Jasoda phooli maat naan manmein . naachat gawat deit badhaai jovat

जसोदा फूली मात न मनमें । नाचत गावत देत बधाई जोवत जुबवती जनमें ॥१॥ गोकुलके कुलकों रखवारो प्रकट्यो गोपगननमें । काल्हि फिरें बालिक बलिके संग जैहैं बृंदावन में ॥२॥ सूकत धाननकों ज्यों पान्यों यों पायौ या पनमें | गिरिधरदास कल्यान कहत व्रज महरि मगन सुसदनमें ॥३॥ # राग सारंग & गोकुल आज कुलाहल माई ॥ ना जानों यह अष्ट महासिधि कहौ कहाँते आई ॥१॥ बोले नामकरके कारन गर्ग विमल यश गाई ॥ परमानंद संतन हित कारन गोकुल आये माई ॥२॥

Janmashtami ki Badhai

Part1-049

Sarang

Chalau bhaiya uta jaaee mahariken kapra kotik lootatahain . potey

चलौ भैया उत जाई महरिकें कपरा कोटिक लूटतहैं । पोटे बॉधि बाँधि शिरपर धरि ले लै लोग विखूटतहैं ॥१॥ स्मकि झमकि फिरत गुजरिया अंचल छोर छूटत हैं रपटत गिरत उठत रसमाते दबिके माट फूटतहैं॥२॥ एकन गाढ़े मोलन बाढ़े एक यों सहस कूटत हैं । एक ओर लघु नीके बाजे गहरे घोट घूटत हैं ॥३॥ एक भाट भिखारी ब्राह्मण आपुस माँझ झूटतहैं | खबर न परत कहूँ दबी आँगुरिन माला मोतिन टूटत हैं ॥४॥| उते महरके अगनित दरबन अरबन हाथ ऊठतहैं | दीयो न कोऊ महरिकों पहरें बसनन फाटत फूटतहैं ॥५!॥ पहर बधाई घरघर माई द्वार किवार खूठतहैं ॥ जनगोविंद बलवीरनके गुन निसदिन गुनी गन छूटतहैं ॥६॥

Janmashtami ki Badhai

Part1-050

Sarang

Nandrai ghar bhayau haye dhota naa hailey aavauho . baajat toor taruni

नंदराय घर भयौ है ढोटा ना हेली आवौहो । बाजत तूर तरुनी मिलि गावति करि करि मनमें चावो ॥१॥ श्रीफल दूब अक्षत फल रोरी कंचन थार भरावी | कदली खंभ पात नूतनके बंदनवार बँधावों ॥२॥ नामकरनके गर्ग पुरोहित तिनपै वेद पढ़ावों | जनगोविंद नंद घर आनंद बाजत अनंत बधावो ॥३॥

Janmashtami ki Badhai

Part1-050

Sarang

Vrajmein hott kulahal bhaari . anandamgan gwal sub naachat deit

ब्रजमें होत कुलाहल भारी । आनंदमगन ग्वाल सब नाचत देत परस्पर तारी ॥१॥ नंदरायके भवनमें आवत आनंदित ब्रजनारी । पुत्र जन्म सुनि हरख भयौ है परमानंद बलिहारी ॥२॥

Janmashtami ki Badhai

Part1-050

Sarang

Suni devaki koo hitu hamaare . asur cons apvansh vinaasit

सुनि देवकी को हितू हमारे । असुर कंस अपवंश विनासित शिर ऊपर बैठे रखबारे ॥१॥ ऐसौ को समरथ त्रिभुवनमें जो यह बालक नेंकु उबारे | खरग धरे तिहिं देखत अवनीपर छिनमांझ पछारे ॥२॥ यह सुनिके अकुलाई प्यारी भरि नैंनते आँसू ढारे | दुखित भये वसुदेव देवकी प्रगट भये धरिकें भुज चारे ॥३॥ बोलत उठे प्रतिज्ञा प्रभु यह मोते उबरे तो यह मारे । अति दुखमें सुखदियौ पितु मातें सूरके प्रभु भवन पथारे ॥४॥

Janmashtami ki Badhai

Part1-050

Sarang

Nandgrah baajat aaj badhaai .. naachat gawat karat kulahal urr

नंदग्रह बाजत आज बधाई ॥ नाचत गावत करत कुलाहल उर आनंद न समाई ॥१॥ गोप सबें मिलि भेट बहुतलें आये अति अतुराई ॥ सूरदास महर मनहि मन फूले अंग न माई ॥२॥

Janmashtami ki Badhai

Part1-051

Nat

Mandilra baaje nandrayake raaje maaee aanaan bhaanti .. aiso

मंदिलरा बाजे नंदरायके राजे माई आनआन भांति ॥ ऐसो द्योस माई आज को ऐसी सबन सुहाति ॥१॥ या धरती पर माई दै बड़े बरसानों नंदगाम ॥ बरसानें वृषभानजु नंदीसुर नंदधाम ॥२॥ जुगन जुगन माई द्वे भले व्रजरानी अरु नंद ॥ उनकें श्रीमोहन ओतरे या व्रजपूरन चंद ॥३॥ व्रजनारी हरखें सबे या व्रजके वसो वास ॥ नितप्रति जायों नंदरायकों गावतहें बलिदास ॥४॥

Janmashtami ki Badhai

Part1-051

Nat

Aaj nandraayaken dhota jaaye saban bohot sukhpaaye badade gopanke

आज नंदरायकें ढोटा जाये सबन बोहोत सुखपाये बड़डे गोपनके घरघरते आवत बजत बधाये ॥१॥ पूरन भाग्य सकल व्रजसुंदरि गावति गीत सुहाये ॥ सारी सुरंग नौतन चोली तन रचि सिंगार बनाये ॥२॥ सगरे घोख बढ्यौ यह आनंद जे चीते ते आये ॥ श्रीवि्डलगिरिधरन प्रगटिकें सोच बहाये ॥३॥

Janmashtami ki Badhai

Part1-051

Sarang

Sub kouu naachat karat badhaaye | narnari apus mein laile harad

सब कोऊ नाचत करत बधाये | नरनारी आपुस में लैले हरद दही लपटाये ॥१॥ गावति गीत भाँति भाँतिन के रूप अप अपने मन भाये। काहु नहीं संभार रही तन प्रेम पुलकि सुख पाये ॥२॥ नंद की रानी नें यह बट भले नक्षत्र ही जाये । श्री विइल गिरिधरन खिलौना हमारे भागिन आये ॥३॥

Janmashtami ki Badhai

Part1-051

Sarang

Main sakhee naee chaanh aeka paaee . aiso divas nandjuke suniyat

मैं सखी नई चाँह एक पाई । ऐसो दिवस नंदजुके सुनियत उपज्यौ पूत कन्हाई ॥१॥ वाजत पणव निशान पंच विधि रुंज मुरज सहनाई। गॉगगाँम ब्रज हाट लुटाये आनंद उर न समाई ॥२॥ चलो सखी हमहूँ मिल्रि जैहें वेगि करौ अतुराई । कोऊ भूषन पहरि पहरावत चलौ सवेरें जाई ॥३॥ कंचन थार दूब दधि रोचन मावत चली बधाई । भौतिभाति बनि बनि युवतीगण उपमा कछू न आई ॥४॥ अमर विमान चढ़े सुख देखत जयजय शब्द सुहाई। सुरदास प्रभु भक्त हेतु है दुष्टनकों दुखदाई ॥५॥

Janmashtami ki Badhai

Part1-052

Malhar

Mandil bajyo ray baajyau sakal ghosh suhaayo gaaj . hamaare raay

मंदिल बाज्यो रे बाज्यौ सकल घोष सुहायो गाज । हमारे राय घर ऐसौ ढोटा जायौ जसुमति आज पूर मनके काज ॥१॥ सुनिसुनि चल्ीं अली गुहयुहते सजिसजि नव सत साज । दधिघृत भरि काँवरि कॉंचे धरि आये गोप समाज ॥१॥ धरि सिर दूब तिलक करि माँथे साथिये धरि दुहूँ वाज । भीतर जाय बदन निरखत ही बंधी प्रेम की पाज ॥३॥ श्रीवृषभान देत पट भूषन धेनु देत व्रजराज । अविचल रहौ जमुनजल ज्यों थिर ब्रजजनके सिरताज ॥४॥

Janmashtami ki Badhai

Part1-052

Malhar

Aangan dadhiko udadhi bhayau. gopi gwal firat maharaanen sakal

आँगन दधिको उदधि भयौ। गोपी ग्वाल फिरत महरानें सकल संताप गयो ॥१॥ वकसत पगणा पिछौरी गुनियन अति आनंद भयौ । नंद यशोदाके मन आनंद धोंधीके प्रभु जनम लयौ ॥२॥

Janmashtami ki Badhai

Part1-052

Malhar