Suni chully sundari puranbhag .. dhaavati gaavati geet param

सुनि चली सुंदरी पूरनभाग ॥ धावति गावति गीत परम सुख अप अपने अनुराग ॥१॥ शिथिल अलक झलकत सारिन में चंद चुंबत मुख आय ॥ निकसे उमगि रोंमरोंमनते उर अंतरके भाय ॥२॥ जूथन आय भवन भवनते रायरानीजूके पास ॥ श्रीविद्डलगिरिधरनलाल तुम पूजई हमारी आस ॥ ३॥

Janmashtami ki Badhai

Part1-013

Devgandhar

Raniju tumhoonkon yeye dinn aayee .. firi firi kahat yahai

रानीजू तुमहूंकों ये दिन आयी ॥ फिरि फिरि कहत यहै चंद्रावलिं यह सुख वेगि हि पायौ ॥१॥ गोदभरी ऐसे ढोटासों तुमारी भाग फलायौ ॥ शिरपर छत्र आनंदरायसे विधि यह हमहि दिखायौ ॥२॥ ऐसी ऐ भई सुनो रानीजू यह घर पूत कन्हाई ॥ श्री विइ्लगिरिधर तुम जाये हम तन दाह बुझाई ॥३॥

Janmashtami ki Badhai

Part1-013

Devgandhar

Aaj vraj gharghar bajat badhaai .. jasumatirani dhota jaayi

आज व्रज घरघर बजत बधाई ॥ जसुमतिरानी ढोटा जायी लागत परम सुहाई ॥१॥ भादों कृष्णपक्ष शुभ आएें जन्म लियो हरि आई ॥ वसुदेव देवकी मान जगत्त गुरु आनंदकी निधि पाई ॥२॥ बरसानेते भान कीरतिकों लै चलै ग्वाल लिवाई ॥ नाचत गावत करत कुलाहल भादों मास सुहाई ॥३॥ हरद दूब अक्षत दधि कुमकुम सुंदर देत बधाई ॥ रोरी तिलक सबनके माथें मगन भये अधिकाई ॥४॥ बैठे जुरे सब नंद भवनमें शोभा बरनी न जाई ॥ नंदमहोत्सव होत भवनमें मंगलसाज सुहाई ॥५॥ धन्य जन्म करि के अपनो मगन भये नंदराई ॥ श्री विद्इलगिरिधर चिरजीयौ सबहि सुखनिधि पा ॥६॥

Janmashtami ki Badhai

Part1-013

Devgandhar

Bheejee chandravali paramsuhag .. gaavati naachati dey curr taari

भीजी चंद्रावलि परमसुहाग ॥ गावति नाचति दे कर तारी नारीजू खोले भाग ॥१॥ झलकत मांग सुरंग सेंदुर्सा काजर नैन भरे ॥ झलकति डुलकति अंगन सारी सुभ सिंगार करे ॥२॥ मांडे बदन हरद रोरिसों दूध दही और लौनी ॥ श्री विदलगिरिधरनलालके मंगल करत सलोनी ॥३॥

Janmashtami ki Badhai

Part1-013

Devgandhar

Tumroi sabahai merrie maaee .. tumari aavan zaan hamaare

तुमरोई सबहै मेरी माई ॥ तुमारी आवन जान हमारे ऐसौई रहौ सदाई ॥१॥ यह लहनों बड़डेनके पून्यन हमरे प्रकटे आई ॥ हाँ हो और रायजूके पुन्यन तुमरे पुन्य सराई ॥२॥ और भाग तुम ग्वाल बाल के जिनमें खेलत जाई ॥ और भागि इन गाय बछरनके जिनकी करत चराई ॥३॥ और भागि ये दूध दहीके जाकी करत लुटाई ॥ श्री विट्लगिरिधर जहाँ खेलत धनि धनि यह अंगनाई ॥४॥

Janmashtami ki Badhai

Part1-014

Devgandhar

Gokul barshat anand meha .. brahma shiv surpati jaake

गोकुल बरषत आनंद मेहा ॥ ब्रह्मा शिव सुरपति जाके बस सो प्रकट्यो नंदगेहा ॥१॥ बाजे बजत होत कुलाहल शब्द सुन्यो नरनारी॥ ताते चलिये भये भावते अब तन व्यथा निवारी ॥२॥ सजि सजि निकट गामके वासी आये महरिके धाम ॥ गलिनगलिनमें भीर भई बहु पग धरिवे नहीं ठाम ॥३॥ करिकै राय जुहार सबनसों भीतर लये बुलाई ॥ भले पधारेहो जू मेरे करत अनेक बड़ाई ॥४॥ दूध दही छिरकतहैं सबपै मुद्रित ग्वालिनी ग्वाल ॥ ग्रावत विमल विमलयश व्रजजन मंगलगीत रसाल ॥५॥ छिरकत हरद दही पय तरुनी अतिही शोभा देत ॥ हालत खोलत बोलत रसमय ब्रजजन भये सहेत ॥६।॥ अंबर भूषन द्रव्य रायजू दिये सबन मंगाय ॥ जैसौ जाके मनकी मान्यौ लेत हिये सचुपाय ॥७॥ अपने अपने टोल चले वे दे असीस सुखदैन ॥ क्ृष्णदास निरखि यह शोभा महा सिराये नैन ॥८॥

Janmashtami ki Badhai

Part1-014

Devgandhar

Aaj bhalau dinn laagat maaee .. jaayo poot nandjukon raani

आज भलौ दिन लागत माई ॥ जायो पूत नंदजूकों रानी आनंद उर न समाई ॥१॥ गृहगृहतें निकसी व्रजसुंदरि शोभा कही न जाई।॥ झुंडन गावति चलीं रायगृह लीयें संग बधाई ॥२॥ पौढी महरि लियें सुत अपनौ . कैसी लगत सुहाई ॥ श्री विडलगिरिधर चिरजीयौ जुरि सब देखन आई ॥३॥

Janmashtami ki Badhai

Part1-014

Devgandhar

Sunau hoe sapootti jasodarani .. tumhare kumar aadhaar

सुनौ हो सपूत्ती जसोदारानी ॥ तुम्हारे कुमार आधार सबनके कहत हों बात संकानी ॥।१॥ तुम्हारों सुहाग भाग अति पूरन पूतन णोद भरानी ॥ आनंदराय ललनके रससों ऐसेई रहौ सुखानी ॥२॥ अचरा लगे रहौ दोऊ ढोठा मणि रहौ माथें दिपानी ॥ कहा कहूँ और कहत न आवै यह घर ब्रजकी जिवानी ॥३॥ हम मोह भरि सब देत असीसनि रहौ यह बेलि बढ़ानी ॥ श्री विह्रलगिरिधरसों कुंवर गोपी ऐसी रहौ खिलानी ॥४॥

Janmashtami ki Badhai

Part1-014

Devgandhar

Shobha dekhiri nandapgharen .. prakavyau poot sakal sukhdai pooran

शोभा देखिरी नंदपघरें ॥ प्रकव्यौ पूत सकल सुखदाई पूरन भाग भरें ॥१॥ नव सत साजे बाजन बाजैं गावत ग्वाल खरें । छिरकत हरद दही और माखन तन सुधि सब बिसरें ॥२॥ गोरस कीच मची आँगन में पॉय नहीं ठहरें ॥ अंक भरत तरुन वृद्ध बालक काहूसूँ न डरें ॥३॥ दान दिये व नंदरायजू सबके दरिद्र हैँ ॥ कृष्णदास यह कौतुक लखि सुर पुहुपन वृष्टि ॥४॥

Janmashtami ki Badhai

Part1-015

Devgandhar

Vrajamen aaj mahaa anand .. janamyau putra nandjuke adbhut

व्रजमें आज महा आनंद ॥ जनम्यौ पुत्र नंदजूके अद्भुत श्रीगोकुलकौ चंद ॥१॥ विविध भाँतिके बाजे बाजत मंगल गावत नार ॥ ब्रजजन आये नंद बधाये जहाँ नंद दातार ॥२॥ दूध दहीके कुंभ सीस धरि लीयैं हैं वे ग्वार ॥ गोरस सबहिन ऊपर छिरकत कीच भई ग्रह द्वार ॥३॥ मुँह मांगे करे दान नंदजू बाढ़े कीरति कोट ॥ कृष्णदास जे मांगन आये बांधे नवविधि पोद ॥४॥

Janmashtami ki Badhai

Part1-015

Devgandhar

Vrajpati yeh sukh poore bhaag .. jaa nidhikon tapa karat mahaa

ब्रजपति यह सुख पूरे भाग ॥ जा निधिकों तप करत महा मुनि सदा दिवस निशि जाग ॥१॥ सखी बुलावौ मंगलगावौ पूरी मोतिन चौक ॥ इतनी महरि सुनी जब श्रवनन टेरे सब व्रज लोक ॥२॥ वधू सिंगार कियें जब आईं मानों वे शशि डार ॥ भूषन झलके कंचनसे तन लखि सकुची त्रिय मार ॥३॥ और गोप जूथन जुरि धाये लाये मंगलसाज ॥ पौरीजाय तब नंदजूकी पूजै मनके काज ॥४॥ गावत गीत बधाई जुबती होत चित्त अति चाई ॥ विकसित आनन मनहुँ कमल नव उरमें मोद न माय ॥५॥ ग्वाल अचानक है पाछै सिर नावत दधिके माँट ॥ फिरत तहाँ वे विद्लल जित तित सुधि न परे कित बाट ॥६॥ बोलत आपुसमें मन भायौ रहत नहीं कछु कान ॥ सुरनारी आनंदित यह दुति देखन चढ़ी विमान ॥७॥ दिये अति व्रजराज सबनकौं धन मानों बरष्यो मेहा ॥ बोलत कृष्णदास शोभा बन आये वे सब गेहा ॥८॥

Janmashtami ki Badhai

Part1-015

Devgandhar

Sub milli aaviau gaadau bajaavau mridang aaj hamaare laljuki

सब मिलि आवीौ गादौ बजावौ मृदंग आज हमारे लालजूकी बरसगांठ ॥ कनक थाल भरभर मुक्ताफल लै नौछावर करवावों ॥१॥ नवनव पललव वंदनमाला द्वारदवार बैँधावन ॥ आनंदधन प्रभुकौ जन्म सुनतही लाग्यौ सुजस सुहावन ॥२)॥

Janmashtami ki Badhai

Part1-016

Bhairav