Yeh sukh dekho ree tum maaee.. barasganti giritharanlalki

यह सुख देखो री तुम माई॥ बरसगांटि गिरिथरनलालकी बहोरि कुशलसों आई ॥१॥ आगमके दिन नीके लागत उर सुख लहरि उठाई।॥ ऐसी बात कहत बव्रजसुंदरि अपुअपुने मन भाई ॥२॥ फिरि हँसि लेत बलाय कूंखिकी जिहिं जन्में जू कन्हाई ॥ तुमारें पुत्र भयो नंदरनी सब तन तपत बुझाई ॥३॥ नंदकुमार सकल या ब्रजमें आनंद वेलि बढ़ाई ॥ श्री विट्ूठलगिरिधर पूरननिधि सबहिन भूखें पाई ॥४॥

Janmashtami ki Badhai

Part1-002

Devgandhar

Aaj bunn kouu vaha jinn jaay .. sub gaayan bachhran

आज बन कोऊ वह जिन जाय ॥ सब गायन बछरन समेत घर लावौ चित्र बनाय ॥१॥ ढोटा हो ब्रज भयी रायजूकें कहत सुनाय सुनाय ॥ चहुँ दिश घोष यही कोलाहल उर आनंद न समाय ॥२॥ कितही विलंब करत बिन काजैं वेगि चलो उठि धाय ॥ अपने अपने मनके चीते नैनन देखो आय ॥३॥ एक फिरत दधि दूब देत है एक रहत गहि पाय ॥ एक वसन पट देत बधाई एक उठत हँसि गाय ॥४॥ बाल विरध नर नारिनके मन भये चौगुने चाय ॥ सूरदास प्रमुदित ब्रजवासी गिनत न राजा राय ॥५॥

Janmashtami ki Badhai

Part1-002

Devgandhar

Nainbhar dekhin nand kumar .. jasumati koonkh chandrama pragatyau

नैनभर देखीं नंद कुमार ॥ जसुमति कूँख चंद्रमा प्रगट्यौ या व्रजको उजियार ॥१॥ बन जिन जाऊ आज कोऊ गो सुत गाय गुवार ॥ अपने अपने भेष सबै मिलि लावौ विविध सिंगार ॥२॥ हरद दूब अच्छत दि कुमकुम मंडित करो दुवार || पूरी चौक विविध मुक्ताफल गावी मंगलचार।|३॥ चहुँ वेदधुनि करत महामुनि होत नछत्र बिचार ॥ उदय पुन्यको पुंज साँवरो सकल सिद्धि दातार ॥४॥ गोकुलवधू निरखि आनंदित सुंदरताकी सार ॥ दास चतुर्भुज प्रभु सब सुखनिधि गिरिधर प्रान अधार ॥५॥

Janmashtami ki Badhai

Part1-002

Devgandhar

Janm phal maanat yashoda maay .. jaba nandlal thoori

जन्म फल मानत यशोदा माय ॥ जब नंदलाल थूरि धूसरबपु रहत कंठ लपटाय ॥१॥ गोद बैठि गहि चिबुक मनोहर बातें कहत तुतराय ॥ अति आनंद प्रेम पुलकित तन मुख चुंबत न अघाय ॥२॥ आरति चित्त विलोकि बदनविधु पुनिषुनि लेत बलाय ॥ परमानंद मोद छिनछिन कौ मोपै कह्यो न जाय ॥३॥

Janmashtami ki Badhai

Part1-003

Devgandhar

Nandamaharkain aaj badhaai .. jasumati udar naval vidhu pragatyau

नंदमहरकैं आज बधाई ॥ जसुमति उदर नवल विधु प्रगत्यौ सकल कला सुखदाई ॥१॥ नाचत सब मिलि करत कुलाहल आनंद मंगल गाई ॥ व्रजजन देत विविध पटभूषन फूले अंग न माई ॥२॥ आंगन मोतिन चौक पुरावत बंदनबार बंधाई ॥ निरखि हरखि गोविंद मगन मन बहोत न्यौछावरि पाई ॥३॥

Janmashtami ki Badhai

Part1-003

Devgandhar

Aaj grah nandmaharken badhaai .. praatasmain mohan mukh nirakhat

आज ग्रह नंदमहरकें बधाई ॥ प्रातसमैं मोहन मुख निरखत कोटि चंद छबि छाई ॥१॥ मिलि व्रजनारी मंगल गावत नंदभवन में आईं ॥ देत असीस जीयौ जसुमतिसुत कोटिक बरस कन्हाई ॥२॥ नित आनंद बढ़त वृन्दावन उपमा कहीं न जाई ॥ सूरदास धन्य धन्य नंदरानी देखत नैन सिराई ॥३॥

Janmashtami ki Badhai

Part1-003

Devgandhar

Samaron mangal roop nidhan .. jaa dinaten hari gokul pragate

सामरों मंगल रूप निधान ॥ जा दिनतें हरि गोकुल प्रगटे दिन दिन होत कल्यान !!१॥ बैठी रहौं श्याम गुन सुमरों रैन दिना सब याम॥ श्रीभटके प्रभु नैन भर देखों पीतांबर घनश्याम ॥२॥ # राग देवगंधार ऋ आज ब्रज भयौ सकल आनंद ॥ नंदमहर घर ढोटा जायो पूरन परमानंद ॥१॥ मंगल कलश बिराजत द्वारें गावत्त गीत अमंद ॥ नाचत तरुनी और गोप सब प्रगटे गोकुलचंद ॥२॥ विविध भांति बाजे बाजत हैं निगम पढ़त द्विज छंद ॥ छिरकत दूध दही घृत माखन प्रफुलित मुख अरविंद ॥३॥ देत दान ब्रजराज मगन मन फूले अंग न माई | देत असीस जियो जसुमतिसुत गोविंद बलि बलि जाई ॥४॥

Janmashtami ki Badhai

Part1-003

Devgandhar

Vrajmein faley fisart aheer .. dhota bhayau nandbaabaaken

ब्रजमें फले फिसर्त अहीर ॥ ढोटा भयौ नंदबाबाकें सुखनिधि श्यामशरीर ॥१॥ मंगल कलश दूध दि अच्छत बेद पढ़त द्विज धीर ॥ मांगन ग्वाल बधाई आये दिये यशोदा चीर ॥२॥ फूले नंदराय पहरावत छिर्कत कुमकुम नीर ॥ परमानंददासकों ठाकुर प्रगस्यों जादौंवीर ॥३॥

Janmashtami ki Badhai

Part1-004

Devgandhar

Vraj mein ghardhar bajat badhaai .. nandamaharkain putra bhayo ree

ब्रज में घरधर बजत बधाई ॥ नंदमहरकैं पुत्र भयो री जाकौ नाम कन्हाई ॥१॥ ज्ञातिकर्म करि रीति जुगतिसों नालकपीड़ बनाई॥ अधिक दान दियो विप्रनकों अनधन द्रव्य अघाई ॥२॥ बहनि सुवासिन याचन आई दैहौं वीर बधाई ॥ तेरे घर अवतार लियौ है आपुन त्रिभुवनराई ॥३॥ एकनकौं सारी पहरावत एकनकौं पटचीर ॥ एकनकौं गढ दान देत है विप्रन कंचन हीर ॥४॥ याचक जन मिलि थाचन आये गावत नंददुवार ॥ एतौ धन देओ तुम हमकों जो नीको होय हमार ॥५॥ हरख्यौ गोकुल गाम सब हरखे हरखे सुरनर नारी ॥ माधोदास भक्त सब हरखे हरखी जसुमति महतारी ॥६॥

Janmashtami ki Badhai

Part1-004

Devgandhar

Aaj gokulmein bajat badhaai )| nandamaharkain putra bhayau haye

आज गोकुलमें बजत बधाई )| नंदमहरकैं पुत्र भयौ है आनंदमंगल गाई ॥१॥ गाम गामतें जाति आपनी घर घरतें सब आई ॥ उदय भयौ जादौं कुलदीपक आनंद की निधि छाई ॥२।| हरदी तेल फुलेल अच्छत दथि बंदनवार बंधाई ॥ नंदीसुर नंदराय घरनि घर सबहिन देत बधाई ॥३॥ आज लालकौ जन्मयौस है मंगलचार सुहाई ॥ परमानंददासकौ जीवन तीन लोक सचुपाई ॥४॥

Janmashtami ki Badhai

Part1-004

Devgandhar

Aaj nandrai kain poot bhayau .. karau badhaayau mankau bhaayau

आज नंदराय कैं पूत भयौ ॥ करौ बधायौ मनकौ भायौ उरको शूल गयी ॥१॥ मंगलचार करत भवननमें आई सकल ब्रजबाल ॥ गावत आये गीत गोप सब नाचत आये ग्वाल ॥२॥ लैत बलाय रानी रायजूकी बारत मोतिन माल ॥ हम निजकरि बसें या व्रजमैं किये तुमारे लाल ॥३॥ जा दिनको करि रहे मनोरथ सो दिन क्यौंहू पायो || श्रीविद्लगिरिधरसे ढोटा अब विधि भाग बढायी ॥४॥

Janmashtami ki Badhai

Part1-005

Devgandhar

Sakhiri kaahekin gaharu lagaavati )! sabakou aisau sukh

सखीरी काहेकीं गहरु लगावति )! सबकोऊ ऐसौ सुख सुनिकँ क्‍यों नाहिन उठि आवति ॥१॥ आज सो बात विधाता कीनी जो जाके मन भावति ॥ सुतको जन्म यशोदाके भ्रृह तहाँ लगि तोहि बुलावत ॥२॥ दि रोचन भरि वेगि चलो मिलि कनक थार कर लावति ॥ सौंचेहु सुत भयौ नंदकें तोहि नहीं बौरावति ॥३॥ अंचल उड़त शिथिल अलकावलि सुमन सुधा बरषावत ॥ सूरदास शोभित ते अवसर जहाँ तहाँतें उठि धावत ॥४॥

Janmashtami ki Badhai

Part1-005

Devgandhar