Houn haridasvaryapen baari ..|

हों हरिदासवर्यपें बारी ॥| शीतल झरना झरत निरंतर पवन सुगंध परम सुखकारी ॥१॥ वृंदावन के परम मुकुटमणि भक्तजननके अति हितकारी ॥ नंदनंदन क्रीडत निशवासर संग शोभित वृषभान दुलारी ॥२॥। नित श्रीवल्लभ विट्ठल राजत कोटि कला प्रगटे अवतारी॥। भजनानंद देह निजदासन पूरण काम त्रयताप निवारी ॥३॥ जे जन क्षणभर रहत तरेहटी जाकी कथा को कहे विस्तारी॥ ज्ञान बैराग्य ताकी रज चाहत संग डोलतहे मुक्ति विचारी |।४॥ पूरण भाग्य पुलिंदिननको विमल कथा शुक व्यास विचारी ॥ रसिकदास जन यह मांगत है जन्म जन्म इनको अनुसारी ॥५॥

Vinati

NityaPad-355

Bihaag

Yeh mangongopijanavalabh.. manushjanma aur hariseva vrajabasavodijai mohisullabh ..1..

यह मांगोंगोपीजनवललभ॥ मानुषजन्म और हरिसेवा व्रजबसवोदीजै मोहिसुल्लभ ॥१॥ श्रीबल्लभकुलकोहोंहूँचेरो वैष्णवजनकोदास कहाऊं।। श्रीयमुनाजल नितप्रतिन्हाऊं मनक्रमवचन कृष्णगुण गाऊं॥२।॥ श्रीभागवत अश्रवणसुनूंनित इनतजचित्तकहूँं अनत न लाऊं॥ परमानंददास यह मांगत नितनिरखोंकबहूं न अघाऊं।॥ ३॥

Vinati

NityaPad-356

Bihaag

Yeh mangonyashadonandandan ..

यह मांगोंयशदोनंदनंदन ॥ वदनकमल मेरमनमधुकर नित्यप्रति छिनछिन पाऊंदरशन ॥१॥ चरणकमलकी सेवादीजै दोउजनराजत विद्युल्लताघन ॥ नंदनंदन वृषभाननंदिनी मेरेसर्वस्वप्राणजीवनधन ॥२॥ ब्रजबसवो यमुनाजलपीवौ श्रीवल्लभ कुलको दास येहीपन | महाप्रसादपाऊं हरिगुणगारऊं परमानंददास दासीबन ।। ३॥।

Vinati

NityaPad-356

Bihaag

Giridharlal sharan tere aayo sharan tere

गिरिधरलाल शरण तेरे आयो शरण तेरे आयो महापद पायो ॥ चरणकमलकी सेवादीजे चेरो कर राखो घरजायो ॥॥१॥ बलछल बांध पताल पठायो हरि यशुमति के आप बंधायो॥ कंचनलंक बिभीषण दीनी हरि मोरसको दान लगायो ॥।२॥ जे नर विमुख भये गोविंदसो जन्म जन्म बहुते दुःखपायो॥ श्रीभटके प्रभु दियो अभयपद यम डरप्यो तब दास कहायो ।। ३॥

NityaNem

NityaPad-357

Gori

Charansharan vrajrajkunwarke ...

चरणशरण ब्रजराजकुंवरके ॥। हम विधि अविधि कछू नहिं समझत रहत भरोसे श्रीमुरलीधरके ॥। १॥॥ रहत आसरें ब्रजमंडलमें भुजाछांह श्रीगिरिवरधरके ॥ प्रभुमुकुंद माधो सुखदाई हाथबिकांने श्रीराधावरके ॥२॥

NityaNem

NityaPad-357

Gori

Murali dhuni bhaivanmein aachho banyohai bihaari lalho ..

मुरली धुनि भईवनमें आछो बन्योहै बिहारी लालहो ॥ अपने धामते सुन निकसी मिल उमगचली ब्रजबालहो ।। १॥॥ एकतरुणी नवनेह रंगी ताहे जननी दिखावे त्रास॥। सरिता उमगी क्योंथंभे जाहि हरि दरसन की प्यास ॥२॥ एक न निकसन पावही वाको हरिसों अधिक सनेह ॥ ज्यों भुजंग तज कंचुकी अटक रही गृहदेह ॥|३॥ जैसें घाम सूरजमिले ऐसे भई लालमें लीन ॥ शोभासागर सांवरो ब्रजयुव॒तिन केदृगमीन॥।४॥ कहां कहों इनकी दशा रची स्यामकें रंग।। श्रीकृष्णरूप दीपकभयोतामें उड़-उड परत पतंग ॥।५।। द्रमवेली सरसीसबे जहां वरखत कुसुमसुवास ॥। कंजकली फूलीअली भयो उदयकर रविप्रकाश ॥६॥ कहि भगवान हित राम रायप्रभु राजत सखीन समेत ॥ मानो घन घेगरयो दामिनी तामें मोरमुकुट छबि देत॥७॥

NityaNem

NityaPad-357

Gori

Yashumati suta mohi deejen darsan ..

यशुमति सुत मोहि दीजें दरसन ॥ तनमन प्राणतपतहें निशदिन छिन एक होत बराबर वरसन ।॥॥१॥ सियरो होतों पहले हृदयों अबतो अंखियां लागी तरकन ॥ रसिकप्रीतम विनती चितधरिये तुमसे सरस कहां लगे अरसन॥२॥

NityaNem

NityaPad-357

Gori

Srigovardhanwasi saanware laal tumbin rahmo najaay hoe ...vrajraj ladente ladile ..dhru...

श्रीगोवर्धनवासी सांवरे लाल तुमबिन रह्मो नजाय हो ॥।ब्रजराज लडेंते लाडिले ॥ध्रु.॥ बंकचिते मुसिकायकें लाल सुंदरबदन दिखाय ॥। लोचनतलफें मीन ज्यों लाल पलछिन कल्पविहाय ॥ १॥ सप्तक स्वरबंधानसों लाल मोहन वेणुबजाय ॥ सुरत सुहाई बांधिके नेंक मधुरें मधुरें गाय | २॥ रसिक रसीली बोलनी लाल गिरिचढ गैयां बुलाय ॥ गायबुलाईं धुमरी नेंक ऊंचीटेरसुनाय ॥।३॥ दृष्टिपरें जादिवसते लाल तबते रुचें नआन ॥ रजनी नींद नआवही मोहि विसरूयो भोजन पान ॥४॥ दरसनकों नयना तपें लाल बचन सुननकों कान॥ मिलिवेकों हियरा तपे मेरे जियके जीवनप्रान ५) पूरणशशि मुखदेखकें लाल चितचोंट्यो वाही ओर ॥ रूप सुधारस पानकें लाल सादर कुमुद चकोर॥६।॥ मनअभिलाषा ह॒वैरही लाल लागत नयनन मेख ।। इकटक देखे भावते प्यारो नागर नटवर भेख ॥॥७॥ लोकलाज कुलवेदकी लाल छांड्यो सकलधिवेक ॥ कमलकली रवि ज्योंबढें लाल छिनछिन प्रीतिविशेष ॥८॥।। कोटिकमन्मथ वारने लाल देखत डगमगी चाल || युवती जनमन फंदना लाल अंबुज नयनविशाल ॥।९॥ कुंजभवन क्रीडाकरो लाल सुखनिधि मदनगोपाल॥। हम श्रीवृंदावनमालती तुम भोगी भ्रमर भूपाल ॥१०॥ यह रटलागी लाडिले लाल जैसे चातक मोर ॥ प्रेमनीर वरषाकरो लाल नवघन नंदकिशोर ॥११॥। युगयुग अविचल राखिये लाल यह सुख शैलनिवास ॥ श्रीगोवर्धनधर रूपपै बलजाय चतुर्भुजदास ॥१२॥

NityaNem

NityaPad-357

Gori

Krishna shrikrishna mammahi gati jaaniye...

कृष्ण श्रीकृष्ण मममाहि गति जानिये।॥ देह इंद्रिय प्राण दारागारादि वित्त आत्मा सकल श्रीकृष्ण की मानिये ॥१॥ कृष्ण मम स्वामीहों दास मनवचकरम कुष्णकर्ता येही सदा जिय आनिये ॥ कृष्णदासनि नाथ हरिदासवर्य धरचरण रजबललभाधीश मन सानिये ॥२॥।

NityaNem

NityaPad-358

Gori

Seva madangopalki muktihoote meethi..

सेवा मदनगोपालकी मुक्तीहूते मीठी॥ जाने रसिक उपासक जिन शुकमुखहंते दीठी ॥ १॥ चरणकमलरज मनबसी सबधरम बहाई॥ श्रवण कथन चिंतनबढ्यो पावन यशगाई ॥।२॥ वेदपुराणनि रूपके रस लियो निचोई।॥ पानकरत आनंद भयो डारयो सब धोई ॥। ३॥ परमानंद विचारके परमारथ साध्यो॥ रामकृष्ण पद प्रेमसो लालच रस बाध्यो ॥।४॥

NityaNem

NityaPad-358

Gori

Gopi premki dhwaja ..

गोपी प्रेमकी ध्वजा ॥ जिन गोपाल कियो अपने बस उरधर स्यामभुजा ।। १॥ शुक मुनि व्यास प्रशंसा कीनी ऊधो संत सरांहीं ॥ भूरिभाग्य गोकुलकी वनिता अतिपुनीत भवमाहीं ॥२॥ कहा भयोजो विप्रकुल जनम्यो जेहि हरिसेवा नाहीं ॥| सोईं कुलीन दासपरमानंद जो हरि सन्मुख धांई ॥।३॥

NityaNem

NityaPad-358

Gori

Krishna shrikrishna sharanmam uchchare ..

कृष्ण श्रीकृष्ण शरणंमम उच्चरे ॥ रैनदिन नित्यप्रति सदा पलछिन घड़ी करतविध्वंस जन अखिल अघ परिहरे | १॥ होत हरिरूप ब्रजभूप भावेसदा अगम भवसिंधुकूं विना साधन तरे ॥ रहत निशदिवस आनंद उरमें भरयो पुष्टिलीला सकलसार उरमें धरे ।।॥२॥| रमा अज शेष सनकादि शुक शारदा व्यास नारद रटें पलक मुख ना टरें॥ लालगिरिधरनकी महिमा अतुल जगमगी शरण कृष्णदास निगम नेति नेति करें ॥ ३॥

NityaNem

NityaPad-358

Gori