Hariras tabahin tou jaay paiye ..

हरिरस तबहीं तो जाय पैये ॥ स्वादविवाद हर्ष आतुरता इतने दंडजो सहिये ।।१॥ कोमलवचन दीनता सबसों सदांप्रफुल्लित रहिये।॥। गए महिं सोच आएनहिं आनंद ऐसे मारग वहिये ॥२॥ ऐसीजो आवे जियमाहीं ताके भाग्यकी कहा कहिये ॥ अध्टसिद्धि सूरस्यामपैं जोचहिये सो लहिये ॥३॥

Aashraya

NityaPad-363

Bihaag

Kinn tero govind naam dharyo ..

किन तेरो गोविंद नाम धर्यो ॥ लेन देन के तुम हितकारी मोते कछु न सर्यो ॥१॥ विप्र सुदामा कियो अथाची तन्दुल भेट धर्यो ॥ द्रपदसुता की तुम पति राखी अम्बर दान कर्यो ॥२॥ सान्दीपन के तुम सुतलाये विद्या पाठ पढ्यो ॥ सूर की बिरियां निठुर हुई बैठ कानन पूंद रहो ॥३॥

Ath Mathamya

NityaPad-363

Bihaag

Jahan-jahein charan-kamal maadhau key taheen-taheen munn morr .

जहँ-जहेँ चरन-कमल माधौ के तहीं-तहीं मन मोर । जे पद-कमल फिरत बुंदावन गो-धन संग किशोर ॥ चिंतन करों जसोदानंदन मुदित सांझ अरु भोर | कमल-नयन घनश्याम सुभग - तन पीतांबर के छोर ॥ इष्ट देवता सब बिधि मेरे जे माखन के चोर।॥। 'परमानंददास' की जीवनि गोपिनि पट झकझोर ।।

Ath Mathamya

NityaPad-363

Bihaag

Tum taja kaun sanehi keeje |

तुम तज कौन सनेही कीजे | सदा एकरसको निबहतहै जाकी चरणरज लीजे ॥।१॥ यह महोय अपनी जननीते पिताकरत नहीं ऐसी ॥। बंधुसहोदर सेवन करही मदनगोपाल करतहैं जैसी | २॥ सुख अरु लोक देतहै ब्रजपति अरु वृंदावन वास बसावत ॥| परमानंददासको ठाकुर नारदादि पावन यशगावत ॥३॥

Aashraya

NityaPad-364

Bihaag

Maadhon yaa ghar bahut dharee ..

माधों या घर बहुत धरी ॥ कहन सुननको लीलाकीनी मर्यादा न टरी ॥१॥ जो गोपिनको प्रेम न होतो अरु भागवतपुराण॥ तो सब ओघडपंथहि होते कथत गमैया ज्ञान । २॥ बारह वरषको भयो दिगंबर ज्ञानहीन संन्यासी ॥ खानपान घरघर सबहिनके भस्मलगाय उदासी ॥। ३॥ पाखंडदंभ बढ्यो कलियुगमें श्रद्धाधर्म भयो लोप | परमानंद वेदपढ़बिगर्‌यो कापर कीजे कोप ॥४॥

Aashraya

NityaPad-364

Bihaag

Ray munn chinta naan curr petki ...

रे मन चिंता न कर पेटकी ॥। हलन चलन यामें कछुनाहिन कलम लिखीजो ठेटकी ॥१॥ जीवजंतु जेते जलथलके तिन निधि कहा समेटकी ॥| समे पाए सबहिनकूँ पहुँचे कहां बाप कहा बेटकी ॥ २॥ जाको जितनो लिख्यो विधाता ताको पहुँचे तेटकी ॥ सूरदास ताहे क्‍यों ना सुमरे जोहै ऐसो चेटकी ।॥३॥

Aashraya

NityaPad-364

Bihaag

Jolon hari apunpo naan janaave ..

जोलों हरि अपुनपो न जनावे ॥ तोलों सकलसिद्धान्त मारगको पढें सुनें नहिं आबे ॥१॥ सुनब्रह्मा नारायण मुखतें नारदकूं सिखदीनी ॥ नारद कही वेदव्याससों आप खोज नहि कीनी ।।२॥ वेदव्यास औषधकी न्याई पढ तन ताप मिटायो ॥ ताते पढे मुनीशुकदेव परीक्षितकूं जो सुनायो ॥३॥ यद्यपि सुनी नृप ब्रजकीलीला दशम कही शुकदेवा ॥ तोपैं सरवात्मभाव न उपजो तातें करी न सेवा ॥४॥ श्रीभागवत अमृतदधि मथके श्रीवल्लभ सर्वोत्तम ॥ कर आवरण दूर निजजनके हाथदिये पुरुषोत्तम ॥॥५॥॥ सेवासाज शुंगारसुभग रसखान पान प्रकटायो ॥। वृंदावन निकुंजकी लीला हरि जीवन स्वाद चखायो ॥६।॥।

Aashraya

NityaPad-364

Bihaag

Achambho inn loganakon aave ..

अचंभो इन लोगनकों आवे ॥ छाँडगोपाल अमितरस दुर्लभ अमृत माया विषफलभावे ॥१॥ निंदित मूढमलय चंदन को कपिकेंअंगलगावबे ॥ मान सरोवर छाँड हंससर काकसरोवर न्हावे ॥२॥ पगतर जरत नजानत मूरख परघर जाय बुझावे॥। लखचौरासी स्वांग धरे धर फिर फिर यर्माहिं हँसावे ॥॥३॥ मृगतृष्णा संसार जगत सुख तहातें मन न दुरावे ॥ सूरदास भक्तनसों मिलकें हरियश काहे न गावे ॥४॥

Aashraya

NityaPad-365

Bihaag

Haridasanate garv naan karvo ..

हरिदासनते गर्व न करवो ॥ यह अपराध परमपद हूंते उतर नरकमें परवो ॥१॥ हूं धनवंत कुलबंत यह भिक्षुक यह कबहूं मनमें नहीं धरवो ॥। गजसिंहासन अश्वपालकी ताते भवसागर नहीं तरवो ॥२॥ खानपान एँडाय चलत है ऐसे कारज बहु न अनुसरवो ॥ सूरदास यह सत्य कहतहूं भक्तन संग उबरवो ॥३॥

Aashraya

NityaPad-365

Bihaag

Agh samharini adham udharini kalikal tarini madhumathan gunakatha ..

अघ संहारिनी अधम उधारिनी कलिकाल तारिनी मधुमथन गुणकथा ॥ मंगल वधायिनी प्रेमरसदायिनी भक्ति अनुपायिनी होत जिय सर्वथा ॥ १॥ मथवेद कथग्रंथ कहत व्यासादि मुनि अजहुँ अधुनीक जन कहतहूँ मतियथा !। परम पदसो पानकरो गदाधर गान अन्य आलापतें जात जीवनवृथा ॥२॥

Aashraya

NityaPad-365

Bihaag

Bhaj sakhee bhaav bhaavik deva ..

भज सखी भाव भाविक देव ॥ कोटि साधनकरो कोऊ तोऊ न माने सेव ॥१।॥ धूमकेतु कुमारमाँग्यो कौन मारगनीति॥ पुरुषते त्रियभाव उपज्यो सबै उलटी रीति ॥ २॥ बसन भूषण पलट पहरे भावसों संजोय ।। उलटमुद्रा दईअंकन वरणसूधे होय ॥३।॥। वेदविधिको नेमनाहीं प्रीतिकी पहिचान ॥ ब्रजवधू वशकिये मोहन सूर चतुर सुजान॥४॥

Aashraya

NityaPad-365

Bihaag

Kaisen keeje vedakaho..

कैसें कीजे वेदकह्ोो॥ हरिमुखदेखत विधिनिषेधको नाहिन ठौर रहो ॥ दुःख को मूल सनेह सखी री सो उर पैठ रहो ॥ परमानंद प्रेमसागर में गिरद्यो सो लीन भयो ॥।२॥

Aashraya

NityaPad-365

Bihaag