Aaj atee baahyi haye anurag .. poot bhayauri nandamaharkain

आज अति बाह्यी है अनुराग ॥ पूत भयौरी नंदमहरकैं बड़ीबैस बड़भाग ॥१॥ दई सुवच्छ लक्छ दै गैया नंद बढ़ायौ ताग ॥ गुनी गणक बंदीजन मागध पायो अपनो लाग ॥२॥ फूले ग्वाल मानों रणजीते आनंद फूल बाग ॥ हरद दूध दधि माखन छिरकैं मच्यी भदैया फाग ॥३॥ गोपी गोप ओप सबके मुख गावत मंगलराग ॥| परमानंददास भक्तनकौ अब भयौ परम सुहाग ॥४॥

Janmashtami ki Badhai

Part1-005

Devgandhar

Raniju sukh paayo suta jaay .. badade gopavadhuranike hansi

रानीजू सुख पायो सुत जाय ॥ बड़डे गोपवधूरानीके हँसि हँसि लागत पाय ॥१॥ पौढ़ी महरि गोद लै ठोटा आछी सेज बिछाय ॥ बोलिं लिये व्रजराज सबन मिलि सुत मुख देखो आय ॥२॥ जे जे बदन वदी तुम हमसों ते सब देहु चुकाय ॥' ताते लेहु चौगनौ हमपै कहत जात मुसिकाय ॥३॥ हमतो पिया बहोत धन पायो चिरजीयौ दोऊ भाव ॥ श्रीविट्‌ठलगिरिधरन लाड़िलौ तुम बाबा मैं माय ॥४॥

Janmashtami ki Badhai

Part1-005

Devgandhar

Raniju jaayau poot sulachhan .. vipran daan diye manee kanchan

रानीजू जायौ पूत सुलच्छन ॥ विप्रन दान दिये मनि कंचन वधूबनकों पट दच्छन ॥१॥ जन्मत गयौ घोषको नसिकें सब संताप ततच्छन॥ सूरदास प्रभु प्रगट भयेहें निज दासनके रच्छन ॥२॥

Janmashtami ki Badhai

Part1-005

Devgandhar

Phooli atee baithen hain vrajraj .. phoole kahat sakal vrajwasi

फूलि अति बैठें हैं ब्रजराज ॥ फूले कहत सकल ब्रजवासी जन्म सुफल भयौ आज ॥१॥ देखि देखि मुख कमलनयनको आनंद उर न समाई ॥ फिरि फिरि देत बधाई मगन भये सबहिनकों नंदराई ॥२॥ डोलत फिरत नंदगृह आंगन अति आनंद भरे ॥ श्रीविद्ुलगिरिधरके देखत मन उल्लास करे... ॥३॥

Janmashtami ki Badhai

Part1-006

Devgandhar

Raniju sub vraj nyauti bulaayau aavat jaat rahain narr naari caso

रानीजू सब ब्रज न्यौति बुलायौ आवत जात रहैं नर नारी कैसो लगत सुहायौ ॥|१॥ बाजे संग सकल गोपिन के ग्वाल लियें कर थारी ॥ अति आनंद सबै मिलि गावत कीये रुचिर सिंगारी ॥२॥ तिलक करत लालन बलिजूकों मांडत हैं सिंघ द्वार ॥ भीतर आय देहरी मांडत जहाँ भये नंदकुमार ॥३॥ जमुमति बैठि रहसि हँसि बोलत भरें भलें तुम आई ॥ श्रीविद्नगिरिधरनलाल की बरसगांठि अब होऊ बधाई ॥४॥

Janmashtami ki Badhai

Part1-006

Devgandhar

Jasumati phooli phooli dolati .. atee anand rahat sagrau

जसुमति फूली फूली डोलति ॥ अति आनंद रहत सगरौ दिन हँसि हँसि सबसों बोलति ॥१॥ मंगल गाय उठत्ति अति रससौं अपने मनको भायौ ॥ विहँसि कहति देखौ ब्रज सुंदरि कैसो लगत सुहायौ ॥२॥ भाँति भाँति गजमोतिनके गृह आछे चौक पुराये ॥ श्री विद्डलगिरिधरनलाल ते सबकी असीसन पाये ॥३॥

Janmashtami ki Badhai

Part1-006

Devgandhar

Nandraayaken navanidhi aaee .. maathen mukut shravan mani kundal

नंदरायकें नवनिधि आई ॥ माथें मुकुट श्रवन मणि कुंडल पीत बसन अरु चारि भुजाई ॥१॥ बाजत बीन मृदंग शंख धुनि घसि अरगजा अंग चढ़ाई ॥ दधि पीवत और चंदन छिरकत रपटि परत हैं लैत उठाई ॥२॥ अछ्छत दूब लिये चढ़ बड़े द्वारन बंदनमाल बंधाई ॥ सूरदास सब मिले परस्पर दान देत नंद मन न अधाई. ॥३॥

Janmashtami ki Badhai

Part1-006

Devgandhar

Phoole gope gwal vraj raay .. jaayau poot nandjuki raani anand

फूले गोप ग्वाल ब्रज राय ॥ जायौ पूत नंदजूकी रानी आनंद उर न समाय ॥१॥ आछी आछी गाय सिंगारी दीनी दिजन बुलाय ॥ मनिमाला बस्तर पहराये हँसि हँसि पकरे पाय ॥२॥ बैठे जुरे नंदगृह आंगन शोभा कही न जाय ॥ अति रसभरी उमगि व्रज सुंदरि सबै उठति मिलि गाय ॥३॥ हरद दूब अच्छत रोरीसों मांडत डोलत द्वार ॥ श्री विह्ुलयशोदाके नंदन गोकुल प्राणआधार ॥४॥

Janmashtami ki Badhai

Part1-006

Devgandhar

Aaj nandrayake param badhaayau | baathyau bhaag suhag

आज नंदरायके परम बधायौ | बाठ्यौ भाग सुहाग सबनको महरि यशोदा जायौ ॥१॥ झुंडन आवत मंगल गावत सुभग सिगार किये ॥ सुख आनंद चंद बरषाये प्रफुलित होत हिये ॥२॥ लेत बलाय राय रानीकी जात सबै बलिहार ॥ धरति संभारि सुधारि साथिये बांधति वंदनवार ॥३।| छिरकत हरद दहि नारी सब नाचत किलकत ग्वाल ॥ लाज उपोरे तन न संभारे और नाचत व्रजबाल ॥४॥ बांह उठाय कहत सुख पाये पूजे काम हसारे ॥ श्रीविद्दलगिरिधारी प्रगटे रायजू पुन्य तिहारे ॥५॥

Janmashtami ki Badhai

Part1-007

Devgandhar

Raniju urke shuul mitaaye .. poyne parati sakal vrajasundari

रानीजू उरके शूल मिटाये ॥ पॉयन परति सकल ब्रजसुंदरि जिन जाय कुमार दिखाये ॥१॥ कौन कौनकी पूजा कीनी किहिं किहिं जतनन पाये । ऐसौ सुत तुमहीने जायौ सुकृत आड़े आये ॥२॥ चिरजीयौ दिन बढ़ी गन स॒दाई तुम हुलरायौ ॥ श्रीविद्लगिरिधरनलालकौ नितही मंगल गायी ॥३॥

Janmashtami ki Badhai

Part1-007

Devgandhar

Bhayau vrajraj maharkaipoot .. leey leey naam bulawat gawat aavee

भयौ व्रजराज महरकैपूत ॥ ले ले नाम बुलावत गावत आवी सकल संयूत ॥१॥ यह सुनि स्रवण सबै उठि धाये अति आनंद भरे ॥ सुंदर दूब अक्षत भरि दीये कुमकुम साथिये धरे ॥२॥ नाचत ग्वाल करत कुलाहल मंगलचार करें ॥ श्रीविद्रलनग्रिरिधर प्रगटे ते सब सुखते न टरैं ॥३॥

Janmashtami ki Badhai

Part1-007

Devgandhar

Jasumati atee anandason graavati .. lait naam

जसुमति अति आनंदसों ग्रावति ॥ लेत नाम गिरिधरनलाल सुखकी बेलि बढावति ॥१॥ आपुसमें जो नंदजुकी रानी हँसि हँसि सबन बुलावति । यह दिन बरसगांठिको क्योंहूँ सबके पुन्यन पावति |२॥ देखि देखि मुख सुत अपनेको अनगिनति सब बारति ॥ श्री विद्रलनगिरिधरनलालपै गायन दान दिवाबतिं ॥३॥

Janmashtami ki Badhai

Part1-007

Devgandhar