Srivitthalnath naam rasamrit panasdatu curr ray rasna ..

श्रीविद्ठलनाथ नाम रसअमृत पानसदातू कर रे रसना ॥ जोतू अपनो भलो चाहिते यह व्रत जिय धर रे रसना ॥१॥ यारसके प्रतिबंधक जेते तिनते तू अतिडर रे रसना।। हरिकों विमलयश गावतनिरंतर जातविघ्न सबटर रे ससना ॥२॥ वारंबार कहतहूं तोसों यह मारग अनुसर रेरसना ॥ छीतस्वामी गिरिधरन श्रीविट्ठल आनंद उरमें भर रे रसना ॥३॥

Aashraya

NityaPad-365

Bihaag

Houn vaari inn vallabhiyan parr..

हों वारी इन वललभियन पर॥ मेरे तनको करों बिछोना सीस धरों इनके चरणनतर ॥।१॥ नेहभरी देखो मेरी अँखियन मंडलमध्य विराजत गिरिधर ॥ यह तोमें मोहि प्राणजीवनधन दानदिये श्रीवल्लभवर ॥२॥। पुष्टिप्रकार प्रकटकरवेको फिर प्रकटे श्रीविद्डल बपुधर ॥। रसिक सदा आस इनकी कर वललभियनकी चरणरज अनुसर ॥३॥।

Aashraya

NityaPad-366

Bihaag

Chakairi chala charansarvor jahaan naheen premviyog ..

चकईरी चल चरणसरवोर जहाँ नहीं प्रेमवियोग ।। जहां भ्रमनिशा होतनहीं कबहूसो सायर सुखयोग ।। १॥ सनकसे हंसमीन शिवमुनि जनन खरविप्रभा प्रकास ॥ प्रफुल्लित कमलनिमिष नहीं शशिडरगुंजत निगम सुवास॥।२॥ जिहि सरसुभगमुक्ति मुक्ताफलविमल सुकृतजल पीजै ।। सो सर छांडक्योंकुबुद्धि विहंगम इहां रही कहां कीजे ॥ ३॥ जहां श्रीसहस्रसहित हरिक्रीडत शोभित सूरजदास ।। अब न सुहाय विषयरस छिल्लर वह समुद्र की आस ।।४॥

Aashraya

NityaPad-366

Kedaro

Bhringiri bhaj sthaam kamalpad jahaan naheen nishiko traas ...

भृंगीरी भज स्थाम कमलपद जहाँ नहीं निशिको त्रास ॥। जहां विभा धनुसमान प्रभा नखसो वारिज सुखरास ॥। १॥ जहाँ किंजल्कभक्ति नवलक्षण ज्ञानकर्म रस एक ॥| निगम सनक शुक शारद नारद मुनिजन भृंग अनेक ॥ २॥ शिव विरंचि खंजन मनरंजन छिनछिन करत प्रवेश॥। अखिल लोक तिहिं वास सुकृत जल प्रकटित स्याम दिनेश ।।३॥| सुन मधुकर भ्रम तज कुमुदिनी गण राजीववरकी आस ।। सूर प्रेमसिंधुमें प्रफ़ुल्लित चल जहां करे निवास ॥।४॥।

Aashraya

NityaPad-366

Kedaro

Hari yeh kaun ritithati ..

हरि यह कौन रीतिठटी ॥ दासद॒ुःखी सुखहोत विमुखन बडीलाज घटी ॥१॥ वेदपंथ श्रीभागवतकी बांधी मेंड कटी ॥ देख यह विधि सबन की मति भजनतें उचटी ॥२॥ करकुसंग सुसंग जाके विषयजायघटी || कुमति पावस कूपजलतें आवबतें उबटी ॥३॥ करणवारे कहा भूमी जातगतिनहटी॥| कहा फलकी चीठी सबकी एकहीबेर फटी ॥।४॥ चरणपर जे शहत तिनकी होत मति उलटी ॥ कहा गीता भागवतमें कही बात नटी ॥५॥। हमारी यहवेर मनसा दानहूंतें हटी ॥ रसिक कहि-कहि जीभ तुमसो छुलत छुलत छटी॥६।॥

Aashraya

NityaPad-366

Kedaro

Naachyo bahut gopal abb main naachyo bahutgopal ..

नाच्यो बहुत गोपाल अब मैं नाच्यो बहुतगोपाल ॥ काम क्रोध को पहर चोलना कंठ विषय की माल ।॥१॥ तृष्णा नाद करत घट भीतर नाना विधि के ताल ॥॥ भामर होय मन रह्यो पत्लावज ऊपर हंसगति चाल ॥२॥ माया कटि को फेंटा बांध्यो लोभ तिलक दियो भाल॥ महा मोह के नूपुर पहरे निन्दा शब्द रसाल ॥३॥ कोटि कला कछुक दिखलाई जल थल शुद्ध भेजाल ॥ सूरदास की सबै अविद्या दूर करो नंदलाल ॥४॥

Aashraya

NityaPad-367

Bihaag

Srivallabh karuna karke mohe keeje niz daasan koo daas ...

श्रीवललभ करुणा करके मोहे कीजे निज दासन को दास ॥। पूरण काम हैं नाम तिहारो इतनी मो मन पूर हो आस ॥।१॥ तिहारी कृपा कटाक्षतेंदुर्लभ पाइये सुलभ करों व्रजवास ।। तिहारे सेवकजन संगत विनु निशदिन मोमन रहत उदास ॥२॥। श्रीवृन्दावन गिरि गोवर्द्धन श्री यमुना तट करूं निवास ॥। श्रीहरि बदन चंद सु विमल यश गान करत सुर सदा अकास ॥ ३॥ कृपा निधानकृपा कर दीजे जो सब लोक मिटे उपहास ॥ दीजे दिव्य देह गोबिंद को इन द्रगनिरखों अनुदिन रास | ४॥

Aashraya

NityaPad-367

Bihaag

Perry mati radhika charan raja mein raho ..

पेरी मति राधिका चरण रज में रहो ॥ ये ही निश्चय कर्यो अपने मन में वर्यो भूलि के कोऊ कछु और वह फल लहो ॥।१॥ कर्म कोऊ करी ज्ञान हूं अनुसरो मुक्ति के बल करी बृथा देही दहो ॥। रसिक वलल्‍लभ चरणकमल युग शरण पर आस धरि महा यह पुष्टि पथ फल लहो ॥२॥

Aashraya

NityaPad-367

Bihaag

Sukhanidhi srigokulko basavo ..

सुखनिधि श्रीगोकुलको बसवो ॥ छिनछिन वारंवार सखीरी श्रीवललभसुत निरख हुलसवो ॥। १॥ गृहनगृहन प्रतिकुंजनकुंजन पियसंग केलि परस्पर हँसवो॥ ऐसीकनक कसौटी ऊपर सुभग प्रेमवलित तन कसवो ॥। २॥। यमुनातीर महागजसों मिलि भावें अंगोअंग परसवो ॥ दंपतिरूप रासि सुखसीमा माधोदास यहौ रंगरसवो ॥ ३॥॥

Aashraya

NityaPad-367

Kedaro

Maadho yeh prasaadahaunpaaun....

माधो यह प्रसादहौंपाऊं।॥। तुब भृत्य भुत्य भक्त परिचारक दासको दास कहाऊं ॥।१॥ ये परमारथ मोहिगुरुसिखयो श्यामाश्यामकी पूजा ॥ यह बासना बसो जियमेरे देव न देखदूजा ॥ २॥ परमानंददास तुम ठाकुर यह नातो जिनटूटो ॥। नंदकुमार यशोदानंदनहिलिमिलि प्रीत न छूटो ॥३॥

Aashraya

NityaPad-367

Kedaro

Taja munn hari vimukhanko sanga..

तज मन हरि विमुखनको संग॥ जाके संगहै कुबुद्धि उपजत परत भजनमें भंग ॥ १॥। खरकूं कहा अरगजा लेपन मर्कट भूषण अंग ॥| कागहि कहा कपूर चुगायेत श्वान न्हवाये गंग ॥२॥ कहा भयो पयपान कराये विष नहिं तजत भुजंग ॥ सूरदासप्रभु कारी कामर चढत न दूजोरंग ॥ ३॥

Aashraya

NityaPad-367

Kedaro

Bado dhana harijanko harinam |.

बड़ो धन हरिजनको हरिनाम |। बिनु रखवार चोर नहि चोरे सोवत है सुखधाम ।॥॥|१॥ दिन-दिन बढत सवायो: दूनो घटत नहि कछु दाम ॥ सूरदास हरिसेवा जाके पारसको कहा काम ।॥२॥।

Aashraya

NityaPad-368

Bihaag