Gwal badhaai maungan aaye .. gopi goras sakal liye sanga

ग्वाल बधाई मौँगन आये ॥ गोपी गोरस सकल लिये संग सबही आय सिरनाये ॥१॥ अब ये गर्व गिनत नहीं काहू पाये मनके भाये । जहाँ नंद बैठे नॉदीमुख जहाँ गहनकों धाये ॥२॥ बरन बरन पट पाये ब्रजजन उर आनंद न समाये । जनभगवान यशोदारानी जियके जीवन जाये ॥३॥

Janmashtami ki Badhai

Part1-047

Sarang

Gahmau nand sub gopin miliken dehu hamari badhaai . akhil

गह्मौ नंद सब गोपिन मिलिकें देहु हमारी बधाई । अखिल भुवनकी जो है महासिधि सो तुमरे गृह आई ॥१॥ बाजत तूर करत कोलाहल मंगलचार सुहाई । क॑ंचुकी ऊपर कच लर लटकत ये छबि बरनि न जाई ॥२॥ दे दे कनिक पाटंबर भूषण ग्वाल सबै पहराई । परमानंद नंदके आंगन गोपी महानिधि पाई ॥३॥

Janmashtami ki Badhai

Part1-047

Sarang

Nand mahochav hoe barh keejai | aapane lalpar vaari nochhaavari

नंद महोच्छव हो बड़ कीजै | आपने लालपर वारि नोछावरि सब काहूकों दीजे ॥१॥ विप्रन देहु गाय और सोनों भाटन रूपौ दाम । ब्रजजुबतिन पार्टंबर भूषण पूजे मनके काम ॥२॥ नाचो गावों करो बधाई अजन जन्म हरि लीनों | यह अवतार बाललीला रस परमानंद हि भीनों ॥३॥

Janmashtami ki Badhai

Part1-047

Sarang

Gokulmein baajat kahaan badhaai . bheer bhaee haye nandju key dwaare asht

गोकुलमें बाजत कहाँ बधाई । भीर भई है नंदजू के द्वारे अष्ट महासिद्धि आई ॥१॥ ब्रह्मादिक रुद्रादिक जाकी चरन रेनु नहीं पाई । सोई नंदजूकों पूत कहावै कौतुक सुनों मेरी माई ॥२॥ ध्रुव अंबरीष प्रहलाद विभीषण नितनित महिमा गाई । सो हरि परमानंदकौ ठाकुर ब्रजजन केलि कराई ॥३॥

Janmashtami ki Badhai

Part1-048

Sarang

Poot bhayauri nandke sub nachou gaavau gwaliri . badat naan kaahu

पूत भयौरी नंदके सब नाचौ गावौ ग्वालिरी । बदत न काहू परस्पर आलीरी बारत हाटक लाल ॥१॥ हरद दूब दि चंदन छिरकत प्रकट भये गोपाल | चतुर बिहारी भक्तन हित कारन गोकुल आये परम कृपाल ॥२॥

Janmashtami ki Badhai

Part1-048

Sarang

Nand badhaai bottot taadhe . badibais dhota jaayau haye atee anand

नंद बधाई बॉटत टाढ़े । बड़ीबैस ढोटा जायौ है अति आनंद बर बाढ़े ॥१॥ काहू गैया काहू भूषण काहू बसन अनेक मनमें आन करत सुरपतिसों गहें आपुनी टेक ॥२॥ फूले फिरत गोप सब बालक गावत परस्पर भाखत । गिरिधरदास कल्यान युवत्तीजन देवेकों कछुअन राखत ॥३॥

Janmashtami ki Badhai

Part1-048

Sarang

Nand badhaai deejai gwalan . tumhaaren shyam manohar aaye gokulke

नंद बधाई दीजै ग्वालन । तुम्हारें श्याम मनोहर आये गोकुलके प्रतिपालन ॥१॥ युवतिन बहु विधि भूषन दीजै विप्रनकों गौदान । गोकुल मंगल महा महोच्छव कमल नैन घनश्याम ॥२॥ नाचत देव विमल गंधर्व मुनि गावें गीत रसाल । परमानंद प्रभु तुम चिरजीयौ नंद गोपके लाल ॥२॥

Janmashtami ki Badhai

Part1-048

Sarang

Nandju tumaaren jaayau poot | kholi bhandar abb dehu badhaai tumare

नंदजु तुमारें जायौ पूत | खोलि भंडार अब देहु बधाई तुमारे भागि अद्भुत ॥१॥ ले ले दधि घृत दे हरी पखारी तोरन माल बेंधाई । कंचन कलश अलंकृत रतनन विप्रन दान दिवाई ॥२॥ विप्र सबै मिलि करत वेद ध्यनि हरखित मंगल गाये | सब दुख दूरि गये परमानंद आनंद प्रेम बढ़ाये ॥३॥

Janmashtami ki Badhai

Part1-048

Sarang

Nandgrih baajat kahaan badhaai | juri aaee sub bheer auganmein janme

नंदगृह बाजत कहाँ बधाई | जुरि आई सब भीर ऑगनमें जन्मे कुँवर कन्हाई ॥१॥ सुनत चल्ीं सब व्रजकी सुंदरि कर लिये कंचन थाल । कुमकुम केसरि अक्षत श्रीफल चलत ललित गति चाल ॥२॥ आज भैया यह भली भहईहै नंदजू तुम घर ठोटा जायो । हृदौ कमल फूल्यौ जो हमारी सुनत बहोत सुखपायौ ॥३॥ दान मान विप्रन बहु दीने सबकी लेत असीस । पोहोप वृष्टि करत परमानेंद सूरजु कोटि तेतीस ॥४॥

Janmashtami ki Badhai

Part1-048

Sarang

Dekh sakhee goraski aangan baathi keach maharaken . harad dahee

देख सखी गोरसकी आंगन बाठी कीच महरकें । हरद दही माखन मधि छिरकत भरे सबमांट डहरकें ॥१॥ ढोटा भयौ नंदबाबाके सुनिसुनि प्रीत पहरकें । घरघरते गोपी सब धाई रही न ज्ञाति गहरकें ॥२॥ जसुमतिकी इच्छा मन पूजी लागी हुती अहरकें | गिरिधरदास कल्यान जो सुख ब्रजमें सो सुख न ब्रह्मा हरकें ॥३॥

Janmashtami ki Badhai

Part1-049

Sarang

Naachat humm gopal bharosen. gawat baal vinod kaanhake naradke

नाचत हम गोपाल भरोसें। गावत बाल विनोद कान्हके नारदके उपदेसें ॥१॥ संतनको सर्वस सुखसागर नागर नंदकुमार । परम कृपाल यशोदानंदन जीवन प्रान आधार ॥२॥ ब्रह्म रुद्र इंद्रादि देवता जाकी करत किवार । पुरुषोत्तम सबहीके ठाकुर यह लीला अवतार ॥३॥ स्वर्ग नर्कको अब डर नाहीं विधि निषेध नहीं आस | चरनकमल मन राखि श्यामके बलि परमानंददास॒ ॥४॥

Janmashtami ki Badhai

Part1-049

Sarang

Krishna janm anand badhaai. surataru kamadhenu chintamani vividh

कृष्ण जन्म आनंद बधाई। सुरतरु कामधेनु चिंतामनि विविध प्रकार कछु बरनी न जाई ॥१॥ अंतरीक्षणन फिरत अबनीपर मिलत परस्पर दूब बँधाई । प्रफुलित हदौ ब्रजवासिनको बाल बिरथ गावत हरखाई ॥२॥ भई भीर नाचत नरनारी बाजे बजत गिने नहीं जाई । सुरपुर अति आनंद भयौ है हरखि पुहुप बरखा बरखाई ॥३॥ सुतकौ बदन निहारि सखी सब बारति भूषण बलाई । रतन कूखि रानी जसुमतिकी निरधन जाकी करत बड़ाई ॥४॥ तब नंदराय मयन भये ठाढ़े कनक रतन मनि धेनु मँगाई । विप्र पुनीत वेद धुनि उचरत दान मनो बरखा बरखाई ॥५॥ नंदलालकौ बदन निहारत हरखत सब मिलि करत बधाई । तिहूंलोक आनंद भयौ है सूरदास निरखत बलिजाई ॥६॥

Janmashtami ki Badhai

Part1-049

Sarang