Aaj suhaayau ree maaee . dekhat hott param sukhdai ..1..

आज सुहायौ री माई । देखत होत परम सुखदाई ॥१॥ महरि यशोदा ढोटा जायो । आनंदरायकों वंश बढायौ ॥२॥ सगरे घोख कुलाहल भारी । गृहगृहते निकर्सी ब्रजनारी ॥३॥ सुंदर मांग जटित नग टीके। प्रफुलित बदन लगत हैं नीके ॥४॥ मोतिनहार भार आनंदके । भायन लहरि उठत हिय उनके ॥५॥ मंगलथार जटित कर लीने । गावत गीत घोर सुर - कीने ॥६॥ बेगिबेगि पग धरत उताल | देखे आय रायजूके लाल ॥७॥ धन्य घरी यह पूत हौनकी । धन्य कूखि जसुमति सौनकी ||८॥ जसुमति हम तुम पर बलिहारी । अपने कुलकी करी रखवारी ॥९॥ नाचत ग्वाल गोप : रसगावें । फिरफिर नंदमहरजूके आवें ॥१०॥ दध्ि माखनके मॉट उठावें नरनारिनके सीस नवावें ॥११॥ फूले फिरत सबै रंग भीने । उतारि भूषन वसन बहु दीने ॥१२॥ बैठे रायजू वेद पढावें । अपने लालके नक्षत्र दिखावें ॥१३॥ पाँय पूँजी विप्र पहराये | दीये दान आप मन भाये ॥१४॥) फिरि हसिकें वृषभान बुलाये । और सब लरिका गोप उठाये ॥१५॥ पहराये भान गोप जे राजा । कहत किये तुम पूरन काजा ॥१६॥ ढाठी मागध चारन बोले | गहने चीरन देत अमोले ॥१७॥ फिरि सारी अति सुरंग मंगाई । ब्रजसुंदरि सगरी पहराई ॥१८।। सबहिनके कीये सनमान । बैठे राय महाबल दान ॥१९॥ कोरेन साधथिये वंदन वारे । झूमि रहे सबहिनके द्वारे ॥२०॥ सुनि गायनके ठाठ मंगावें । विधि करिके विग्रनको दिखावें ॥२१॥ वीथी प्रेमनदी छबि पावें । नंद सदन सागरको थावें ॥२२॥ श्रीविह्ठलगिरिधर निधि रासी । फूलि गये सगरे ब्रजवासी ॥२३॥

Janmashtami ki Badhai

Part1-037

Dhanashri

Badhaai maaee aaj badhaai ..pru.. aaj badhaai sub vraj

बधाई माई आज बधाई ॥प्रु.। आज बधाई सब ब्रज छाई | व्रजकी नारि सबै जुरि आईं ॥१॥ सुंदर नंदमहरजूके मंदिर । प्रगस्यौ है पूत सकल सुख कंदर ॥२॥ होत ही ढोटा व्रजकी शोभा । देखि सखी कछु और ही ओभा ॥३॥ मालिनसी जहाँ लक्ष्मी लोले । बंदनवार बाँधती डोलै ॥४॥ बगर बुहारत फिरत अष्टसिधि । कोरेन साथिया चीतति नवनिधि ॥५॥ ग्रहग्रहतें गोपी गमनी जब । रंगीली मलिनमें भीर भई तब ॥६॥ बीथी प्रेमनदी छबि पावें । नंदसदन सागरकों धावें ॥७॥ हाथन कंचन थार रहे लसिे । कमलन चढ़ि आए मानों शशि ॥८॥ मंगल कलस जगमगे नगके । भागे सकल अमंगल जगके ॥९॥ फूले ग्वाल मानों रणजीते । भये सबनके मनके चीते ॥१०॥ कामधेंनुते नेक न हीनी । द्ै लक्ष गाय द्विजनकों दीनी ॥११॥ नंदराय तहाँ अति रस भीने । पर्वत सात रतनके दीने ॥१२॥ नंदराय गृह मॉगन आये । ते बहोरयों मांगन न कहाएं ॥१३॥ घरके ठाकुरकें सुत जायौ । नंददास तहा सब सुख पायौ ॥१४॥

Janmashtami ki Badhai

Part1-037

Dhanashri

Nandrayake bhawan badhaai ..dharu... chalo sakhee milli mangal

नंदरायके भवन बधाई ॥धरु.॥ चलो सखी मिलि मंगल गावीो । मन आनंद सिंगार करावो ॥१॥ आंगन मांझ भईं सब ठाड़ी । जहाँ प्रभा अति भारी बाढ़ी ॥२॥ भरत परस्पर नारी आंकौ । खेलत हैं वे निपट निसाकौ !॥३॥ चहुंदिशि ते वे बाजे बाजें । एक ओर जुवती सब गाजें॥४॥ जो कोऊ ऐसो औसर पावत । दूध माँट सीसते नावत ॥५॥ आंगन दथि घृत पयके सागर । प्रगट भयो सुत ब्रज उजियागर ॥६॥ अति भई राय सदनमें शोभा । देखत ही सबको मन लोभा ॥७॥ दियो सबनको मुखको भाख्यो। दान मान गोकुलको राख्यो ॥८॥ और अधिक कछु कहत न आवे । निरखत रसिक प्रीतम सुखपावे ॥९॥

Janmashtami ki Badhai

Part1-038

Dhanashri

Jasumati suta janm suni phoole vrajrajaho . badebais pooran ghar

जसुमति सुत जन्म सुनि फूले ब्रजराजहो । बडेबैस पूरन घर आयौ यह काजहो ।।१॥ ब्रज गाय सिंगारी सब बसन भूषण साज । देखनकों आय जुरे गोपी गोप समाज ॥२॥ सगरे मिलि नायें गावे छांड़ि लोक लाज॥ दूध दही माखन लै छिरकें करि गाज ॥३॥ नंद सबन दीने थेनु रतन बसन नाज । प्रगट भये रसिक प्रीतम गोकुल सिरताज ॥४॥

Janmashtami ki Badhai

Part1-038

Dhanashri

Maaee ranilaron jaaiyo arrie sub naacho gaavo aaya .

माई राणीलारों जाईयो अरी सब नाचो गावो आय । आनंदरायके घर सोहिलो बिधि दीनों है तरसाय ॥१॥ आवो चंद्रावली रोहिनी राधे लेहु गोद उठाय । आवी ब्रज सुंदरि भावति ब्रजमंगल लेहु बुलाय ॥२॥ सारी पहरौ झिमझिमि नखसिख सिंगार बनाय । काजर देहो गहगह्ौ मुख पीयर बहुत लगाय ॥३।| यह घर पूत सुहावनौ यह आनंद कहू न माय । श्रीविव्ठल आंगन रायके सिर हरद दही लपटाय ॥४॥

Janmashtami ki Badhai

Part1-038

Dhanashri

Sohilra nand mahar ghar jasumati jaayau haye poot .ghru...

सोहिलरा नंद महर घर जसुमति जायौ है पूत ।घ्रु.॥ ज्ञाति कर्मकौं ब्रजपति आये लियें विप्रकी भीर ॥ गाय बच्छ सब जुरिकें लाए तिनके संग अहीर ॥१॥ नांदीमुख करि दई विप्रन हरखि असीस सुहाई । पंच शब्द मिलि बाजन लागे व्रजजन संग लगाई ॥२॥ जबही यह बात सुनी सुख की बरसाने बजी बधाई | कीरत सहित वृषभान गृह आये भई है सजन मन भाई ॥३॥ जब जसुमतिजू सुनी ये बातें कलश पंच बड़कीने ॥ मंगल बोहोत बजाय घोखमें भान भवनमें लीने ॥४॥ बाल देखि परिक्रमा दीनी टीकौ भेंट मंगाई । अति आनंद भयौ सबहिनके मनमें धरी है सगाई ॥५॥ मुनिके बचन सत्य करि माने बिदा महरिपि मांगी । गदगद पुलकी रोम भये ठाड़े दरशन दे बड़भागी ॥६॥ अपनी अपनी काँवरि कांधे धरें शीशनपर माँट । दै शिर दूब बेँंधावत माथे बंदीजन और भाट ॥७॥ गरीबदास कछु यह जस बरन्यो लघुमति अपनी घातें । जसुमति बोलि पंजीरी दीनी व्यास वंशके नातें ॥

Janmashtami ki Badhai

Part1-039

Jethsri

Kamal nayan sasibadan manohar dekhiye vichitra gati ..| syaam

कमल नयन ससिबदन मनोहर देखिये विचित्र गति ॥| स्याम सुभगतन पीत बसन हुते उरबन माल सोहे अति ॥१॥ नखमणि मुकुट प्रभा अति उदित चितें चकित उन मांन न पावत ॥ अति प्रकास निसि बिमल तिमिर छटे कलमलाय पतिहि जगावति ॥२॥ दरसन मुखी सुखी अति सोचति खट सुत सोच सुरति अति आवति ॥ सूरदास प्रभु होऊ पराकृत भुजा चारिको चिह्न दुरावति ॥३॥

Janmashtami ki Badhai

Part1-039

Dhanashri

Aaj sakhee sapanen shree gokul sovan phoolan fulyo .. tihi samein shabd sunyo tama charko mero munn anand bhoolyo ..1.. suno hoe saheli

आज सखी सपनें श्री गोकुल सोवन फूलन फूल्यो ॥ तिहि समें शब्द सुन्यो तम चरको मेरो मन आनंद भूल्यो ॥१॥ सुनो हो सहेली गुनगहेली सपनों भावहें नीको ॥ नंद बबाजीके पुत्र भयो हें भांवतो सबहीको ॥२। हों अपने गृहतें उठी रावर मांगत जात मथानी ॥ पहली पोरितिं सुनि आइ ब्रज बधाई जानी ॥३॥ अरी भटू में सुन्‍्यो नांहिनें तेरे कहाँ सुधि पाईं ॥ भली भई विधि कूख सिरानी गोरी जशोदा माई ॥४॥ एक सखी अब धावत आवत लें मुक्‍्ता मनिमाल ॥ हस्त कमल सिर सोंह करत हों भयो हे नंदजूकें लाल ॥५॥ सहज सिंगारजु जेंसें तेंसें अति आनंदित धाई ॥ अक्षत गोमय दूब सींकरज मंदिर बंधन आई ॥६॥ ओर सखी मिलि धावत आवत अंचल सूरति बिसारी ॥ साथीपूरेकी सोंज चलोलें कर धरि कंचन थारी ॥७॥ मधुर मधुर सुर गावत आवत गीत जसोमति भाये ॥ बिहसि कह्यों सबसों पाय लागनों तुम असीस फल पाये ॥८॥ अति विचित्र बहु धरत साथिये गृह मंडत बहुवेसा ॥ कंचन कलस सकल व्रज बेरंख बंदनवार सुदेसा ॥९॥ परम उदार नंदजूकी रानी सकल सुवासनी बोली ॥ बरन बरनके सारी लहेंगा ओर कटावकी चोली ॥१०॥ मोहन उपर वारि न्योछावर करत प्रान बलिहारी ॥ पाय लागी मुख चूंबि गोदलें खगुवावों रख गुवारी ॥११।! आंखि अजावन नंद सुहागिन पाई हे नूपुर झारि ॥ साथीयरेकी सोंज चलो लें करमहि कंचन थारी ॥१२॥ हसि व्रजराज खिरकमें आये जहां सुरभिन की ठाटी ॥ दिये घूमरि घोरीके खेला ओर पियरे मुखपाटी ॥१३॥ शत्रु मारि भुवभार उतारे जन साधुनके काजा ॥ वुंदारण्य बिहारी हूजो सकल लोकके राजा ॥१४॥ उर अंचल लें देत असीसा बिनती सुनहु बिधाता ॥ सकल भोग नंदराय भोगवें जुग जुग उरकु सराता ॥१५॥ दास गुपाल साथ यह लीला गुन गोविंद जुके गावें । हरिभक्तकों होऊ कृपानिधि सकल पदारथ पावें.. ॥१६॥

Janmashtami ki Badhai

Part1-039

Jethsri

Yeh chirjiyo tumare bhaagya badehi paayau . leti balaay sakal

यह चिरजीयो तुमारे भाग्य बड़ेही पायौ । लेति बलाय सकल गोपीजन तुम ऐसौ सुत जायो ॥१॥ अति आनंद भयौ सबहीकें घरघर बजत बधायो ॥ शोभा कही न जात या व्रजकी जबते ये घर आयो ॥२॥ यह उच्छाह समात न मनमें अति रस मंगल गायो ॥ श्रीविहल गोकुलके जीवन गिरिधर सुख उपजायीौ ॥३॥

Janmashtami ki Badhai

Part1-040

Sarang

Taadhi kahati sakal vrajnari .. tumari suta chirjivo hoe raani

टाढ़ी कहति सकल व्रजनारी ॥ तुमारी सुत चिरजीवो हो रानी बांधी सुखकी पारी ॥१॥ जादिन ते तुम्हारे गृह प्रगटे भये सबन मन चाय ॥ फूले ग्वाल गोप अति डोलत फिरिफिरि रस गुन गाय ॥२॥ नेंकहु रह्मौ न जात भवनमें और कछू न सुहाय ॥ श्रीविद्डल प्राननके प्यारे ग्रिरिधर उर लपटाय ॥३॥

Janmashtami ki Badhai

Part1-041

Sarang

Varasganti yaa nandrayake sabakou hulsat karat badhaaye ..

वरसगांटि या नंदरायके सबकोऊ हुलसत करत बधाये ॥ पहलें तो प्रकटे ऐसे तब इनकें ऐसे सुत आये॥१॥ मंगलचार होत अति दूनों गजमोतिनके चौक पुराये ॥ ललनबबाकौ आजसोहिलौ व्रजनारिन मंगल जुरि गाये ॥२॥ देत दान सबही विप्रनके और बैठि करि वेद पढ़ाये ॥ डुहूँ ओर राजत दोऊ छोटा व्रजराज चौकपर लगत सुहाये ॥३॥ बाजे बजत भीर अति भारी गॉमगाँमतें गोप बुलाये ॥ आरती होत होत नोछावरि नरनारी उठि सब पहराये ॥४॥ विंहसत सुख मानत नंदरानी जिन यह कुँवर लाड़िले जाये ॥ श्रीविद्लगिरिधरन राय बलि ये ढोटा व्रजनंद लड्याये ॥५॥

Janmashtami ki Badhai

Part1-041

Sarang

Baras gaanthikon chauk aaj prajaraanikon yeh lagat suhaayau ..

बरस गाँठिकों चौक आज प्रजरानीकों यह लगत सुहायौ ॥ गावत गीत सकल व्रजसुन्दरी सुखके मूलकी यह बधायौ ॥१॥ दोऊ कुँवर राजत अचरा गहें और बैठे ढिंग हँसि व्रजराय ॥ धन्य कूँखि रानी तिहारी सुख देखति जसुमति सी जाय ॥२॥ चाइन देति चौक मोतिनके अतिही हुलसत सब व्रजनारी ॥ तिलक करति अक्षत रोरीसों और आरती उतारी ॥३॥ ए चारयौ सोहिले सुनो रानी बेगि तुमारे गृह आवौ । गाम गामते सब नरनारी ऐसेंई दिनदिन न्‍्योति बुलाबी ॥४॥ ऐसेई आनंद होत जन्म भरि ऐसेई बाजे गाजि बजावो । श्रीविड्लगिरिधर दोऊकों माई बाबा तुम सदा मल्हावी ॥५॥

Janmashtami ki Badhai

Part1-041

Sarang