Gaavo gaavau mangalchar badhaavi nandaken. aavee aangan kalash

गावो गावौ मंगलचार बधावी नंदकें। आवी आंगन कलश साजिके दधिफल नूतन डार ॥१॥ उरसों उर मिलि नंदराय गोप सबै निहार। मागध सूत बंदीजन मिलिकें द्वार करत उच्चार ॥२॥ पायौ पूरन आस करि सब मिलि देत असीस । नंदरायकौ कुँवर लाड़िलो जीवों कोटि बरीस ॥३॥ तब ब्रजराज आनंद मगन मन दीने वसन मंगाय । ऐसी शोभा देखिकें जन सूरदास बलि जाय ॥४॥

Janmashtami ki Badhai

Part1-031

Asawari

Raniju yeye suta yeh sukh aisee suhag rahee chirko nita maaee.

रानीजू ये सुत यह सुख ऐसी सुहाग रही चिरको नित माई। अब निधरक भय जाय तुम विधि यह बेर सिराई ॥१॥ रानी यह आंगन द्वारे बगरन रहो नित भीर सुहाई । और रहौ गावत गीत ग्वाल सब रहौ वर चौक पुराई ॥२॥ रानीजू तुम रहौ आनंद भरी रस जीवों सुतै खिलाई । और रही आनंदराय खिलावत शुभ गोद बैठाई ॥३॥ रानीजू हम रहें निरखत बदन लालकौ सकल काज बिसराई । श्रीविद्ल-गिरिधर-निधि प्रगटे जुग बहु जतन बनाई ॥

Janmashtami ki Badhai

Part1-031

Asawari

Herry baaje mandilra mahavan | nandrai grih putra bhayo haye harkhi

हेरी बाजे मंदिलरा महावन | नंदराय गृह पुत्र भयो है हरखि देत बहुधन ॥१॥ नाचत गावत ग्वालिनी मिलि बोलत मधुरे वचन । हरदी दूध दही लपटावत उमगे प्रेममगन मन ॥|२॥ नवसत साजि सिंगार नारि मिलि मंगल गावत मुनि जन । श्रीविहल गिरिधारी कृपानिधि नाम यशोदानंदन ॥३॥

Janmashtami ki Badhai

Part1-032

Asawari

Hamaare raay ghar dhota jaayi jasumati kookhi siraiju. suni

हमारे राय घर ढोटा जायी जसुमति कूखि सिराईजू। सुनि सब चलीं गृह गृहते साजि बधायो लाईजू ॥१॥ हरद दूब अक्षत दध्ि कुमकुम कंचन थार सुहाई । नवसत साजि सिंगार यूथ मिलि जसुमति मंदिर आई ॥२॥ देखि नंद आनंद बढ्यौ अति महरि निरखि सुख पाई | तिलक करत आनंद रायकें ले शीश दूब धराई ॥३॥ कोरे चीति संभारि साथिये बंदनवार बंधाई | तिलक करत प्यारे लालनकों नन्‍्योंती दे सुख पाई ॥४॥ सुनिसुनि ग्वालन गाय बहोरी जुरि बालक सब आये । दूध दही माखन काँवरि भरि भरि धरिषरि कांथे लाये ॥५॥ नाचें गावैं करत कुलाहल प्रमुदित है नरनारी । मुख नवनीत लगाई डारि दथि हँसिकें दे कर तारी ॥६॥ महामहोच्छवके रस माते तनमन सुधि बिसराई । महरि झुलावति सुत्हिं पालने आनंद देत बधाई ॥७॥ कुल प्रोहित ढिंग बोलि नंदजू नांदी मुख पितर पुजाये | हेम रत्न पार्टंबर भूषण देत सबन मन भाये ॥८।॥ यह सुख मुख बरनत नहिं आबै निरखि नैन मन फूले। हरखि देवगण बरखत सुमनन कौतुक देखत भूले ॥९॥ देत असीस चले नरनारी यह दिन नित प्रति आवौ | चिरजीयौ जसुमति तेरो सुत ब्रजपति लाड़ लड़ावों ॥

Janmashtami ki Badhai

Part1-032

Asawari

Devak udadhi devaki seep vasudev swanti jall barkhyau hoe .

देवक उदधि देवकी सीप वसुदेव स्वांति जल बरख्यौ हो । उपज्यौ सुवन विमल मुक्ताफल सुनि सुनि सब जग हरख्योहों ॥१॥ निर्मोलिक नग हाथ यशोदा नंदजू को चित्त आकरष्यो | बिधि नारद शिव शेष जौहरी तिनपै जात न परख्यौ ॥२॥ सुर नर मुनि जाकौ ध्यान धरतहैं सो ब्रज जुवतिन निरख्यौ। सोई श्यामा उर हार बिराजत कल्यान श्रीगिरिधर सरीखो ॥३॥

Janmashtami ki Badhai

Part1-032

Asawari

Suni gopijan anand bhaee hain harizuki janm badhaai . curry

सुनि गोपीजन आनंद भई हैं हरिजूकी जन्म बधाई । करि सिंगार चारु अंगनमें देत असीस सुहाई ॥१॥ बदन तंबोल नैन अंजनदे सेंदुर मांग भराई । पिय अनुराग सुहाग भरी नव कुमकुम आड़ बनाई ॥२॥ अंचल तल कुंडल छबि झलकत परत कपोलन झाँई । मानों भोर भयौ रवि कंजन किरण पियूष पिबाई ॥३॥ ग्रथित कुसुम छूटत कबरिनते चरन परत छबि छाई । मानों सोहत मेघ नलिन पर फूल फुही बरखाई ॥४॥ मणि गण हार बिराजत उर पर कंचुकी नील कसाई । मानों श्याम प्रगट हृदय भयौ उर पर झलकत झाँई ॥५॥ झलकत बलय कंज नूपुर ध्वनि मोहन श्रवन सुहाई । मंगल थार संभारि दुहूं कर मंगल गावत आई ॥६॥ मंगल बदन निहारत बारत तन मन धन बिसराई । मंगल पूरब मिले सनेहीं मंगल रूप कन्हाई ॥७॥ मंगल गोप मगन मन नाचत मंगल दथि छिरकाई | मंगल भूषण बसन पहरि सब मंगल दरश दिखाई ॥८॥ मंगल श्रीयमुना गोवर्धन मंगल पुंज भराई । मंगल सुभग पुलिन वृंदावन मंगल लता द्रुम छाई ॥९॥ मंगल हरद तेल चूरन जल सींचत हरख बढ़ाई । मंगल नंद यशोदारानी मंगल निधि प्रकटाई ॥१०॥ मंगल वल्लभ ब्रज मंगल निधि चरन रज सीस चढाई । नित मंगल रसिकनके जीवन मंगल लीला गाई ॥११॥

Janmashtami ki Badhai

Part1-033

Asawari

Bhadombadi nisi aathh bali nandrani suta jaayo kanhai . tihichhin nandrai mukhprafulit vahsukh kahyo naan jaaee ..1.. guruse biprabulav. paharaaun ..18.. kouu kahein curr chumban premses totre bachan bulaaun . kouu

भादोंबदि निसि आठ बलि नंदरानी सुत जायो कन्हाई । तिहिछिन नंदराय मुखप्रफुलित वहसुख कह्यो न जाई ॥१॥ गुरुसे बिप्रबुलाव. पहराऊं ॥१८॥ कोऊ कहें कर चुंबन प्रेमसों तोतरे बचन बुलाऊं । कोऊ कहें मनि जटित खिलोनां लें आइ सों लडाऊं ॥१९॥ सकल सुहागिनि रुचिर भालपर चित्रित कुंकुम आड़े । सेंदुर मांग सवांरि परस्पर हँसत कपोलन गाड़ें ॥२०॥ रतितें सरस सकल कमलासी भवन भवन प्रति डोले । बांधत बंदन माल साथिये तोरन नग बहु मोलें ॥२१॥ चहचारों यह सुनत गोप सब जीततित तें उठि आये | मानों सुरनर अति चतुर काम छबि भेटि महरिको लाये ॥२२॥ कुंकुम तिलक दूब धरि दि घृत दूध महर सिरनायो । नाचत हँसत कोऊ कछु गावत गोरसकीच मचायो ॥२३॥ बाजत दुंदुभी ढोल सप्तसुर ग्राम सहित मूदुबीने | रंभा आदि अपछरा तुंबर तिनहूकी छबि छीने ॥२४॥ पटभुखन बहु मोल वारिके मन वांछित सब दीनें | कहत सदा चिरजीयो लाल यह किये महारस भीने ॥२५॥ कंचन कलस धुजा रंगराजे पीरे चमकत जो हे । कंसादिक जीतन कारन यह चपलात अति सोहें ॥२६॥ लीला सिंधु छबीले श्याम गुन कबि कोऊ कहा बिचारें | वल्‍्लभ कुल यदुनाथ तन धनि व्रजाधीश उर धोरें. ॥२७॥ जोतसी भुखन बसन बनाई । स्वस्तियन जाति कर्म पुत्रकों करत तवें चितचाई ॥२॥ पितर देवपूजा सुभ बिधिसों कीनी बेदबताई । मानों तिहूं लोक जीति अब लीये कीरति जग प्रगटाई ॥३॥ गैयां तुरत सिंगारि द्विजनकों दीनी तिन मन भाई । मानों सदा सब देत कामनां सुरभी सुद्धी बिसराई ॥४॥ तिल गिरिरत्न अमोल दान करि मंगल स्वस्ति पढ़ाई । मानों कुबेरसें किये सकल द्विज संपति कितिक लुटाई ॥५॥ तब सुनि गोप वधु घरघरते निकसी गावत बधाई । मानों नंदघर सागर मिलिवेको बिबिध त्रिवेनी आई ॥६॥ सुंदर बदन कमल ससि सरसे बरसे सुधा मिठाई । कंचन दामिनि तें तन सुंदर खंजन नेन निकाई ॥७॥ सोभित कान तरुकली झुमक रंगरंग नगन जड़ाई ॥ भानों शुक्र कुंज गुरु बुध हितसों बेठे करि समताई ॥८॥ सारी झीनी हँस गज गवनी ओर सभा बसुधाई । लहेंगा बहु रंग कंचुकी गाठी बेनि सिथिल गुहाई ॥९॥ सुभ्न कुसुम सुधरे केसनतें गिरत पण न ढिग जाई । कीरति लपट मानों मधुकर सब पीवत कजन रसधाई ॥१०) हार पदिक चमकत मुख चिबुकें नूपुर पग अरुनाई । मानों तीयरुप कमल फुलवारी रची विविध रंग झाई ॥११॥ कंचन थाल लियें सब कर मृदु कुंकुम आदि धराई ॥ मानों उदें राव बहुत सरसके केवलनपर हित ठाई ॥१३॥ प्रेम मग्न व्रजराज कुंवर में तन सुधि सब बिसराई। अति सुगंध लपटी चहुं दिसतें जसोमति निकट बुलाई ॥ १३॥ पूरन परमानंद रूपकों निरखत द्रगन अघाई । सकल कला ससिउदित ढिज मानों जुगजुग तिमिर नसाई ॥१४॥ पूजत नंदरानी सुत तिहिछिन बोलत सुधा सनाई ॥ भाटन ओर सुततरुनी गन कीनी कबित बडाई ॥१५॥ पूछत नाम करन रिषि सब मिलि गर्ग बतायो सो केंसों ॥ केंहे अचल सुखद ब्रज मंडल ओर न दूजो एसो ॥१६॥ तुम्हारे मन अभिलाख हती यह दिन दिन होते सवायो । अबिचारित धन मन ज्यों त्यों यह परम पदारथ पायो ॥१७॥ कोऊ कहत यह सिसु उछंग ले यह छिनु कंठ लगाऊ कोऊ कहत तन पीत झगुलिया उर करला

Janmashtami ki Badhai

Part1-033

Asawari

Bhaag bado jasodaju nand koo pragate kunwar kanhai hoe ..

भाग बड़ो जसोदाजु नंद को प्रगटे कुँवर कन्हाई हो ॥ जबते जन्म भयो ढोटाकों तबतें नव निध पाई हो ॥१॥ ऊपमाँ कहा कहों बालक की मोपें बरनि न जाई हो ॥ कोट कुबेर सिंघ द्वारे ठाड़े तिनसों हम बड़ाई हो ॥२॥ जरा वियोग रोग भय नाही घरघर मंगल गाई हो ॥ और महा सिध भवन भवन प्रत सूरदास बलजाई हो ॥३॥

Janmashtami ki Badhai

Part1-033

Asawari

Nandrai pramudit shree jasomati suta jaayo sukhdai houn ..

नंदराय प्रमुदित श्री जसोमति सुत जायो सुखदाई हों ॥ भादों कृष्ण अष्टमीकी निसि अचल महानिधि आइहो ॥१॥ तरुनी गन नख सिख सजीआई गावत कहत बधाई हो ॥ पूरत चोक बिबिध रंगनके मंगल कलस धराई हो ॥२॥ बेरख बंदन माल ग्रेह प्रति बसुधा सुधा बनाई हो ॥ वाजत पंच शब्द सुथरे सुर जाचक आस पुराई हो ॥३॥ द्विज वर सबकों देत दछिनां कीरति त्रिभुवन गाई हो |! सब जय अमित संपदा फेली व्रजजन अति चित चाइ हों ॥४॥ तरुनि गनकों रंगरंग सारी देत असीस महाई हो ॥ गाय बच्छ व्रजबासी प्रफुलित जमुनां बन सरसाई हो ॥५॥ सेवकजनकी पूरी आसा देव कुसुम बरखाई हो ॥ ब्रजाधीश चिरजीयो लाडीलो सोभा बरनी न जाई हो ॥६॥

Janmashtami ki Badhai

Part1-035

Asawari

Poot bhayori nandraayaken naanchat gawat gwal .. badat naan

पूत भयोरी नंदरायकें नांचत गावत ग्वाल ॥ बदत न काहू जगमें आली वारत हाटकलाल ॥१॥ हरद दूब दधि मांखन छिरकत जब प्रगटे गोपाल ॥ चतुरबिहारी संतनके हित गोकुल आये परम कृपाल ॥२॥

Janmashtami ki Badhai

Part1-035

Asawari

Putra bhayo haye aaj srivrajraje . pratham yathaamati barnahi houn

पुत्र भयो है आज श्रीव्रजराजे । प्रथम यथामति बरनही हों पुष्टि मारग रसरूप । भूतल प्रगट भये आयकें हो श्रीगोकुलके भूष । श्रीत्रजराज के दूर गये दुश्ख भाज ॥ श्रीव्रजराजके. ॥१॥ व्रजवासी सब सुनतही हो आवत चहुंदिश धाय । लै काँवर दूधकी हो तनकी सुधि बिसराय ॥ श्री. ॥ जिन छांड दिये घरकाज ॥ श्री.!२॥ हरद दूधदधि अक्षत कुमकुम देत परस्पर सींच । भीर भई नंदद्वारमें हो आंगन माची कीच ॥ श्री. ॥ तिन तजी लोककी लाज ॥ श्री. ॥३॥ नंदभूप कर नचावहींहों देह दशा गये भूल । मंगल स्नान करावहीं मन पुत्र जन्मकी फूल ॥ श्री. ॥ सुत सबहिनके सिरताज ॥श्री.॥४॥ गर्ग परासर बोलकें हो जातकर्म कर नंद । श्रुतिपुरान गुन गावहीं हो प्रकटे आनंद कंद ॥श्री.॥ करत वेदधुनि गाज ॥श्री.॥ ५ ॥ चंदन भवन लिपावहीं हो धरत साथिये चीति । मोतिन चौक पूरावहीं हो करी वेद विधि रीति ॥लि.| कलश लिये सब साज ॥श्री.॥६॥ उडुंदुभि देव बजावहीं हो चहुंदिशि घुरे निशान । बहुविध बाजे बाजहीं हो करत सप्तसुर गान ॥श्री.]] ग्रावत्र सहस समाज ॥श्री.।७।| देत असीस सबै व्रजनारी जसुमति कूख सिराय । मंगल साज सिंगार सुभग तन मेर धरत लै आय ॥भश्री॥ चरन नूपुर धुनि राज ॥श्री.॥८॥ जाचक जन मनि माल पैहराई विप्रन दीनी गाय । सोना मोती हीरा पन्ना दीये भंडार लुटाय ॥अश्री.॥ देत ब्रजराज ॥श्री.॥९॥ श्रीवृषभान आदि गोपनकों बोहोत करबौ सनमान । प्रकट्यी नंददासकी ठाकुर देत अभय पद दान ॥श्री.॥ तुम करो श्री गोकुलराज ॥श्री.॥१ ०॥

Janmashtami ki Badhai

Part1-036

Dhanashri

Aaj badhaavo maaee nand darbar .. vraj banita milli mangal

आज बधावो माई नंद दरबार ॥ व्रज बनिता मिलि मंगल गावे ॥ सजि चलो कंचन धार ॥१॥ धुजापताका कदली रोपो द्वारें बंदन वार सकल सुवासनि धरो साथिये जसुमति परम उदार ॥२॥ कंचन सींकधरो अति सज्ञित मुक्ता लसत सुढार ॥ प्रफुलित भये कमल मुखमानों दिनकर किरनि अधार ॥३॥ लालहि देखत सब सुख उपजत वारत नग मनिहार ॥ गरीबदासकों दइहें पंजीरी बोलि सकल परिवार ॥४॥

Janmashtami ki Badhai

Part1-036

Asawari