पकरयोहै हाथ बांध्यो पद कमलसाथ नाथहों अनाथ ताही भूल जिन विसारो ॥ २॥

Vinati

NityaPad-353

Bihaag

Srivallabh mahasindhu samaan ..

श्रीवल्लभ महासिंधु समान ॥ सदा सुमरत होत तिनकूं अभयपदको दान ॥। १॥ कृपाजल भरपूर रह्योतहां उठत भाव तरंग ॥ रत्नचौदह सब पदारथ भक्तिदशविध संग ॥। २ पुष्टिमारग बडीनौका चलत अनआयास॥ ढिंग न आवे बुद्धि आसुरी मगरमीन निरास ॥। ३।। सेतुबांध्यो प्रकटहवे सुतविद्ठलेश कृपाल ॥ भयो मारगसुगम सबको चलत नेक न आल ।॥।।४।॥ पुष्टिरसमय सुधाप्रकटी दईसुर निजदास ॥ असुरबंचेंमनुज मायामोहे सुखमृदुहास ॥५॥ छांडसागर कौन मूरख भजे छिल्लर नीर।। रसिक मनते मिटी अविद्या परसचरण समीर ॥६॥|

Vinati

NityaPad-353

Bihaag

Srivallabh key charansharan gahi que‍yon narahe manmein nishchaydhar..

श्रीवल्लभ के चरणशरण गहि क्‍यों नरहे मनमें निश्चयधर।। विन साधनहीं आयरहेंगेहियेबशोमतिसुत करुणाकर ॥|१॥ काहेकों मटकत डोलत है क्यों नरहें अतिआनंदसों भर ॥ रसिक विश्वास आस फलकी कर अनायास भवसागरको तर ॥२॥

Vinati

NityaPad-353

Bihaag

Shrivallabhamadhurakriti merey .. sadambaso munn yeh jeevandhan sabahinsonju kahatahun terre .. 1..

श्रीवल्लभमधुराकृति मेरे ॥ सदांबसो मन यह जीवनधन सबहिनसोंजु कहतहूं टेरे ॥ १॥ मधुरबचन और नयनमधुर भ्रोंह युगमधुर अलकन की पांत ॥ मधुरमाल अरु तिलक मधुर अतिमधुर नासिका कही नजात ॥ २॥। अधरमधुर रसरूपमधुर छविमधुर मधुर दोऊ ललित कपोल ॥ श्रवणमधुर कुंडलकी झलकन मधुर मकर दोऊ करत कलोल ॥ ३॥ मधुर कटाक्ष कृपारसपूरण मधुरमनोहर वचन विलास ॥ मधुर उगारदेत दासनकों मधुर विराजत मुख मृदुहास ॥।४॥। मधुरकंठ आभूषणभूषित मधुर उरस्थल रूपसमाज ॥ अतिविशाल जानु अवलंबित मधुरबाहु परिरंभण काज ॥५॥। मधुरउदर कटिमधुर जानुयुग मधुर चरणगति सब सुखरास ।। मधुर चरणकी रेणु निरंतर जनम जनम मांगत हरिदास ॥६॥

Vinati

NityaPad-353

Bihaag

Hamaare srivitthalnath dhanee ..

हमारे श्रीविद्धलनाथ धनी ॥ भवसागरते काढमहाप्रभु राखि शरण अपनी ॥|१॥ जाको नाम रटत निशिवासर शेषसहस्रफणी ॥ छीतस्वामी गिरिधरन श्रीविट्ठल त्रिभुवन मुकुटमणि ॥२॥

Vinati

NityaPad-353

Bihaag