Jasumati tihari kookhi sihaai .. joe vaaren sou thori laagat

जसुमति तिहारी कूखि सिहाई ॥ जो वारें सो थोरी लागत जनमे कुंवर कन्हाई ॥१॥ ये दिन बरसगांठिके आये नित नित लागत नीकौ॥ अति आनंद चहूं दिसि देखियत सुख उपजत अति जीकौ ॥२॥ चाहत फिरत सकल व्रजबासी गोपवधू नंदराई ॥ श्रीविड्डलगिरिधरनलालको मुख चूंबत न अघाई ॥३॥

Janmashtami ki Badhai

Part1-007

Devgandhar

Gokul pragate bhaye hari aaya .. adham udhaaran asur

गोकुल प्रगटे भये हरि आय ॥ अधम उधारन असुर संहारन अंतरजामी त्रिभुवनराय ॥१॥ जागी महरि पुत्र मुख देख्यों पुलकि गात उरमें न समाय ॥ गदगद कंठ बोल नहीं आवै हरषवंत्त वे नंद बुलाय ॥२॥ अब हो कंत दैव परसन भयौ पुत्र भयो देखी मुख आय ॥ दौरि नंद जब सुतमुख देख्यौ सो सुख शोभा बरनी न जाय ॥ ३॥ जब वर पायौ तब घर आयौ आनंद मगन कै बजी बधाय ॥ सूरदास पहले यह मांग्यौं दूध पिबावत जसुमति माय ॥४]॥|

Janmashtami ki Badhai

Part1-008

Devgandhar

Dolat atee phoole sub gwal .. curry curry chaau singarat

डोलत अति फूले सब ग्वाल ॥ करि करि चाऊ सिंगारत गायन भयौ नंदके लाल ॥१॥ फिरि फिरि आय नंदग्रह आंगन गहत महरिकि पाय ॥ भलौ पूत जायौ नंदरानी गोकुलकों सुखदाय ॥२॥ देत बधाई बिनु मर्यादा जो जाके मन भाव ॥ अ्रीविहलगिरिधरन देखिके आनंद उर न समाय ॥३॥

Janmashtami ki Badhai

Part1-008

Devgandhar

Raniju dhanya janam haye aaj .. dhota bhayau sunatahi savanan

रानीजू धन्य जनम है आज ॥ ढोटा भयौ सुनतही सवनन फूलि गये ब्रजराज ॥१॥ धनि धनि गोप ग्वाल धनि गोकुल धन्य सकल व्रजनारी ॥ पूरी मन कामना हमारी सुंदर बदन निहारी ॥२॥ ऐसी कोऊ करै नहिं रानी तुम बिनु पूरन बात । श्री विहलगिरिधरनलाल मुख सबकोऊ देखि सिहात ॥३॥

Janmashtami ki Badhai

Part1-008

Devgandhar

Raniju tum aisau suta jaayau .. jaake pragatahi yaa bavrajmain

रानीजू तुम ऐसौ सुत जायौ ॥ जाके प्रगटतही या बव्रजमैं गृह गृह सब सुख पायौ ॥१॥ गोपी ग्वाल गाय बछरा सब कोऊ लगत सुहायौ॥ नंदराय एकजात सबनकीौं पार्टंबर पहरायौ ॥२॥ दूने चाय उठत उर अंतर सबहिन मंगल गायौ ॥ श्री विह्रलगिरिधर मुख देखत जीवन सुफल करायो. ॥३॥

Janmashtami ki Badhai

Part1-008

Devgandhar

Raniju saaran kookhi tumari .. aise laal bhaye tomente jeevan

रानीजू सारन कूखि तुमारी ॥ ऐसे लाल भये तोमेंते जीवन मूरि हमारी ॥१॥ सबहिन रोमरोम सुख पायौ तुमारे ठोटा जाये ॥ दूनी जौति चढी घरघरपै सुंदर लागत गाये ॥२॥ गावत फिरत सकल ब्रजवासी माथे दूब चढ़ाये ॥ श्री विद्डलगिरिधरनलालके आवत लोग बधाये ॥३॥

Janmashtami ki Badhai

Part1-009

Devgandhar

Vidhaata yeh dinn vegi dikhaayau .. joe dinako sabakou

विधाता यह दिन वेगि दिखायौ ॥ जो दिनको सबकोऊ लोचतहै नंदरानी सुत जायौ ॥१॥ जसुमति या ढोटाके लीये कहा देव तुम धायौ ॥ वैगिही भई कूखि तुम सनमुख मनको चीत्यी पायो ॥२॥ फिरि फिरि रहसि सकल ब्रजसुंदर बारति आपु मनभायौ ॥ श्री विद्डलगिरिधरनलालने उर सुख बोहोत जनायो ॥३॥

Janmashtami ki Badhai

Part1-009

Devgandhar

Bhaye abb pooran bhaag tumare .. badade gope kahat nand aage putra janmatain atee hulse vrajraj daan bahu deit .. shree viilgiridharanlal keen

भये अब पूरन भाग तुमारे ॥ बड़डे गोप कहत नंद आगे पुत्र जन्मतैं अति हुलसे ब्रजराज दान बहु देत ॥ श्री विइलगिरिधरनलाल कीं असीस सबनकी लेत ॥४॥ जीवन धन्य हमारे ॥१॥ बोहोत दिनन के सोच जिते है ते सब भूले आज ॥ दोऊ सुत लाये सुख देखो अटल रहो व्रजराज )।२॥ सब द्विज वेद पढ़त ढिंग बैठे तिनके पूजत पाय ॥ मुदरी रतन जटित मनिमाला वसन देत पहराय ॥३॥

Janmashtami ki Badhai

Part1-009

Devgandhar

Nandrani badey bhaag tihaare .. jaaki kookhi bhayau aisee suta

नंदरानी बडे भाग तिहारे ॥ जाकी कूखि भयौ ऐसी सुत जीवन प्रान हमारे ॥१॥ कहा कहूँ या सुखकी बातें उठत चौगुने चाय || सब मिलि हम तुमहीपैं आवति फिरि फिरि पकरत पाय ॥२॥ अपने अपने मन्को चीत्यौ करत सकल व्रजनारी ॥ श्रीविद्ननगिरिधरन लाल पर पानी पीवत वारी ॥३॥

Janmashtami ki Badhai

Part1-009

Devgandhar

Raniju bhale kaam tum keene | hansi hansi kahat sakal

रानीजू भले काम तुम कीने | हँसि हँसि कहत सकल ब्रज सुंदरि जाय पूत सुख दीने ॥१॥ हम यह नई सुन सुन ब्रजरानी मन अभिलाष पुजायौ || तुम पर कहा कहा हम बारें सुंद' बदन दिखायो ॥२॥ एसेई कौतूहल दिनदिन होठ सदा यह आंगन ॥ श्रीविइलगिरिधरनलाल ये अपने कुलके मांडन ॥३॥

Janmashtami ki Badhai

Part1-009

Devgandhar

Sunatahi guhgrihaten uthhi dhaani .. barasganthi aaee lalanki

सुनतही गुहगृहतें उठि धाँई ॥ बरसगांठि आई लालनकी सब फूलत न अधाई ॥१॥ फूलत अति आनंद नंद सब फूलत जसुमति माई ॥ फूलत कुमरि भान सब फूलत आये रहसि बधाई ॥२॥ फूलत गोपवधू मुख निरखत आवत झुंड बनाई ॥ चंद्रावलि ब्रजमंगल रोहिणी आदर लेत बुलाई ॥३॥ सब सुख भरी कूखि जसुमतिकी ताकी लेति बलाई ॥ श्रीविद्लनगिरिधरको सोहिलो पैयत देव मनाई ॥४॥

Janmashtami ki Badhai

Part1-010

Devgandhar

Lalankaun grihagaahaki leey dhaavain || gajmotinke chaukan oopar

ललनकौं गृहग॒हकी ले धावैं || गजमोतिनके चौकन ऊपर अमोल पामड़े बिछावैं ॥१॥ भाये मनोरथ करत सबै मिलि देखिदेखि हीयो सिरावै ॥ चिनि थचिनि बस्तर रतनन आभूषन रचिरचिकैं पहरावैं ॥२)॥ अति सुगंध सोंधो लै लै कर अपने हाथ लगायें ॥| श्री विद्लगिरिधरन कुंवरकों नई नई रीति सिखावैं ॥३॥

Janmashtami ki Badhai

Part1-010

Devgandhar