Pratham hari udhosun iss kahee |

प्रथम हरी उधोसुं इस कही | काम क्रोध मद लोभकुं जीते सो मेरो भक्त सही ॥ प्रथम.॥ शत्रु मित्रको सम करि जाने मनकी तृष्णा गई। सदा वेराग्य रहे उर अंतर काहूसुं हांसी करत नहीं ॥। प्रथम .)। विषय वासना रहत न जाके ये ही विचार रहत मन माही ॥ सूरदास हुँ बसुं हृदेमें आनंद सागर रहत मही॥ प्रथम. ॥

Vairagya

NityaPad-361

Kanharo

Vrajke birahi loga vichaare |

ब्रजके बिरही लोग विचारे | बिना गोपाल ठगे से ठाडे अति दुरबल तन हारे १॥ यह मथुरा काजरकी रेखा जो निकसे सो कारे॥ जो कोई कान्ह कान्ह कहि बोलत अखियन बहत पनारे ॥२॥| मात जस्रोदा पथ निहारत निरखत सांझ सघारे।॥ परमानंद स्वामि बिन एसे जेसे चंद्र बिन तारे ॥ ३॥

Vairagya

NityaPad-361

Bihaag

Kamal nayan kamalapati tribhuvan key naath ..

कमल नयन कमलापति त्रिभुवन के नाथ ॥ एक प्रेमतें सबबने जो मन होवे हाथ ॥१॥ सकल लोककी संपदा ले आगें धरिये ।| भक्तिविना माने नाहि जो कोटिक करिये ॥२॥ दास कहावन कठिनहै जोलों चितराग ॥ परमानंदप्रभुसांवरो पैयत बडभाग ॥३॥

Ath Mathamya

NityaPad-362

Bihaag

Joe russ rasik kiir muni saayo....

जो रस रसिक कीर मुनि सायो।॥। सो रस रटत रहत निशिवासर शेष सहस्रमुख पार न पायो ॥१॥ गावत शिव शारद मुनि नारद कमलकोश वासी न चखायो | यद्यपि रमारहत चरणनतर निगम न अगम अगाध बतायो॥ २॥। तरणितनयातट बंसीवट निकट वूंदाविपिन वीधिन बहायो ॥ सो रस रसिकदास परमानंद वृषभानसुता कुचबीच बसायो ॥। ३॥

Ath Mathamya

NityaPad-362

Bihaag

Sripati duhkhit bhaktaparaathen |

श्रीपति दुःखित भक्तअपराथें | संतनद्वेष दोहिताकरके आरत सहित जोमोहिआराधें ॥१॥ सुनो सकल बैकुंठनिवासी सांचीकहूं जिनमानों खेदें ॥ तिनपर कृपा करूं कैसी विधपूजन पांव कंठकूं छेदें ॥२॥। जनसो वैर प्रीतमोसोंकर मेरोनाम निरंतर लैहैं | सूरदास भगवंत बदत यों मोहि भजें पर यमपुर जैहैं ॥।३॥

Ath Mathamya

NityaPad-362

Bihaag

Daas ananya mero nijroop ..

दास अनन्य मेरो निजरूप ॥ दरशनमात्र ताप त्रय नासत छुडावै गृहबंधन कूप ।। १॥| मेरीबांधी भक्तछुडावें भक्तकी बांधी छुटे न मोही ॥। कबहुंक लेके मोहि कुंबांधे तहां कहाकैसे उत्तरहोही ॥ २॥ मैं निर्मल सबजगतको जीवन मेरोजीवन मेरेदास॥ परमानंद ताहिके हृदये जांके हृदये प्रेमप्रकाश ॥। ३॥।

Ath Mathamya

NityaPad-362

Bihaag

Jaapar kamalkant dharai..

जापर कमलकांत ढरै॥ लकरी घासको बेचनहारो तासिर छत्र-धरै ॥१॥| विद्यानाथ अविद्या समरथ जो कछु चाहे सोई करै ॥ रीतेभरे भरेपुन ढारे जो चाहेतो फेरभरे ॥२॥ सिद्धपुरुष अविनाशी समरथ काहूते न डरे ॥ परमानंद यह संपति मनतें कबहू नाहिन टरै ॥। ३॥।

Ath Mathamya

NityaPad-362

Bihaag

Jaake munn basey sthaamghan maadho |

जाके मन बसे स्थामघन माधो | सो सुंदर सोधनीदक्ष सोई सोई कुलीन सोई साधो ॥१॥ सो पंडित सोगुणपुंज सोई जो गोपाल कहिगावे।॥। कोटिप्रकार धन्य सोई नर जो नहिं हरि विसरावे ॥२॥ सो नर सूर वेदविद्यारत सो भूषति सोई ज्ञानी ॥ परमानंद धन्य सोई समरथ जिहिं लाल चरण रति मानी ॥३॥

Ath Mathamya

NityaPad-362

Bihaag

Tihaare charankarmalko mahaatm shivjane key gautamanari ..|

तिहारे चरणकरमलको महात्म शिवजाने के गौतमनारी ॥| जटाजूट मध्यपावनी गंगा अजहूं लियें फिरत त्रिपुरारी ॥ १॥। के जानें शुकदेव महाम्ुनि के जाने सनकादिक चार ॥ के जाने विरोचनकोसुत सर्वस्वदे मेटी कुलगार ॥। २॥ के जाने नारदमुनिज्ञानी गुप्तफिरत त्रैलोक मंझार ॥ के जाने हरिजन परमानंद जिनके हृदय बसत भुजचार ॥।३॥

Ath Mathamya

NityaPad-363

Bihaag

Lagejo shrivrindavanako rung ...

लगेजो श्रीवृंदावनको रंग ॥। मनके मैल सबे छुट जैहे अरु विषयनकों संग ॥१॥| राधावर सेवत अर सुमरत उपजत लहर तरंग ॥ सखीभाव सहज होय छिममें पुरुषभाव होय भंग ॥२॥। देहअभिमान सबै छुट जैहै मनसा होय अपंग || परमानंद नंदनंदन भज मिटिहैं कोटिअनंग॥३॥

Aashraya

NityaPad-363

Bihaag

Vrindaavan aeka palak joe rahiye.

वृन्दावन एक पलक जो रहिये। जन्म जन्म के पाप कटत है कृष्ण कृष्ण मुख कहिये ॥१॥ महाप्रसाद और जल जमुना को तनक तनक भर लहिये ॥ सूरदास बैकुंठ मधुपुरी भाग्य बिना कहां ते पैये ।२॥॥

Ath Mathamya

NityaPad-363

Bihaag

Dhani dhani vundavan key baasi ..

धनि धनि वुंदावन के बासी ॥ निशिदिन चरणकमल अनुरागी स्यामास्थाम उपासी॥ १॥ अष्टमहासिद्धि द्वारे ठाडी रमाचरणकी दासी ॥। या रसको जो मरम नजानो जाय बसो किन कासी ॥२॥ भस्मलगाय गरे लिंगबांधो निशिदिन फिरो उदासी ॥ परमानंददासको ठाकुर सुंदरघोषनिवासी ॥|३॥

Aashraya

NityaPad-363

Bihaag