Ray munn moorakh janm gamaayo ..

रे मन मूरख जन्म गमायो ॥ कर परपंच विषयरस पीनो श्याम सरन नहीं आयो ॥१॥| यह संसार फूल सेंवरको सुन्दर देख लोभायो ॥। चाखन लग्यो रुई उड गई हाथ कछु नहीं आयो ॥२॥ कहा भयो अबके पछतानेपहेले पाप कमायो ॥ कहत सूर श्रीकृष्ण नाम बिन सिर धुन-धुन पछतायो ॥। ३॥

Aashraya

NityaPad-368

Bihaag

Harijan sanga chhinuk joe hoyee .

हरिजन संग छिनुक जो होई । कोटि स्वर्ग सुख कोटि मुक्ति सुख ए सम लहे न कोई ॥ महद भाग्य पुन्य संचित फल कृष्ण कृपा व्हे जाके । सूरदास हरिजन पद महिमा कहत भागवत ताके ॥। हरिजन.॥

Aashraya

NityaPad-368

Bhaav binn maal nafaa nahi paave |

भाव बिन माल नफा नहि पावे | भाव बिन भक्तन को सर्वस्व भाव ही हृदय बढावे॥ भाव भक्ति सेवा सुमरन कर पुष्टिपथ में धावे। सूर भाव सबही को कारन भाव ही में हरिभावे ॥

Aashraya

NityaPad-368

Bihaag

Prabhu janpar prasann jaba hohi ..

प्रभु जनपर प्रसन्न जब होही ॥ तब वैष्णव जन दरसन पावे पाप रहे नहिं कोई ॥प्रभु.॥। हरि लीला उर आवे ताके सकल वासना नासे ॥ सूरदास निश्चे विचार करी हरि स्वरूप जब भासे ॥ प्रभु.।।

Aashraya

NityaPad-368

Kanharo

Sadaa munn shree gokul mein rahiye..

सदा मन श्री गोकुल में रहिये॥ गोविन्दघाट छोंकरकी छैयां बैठक दरसन पैये ।। १॥॥ जमुना पुलिन सुभग वृन्दावन गिरि गोवर्धन जड़ये ।। घर घर भक्ति भागवत सेवा तन मन प्रान बिकैये ।। २।। विद्धलनाथ विराजत निसदिनचरनकमल चित लई-ये ॥ श्रीवललभपद-कमलकृपातें इनके दास कहैये ॥।३॥

Aashraya

NityaPad-368

Bihaag

Hari bhajan mein kahaa chahiyat haye naine shravan rasna pada paan.

हरि भजन में कहा चहियत हे नेन श्रवन रसना पद पान। एसी संपत जान मिली हो जो न भजे ताकुं बड़ी हान ॥ हरि.॥ पूरब पुन्थ सुकृतनको फल अति दुर्लभ मानुष अवतार। पाप पुन्य जाते जानि परत है उपजत हे ब्रह्मज्ञान । हरि.॥। गुरु कर्णधार पोत पद अंबुज भवसागर तरवेके हेत ॥ प्रेरक पवन कृपा केशवकी परमानंद चित चेत ।। हरि.॥

Aashraya

NityaPad-369

Kanharo

Aaye merey nand nandanke pyaare.

आये मेरे नंद नंदनके प्यारे। माला तिलक मनोहर बानो त्रिभुवन के उजियारे ॥ आये.॥ हृदय कमल के मध्य विराजत श्रीब्रजराज दुलारे। प्रेमसहित वसत उर मोहन, नेकहुँ टरत न टारे ॥ आये . ॥ कहाजानु को पुन्य उदेभयो मेरे घरजु पधारे। परमानंद करत नोछावर, बारबार तन बारे ॥आये.॥

Aashraya

NityaPad-369

Bihaag

Bhajan binn kete gaye jhakhmaar |

भजन बिन केते गये झखमार | माला तुलसी तिलक बनाये ठग खायों संसार।। भजन. ॥ नित्य प्रति उठी नाहावे धोवे करत आचार विचार। दया धर्मकी बात नजाने प्रेम जैसे चंडाल।। भजन .।। परमारथमें नव रहे ठाडो करत लोभकी लार। सूरदास भगवंत भजन बिन जनम जनम नर्क द्वार ।|

Aashraya

NityaPad-369

Bihaag

Esso bhakt tarey aur taare.

एसो भक्त तरे और तारे। परम कृपाल परम दीनबंधु शरण ग्रहे वाको दुःख निबारे | सबसू मैत्री शत्रु नहीं कोई वादविवाद सबनसुं हारे । हरिको नाम जपे निशवासर संशय शोक संताप निवारे ॥ काम क्रोध ममता मद मत्सर माया मान मोह भ्रम टारे। निरलोभी निरवैर निरंतर कृष्ण रूप जब हृदय विचारे। हरि को नाम सुने अरु गावे कृष्ण भजन करी दुःखहि दुरावे । सूरदास हरिरूप मग्न भये गुन ओगुन का पर नव आवे।॥

Aashraya

NityaPad-369

Kanharo

Jaa dinsant paahune aavat.

जा दिनसंत पाहुने आवत। तीरथ कोटि स्नान करन फल एसो दर्शन पावत। प्रफुल्लितबदन रहत निशदिन प्रति चरण कमल चित्त लावत। मनकर्म वचन ओर नहिजाचत सुमरत ओर सुमरावत्त । मिथ्यावाद उपाधि रहित व्हे विमल विमल जसगावत। सूरदास प्रीतिकर तिनसो हरिकी सुरत करावत।

Aashraya

NityaPad-369

Kanharo

Giridhar jaba apano curry jaane ..

गिरिधर जब अपनो करि जाने ॥ ताको मन भक्तनकी सेवा भक्त चरन रज सदा लुभाने ॥ गिरिधर.॥ भक्तन में मति भकक्‍तनसु गति हरिजन हरि एक करि माने ॥ कृष्णदास मन वचन कर्म करि हरिजन सगे हरि उर आने ॥गि.।।

Aashraya

NityaPad-369

Kanharo

Milein kaba srivallabh key pyaare.

मिलें कब श्रीवल्लभ के प्यारे। जिनके हाव भाव प्रीति रस तीहूँ लोकते न्यारे। कृपा समुद्र भरे अंग अंगमें उछलत रसको धारे। माला तिलक विराजे अद्भुत करुनामय अनुहारे॥ कोटि जन्मके तम दुःख भाजत हृदयकरत उजियारे। प्रेम पुलक कंठभरि आवबे सुख उपजावत न्यारे ॥ जापें कृपाकरे श्री गिरिधर तव इनकी अनुसारे । रसिकदास जिनकी विधि पैयत दोउ नेनके तारे।

Aashraya

NityaPad-370

Bihaag