Anandarayaju kein param badhaayau. sabahin bhaag suhag sub neekau

आनंदरायजू कें परम बधायौ। सबहिन भाग सुहाग सब नीकौ महरि जसोदा जायौ ॥१॥ झुंडनि आवत मंगल गावत सुभग सिंगार कियौ । मुख आनंद चंद बरखाये होत प्रफुल्लित हियौ ॥२॥ लेत बलाय आछी रानीकी जाति सबै बलिहार ॥ धरत सुधारि सवारि साथिये रोपत बंदनवार ॥३॥ छिरकत हरद दहीं रोरिनसों नॉचत किलकत ग्वाल ॥ लाल उधारे तनन बिसारे अरु नांचत व्रजवाल ॥४॥ बांह उठायें कहत सुख पाये पूरे काज हमारे ॥ श्रीविहल गिरिधर शुह प्रगटे रायजू पुण्य तुम्हारे ॥५॥

Janmashtami ki Badhai

Part1-045

Sarang

Kahau vraj gopi gope badhaai .. gavahu nandrani suta jaayau

कहौ ब्रज गोपी गोप बधाई ॥ गावहु नंदरानी सुत जायौ बालकृष्ण निधि पाई ॥१॥ थेंनु रची द्विज कंचन दीये जाचक जन नेंदराई ॥ ब्रजाधीश प्रभु सुनि व्रजनारी कुसुम झरी बरखाई ॥२॥

Janmashtami ki Badhai

Part1-045

Sarang

Badhaayo aaj bhayau sakhiri jasumati jaayau poot .. subh bohor

बधायो आज भयौ सखीरी जसुमति जायौ पूत ॥ सुभ बोहोर धुनि गावत नरनारी मानो सदन पुरहूत ॥१॥ नंदराय प्रमुदित बिधि दीये दान विप्र मागंध जन सूत ॥ ब्रजाधीश प्रभु गोकुल राजी दूरि करन कलि धूत ॥२॥

Janmashtami ki Badhai

Part1-045

Sarang

Shree gokul sukhad sadaa sakhee nandrai sadan sobhit jasumati

श्री गोकुल सुखद सदा सखी नंदराय सदन सोभित जसुमति सुत प्रगट भये व्रजजन सुखदाई । गोपी गोप सुंदर बसन बहु रंग बहुमोल भूषण पहिरे रति पति लजात मोतिन चौक पुराई ॥१॥ द्वार बेंखख बंदनमाल ब्रजपुर : र्मनीय दुंदुभि मृदंग ढोल बीन किन्नरि बाजत सहनाई । ताल झांजि सुर मंडल महुवरि भेरि बाजे अनेक व्रजाधीश मंगल गावत गायक सुधराई ॥२॥

Janmashtami ki Badhai

Part1-045

Sarang

Maharinke mandir begi chalori . chully jaav vaha dhaam samahin jinn

महरिंके मंदिर बेगि चलोरी । चली जाव वह धाम सामहीं जिन कहूँ बीच परौरी ॥१॥ मालनि बांधत बंदन मालें बीच आमकी मौरी । देत महावरिं पॉइन चाईन डोलत दौरी दौरी ॥२॥ रमकी झमकी फिरत गुजरियाँ भूषन वसन सजौरी ! बिबिध बधावें काज परावें विलंब न कीजै बौरी ॥३॥ हाथन कंचन थाल बिराजत बिच मोतिन सों रौरी । जन गोविंद बलवीर दरसकों सबहिन लागी ढोरी ॥४॥

Janmashtami ki Badhai

Part1-045

Sarang

Aho ! naindrani kau bhaagya badau kahaan jaun barnyon jaaee . teen

अहो ! नैंदरानी कौ भाग्य बड़ौ कहाँ ज्ौं बरन्यों जाई । तीन भुवन जाके बंधन में तिहिं हरि सुभग कर राखी बँधाई ॥ नाना विधि के भोग बनाए सबै स्वादु रस सों अधिकाई । चिरजीयौ जसोदा ! पूत तिहारी कछुक जूठन 'परमानेंद! पाई ॥

Janmashtami ki Badhai

Part1-045

Sarang

Aangan nandke dathi kaundi . chhirkat gopi gwal paraspar prakate

आंगन नंदके दथि कौँदी । छिरकत गोपी ग्वाल परस्पर प्रकटे जगमें जादी ॥१॥ दूधलियौ दधिलियों लियौ घ्रत माखन माँट संयूत । घरघरते सब गावत आवत भयौ महरकें पूत ॥२॥ बाजत तूर करत कोलाहल वारिवारि दे दान । जीयौ जसोदा पूत तिहारी यह घर सदा कल्यान ॥३॥ छिरके लोग रंगीले दीसें हरदी पति सुवास । मेहा आनंद पुंज सुमंगल यह ब्रज सदा हुलास ॥४॥

Janmashtami ki Badhai

Part1-046

Sarang

Aaj nandraayaken anand bhayau. naachat gopi karat kulahal

आज नंदरायकें आनंद भयौ। नाचत गोपी करत कुलाहल मंगलचार ठयौ ॥१॥ राती पीरी चोली पहरें नौतन झूमकसारी चोवा चंदन अंग लगाये सेंदुर माँग सँभारी ॥२॥ माखन दूध दह्मो भरि भाजन सकल ग्वाल ले आये । बाजत बैन पखावज महुवरि गावति गीत सुहाये ॥३॥ हरद दूब अक्षत दि कुंकुम आँगन बाढ़ी कीच । हँसत परस्पर प्रेंम मुदित मन लागलाग भुज बीच ॥४॥ चहुँ बेदध्वनि करत महामुनि पंच शब्द ठमढोल । परमानंद बढ़यों गोकुल में आनंद हदें कलोल ॥५॥

Janmashtami ki Badhai

Part1-046

Sarang

4 aaj mahaa mangal maharaane . punch shabd dhwani bheer badhaai gharghar

४ आज महा मंगल महराने । पंच शब्द ध्वनि भीर बधाई घरघर वे रखवाने ॥१॥ ग्वाल भरें काँवरि गोरसकी बधू सिंगारत बानें । गोपी गोप परस्पर छिरकत दि के माठ ढराने ॥२॥ नामकरन जब कियौ गर्गमुनि नंद देत बहु दानें | पावन जस गावति कटहरिया जाहि परमेश्वर भानें ॥३)॥

Janmashtami ki Badhai

Part1-046

Sarang

Sub gwal naachen gopi gaavai .

सब ग्वाल नाचें गोपी गावै । प्रेम मयन कछु कहत न आवै ॥१| हमारे राय घर ढोटा जायौ । सुनि सब लोक बधाये आयोौ॥२॥ दूध दही घृत काँवरि ढोरी । तंदुल दूब अलंकृत रोरी ॥३॥ हरद दूध दथि छिरकत अंगा । लसत पीतपट बसन सुरंगा ॥४॥ ताल पखावज दुंदुभि छोला। हसत परस्पर करत कलोला ॥५॥ अजिर पंक गुलफन चढ़ि आये । रपटत फिरत पग न टहराये ॥६॥ वारिवारि पट भूषन दीने । लटकत फिरत सहारस भीने ॥७॥ सुधि न परे को काकी नारी । हँसिहँसि देत परस्पर तारी ॥८॥ सुर विमान सब कौतिक भूले ) मुदित्त त्रिलोक विमोहत फूले ॥९॥

Janmashtami ki Badhai

Part1-046

Sarang

Tum joe manawat soee dinn aayou . apanon boll karo kinn

तुम जो मनावत सोई दिन आयौ । अपनों बोल करो किन जसुमति लाल घुटुरुवन धायौ ॥१॥ अब चलिहै पॉयन ठाढ़े द्ै महरि बजाय बधायोौ । घरघर आनंद होत सबनके दिन दिन बढ़त सवायोौ ॥२॥ इतनों बचन सुनत नंदरानी मोतिन चौक पुरायो। बाजत तूर तरुनी मिलि गावत लाल पटा बैठायो ॥३॥ परमानंद रानी धन खरचत ज्यों विधि वेद बतायौ । जादिनकों तरसत मेरी सजनी गहि अंगुरियन लायौ ॥४॥

Janmashtami ki Badhai

Part1-047

Sarang

Gharghar gwal detahain herry . baajat taal mridang baansuri dhol damama

घरघर ग्वाल देतहैं हेरी । बाजत ताल मृदंग बाँसुरी ढोल दमामा भेरी ॥१॥ लूटत झपटत खात मिठाई कहि न सकत कोऊ फेरी । उनमद ग्वाल करत कोलाहल ब्रज बनिता सब घेरी ॥२॥ ध्वजा पताका तोरनमाला सबै सिंगारी सेरी । जयजय कृष्ण कहत परमानंद प्रकट्यौं कंस को बैरी ॥३॥

Janmashtami ki Badhai

Part1-047

Sarang