Namo namo shribhagavat puraan mahatimir agyaanbadhyo jaba prakatbhaye jug adbhutbhan ..1..

नमो नमो श्रीभागवत पुराण महातिमिर अज्ञानबढ्यो जब प्रकटभये जग अद्भुतभान ॥१॥ उदित सुभग श्रीशुक उदयाचल छिपे ग्रंथ उड्डुगण नसमान ॥ जागे जीव निशिसोये अविद्या कीयो प्रकाश विमल विद्यान ॥२॥ फूले अंबुज वकक्‍्ताश्रोताहिमकर मंदमदन अभिमान ॥ छूटगये कर्मनके बंधन मिट्यो मोह सूझे सुस्थान ॥३॥ दरस्थों भक्तिपंथ अनुरागी सूझे शब्द स्वरूप निदान॥। देखत नहीं उलूक सकामी यद्यपि दिनकर हैं विद्यमान ॥४॥ राजत एक महा सर्वोपर बढ्यो प्रताप और न समान ॥ दामोदर हित सुरमुनि बंदित जयजय जय श्रीकृपानिधान ॥५॥

Vinati

NityaPad-354

Bihaag

Shree yamuna paan karatahi rahiye .|

श्री यमुना पान करतही रहिये ।| वुज बसवो नीको लागतहै लोक लाज दुख सहिये।॥१॥ श्री वल्लभ श्री विड्डल गिरिधर गावत सब सुख पैये।॥। व्रजपति मुख अबलोक महासुख दरसत द्रग न अघैये ॥ २॥॥

Vinati

NityaPad-354

Bihaag

Sukh nidhi srigiriraj tareti ..

सुख निधि श्रीगिरिराज तरेटी ॥ कुंड कुंड जल अचवत न्हावत पुनि पुनि रज में लोटी ॥१॥ धरत भोग बेजर की रोटी ऊपर मेवा टेंटी ॥| रसिकदास जन श्रीवल्लभ पद परस सकल दुख मेटी । २॥

Vinati

NityaPad-354

Bihaag

Viraajen srivallabhamaharaj srigokulgam ..

विराजें श्रीवल्लभमहाराज श्रीगोकुलगाम ॥ विराजे श्रीगोपीनाथ श्रीविद्डल भक्तजन पूरणकाम ॥|१॥ श्रीगिरिधर गोविंद श्रीबालकृष्ण गोकुलनाथ अभिराम ॥ श्रीरघुपति यदुपति घनश्वामल पुरुषोत्तम प्रभुनाम ॥२

Vinati

NityaPad-354

Bihaag

Sadaa munn srigokul mein rahiye..

सदा मन श्रीगोकुल में रहिये।। गोविंद घाट छोंकर की छैयां बैठक दरसन पैये ॥। १॥ यमुना पुलिन सुभग वृन्दावन गिरि गोवर्द्धन जड़ये ।। घर घर भक्ति भागवत सेवा तन मन प्राण बिकैये ॥२॥। श्रीविद्धलनाथ विराजत निशदिन चरन कमल चित लइये॥ श्रीवललभ पद कमल कृपाते इनके दास कहैये ॥। ३॥।

Vinati

NityaPad-354

Bihaag

Tareti srigovardhanki rahiye ..

तरेटी श्रीगोवर्धनकी रहिये ॥ नित्यप्रति मदनगोपाललालकेचरण कमल चितलैये ॥ १॥ तनपुलकित ब्रजरज में लोटत गोविंदकुं डमें न्हैये | रसिकप्रीतम हितचितकी बातें श्रीगिरिधारी जीसों कहिये॥३॥

Vinati

NityaPad-354

Bihaag

Yeh mango sankarshanvir ..

यह मांगो संकरषणवीर ॥ चरणकमल अनुरागनिरंतर भावेमोहि भक्तनकी भीर ॥ १॥। संगदेहुतो हरिभक्तनको वासदेहो श्रीयमुनातीर श्रवणदेउतो हरिकधारस ध्यानदेहुतो स्थामशरीर ॥२॥ मनकामनाकरो परिपूरण पावनमज्जन सुरसरीनीर ॥ परमानंददासको ठाकुर त्रिभुवननायक गोकुल- पतिधीर ॥३॥

Vinati

NityaPad-355

Bihaag

Dhanya haridasvarya sukhrasi ..|

धन्य हरिदासवर्य सुखरासी ॥| नंदनंदन को परम रमणस्थल भक्‍तजनन के प्रेयप्रकाशी ।।१॥ पूरण भाग्य पुलिंदिगीन के अकथकथा गुण सकल निवासी ॥ श्रीवल्लभ वललवी नित्य क्रीडत रसिकदास जन दरशन प्यासी ॥ २॥

Vinati

NityaPad-355

Bihaag

Srivallabh rome rome russ jhalake ..

श्रीवललभ रोम रोम रस झलके ।। भरे समुद्र अनेकन रस के कृपा लहेर ऊर हलके ॥। १॥ जे जे जा रस के अधिकारी भरत संभारी न छलके।। रामदास पद कमल महारस चाखन को जीय ललके ॥ २॥

Vinati

NityaPad-355

Bihaag

Kripa tou laalan juu kii chahiye..

कृपा तो लालन जू की चहिये।। इने करी करेसो आछी अपने सिरपर सहिये ॥ १॥॥ अपनो दोष विचार सखीरी उनसो कछू न कहिये ॥ सूर अब कछू कहवे की नाहीं श्याम शरण व्हे रहिये ।।२॥॥

Vinati

NityaPad-355

Bihaag

Sukhanidhi srigiriraj tareti .. kund kund

सुखनिधि श्रीगिरिराज तरेटी ॥ कुंड कुंड जल अचवत नहावत पुन्रि पुनि रजमें लोटी ॥९॥ धरतभोग बेजरकी रोटी उपर मेवा टेंटी ॥ रसिकदास जन श्रीवल्लभ पद परस सकल दुःख मेटी ॥। २॥

Vinati

NityaPad-355

Bihaag

Yeh tumason maangon girrai .

यह तुमसों मांगों गिरराई । जन्म ही जन्म तरहटी बसिवो ब्रजरज तजि चित अनत न जाई ॥२॥ हरि सेवा रसपान करों और श्रीभागवत रसना मुखगाई ॥ रसिकदास यह जनकी प्रतिज्ञा श्रीवललभ कुल नित्य सिरनाई ॥२॥

Vinati

NityaPad-355

Bihaag