Aaj nandke anand . aanandamen naachat gopi sub pragate

आज नंदके आनंद । आनंदमें नाचत गोपी सब प्रगटे गिरिधरचंद्र ॥१॥॥ नाचत गोपी ग्वाल आंगनमें अनेक सिंगार करें । गावत गीत प्रेमसों भींजे माथे दह्मौ धरें ॥२॥ खेलत हँसत देत करतारी नाचत सुधि न संभारें । लटकि लटकि भुज धरत सबनपर अति रससों सबधारें ॥३॥ देत बधाई लेत रायपै सब ब्रज मगन भये । श्री विहलगिरिधरनलालनें सब सुख आय दये. ॥४॥

Janmashtami ki Badhai

Part1-042

Sarang

Chalau bhaiya anandarayapen jaiye | jasumati laal laadilo janmyo

चलौ भैया आनंदरायपें जैये | जसुमति लाल लाड़िलो जन्म्यो कछुक बधाई पैये ॥१॥ याचक जन आबत मांगनकों सुरभी हेम पट दीने॥ दुख दारिद्र नसे सबहिनके जन्म अजाचिक कीने ॥२॥ घुरत निशान शब्द सहनाई बाजत है जो बधाई । मानिनी सब मिलि मंगल गावति मोतिन चौक पुराई ॥३॥ कौन पुन्य तप कीने नंदजू कहै न आवै पार । परमानंद प्रभु बैकुंठ जाके ब्रज लीनौ अवतार ॥४॥

Janmashtami ki Badhai

Part1-042

Sarang

Raani anandason hansi deti | gaamgaamten gyalini aaeen tinco

रानी आनंदसों हँसि देति | गामगामतें ग्यालिनि आईं तिनको आदरलेति ॥१॥ ऐसोहूँ दिन करयौ विधाता बहोरि जन्मको आई । हरद दूब अक्षत थारनमें शोभितकर कर धर लाई ॥२॥ मायथें तिलक करत लालन के दोहरी बजत बधाई । श्रीविद्डनगिरिधरनलालकौ मुख देखत न अघाई ॥३॥

Janmashtami ki Badhai

Part1-042

Sarang

Mangal gaavati hain vrajnari . baahiraten ghar bheetar aavat dekhat

मंगल गावति हैं ब्रजनारी । बाहिरतें घर भीतर आवत देखत बदन उघारी )!१) नाचत ग्वाल गोप रसभीने और नाचत नंदराय । काहू गिनत नहीं उर अंतर ब्रजजन सब सुखपाय ॥२॥ अति उच्छाह बढ्यौ सबहिनके कोऊ कित्तहूँ न समाई ॥ श्रीविड्लगिरिधरन मनोरथ सबके पूजये आई ॥३॥

Janmashtami ki Badhai

Part1-042

Sarang

Aaj mahavan mangalchar . puranchandra pragate jasumati grih bhaktan

आज महावन मंगलचार । पूरनचंद्र प्रगटे जसुमति गृह भक्तन प्राय आधार ॥१॥ बजत बधाई अति मनभाई सुनि आई ब्रजनारी । गावति मंगल धरत साथिये बांधत बंदनवार ॥२॥ फूले ग्वाल करत कुतूहल देत हैं बसन उतारी । ढोटा भयौ है नंदरायकें नाचत सब नरनारी ॥३॥ देत दान राय मनभाये भरिभरि रतनन थार । देधिकौ उदधि भयौ आंगनमें कीच मची सिंघद्वार ॥४॥ निकरसीं देत असीस सबै मिलि सुंदरि परम उदार ! यह शोभा कछु कहत न आवै दास निरखि बलिहार ॥५॥

Janmashtami ki Badhai

Part1-042

Sarang

Anandaki nidhi nandkumar . pragat paritrahm nutt bhesh naraakrit

आनंदकी निधि नंदकुमार । प्रगट परित्रह्म नट भेष नराकृत जगमोहन लीला अवतार ॥१॥ श्रवनन आनंद लोचन आनंद मनमें आनंद आनंद मूर्ति | गोकुल आनंद गाइन आनंद नंद यशोदा आनंद पूर्ति ॥२॥ सब दिन आनंद धेनु चरावत बेंनु बजावत आनंदकंद | खेलत हँसत कुतूहल आनंद राधापति वुृंदावनचंद ॥३॥ शुकमुनि आनंद भकतन निशदिन आनंद रासविलास। चरनकमल अनुराग निरंतर अति आनंद परमानंददास ॥४॥

Janmashtami ki Badhai

Part1-043

Sarang

Nandrani suta jaayau maharike mandir begg chalauri .. chully jaau

नंदरानी सुत जायौ महरिके मंदिर बेग चलौरी ॥ चली जाऊ वह वाट सामई जाकी ऊँची पौरी ॥१॥ सोने सींक धरौ लै साधिये चंदनसों चरचौरी । बंदनवार द्वार द्वारन प्रति बीच आमकी मौरी ॥२॥ दिये महावरी पॉयन चायन नाइन लै लै दौरी ॥ उठी सदनते बसन सँभारौ भूषन सबे सजौरी ॥|३॥ आवो गावो बैठो सब मिलि पूजो शंकरगौरी । ब्याह बधाये काज पराये विलंब न कीजे बौरी ॥४॥ नाचत बिर्ध तरून और बालिक बीच बीच लरकौरी ॥ चोबा चंदन बंदन दीये दीये केसरखौरी | सकल उछाह भयौ या ब्रजमें भाजि गयौ सब भौरी । जनगोविंद वीर बलभद्रकी सबहिन लागी ढौरी ॥६॥

Janmashtami ki Badhai

Part1-043

Sarang

Chalo bhaiyaho nandmahar ghar baajat aaj badhaai . jaayo poot

चलो भैयाहो नंदमहर घर बाजत आज बधाई । जायो पूत यशोदारानी गोकुलमें निधि आई ॥१॥ कोऊ वन जिन जाऊ गायले आवो चित्र बनाई । करो कुलाहल नाचौ गावो हरद दही लपटाई ॥२॥ छिरकत चोबा चंदन वंदन हरद दूब वेराई । माखन दूध दहीकी कादों भादोंमास मचाई ॥३॥| नाचत गोपी मंगल गावति घरघरतें सब आई । विहँसित बदन नैन तन पुलकित उर आनंद न समाई ॥४॥ बाजत ताल पखावज आवज बिचबिच बैन सुहाई । जयजय ध्वनि सब बोलत डोलत पुनि कुसुमन बरखाई ॥५॥ परम उदार सकल ब्रजवासी घरघर बात लुटाई । जाचक धन ले भये अजाची व्यास चरन रज पाई ॥६॥

Janmashtami ki Badhai

Part1-043

Sarang

Nand munn anand bhayau atee putra janam suniken munn phoole daan

नंद मन आनंद भयौ अति पुत्र जनम सुनिकें मन फूले दान देति जियमें बाढ़ी रति ॥१॥ करत बेद धुनि विप्र बिमल मन येई्ट है यति । सूरदास प्रभुकी सुंदरता देखि लजानों रतिपति ॥२॥

Janmashtami ki Badhai

Part1-044

Sarang

Aajukau tilak nandamaharghar . magan sabain naachat naari

आजुकौ तिलक नंदमहरघर । मगन सबैं नाचत नारी नर ॥१॥ जायौ पूत जसोदारानी | भोहन मूरति सब सुखदानी ॥२॥ रंगरंग पहरे अंबर गोपी । सुंदरता देखि उपमा ल्ोपी ॥३॥ सोभित मंगल बाजे बाजत । हरद दही घृत छिरकत लाजत ॥४॥ तनमन फूले सब सुख सानें । पर जुबती पर पुरुष न जानें॥५॥ भरि भरि भाँवरे लेत सु अंक । बरख्यौं गोरस माची पंक ॥६॥ सुनि सुनि फूले सब व्रज के जन । मुदित महामन देत सबै धन ॥७॥ द्विज बंदी जन मंगत जनगन । नंद दयौ भायौ जाके मन ॥८॥ दामोदर हित कीरत गाऊँ । माँगौ प्रेम बधाई पाऊँ ॥९॥

Janmashtami ki Badhai

Part1-044

Sarang

Nandmahar ghar baaje badhaai . jasumati koonkh pragat bhaye srihari

नंदमहर घर बाजे बधाई । जसुमति कूँख प्रगट भये श्रीहरि आनंदकी निधिआई ॥१॥ मंगल साज लियें व्रजसुंदरि गावत गीत सुहाई । आनंद अधिक बढ्यौ निरखत हैं फूली अंग न माई ॥२॥ नंदराय बहु दान देत हैं मानो घन झरलाई । हरखित भये सकल व्रजके जन क्रृष्णकौ किंकर बलिजाई ॥३॥

Janmashtami ki Badhai

Part1-044

Sarang

Badhaaye aaj nandmahar ghar phoole firat narnari . aeka gawat

बधाये आज नंदमहर घर फूले फिरत नरनारी । एक गावत एक भुदंग बजावत एक नाचत दे दे तारी ॥१॥ तोरन चित्र संवार साथिये द्वार बांधी बंदनवार । जगन्नाथ प्रभु प्रगटे ब्रजमें सब भक्तन हितकारी ॥२॥ # राग सारंग ऋ सोरन कलस धुजा पौरिनपर आछी भाँति सवारें । हरद दही रोरिनके छिरके सब गोपिनके द्वारें ॥१॥ भीर रहत नरनारिनकी यह गावत गीत बधाये । काहू नहीं सुहात कछु अब ललन भाँवते पाये ॥२॥ आनंदमें बीतत सगरी दिन इन ढोटा के जाये ॥ श्रीविह्लगिरिधरन प्रगटिकें बहुत बधाए गवाये.. ॥३॥

Janmashtami ki Badhai

Part1-044

Sarang